愛華頓 2022-2023轉會討論區及賽季...

ginger

拖肥1878 發表於 2022-7-21 09:51
去到美國真係當遊埠去渡假咁………不過其實都係我想見嘅結果嚟嘅，等管理層知道而家幾撚唔掂，拿拿想諗辦法 ...

其實睇住上季，正常人都唔駛再證明有幾唔掂啦。而家想簽果啲我當真係簽到，唔係英冠水平後生仔就般尼啲人，講真般尼+拖肥合體咪又係護級

barker

ginger 發表於 2022-7-21 09:54
其實睇住上季，正常人都唔駛再證明有幾唔掂啦。而家想簽果啲我當真係簽到，唔係英冠水平後生仔就般尼啲人 ...

都話我地受英超 FFP 限制囉

Fuko~

笑死，阿里個必入球變咗神解圍。我睇外國討論區評價都愁雲慘霧…其實呢段時間最重要係提升狀態同俾林伯搵啱最佳方法平衡隊波。達到目的嘅話，賽果唔係太重要

拖肥1878

到呢一刻嚟講真係對球隊係冇眼睇……最有heart嘅教練同埋近季最有heart嘅球員都先後離隊，淨返低嗰啲……唉！ 睇怕將會成為降班膽

拖肥1878

我懷疑佢依家如果嚟香港打表演賽都可能會輸比港隊

愛華戰士

本人喺討論區已講左幾次，我講過訓練仲係馬騮搶波同hea 射波，根本係有問題，成班波無針對控球在腳嘅訓練（見操練片馬騮搶波唔係踢走個波就係成功，實際上要如何保護個波同交比最空檔隊友），你一大班人圍威喂咁互傳叫乜野操練？你老闆我話左熱刺操到嘔白泡，你隊波屎波唔緊要，拼勁同體能都無請問憑乜同人fight? 強隊之所以強，技術，心態，體力缺一不可。愛華頓上屆已經係五大聯賽成績最衰果隊，宜家衰到美職都炒4-0。 班英國球迷仲on 9 到話DCL 今屆只要fit 就會狂入波！話gordon 勁撚到傻著10號！我真係無言！根本成個中前無一個係星級球員（唯一嘅星係李7利臣），無星唔緊要，踏實啲踢好啲波囉！你老尾Dcl 同gordon 連人地萬治，霍頓個車燈都睇唔到，個暑假又時裝show 又染金毛，把柒咩！其餘果啲伊禾比杜古希湯戴講到口臭架啦。你中場咁低控制力，再換幾多中堅都係徒然！

ngkk821

上季咁辛苦加好彩先護級，今年走埋前面最強果個，我完全睇唔到有機會留級，只希望升班馬打得更差，才有機會留班。

barker

愛華戰士 發表於 2022-7-21 14:36
本人喺討論區已講左幾次，我講過訓練仲係馬騮搶波同hea 射波，根本係有問題，成班波無針對控球在腳嘅訓練（ ...

而家鬧有乜作用 ？大家幫林伯特想解救方法 , 星期六有愛隊球迷组織走去 goodison park 外圍示威抗議 一係叫 Moshiri get out , 一係俾錢林伯特去買人 希望我地愛迷今次迫 moshiri 去做野

愛華戰士

係為球迷我地能做嘅只係踢得好嘅支持；踢得差嘅將事實指出黎。如果隊波連被批評都接受唔到，咁呢隊波已經無得救。師兄宜家季前熱身，正正係最應該趁有時間盡快改善問題，我唔希望到又真係生死護級關鍵時期至空著急！

愛華戰士

要救隊波其實唔係叫班主落台或者換邊個名帥上黎。當務之急係制定新球季用一個乜嘢陣營去踢。要練個戰術，唔係個別靠某幾個球員。四或五個防守球員喺防守轉進攻上應該參與到咩程度？中場宜家明顯嘅係一旦拎到波，如何組織個攻勢？中後場大腳尻斬上去比卡法路雲湧？比哥頓格雷去做突破？請問機率有無5%？改用小組猜上去？你班友三角短傳比唔比到三腳波？就算比個炮台你自己愛華頓球員去埋門，請問炮台位喺邊？係卡法路雲小禁區入契地波射？定小組做個one two 禁區外射？邊個有呢個把握？無射門技嘅湯戴同杜古希請問可以比到咩貢獻比進攻端？