主場扑錘

愛華戰士

唔係馬後炮，我上一場賽後報告已經作出過以下評論︰

如果真係決心打兩邊傳中，我真心會覺得左邊出賓納特，右邊中場用禾確持.....攻中可以用李察利臣.....前邊以身體平衡考慮我會用KEAN.....。反正施格臣本來就唔參與中場組織.....如果以純殺入禁區攻門呢一點.....佢本屆己浪費左好多呢D 餐士，我認為李察利臣會更勝任。
                  KEAN
                  李察利臣
賓納特      湯戴維斯 德夫   禾確特
甸尼          XXX     XXX         高文

你咁踢.....進攻上我覺得會較立體，組織力無錯係欠奉，但至少止得下咳。攻守平衡上都會較合理。可惜係呢個領隊完全唔會考慮。


呢條垃圾施華，一早肯變陣隊波唔使沉得咁緊要！
佢無跟足我個建議，因我當時考慮時係高美斯仲傷緊，出得高美斯當然用高美斯更合理。
仲有係再將李察利臣推前，搵伊禾比做攻中，呢一層我覺得只可以算係一時之計，李察利臣始終唔係踢前鋒最前果一腳波.....往往姴退返D 落黎攞波....今場蝦到韋斯咸我只能夠認為係四個主要進攻球員賓納特, 禾確特, 伊禾比願意不斷前前後後咁變位.....至變相可以拉到空位比李察利臣走來走去....

薜迪比絕對踢得SHARP 醒過高文！不論在攻守意識同位置感上都好過高文。
中場有高美斯踢落完全係兩隊波.....其實咁真係唔係一個好現象.....整隊波變相圍住一個人黎踢.....高美斯再有傷....就又跛晒
賓納特絕對係有質素.....雖然佢入果球我會認為玩大左.....同埋佢其實真係勤力...又上又落....之但係佢體能一定要提升.....佢下半場早段已睇到轉數下跌得好快....
禾確特今場真係爭氣波，你唔可以話佢好好技術....但佢只要有發揮場合，佢係可以打到D 威脅出黎。
施格臣.....無得講....佢根本最殺食就係呢一招.....(但問題係整體做中場連系佢真係唔太合適，考慮宜家隊波需要先打返隊型出黎的情況下，我覺得暫時擺佢後備出黎踢15-20分鐘.....會較適合。
##### 愛華頓最需要2個球員︰
1 ) 一個可以控制比賽節奏的防中或MC -----> 高美斯暫時最合適。
2) 一個肯走上走落現身攞波的輔鋒 (企位係中線前....又O係中鋒位置後邊做支援的) ----> 我會認為李察利臣較好....副選可用伊禾比