主場對般尼茅夫 13/01/2019 晚上香港時間 10:15 pm 開賽

愛華戰士

所以其實有宜家支持愛隊...係有少少令球迷唔知比咩反應好

無錯今場係主場2-0 拎3分，純睇呢個結果當然係求之不得。
但成場波踢落去球迷有眼睇....真心膠！

我同意今場波大雨真係會局限左球員表現同發揮。
之但係對家面同樣問題....人地踢落D 波仲比我地流暢同爽快.. (對面輸...可能就係輸一點個人質素)...可能有人會覺得我地隊波屬技術流....大雨對我地影响較大。但其實都幾明顯係我地隊波......缺乏強度 (好多D 55 波鬥拍鬥撞我地都係輸蝕) .....缺乏速度 ( 速度除左指球員本身速度外，仲有係皮球運轉的速度 - 反擊, 轉向, 致命直線呢D 我地通通都係慢).......同時亦缺乏精度 ( 隊波想做多做控傳....但真係隊型, 球員走位, 上腳一傳技術未到位，面對面傳波OK....一要加快做威脅好多時都斷)
- 入第二球果下....左路邊直傳陸文推深D再底禁區邊地波橫傳中鋒撞射入....呢家波其實真心講係最基本的進攻套路黎....但今屆我地好似真係無試過入呢D 咁簡單直接的入波
可能果一刻成班波比人攻到震騰騰.....無諗太多複雜野.....所以反而踢到一球好波比人睇下。
## 真心講....由7X 分鐘比人攻到補時果十幾分鐘.....球迷心血少D 都捱唔住