EPL 30 客場對找咭數, 3/8號 11.00PM

leonkit

唔講d失波...
第一球入波 真係算好有組織 同埋可以j下 dcl

愛華戰士

最近真係連插隊波都廢事，膠到無論。
你話巴黎聖日門....首回合作客贏2-0，一星期後主場倒輸1-3....已經係好X ON 9 的表現 (或者講係好難令人相信)。因為一隊訓練有素的球隊，唔應該咁短時間內出現咁大的表現落差。(除非出現好嚴重傷停問題，你估真係洛奇打拳，絕地大反擊咩)
所以O係同一場波領先2球反勝為敗的，往往真係災難黎。

我地都好耐未試過咁樣輸波....可能因為我地都好耐無試過領先過對手兩球黎踢。
碧福特如果再唔比佢知道自己的問題，隊波多多都唔夠佢輸。十二碼佢已經好肉酸，自已救到唔代表佢無問題。(其實嚴D 果下應該要輸埋紅牌)，佢出迎草率，上三路接球又經常判斷錯誤，宜家迎面擋波又唔湯唔水。

你作客領先到2-0.....主守係合理，問題好明顯係隊波守唔住，可以話輸D 波都好似古古怪怪。但究竟係4 人防線定3中堅，其實領隊應該心裡有數究竟，講真踢踢下突然轉陣型好好視乎球員本身對個戰術訓練熟唔熟。三番四次都講三人中堅我地發揮得唔好.....可能你出三個中堅....但只係擺多個中堅球員負責執漏......其實更適合應該係中場加多個屏障會較理想。
英國果邊好多言論已經話希望盡快捱完個球季，已經唔想再睇到隊波踢D 咁既波出黎。

我呢幾日搵愛隊新聞，只係奇怪果解仲未見話有消息炒呢條垃圾領隊！！！

Fuko~

愛華戰士 發表於 2019-3-11 09:52
最近真係連插隊波都廢事，膠到無論。
你話巴黎聖日門....首回合作客贏2-0，一星期後主場倒輸1-3....已經係 ...

唔係好明大家點解將場輸波賴落轉三後衛的施華。
根本輸波主因就係PICKFORD派膠。
第一球都仲打緊4後衛，第二球pickford派膠，第三球仲要越位入波。
你可以話轉打3後衛俾人禁黎打...連攻勢都冇埋呢個決定錯。
但其實人地入完第一球個勢已經好強，主守守多15分鐘，絕對可以理解。然後兩個意外令場波反勝為敗...
禁我地都大力插施華會唔會太過份？

James_Beatkit

Fuko~ 發表於 2019-3-10 00:56
下場可唔可以雪下PICKFORD...

輸完比猁狗我已經講話要
比佢有返個鬥心
依家三幾場就黎一場發波瘟真係開始少少頂佢唔順
二場波冇壓力下一定要大大腳清出界
希望下屆U23維珍比到D壓力佢

James_Beatkit

唔明個個插MS個三中堅
對面炸高波換個頂高大既入黎我唔覺有錯
反而MS應該早少少收李柒同AG
換禾佬/Lookman同埋Tom仔加返D活力係中場
人地主場好鬥志要讚
我地2-2時都有一個好既機會打沉返對面但李柒自己半單刀控甩腳仲抵鬧
Pickford本身係個D手法唔係好正宗純打反應既龍
點都要雪返幾場先得
今季點都唔會降班但又係咪完全冇機會上第七唔敢講
唔好下下幻想洗幾千萬就一定排前列
隊中既人認真講點都同前6個堆有距離
第一季埋班排中游加埋兩場對猁狗唔係輸球ON9波都叫保持不敗我個人收貨
下下第一季就叫炒領隊不切實際
我點都比多半季MS睇下

toffeeweb

James_Beatkit 發表於 2019-3-11 16:41
唔明個個插MS個三中堅
對面炸高波換個頂高大既入黎我唔覺有錯
反而MS應該早少少收李柒同AG

其實大家都係愛之深 恨之切姐 明gei
今年作客我覺得表現反而比主場好  主場成績我反而真係唔收貨

James_Beatkit

toffeeweb 發表於 2019-3-11 16:51
其實大家都係愛之深 恨之切姐 明gei
今年作客我覺得表現反而比主場好  主場成績我反而真係唔收貨 ...

我明白既
只係想大家都明白前3隊係明顯好平均又有質素(雙曼同猁)
基本上唔洗諗一季6場波執5-6分算好
我地要做既係收窄同熱/車/阿個距離
我諗呢樣搵邊個教都唔係即刻可以做到既事
所以下季頭10-15場就知MS值唔值得繼續留低

leonkit

James_Beatkit 發表於 2019-3-11 16:41
唔明個個插MS個三中堅
對面炸高波換個頂高大既入黎我唔覺有錯
反而MS應該早少少收李柒同AG

因為3中堅衰左太多次
同埋佢地企位真係唔知點咁 人多手腳亂
收多個中前場 前邊亦都hold唔到波 後邊又守唔好
GG

James_Beatkit

leonkit 發表於 2019-3-12 09:33
因為3中堅衰左太多次
同埋佢地企位真係唔知點咁 人多手腳亂
收多個中前場 前邊亦都hold唔到波 後邊又守 ...

企位仲有得教既
同埋前邊一定要換個快既隨時打反擊
同中場換個有活力既去搶波
後防5個唔好縮太後

Forever_Fan

leonkit 發表於 2019-3-12 09:33
因為3中堅衰左太多次
同埋佢地企位真係唔知點咁 人多手腳亂
收多個中前場 前邊亦都hold唔到波 後邊又守 ...

同意，唔係我地想插3中堅，而係每次一變陣用3中堅，個個企位走位都亂哂，明明3中堅係想加強防守，反而空位更多，未練好3中堅點打就唔好夾硬用，反而降低左球隊的防守能力