星期六早場7:30PM 迎戰利物浦

Forever_Fan

barker 發表於 2020-10-18 18:29
唔係利狗球迷, 係好多睇過呢場打吡事後都咁講

我又唔覺，呢場唔計碧福特辣低一件，其他球員整場來講唔算茅，當然李察係勇左d，但佢都紅左啦，並不影響整場波都算好順咁打，都無野野吹罰球。

Radzinski

高飛 成世仔未打過右閘 琴晚防守表現洽如其份啦進攻就 有幾下佢大步推上前想幫JAMES OVERLAP 就知佢連 頂檔右檔既材料都唔係

MVP唔係碧福掃低雲狗 鴨無可能贏晒制空 入果球成個丙丙咁

ngkk821

葛菲今場對手係英超mvp侯選名單之一，我覺得葛菲無失位，印象中整場波都無比文尼扭過，算打得唔錯。今場對面街明顯針對J洛防守力不足，令杜古希參與進攻機會減少，高美斯一攞波就被高迫搶而無料到，引到Allan被迫引球推進時犯錯而被對手打快速反擊，所以今場中場係被針對部署，安帥一定要諗諗高美斯被人迫搶及沒有李察嘅問題。

barker

pickford 可能被英格蘭足總追加可能會停賽

愛華戰士

愛記呢十幾年因為同爭標甚至爭前4都有距離，所以從來都唔係球迷焦點，踢得好與壞，粗唔粗野根本無乜人會去刻意討論。我印象中愛華頓早幾年仲拎過什麼公平競技隊之類O既獎。
今屆季初打到D 成績，壓力自然會黎，傳媒或球迷放大D 問題自自然然會黎....畢竟我地做緊一哥。呢刻球員絕對要識得去應付壓力，否則好容易會被壓跨。

作為球迷....其實我覺得今場打吡我地兩隊都變左輸家。點計都好我唔希望有球員受傷，我地今場傷高文，李察紅牌停3場，對我地未來幾場波影響都幾大；對家傷兩個大將....仲要雲迪克真係鐵打主力，你話傷兩三個星期都算....要人收皮至少半年....真心球迷唔想見到。

碧福特呢下波.....真係講O既真係勇得滯.....如果唔係人地越位....呢下一定係紅牌+12碼-----> 任何場合龍門都唔應該作出呢類攔截....傷人仲傷了比賽。當然可以替佢想籍口係自己保護自己同埋打吡火藥味濃，.....如果呢下係代表英格蘭打世界杯.....碧福特呢腳可以令佢國際賽玩完。至於李察利臣果下....睇佢個勢係收左腳但收唔切....不過其實O係中圈附近.....又係有無需要咁樣出腳去搶波.....。

愛華戰士

講返場波....4個入球其實都精彩。
失果2球，第一球呢類波人地前鋒或者中場後上插入禁區果下.....我地中場回防或者中堅出去封位總是做得唔到位。嚴格黎講我地5 個球員對人地2個。高文防返出波O既羅拔臣無錯(雖然比人地通坑渠過左，但後衛黎講呢D 都無得話佢太多)，米拿守位對方出波O既前柱位.....都唔可以話佢企得太差.....始終閘位前點係需要O既，而後邊堅尼守位第二點( 頂位法明奴個中間)其實都正確。嚴格D 講呢球杜古希係咪應該可以專注D 追晒文尼？或者要求再高D ALLAN 係咪都可以返得切包文尼個位？----> 當然對家呢球係好高速同簡單直接....真係企落去真係都未必追到....但係如果要改善....呢D 值得球隊去改進。
引伸到補時個幸運波.....( ) 其實我覺得真係無越位.....真真係要多謝VAR。------ 呢球波人地中場一下劏....我地右閘位第一無人追文尼已經係離譜.(睇位好似係22號...係咪葛菲？無跟人？)....再到文尼落底再出比軒達臣入......果刻畫面大家上網睇返.....米拿其實應該O係文尼轉身落底果刻就應該出去封軒達臣個位....但佢選擇純企龍門前.....而堅尼同樣O係無人要MARK 情況下企左O係小禁區.....跟人跟得太唔貼。
再講返二下失波.....又係米拿一個古怪解圍.....希望米拿以往出腳可以實淨D ....最好係將個波殺橫而唔係向禁區外直踢。

# 碧福特今場的確有幾球靚救；不過都要講李察紅牌果下又係黎自碧福特一下斬唔起O既龍門球....

今場叫做稍為正面O既就係占士踢大波仍然有貨交....一個角球靚助攻.....仲有第二球果下直線比甸尼助攻都係卡士表現。當然仲有佢比李7 個中柱頭搥傳送。暫時睇黎....杜古希個企位有D 模糊....究竟佢應該參與多D 進攻定防務.....需要快D 厘清返......；高美斯如果比我我會放後備....因為佢踢法唔夠直接同唔夠侵略性.......一輪國際賽令到隊波個FORM 有D 亂.....希望盡快TUNE 得返.....同埋黎緊無左李7....左輔鋒應該點擺？如果講用波可能出GORDON 會啱D....但估計安帥會選擇伊禾比.....

Forever_Fan

愛華戰士 發表於 2020-10-19 10:01
講返場波....4個入球其實都精彩。
失果2球，第一球呢類波人地前鋒或者中場後上插入禁區果下.....我地中場回 ...

伊禾比真係唔夠班，佢前前後後打左咁多場，我真係覺得佢做後備都仲得，打正選始終覺得佢表現一般，還是出Bernard穩陣一些

barker

Ellis Simms 他將會係 DCL 嘅 back up striker ？

barker

Pickford 要停賽 ？

ngkk821

barker 發表於 2020-10-19 19:51
Pickford 要停賽 ？

官方確認唔洗停賽