香港愛華頓迷討論區

標題: 客場對諾域治 1/15號 11.00pm [打印本頁]

作者: evertonian95 時間: 2022-1-15 18:02
標題: 客場對諾域治 1/15號 11.00pm
又係冇c兄開post...
依場如果都贏唔到，睇怕都要向43分進發

作者: Everton2018 時間: 2022-1-15 19:02
弱弱一問，43分何解？

作者: Everton2018 時間: 2022-1-15 19:05
維拉新援高佬本來是好嘢嚟，有腳法有射術，可惜海能

作者: Everton2018 時間: 2022-1-15 19:06
可惜海鮮波好

作者: Everton2018 時間: 2022-1-15 19:08
一場英雄下一場變輸波千古罪人，嚇死人果隻

作者: evertonian95 時間: 2022-1-15 20:59

Everton2018 發表於 2022-1-15 19:02
弱弱一問，43分何解？

以前我捧愛記時多數要打護級, 通常43-45分可以唔冼降班

作者: witzz 時間: 2022-1-15 22:10
無Allan，睇嚟又會被清走

作者: witzz 時間: 2022-1-15 22:10
朗當仲有得打正選 cls

作者: Fuko~ 時間: 2022-1-15 22:29

witzz 發表於 2022-1-15 22:10
無Allan，睇嚟又會被清走

話佢中左武肺唔出得，應該唔關事

作者: Fuko~ 時間: 2022-1-15 22:30

witzz 發表於 2022-1-15 22:10
朗當仲有得打正選 cls

可能唔想冒險出李察利臣掛?

作者: barker 時間: 2022-1-15 22:55

Fuko~ 發表於 2022-1-15 22:30
可能唔想冒險出李察利臣掛?

442 陣式好靠兩翼嘅出波質素

作者: ngkk821 時間: 2022-1-15 23:18
攪咩呀

作者: witzz 時間: 2022-1-15 23:18
肯炒未

作者: Fuko~ 時間: 2022-1-15 23:20
兩球都係輸米高堅尼...痴線。

作者: ngkk821 時間: 2022-1-15 23:49
第二球輸隊長，對方禁區頂點可以比人搶到個波，中學學界犯嘅錯。

作者: ngkk821 時間: 2022-1-15 23:53
記錯，係隊長嘅傳波，而唔係比人搶到個波。

作者: Fuko~ 時間: 2022-1-15 23:57

ngkk821 發表於 2022-1-15 23:53
記錯，係隊長嘅傳波，而唔係比人搶到個波。

米高堅尼明明可以後腳踢走，自己又踩空氣...冇可能唔關佢事。

作者: Fuko~ 時間: 2022-1-16 00:00
我最嬲係每場波都要自己人犯錯先，犯錯輸完一球，心急去追就輸第二球。
你叫班進攻球員點打??係咪場場都要入夠3球先夠數。
班防守GE有冇好好反省...特別係米高堅尼，我寧願出巴夫違特，可能交下學費都唔出佢。
雖然賓賓出錯朗當，但唔通唔出朗當就會嬴??場場俾對中堅中出，要幾多球先夠皮?

作者: barker 時間: 2022-1-16 00:57
肥賓炒得喇

作者: witzz 時間: 2022-1-16 00:59
快，唔想再見到佢

作者: barker 時間: 2022-1-16 01:05
叫朗尼返嚟救母會呀

作者: witzz 時間: 2022-1-16 01:09
邊個教都好，再俾肥賓教落去就英冠見

作者: Fuko~ 時間: 2022-1-16 01:10

witzz 發表於 2022-1-16 01:09
邊個教都好，再俾肥賓教落去就英冠見

時而至此、要炒都無可厚非。但我並唔認為班波唔改善啲個人犯錯，成績可以有幾大改善

作者: barker 時間: 2022-1-16 01:42
talk sport 最新消息陣間愛隊將炒肥賓

作者: 愛華戰士 時間: 2022-1-16 08:55
咁嘅排陣已知大鑊，兩個要人支援嘅中鋒（仲要係兩個都生鏽嘅）攞明無運行。開波早段只見格雷單打獨鬥，既然你要擺雙中鋒，就應該指示中場多傳送，否則不如打451。到堅尼又擺球咁嘅老烏，人地個出波唔算急勁喎，點解啲出腳會咁差？慢到。第二球堅尼企位都係有問題，雖然唔應該怪晒佢。不過對諾域治頭20分鐘比人控住黎打，輸到0-2 我無睇了。結局又係追返一球收工。想講嘅係，李察利臣唔值得再留喺度受罪，浪費佢時間，希望佢轉大球會繼續發光。

作者: 愛華戰士 時間: 2022-1-16 08:57
卡法路雲大家要承認- 真係唔高，有人肯買最好快啲賣，完全唔惦。

作者: Fuko~ 時間: 2022-1-16 12:07

愛華戰士發表於 2022-1-16 08:57
卡法路雲大家要承認- 真係唔高，有人肯買最好快啲賣，完全唔惦。

雖然輸波，但點會自己最好個射手都賣埋…
明明係因為球隊入面冇人俾靚波佢去衝頂。加埋個態未返，埋門執雞都冇埋

作者: ginger 時間: 2022-1-16 12:08
再唔炒肥賓真係英冠見，根本黎到係拆散隊波仲衰過鳩文，入返黎啲貨又得啖笑，件烏克蘭仔，digne踢得幾差都高佢兩班啦

作者: Fuko~ 時間: 2022-1-16 12:13

愛華戰士發表於 2022-1-16 08:55
咁嘅排陣已知大鑊，兩個要人支援嘅中鋒（仲要係兩個都生鏽嘅）攞明無運行。開波早段只見格雷單打獨鬥，既然 ...

雙中鋒嘅過，應該係落後變陣個陣用，明明應該用返DCL做支點搵格雷或者唐辛係後面支援。
Rondon雖然好有heart踢，搶到點hold到波又出唔到波。其實好幾場輸波都係條防線一開波受唔到壓，唔係自爆就世界波輸出去。我哋領先情況下嘅次數，可能5隻手指都數晒。

我到今日依然覺得肥賓會係件可惜嘅事，會唔會降班星散我唔知。但球會管理層以至球迷個分歧信任，應該好多年都修補唔到。

作者: 愛華戰士 時間: 2022-1-16 12:53
睇左維拉對曼聯果場，甸尼352 陣踢個出擊左閘，逗住黎做個協防，上前進攻至少出左4-5 腳傳中，維拉執到好野。古天奴3成狀態都已經有貨交。唔係話想同人比，但事實上維拉踢落真係有文有路，前邊艾格斯今場超沉，奧利屈堅斯豪無表現，但中場都仲有個10號仔同J 藍斯能搶能控能傳配合兩閘出擊，維拉真係壓q 住曼狗黎踢，我發夢乽未見過愛華頓可中前場壓旯尻住曼聯打！甸尼尾段踢到抽筋，但我相信佢踢得好開心場波，因為啲隊友團火睇得到係好進取。有攻有守層次好清晰。唔係我地咁有波就踢炸彈咁求其踢走就算。

作者: 愛華戰士 時間: 2022-1-16 12:59
仲有一樣我諗隊波唔好再youtube edit 埋啲訓練時個個笑騎騎同見親都係啲猜馬騮猜得好流暢，練習時腳腳都射中果啲片出黎呃球迷。真係落場比賽踢唔到訓練時呢啲鐘頭嘅十分一水平，係有心放訓練片就唔好剪，直接播出黎等啲球迷認真知道個訓練實況！

作者: Fuko~ 時間: 2022-1-16 13:11

ginger 發表於 2022-1-16 12:08
再唔炒肥賓真係英冠見，根本黎到係拆散隊波仲衰過鳩文，入返黎啲貨又得啖笑，件烏克蘭仔，digne踢得幾差都 ...

我並唔認為賣digne一定錯，至少舊錢令我哋多咗個人接高文班。新仔打咗一場，你拎嚟同digne比其實唔係好啱

作者: 愛華戰士 時間: 2022-1-16 13:23

Fuko~ 發表於 2022-1-16 12:07
雖然輸波，但點會自己最好個射手都賣埋…
明明係因為球隊入面冇人俾靚波佢去衝頂。加埋個態未返，埋門執 ...

今季過左一半，卡法路雲暑假打個歐洲杯基本上係後備無踢，到季初返黎無多踢嗌傷到最近復出無表現下又傳再傷，落場比到球迷睇嘅係無段好睇。前邊基本上無做到鬥搶點，無逼搶，停波停唔到，啲first touch 回傳無準，我唔係要挑剔，我地無可能無限量等個球員慢慢操個態出黎，關鍵係佢踢法唔全面，落場嘅11個如果唔ready 嘅，請將機會交比後備，甚至交比青年軍！仆你個賓尼迪斯街！朗當比人屌足咁多場仲係場場正選！點解唔出下啲新仔？呢個卡法路雲無段好睇點解唔搵人換走？- 師兄唔係佢係正選前鋒就雷打唔郁架，著住愛華頓波衫落場，你交唔到貨就唔該讓位。用人應該係咁。當然我明白愛華頓宜家個問題係從後衛到中場再前鋒，基本上一層扣一層地出問題。愛華頓宜家呢班波。你要後衛做返好防守都有問題，中場剩係做個小組猜傳都有問題，仲邊可能咁奢侈地前鋒仲要等中場餵餅？！自己操落黎中場幫波搵食啦！

作者: 愛華戰士 時間: 2022-1-16 13:33
最o 咀組合：朗當+ 卡法路雲！咁攞陣你一係踢80年代溫布頓果種英式全高q 大棍波，至少球迷有得嗌下！

作者: 愛華戰士 時間: 2022-1-16 13:35
當務之急，班主就算當左條底橫都要先買個穩健中堅返黎換左米高堅尼先，否則神仙難救真係。

作者: 愛華戰士 時間: 2022-1-16 13:43

ginger 發表於 2022-1-16 12:08
再唔炒肥賓真係英冠見，根本黎到係拆散隊波仲衰過鳩文，入返黎啲貨又得啖笑，件烏克蘭仔，digne踢得幾差都 ...

個新仔又未可以一兩場判佢死刑，始終佢踢開啲俄羅斯聯賽，要時間適應英超節奏同同隊友建立默契。唔好諗助功，論左閘助攻甸尼宜家世界top 5 , 新仔只要打返個穩健防守力出嚟已經唔可以話失敗。

作者: barker 時間: 2022-1-16 13:58
下任愛隊領隊外圍賠率落得最多係保羅方辛加

作者: 愛華戰士 時間: 2022-1-16 15:19
本帖最後由愛華戰士於 2022-1-16 15:20 編輯

作為捧左愛華頓三十幾年O既球迷，我諗宜家呢個討論區入面唔少球迷都感到意興欄柵。真係個個心入面仲只係諗起1995 年個足總杯，就算係討論區本身宜家連每場開POST 都好似大家都唔緊張，可有可無的感覺。事實上講，我今朝飛黎住ON DEMAND睇愛華頓，反而全場睇晒維拉場波....以波論波.....我仲乜要浪費時間睇D 爛波？
恨鐵不成鋼！
從來都唔係成績差就批評隊波O既球迷.....你打到拼勁, 打得好....輸波....我完全唔介意.....。但一定要從輸波中學習, 改善。
賓尼迪斯......教到呢一刻.....真係夠啦.....如果你話佢係戰術大師.....真係SORRY.....佢無魔法改善到愛華頓。

真心問我.....今場個開波陣容已經出左好大問題。
雙中鋒絕對係死症.....如果真係無人可用我唔怪....但李察利臣用得喎.....怕佢傷只可用半場？咁點解唔試下出唐辛？打個一人中鋒....三個進攻中場做支援唔得？你排兩個不善走位O既中鋒...對方防線咪可以開波時壓前囉....反正你兩個中鋒無突破能力......怕咩你地。
本來可以用一個451 陣開局......你放棄.....。再講.....442.....︰杜古希黎到之後基本上已經証明左佢唔適宜打一個純防中.......最好係一個介乎進攻中場同中場中路之間的中場....由佢去做一個塞位或停波角色....但今場谷佢又係442 一個防中.....再一次進退失據。高美斯都講過好多次....無法....阿倫無左要用佢做個防中.....佢無錯係可以停到波....今場其實都唔算太差....但上半場早段有一球我好有印象.....自己禁區頂佢攞到個波....面對住自己龍門.....佢望都唔會望自己背後有無對手.....就直接將個波傳返去右閘位比高文.....其實果下波佢背後完全無對方球員.....點解唔自己轉身諗辦法做個反擊.....明明係可以自己主動O既波.....結果又係比後衛到最後求其一腳斬上.....肥賓真係打防反大師？
呢個基巴文場場後備,.....場場得個坐字.....點解唔試下4231.....基巴文配高美斯....推杜古希做個攻中？咁左邊格雷, 右邊哥頓？

要救隊波.....第一真係要踢走堅尼.....無可能再靠佢架啦.....勉強只能O係耶利米拿同葛菲之間揀多個做第二中堅......買一個穩健硬中堅返黎重建啦。
到高文.....其實高文好多時都會犯一D 無謂錯...例如包越位, 比失波.....有神來之筆但唔穩陣.....既然已買新仔.....係時候換走高文.....唔好因為隊長就唔捨得唔用。
至於防中位....究竟阿倫仲係咪最合適人選？其實只要中堅同中場支援夠....阿倫無理由會踢唔惦。
思前想後.....愛華頓究竟要踢442, 定451 陣.....還是433.....
如果踢442.....咁中場中阿倫無論點配置都感覺唔對.....杜古希或高美斯都唔係果回事.....----- 必需要有一個善於較炮組織；另一個係位置感強，體力夠又硬朗O既主責防；前邊兩個一柔一剛。
如果451.....以宜家隊波人腳會比較易做到.....2個相對防守性中場.....加左中右三個進攻中場......宜家好似格雷搶左李7個左攻中位置.....咁中場中究竟係比哥頓定唐辛好？感覺佢兩個都唔係踢攻中最合適人選.....李7 同樣係....；如果451單箭頭....勉強啱DCL 踢.....不過佢接應兩邊波較接應攻中地傳為好....如果要重建.....我真係唔認為DCL 係最佳中鋒人選.....
433.... 前鋒需要高位迫搶；中場三個需要硬淨, 有遠傳遠射.....仲要左右兩閘助攻力強至得.....以我地宜家人腳.....真係唔係諗。

作者: ngkk821 時間: 2022-1-16 15:49
其實今場係佢份工嘅生死戰，唔明佢點解咁出，如果townsend同李察唔夠狀態，每人半場都可以，但佢偏偏唔咁出，另外我見罸球哥頓兩次都唔斬而叫新左閘斬，我只係覺得，好像根本無傾過邊個處理罸球，好兒戲。

作者: witzz 時間: 2022-1-16 16:33
啲球員見到你咁樣趕走個忠臣，又係副隊，邊個仲會同你賣命。

作者: barker 時間: 2022-1-16 18:44
而家傳 BIG DUNC 同 baines 暫時一齊接手球隊

作者: aeroplane602 時間: 2022-1-16 19:27
其實佢賣得Digne已經冇左更衣室話語權而家會方on9 在比完錢佢fing再炒佢

作者: Forever_Fan 時間: 2022-1-16 22:58

barker 發表於 2022-1-16 18:44
而家傳 BIG DUNC 同 baines 暫時一齊接手球隊

Everton Football Club can confirm the departure of Rafael Benitez as first team manager.

Benitez, who joined Everton in June 2021, has left the Club with immediate effect.

An update on a permanent replacement will be made in due course.

官宣

作者: Forever_Fan 時間: 2022-1-16 23:02

ginger 發表於 2022-1-16 12:08
再唔炒肥賓真係英冠見，根本黎到係拆散隊波仲衰過鳩文，入返黎啲貨又得啖笑，件烏克蘭仔，digne踢得幾差都 ...

其實邊個來都死，本來已經唔夠人，但請肥賓返來球會無科水買人，同DoF又唔咬弦，其實DoF呢個制度係我隊無成功過，何必再搞？加上傷病疫情令球隊唔夠人踢，基本誰來也無得搞

作者: ngkk821 時間: 2022-1-16 23:06
費格遜坐正到季尾，現在球隊正需要士氣，及了解球隊運作的人。

作者: Fuko~ 時間: 2022-1-16 23:16

ngkk821 發表於 2022-1-16 15:49
其實今場係佢份工嘅生死戰，唔明佢點解咁出，如果townsend同李察唔夠狀態，每人半場都可以，但佢偏偏唔咁出 ...

呢點我就認同你啦。尋日，點都應該打451/433…
除非你話有allan, 覺得杜古希同Allan都夠搶贏中場。
真係入唔到波，先臨尾出rondon…

作者: barker 時間: 2022-1-17 02:06
而家英國外圍賠率大熱係馬天尼斯

作者: reedlo16 時間: 2022-1-17 09:17
再講肥賓都無謂。

作者: reedlo16 時間: 2022-1-17 09:20
費格遜先坐正做代替領隊到季尾，專心打護級仲好。，至於朗尼。。我不太留意他帶打比郡的情況，但我覺得與期用朗尼，BIG DUNC不是更好嗎？馬天尼斯…NO了╴果時佢帶隊，由識攻唔識守到後期兩頭唔到岸…就是輸死球都輸死。。。。

作者: Fuko~ 時間: 2022-1-17 10:12

reedlo16 發表於 2022-1-17 09:20
費格遜先坐正做代替領隊到季尾，專心打護級仲好。，至於朗尼。。我不太留意他帶打比郡的情況，但我覺得與 ...

其實我唔明點解會用朗尼…名宿又唔算，教打比郡唔算差始終俾人扣咗分，但未見到有乜好成績。

作者: witzz 時間: 2022-1-17 10:59
我首選係白禮頓個Potter

作者: Fuko~ 時間: 2022-1-17 12:18
首要都係請Dof, 跟著佢發辦請咩領隊先make sense

作者: barker 時間: 2022-1-17 12:46

Fuko~ 發表於 2022-1-17 12:18
首要都係請Dof, 跟著佢發辦請咩領隊先make sense

bill 叔叔講左野喇

作者: witzz 時間: 2022-1-17 16:39
老馬回歸傳得好勁

作者: barker 時間: 2022-1-17 17:40

witzz 發表於 2022-1-17 16:39
老馬回歸傳得好勁

傳在星期六主場對阿士東维拉之前一兩日官宣

作者: barker 時間: 2022-1-17 17:47
法甲尼斯領隊 Galtier ?

作者: barker 時間: 2022-1-17 20:49

witzz 發表於 2022-1-17 16:39
老馬回歸傳得好勁

最新消息比利時足總唔肯放馬天尼斯走

作者: Forever_Fan 時間: 2022-1-17 22:23

Fuko~ 發表於 2022-1-17 12:18
首要都係請Dof, 跟著佢發辦請咩領隊先make sense

無謂再請DoF，請咁耐無個有用，換幾個咪又係咁，只會同領隊吵架，跟舊時咁領隊搞掂所有野算啦

作者: Forever_Fan 時間: 2022-1-17 22:27

barker 發表於 2022-1-17 20:49
最新消息比利時足總唔肯放馬天尼斯走

馬天尼斯都係搏一舖，佢係老莫離開後請咁多個領隊來講，算係較好的一個，不過當然老莫走後個個領隊都太差了也有關係，蜀中無大將，廖化做先鋒

作者: barker 時間: 2022-1-17 22:42

Forever_Fan 發表於 2022-1-17 22:27
馬天尼斯都係搏一舖，佢係老莫離開後請咁多個領隊來講，算係較好的一個，不過當然老莫走後個個領隊都太差 ...

如果馬天尼斯返愛隊的話他會帶埋亨利過嚟做 NO.2

作者: 拖肥糖 時間: 2022-1-17 23:44
最好就係Duncan接手

作者: Fuko~ 時間: 2022-1-17 23:45
It’s gonna be Roberto Martinez. He wants to leave Belgium. We want to appoint him. The compensation package is low. It’s gonna be Bobby Brown Shoes for the 2nd time!

有個平時幾可靠ge source禁講。我雖然好鍾意馬仔，但呢個時間點返黎真係唔係好好。
你請得佢，一定要俾錢佢洗。特別重要係要買一對好中堅俾佢。
隊中可造之才得巴夫違特，用godfrey同當年stones係一模一樣，唔好啦掛?

作者: Fuko~ 時間: 2022-1-17 23:53

拖肥糖發表於 2022-1-17 23:44
最好就係Duncan接手

雖然其他人接手可能都會降班，但若果由DUNCAN接掌到季尾然後降左班，你係咪都會接受到先?

作者: barker 時間: 2022-1-17 23:59

Fuko~ 發表於 2022-1-17 23:53
雖然其他人接手可能都會降班，但若果由DUNCAN接掌到季尾然後降左班，你係咪都會接受到先? ...

加度素？

作者: barker 時間: 2022-1-18 00:02

Fuko~ 發表於 2022-1-17 23:45
It’s gonna be Roberto Martinez. He wants to leave Belgium. We want to appoint him. The compensation ...

update news : 比利時 FA 拒绝放人

作者: Fuko~ 時間: 2022-1-18 00:03

barker 發表於 2022-1-18 00:02
update news : 比利時 FA 拒绝放人

有RELEASE CLAUSE...2.2M我地俾得起GE

作者: barker 時間: 2022-1-18 00:36

Fuko~ 發表於 2022-1-18 00:03
有RELEASE CLAUSE...2.2M我地俾得起GE

今年係世界盃十一月打比利時係一支熱門捧盃隊之一馬天尼斯點都會完成呢個任務 ( 不論成或敗 ) Fuko 兄

作者: barker 時間: 2022-1-18 00:45
總之找新主帥嘅事 Moshiri 今次唔好再揀錯

作者: Forever_Fan 時間: 2022-1-18 08:12

barker 發表於 2022-1-18 00:45
總之找新主帥嘅事 Moshiri 今次唔好再揀錯

不如俾bill叔叔揸fit啦，moshiri的眼光真係燈神來，選邊個錯邊個……

作者: Forever_Fan 時間: 2022-1-18 08:17

Fuko~ 發表於 2022-1-17 23:45
It’s gonna be Roberto Martinez. He wants to leave Belgium. We want to appoint him. The compensation ...

講真，我都覺，球會如果係請朗奴高文時請肥賓都唔會好似今日咁差，請得人返來又無錢買人，現有的人好多又高薪低能，呢幾年傷病又多，成隊medical team 直頭可以炒哂佢啦，DoF制度又係垃圾，永遠同領隊都唔咬弦，馬仔來到咪又係巧婦難為無米之炊。

作者: Fuko~ 時間: 2022-1-18 08:24

Forever_Fan 發表於 2022-1-18 08:17
講真，我都覺，球會如果係請朗奴高文時請肥賓都唔會好似今日咁差，請得人返來又無錢買人，現有的人好多又 ...

既然想繼續行Dof就請咗Dof先, 佢發辦話請咩領隊。如果咁都搞唔掂，真係唔需要再諗Dof…

作者: ginger 時間: 2022-1-18 09:07

Forever_Fan 發表於 2022-1-16 23:02
其實邊個來都死，本來已經唔夠人，但請肥賓返來球會無科水買人，同DoF又唔咬弦，其實DoF呢個制度係我隊無 ...

唔覺得完全冇得搞，傷兵係多，不過真係唔覺得應該踢依啲波排依啲陣出黎。其實而家個陣同76果時唔係真係爭咁遠，但人地76教起碼限米食限飯識變

作者: ngkk821 時間: 2022-1-18 11:08
我反而喜歡Big Dun教果幾場，好熱血，好正

作者: Fuko~ 時間: 2022-1-18 11:27

ngkk821 發表於 2022-1-18 11:08
我反而喜歡Big Dun教果幾場，好熱血，好正

其實邊個教我唔會反對，只係你係咪都接受到球隊legend級人馬帶隊波降班先？短期chur隊波迫搶梗係冇問題，但咁唔會行得遠。Big Dunc.係前幾任領隊學咗幾多功夫？又有冇能力帶隊波出困境？我自己覺得呢一次佢應該要係夏天走，搵隊英冠或者英甲帶下先。

作者: reedlo16 時間: 2022-1-18 12:40
Victor Anichebe to Sky Sports: “I’ve heard Martinez has been linked with the Everton job… is this some kind of joke?” Anichebe: “He finished fifth in his first season with David Moyes’ team. People don’t remember what happened before. There were protests to get him out of the club. You’re going from one toxic situation to another."

作者: reedlo16 時間: 2022-1-18 12:41
安尼捷比幾心水清。哈

作者: ngkk821 時間: 2022-1-18 12:48

Fuko~ 發表於 2022-1-18 11:27
其實邊個教我唔會反對，只係你係咪都接受到球隊legend級人馬帶隊波降班先？短期chur隊波迫搶梗係冇問題， ...

現在球會無錢買人，人腳未至於降班，反而團結，比賽有團火更重要。可以同Big Dun講教到季尾，比時間球會諗清楚想點更好，現在你咁急搵人，邊個教都死。

作者: Fuko~ 時間: 2022-1-18 13:12

ngkk821 發表於 2022-1-18 12:48
現在球會無錢買人，人腳未至於降班，反而團結，比賽有團火更重要。可以同Big Dun講教到季尾，比時間球會 ...

我都唔相信賓賓揸呢個手牌得19分。但係傷病同個別球員持續犯錯，做定最壞打算會好啲。

作者: Fuko~ 時間: 2022-1-18 13:14

reedlo16 發表於 2022-1-18 12:41
安尼捷比幾心水清。哈

唔係幾正確，當時正選一半人都係馬仔個陣買。老莫最大功勞係佢條防線，中前場都係馬仔人腳為主。盧卡古米拉拿斯迪路菲奧巴克利巴利，就算唔係佢買，都係馬仔用得比較出色。

作者: ngkk821 時間: 2022-1-18 15:25

Fuko~ 發表於 2022-1-18 13:12
我都唔相信賓賓揸呢個手牌得19分。但係傷病同個別球員持續犯錯，做定最壞打算會好啲。 ...

正選嘅傷病應該好得7788，個別球員，Keane同Coleman唔好正選啦，我唔想再見到自爆，好痛苦。

作者: barker 時間: 2022-1-18 18:36
尼高高華？

作者: barker 時間: 2022-1-18 20:02
來自 Daily telegraph 最新消息愛隊董事局見左朗尼同林伯特

作者: witzz 時間: 2022-1-18 21:51
傳Moshri想賣盤

作者: Everton2018 時間: 2022-1-18 23:18
其實英國愛華頓球迷都多餘，諾域冶領先2：0影到肥賓好開心在笑，難道人家要都唔俾，要你批準，同埋肥賓之後都解釋咗佢笑不是因為球隊輸緊波。李察有一次唔滿意肥賓調佢出場＂發脾氣，領隊雪下佢唔俾佢打正選俾朗當打有咩問題，唔通俾你一個球員＂發難喳＂以後個個有樣學樣做領隊咪無哂face，我唔係幫住肥賓但是他身處主帥職位，調轉是你都寧願放個心腹

作者: James_Beatkit 時間: 2022-1-18 23:57
叫捷比收聲先擺明自己唔gur自己當年做借卡古嘅條件之一個兩年傷嘅傷老嘅老仲要冇今日咁嘅錢去買人 6年過左得到D乜？連伊朗佬都要認衰搵返馬仔啦不過比利時唔肯放就冇計成日話教比利時一手好牌冇冠軍入到去4強輸比冠軍仲想點最好笑係D球迷跟住又會提議搵林伯/月巴呢D更加冇經驗嘅去試真係點夠你地玩

作者: James_Beatkit 時間: 2022-1-18 23:58
When Roberto Martinez came in he completely changed everything, he wanted a new style, Spanish style passing, but for me it was just not Everton. For me Everton is all about fighting, always give your best fight - fight for everything, for every single ball.” Nikica Jelavic

作者: James_Beatkit 時間: 2022-1-18 23:59

barker 發表於 2022-1-18 20:02
來自 Daily telegraph 最新消息愛隊董事局見左朗尼同林伯特

睇個款最後都似曼聯明叔多

作者: Forever_Fan 時間: 2022-1-19 11:30

witzz 發表於 2022-1-18 21:51
傳Moshri想賣盤

合理丫，投資億億聲，打極都係下半版，但老莫帶韋斯咸打到風山水起，唔可能返來救亡護級，未來睇唔到前景的球會，moshiri唔通嫌錢腥年年投錢咩？

作者: witzz 時間: 2022-1-19 11:54

Forever_Fan 發表於 2022-1-19 11:30
合理丫，投資億億聲，打極都係下半版，但老莫帶韋斯咸打到風山水起，唔可能返來救亡護級，未來睇唔到前景 ...

"We've got an owner who looks at Everton like he's playing Football Manager and Bill Kenwright, who wants to run it day-to-day like an old-fashioned football club.

作者: Forever_Fan 時間: 2022-1-19 20:44

witzz 發表於 2022-1-19 11:54
"We've got an owner who looks at Everton like he's playing Football Manager and Bill Kenwright, wh ...

moshiri插手太多球會營運，包括領隊和球員，當時既然佢任命左DoF，就應該放手俾佢去做，雖然我覺得DoF係我地球會係唔work的

作者: laukarwing 時間: 2022-1-20 13:50

James_Beatkit 發表於 2022-1-18 23:57
叫捷比收聲先擺明自己唔gur自己當年做借卡古嘅條件之一個兩年傷嘅傷老嘅老仲要冇今日咁嘅錢去買人 6年過 ...

最錯都係伊朗佬不給馬仔機會。否則的話，愛隊肯定走得更遠。

作者: Fuko~ 時間: 2022-1-20 15:29

laukarwing 發表於 2022-1-20 13:50
最錯都係伊朗佬不給馬仔機會。否則的話，愛隊肯定走得更遠。

下？呢單嘢點計班外國球迷應該有份…到今日佢哋仲係唔明，仲係覺得佢教得差。

作者: Forever_Fan 時間: 2022-1-20 22:13

Fuko~ 發表於 2022-1-20 15:29
下？呢單嘢點計班外國球迷應該有份…到今日佢哋仲係唔明，仲係覺得佢教得差。 ...

其實環觀近年的領隊，老莫和馬仔已經係教得最好嗰兩個，而且佢哋買的球員都係最對辦

作者: Fuko~ 時間: 2022-1-20 22:42

Forever_Fan 發表於 2022-1-20 22:13
其實環觀近年的領隊，老莫和馬仔已經係教得最好嗰兩個，而且佢哋買的球員都係最對辦 ...

呢幾年個價值跌咗好多，年年想大搞唔踏實。終於都要縮水，慳錢洗又唔滿意。

Bid Dunc應該只會帶對維拉個場，好似同林伯特傾緊。

作者: Forever_Fan 時間: 2022-1-21 15:43

Fuko~ 發表於 2022-1-20 22:42
呢幾年個價值跌咗好多，年年想大搞唔踏實。終於都要縮水，慳錢洗又唔滿意。

Bid Dunc應該只會帶對維拉個 ...

用林伯就不如大鄧教，我覺得差別不大，其實我反倒希望賣盤，俾一個真心有sense的人搞，moshri由上任第一天我就唔覺佢識搞波，也無識人之明。

作者: barker 時間: 2022-1-21 15:53

Forever_Fan 發表於 2022-1-21 15:43
用林伯就不如大鄧教，我覺得差別不大，其實我反倒希望賣盤，俾一個真心有sense的人搞，moshri由上任第一 ...

最新消息簡拿華路林伯特朗尼三揀一

作者: laukarwing 時間: 2022-1-21 16:47

ngkk821 發表於 2022-1-18 12:48
現在球會無錢買人，人腳未至於降班，反而團結，比賽有團火更重要。可以同Big Dun講教到季尾，比時間球會 ...

同意你説法。

作者: barker 時間: 2022-1-21 18:07
moshiri 剛剛宣佈再投入一億英磅去球會度, 可以令 transfer Boost

作者: Fuko~ 時間: 2022-1-21 18:09

barker 發表於 2022-1-21 18:07
moshiri 剛剛宣佈再投入一億英磅去球會度, 可以令 transfer Boost

係wave咗佢借俾愛記個1億。我估呢個操作似係想俾FFP多啲

作者: barker 時間: 2022-1-21 18:57

Fuko~ 發表於 2022-1-21 18:09
係wave咗佢借俾愛記個1億。我估呢個操作似係想俾FFP多啲

轉會窗得返十日盡快決定新主帥人選之後要再入多兩名新兵

歡迎光臨香港愛華頓迷討論區 (http://hkeverton.com/forumnew/)