反朗奴高文集中區

Fuko~

大家都反左成個幾兩個月，不如係呢度集中發洩下大家的不滿。始終唔同球迷有唔同諗法，有人認為隊波唔理邊個教，最緊要係球隊嬴波。
禁所以就唔多鍾意大家日日都反領隊，睇場波都禁多負能量。希望大家係度發洩完同理性討論完，唔駛禁勞氣。
我都算係比較早D就認為朗奴高文唔掂的球迷，都歸納左幾點佢唔掂的原因:

1. 戰術唔明確，五時花六時變。
呢點係我認為佢目前為止最失敗的地方。球員都係人，佢地踢左十幾廿年，有D仲踢左成30年，佢地對自己的踢法同位置感已經有慣性。
你叫佢地場場都踢唔同位置，場場的工作都唔一樣，美斯去踢都唔會踢得好啦? 更何況我地隊波禁樣俾你大換血，球員之間冇密契去互補之下，呢個缺點就更加明顯。
站係WALSH買賣球員角度睇，你要一個球員識得踢哂禁多個位又要做唔同工作，其實好局限佢買一個球員。
我接受同歡迎你PLAN A、B、C，頂盡去到D。但你睇番RK的排陣係可以去到K...甚至Z。隊波睇落去就會完全冇風格可言。
若果RK以為自己係戰術大師，當正自己打緊機，場場都唔同都冇問題。我會覺得呢種諗法實在太冇人情味...球員唔係AI更加唔係機器。

2. 過於被動的打法
雖然佢戰術唔多明確，班球員亦都鳩下鳩下，但有樣野都唔難睇得出就係佢將防線SET得太後。
若果將以往我地的領隊打法分屬性，馬天尼斯會係主動進攻，莫耶斯係主動防守，而RK就係被動防守。
呢種被動防守，就係想將隊波D人塞係中間，減少空位俾對方起腳，從而令隊波失少D波。
隊波本身班底就唔多夠快，長傳又唔係特別準過人，更何況大家都未夾慣，俾你禁樣守得著，去打反擊，前面根本冇人拎到你個波。
更何況你買番黎D人一D都唔快...都有GE，保拿斯同高文LO，但呢兩個本身就已經長傷，而且好可能上唔番高峰，俾左成個夏天你都好諗下點搞啦。
如果你認為隊波唔需要打快的話，我可以講呢個諗法真係夠你降班。英超最大特色就係體力同快，你夠膽係呢個環境打慢，呢個想法相當之愚昧。
大家都係守ga la。點解老莫仲好睇過你，係因為人地係由中場已經迫搶俾左右，去斬入禁區頂。
而RK係搶到波就搵唔到人傳，傳多兩下等隊友上前，對手已經回好防。
點解上季冇呢個問題? 因為巴克利同埋盧卡古都唔多鍾意回防，加埋呢兩條友單對單同護球能力強咪冇事LO。

3. 率直的行事
呢個唔係完全踩低佢。有D時候呢種處事作風會對某D1516的球員有作用。之但係你作為領隊有D野根本唔應該禁正面去公開回應。
好似之前買施古臣同埋買前鋒，你搞到全世界都知你買人。你叫WALSH佢地點壓價呢??
又好似巴克利同尼亞斯，你公開講唔續約唔用，你點知巴克利唔會回心轉意又點知尼亞斯唔會進步呢?
搞到尼亞斯件事禁尷尬，完全係因為你唔識得凡事留一線，日後好相處。
世事難料，他日你轉去第二間球會，遇到昨日你唔認同的球員做左主力，唔通你又要賣左佢?
做領隊做到佢禁，條路一定唔會好行，球圈其實唔多大GA咋。

PS: 轉會操作問題唔多講，口都臭啦。

去到尾，我想講清楚，幾反RK都好，佢都唔會下場就俾人炒。之但係，佢都唔會教得長，你睇到BILL叔叔上幾場睇波個樣都知咩事。
為防佢最後一年玩野，正常球會都會同最後一年約的領隊解約。事關佢好可能冇第三年...因為佢根本帶唔到我地上更高層次。
呢種被動防守唔單止唔好睇，對著強隊幾乎可以話係必輸完敗...更何況你搞到隊波形象禁差又冇哂HEART。
錢用完又買埋哂同一位置...俾你教埋季尾算俾面你，而且RK衰極都唔會降班，又可以俾我地有更多時間搵下任。

Fuko~

barker 發表於 2017-9-28 22:03
網台足球節目 ( 足錯用臣 ) 主持 Jason 大力反對愛華頓而家炒朗奴高文, 他話香港有的愛迷太短視喇 , 他話叫 ...

jason其實係barker你???我地短視??睇左佢年幾都仲話短視???
我真係想問到上場為止邊忽叫有隊型???
從來呢度冇人睇過數字，係睇班波上場踢成點，一直都話唔介意你輸，但輸唔係禁樣輸。
你叫pk jason上黎以事論事再廢up la!

Fuko~

barker 發表於 2017-9-28 22:59
我只係對他睇今季愛華頓的觀點一半支持

禁其實BARKER你究竟想點?

Fuko~

安帥如果做看守領隊，我好歡迎。但以佢執教風格，個人對佢有d保留。始終覺得尼斯主帥先係最佳人選。

Fuko~

西班牙踢法點睇都係馬仔個陣最似啦下話？佢其實同我地身處唔同時空？

Fuko~

jason話想請愛迷去辯論
明明佢自己節入面都插RK話佢好同時出朗尼同埋卡拉臣。
然後佢又識講一對中堅唔可以好像巴塞禁用波...明明班人踢唔到巴塞個隻波你都仲夠膽禁踢。
明明叫班球員禁踢的就係RK...同RK一樣都將責任推係球員。你地班球員打唔到巴塞個隻係你地唔岩!
又唔諗下明知打唔到都仲叫班人禁踢，又應該係邊個問題?

Fuko~

witzz 發表於 2017-9-30 23:58
West ham同Stoke今晚都贏，愛記跌落16位，希望般尼聽晚送個PK一程，成為英超第一個被炒領隊。 ...

炒左法蘭迪保亞...應該要做第二個先係!

Fuko~

Forever_Fan 發表於 2017-10-2 11:44
Everton's major shareholder Farhad Moshiri has given underfire manager Ronald Koeman his support aft ...

講得呢句，其實個頭近先係。我就未見過講得呢句個隊波的領隊坐得到季尾啦。呢句頂多話你知呢個國際賽期唔炒著。

Fuko~

Forever_Fan 發表於 2017-10-2 12:52
國際賽期炒係最理想的

好明顯隊波係班主眼中未去到護級隊...
加埋佢都未為下任領隊人選有心水。
你都知外國人諗野慢一拍，輸多兩三場，歐霸出埋局就真係差不多。

Fuko~

Forever_Fan 發表於 2017-10-2 13:11
歐霸出緊局啦，最弱嗰隊都輸，根本唔存在晉級的希望，如果係咪都炒，早炒好過遲炒，最多搵安斯禾夫做看守 ...

唔水浸眼眉，佢地點會做野？
家下都知佢倒數緊，我地球迷唯有俾d耐性等下lo