作客修頓

愛華戰士

出伊禾比等同打少件，條友剩係識得一控個波向後10碼。

愛華戰士

差啲輸到0-3

愛華戰士

佢下下要挨住條邊線黎踢，究竟知唔知自己要做乜

愛華戰士

修咸頓明顯係用迫搶去減慢我地進攻節奏，猜落亦好高效。比我出多個徳夫換走伊禾比，索性放棄打兩邊，收埋占士入中路，專心中路攻好過，

愛華戰士

奇怪點解換杜古希希

愛華戰士

對邊波到人到，想入波一定要搏盡至有機

愛華戰士

米拿咁都唔向前踢，硬係要回傳比碧福特出醜！打少個好心有呢啲壓前機會就向前踢啦！輸0-2 咪當輸踢囉！

愛華戰士

今場無論喺迫搶同猜傳上都完敗

愛華戰士

以事論事，李察同高文係左右進攻嘅突破點，今場一下子無晒本來已經唔易踢，加上今場對邊真係針好fit, 波到人到令我地成隊波根本無辦法組織到攻勢，再無埋甸尼更加無眼睇。堅事實係占士唔係神，佢無錯係有創造力，但一定要隊友圍繞住佢去攻，咁弱點就係體能相對英超衝撞速度黎講踢得辛苦啲，回防對佢黎講係難嘅。唔想將輸波責任入晒新仔，明明中堅你要人踢閘，唔係話變就變得，以佢出腳同企位同拎波果下猶豫，我諗都係擺返佢入中間啦。阿倫係跌左watt, 心態上落後時更無火。杜古希照計如果唔係有傷，我認為中場做個塞位未必要換走。伊禾比大家安心可以放棄；另賓納特後備入黎除左果下禁區扣完比隊友外，其餘時間啲比波決定都麻麻地，呢個可以解釋點解佢真係只可以做副選。

愛華戰士

其實甸尼助攻力已好過李7 外嘅任何一個左翼，根本無需要擺個伊禾比去左路塞車。（條友今場直頭露晒底，first touch 差到，根本一惦個波就彈離至少5碼）真心打多個防中釋放甸尼個助攻力會更好。葛菲堅唔識踢閘，見佢幾球回防時仍向自己禁區跑，領隊下場如果真係想用葛菲，我諗不如打個3421 陣。中場左至右19歲左閘，德夫，阿倫，戴維斯。