明晚 11:00pm vs newcastle ( away )

aeroplane602

MK 一月放走佢 高空波對住卡路爾輸八成

愛華戰士

睇完今場如果仲有人堅持什麼馬高施華有料到我真係會認為唔識睇波。今場安帥咁輪換法已經見功力，係變陣加大換人，打出來仍是相對較主動一隊，領先時以控球為主，組織攻門為次係可以理解。三個調動我認為一絕，被追和，換走相對作用較一般嘅堅恩，換入德夫變返442，加強返中場截擊同聯系，再謀下一機會。結果等到右路一個機會再領先；到薜達比領黃，把心一橫將狀態一般禾確特換走，推薜迪比推上右中專心進攻，減少領紅機會。到80分鐘知道紐記會玩高空轟炸，換走打得好但體力差不多同身高矮嘅拜恩斯，加最高大嘅耶利米拿中堅。成個套路係令隊波好舒服！思路清晰。馬高施華，除左晒靚錶真係仲識乜？

愛華戰士

李察利臣真心勁，保護個波同走生位

barker

愛華戰士 發表於 2019-12-29 01:10
睇完今場如果仲有人堅持什麼馬高施華有料到我真係會認為唔識睇波。今場安帥咁輪換法已經見功力，係變陣加大 ...

一月安帥買人方面 ?

Forever_Fan

愛華戰士 發表於 2019-12-29 01:14
李察利臣真心勁，保護個波同走生位

佢今場唔算成日掂波，但關鍵位就顯功架，加上佢今場體力未回復所以比以往沉少少，去到尾段體力更已經見底

愛華戰士

賀基治越踢越有信心；湯戴係有時嫌攞波攞得太耐。勤力要讚。施格臣防守真係一般，明顯用佢放防中位做駁腳，雖然參與度唔太高，但至少聰明地使用到佢嘅優點（處理死球同分到波）；拜恩斯，真心要讚，進攻防守都有貨，有一球收入禁區封左對手一下近射，果下路數真係隊內頂級。

愛華戰士

其實要話買咩人真係未必係最重點，重點係如果放最合適11人落隊波度。前鑽我地仲有尼亞斯同杜遜（雖然傳2人1月會走），中場相對緊張啲，主要係2個傷兵中場中，偏向進攻嘅伊禾比/賓納特/禾確特只要唔傷同操起狀態，仍可一用。防中我相信德夫暫時拍下薜迪比同戴維斯都仲頂得下。中堅相對上米高堅尼比較差，如果引入到一個硬淨又有速度嘅中堅，其實夠踢，

barker

錫菲聯中堅 john egan 或巴塞的 todibo 係適合人選

laukarwing

Forever_Fan 發表於 2019-12-28 23:29
禾確特真係廢廢地

同意。有一條直線都唔知佢俾邊個，攪到KEAN發脾氣。

Forever_Fan

laukarwing 發表於 2019-12-29 07:45
同意。有一條直線都唔知佢俾邊個，攪到KEAN發脾氣。

佢唔止一球，係三到四球都係喂波去無人地帶，傳波前根本唔帶眼去望下的，30歲姐，都唔知點解禾確特退化得咁快