愛華頓轉會討論區 2017-2018球季

愛華戰士

Forever_Fan 發表於 2017-7-10 21:42
幾勁又如何? 勁的攻中又何止佢一個，每個球員都有個價，30m我覺得已是極限，再加價只係水魚行為，我們根 ...

絕對認同！
30m 已有水魚feel.....50m....真係收皮啦！
早兩年50m 買起史雲斯成隊波都得啦

愛華戰士

James_Beatkit 發表於 2017-7-10 15:45
冇前6唔該自己閃水

下屆的目標真係要提高.....
前4係首要目標.....另外唔該拎返隻杯仔返黎.....真係等到頸都長。

我地隊波以往就係輸在成季穩定性唔夠....原因同戰術單調....板凳深度不足....壓場經驗不足所致.....我地可以4-0數曼城....但又可以0-5輸車仔....作為一隊前列球隊....呢D 表現係唔合理的......你可以話車仔踢法係針對我地弱點黎踢....但正常唔應該咁輕易比人完爆。

愛華戰士

barker 發表於 2017-7-11 11:19
阿拿奥杜域 ?

呢個身重又唔願跑動....有點腳法但自視過高....個人認為不合適

愛華戰士

轉載新浪足球網︰

夏季轉會開始至今，燒錢最多的英超球隊不是曼市雙雄，也不是車路士與阿仙奴這兩支倫敦豪強，而是上季排名聯賽第七的愛華頓。

　　當其他球隊正準備結束假期，開啟新賽季的備戰時，愛華頓已經完成了七筆收購，轉會總額更是一度超過了同樣瘋狂收購的AC米蘭，達到了驚人的9600萬英鎊。

　　七筆收購中，除了從荷乙球隊福倫丹簽下的荷蘭U18國腳馬爾克羅，其餘六人都來頭不小。球隊的前兩筆收購先是在一天之內大功告成，他們是新特蘭的年輕門將比基科迪，以及阿積士隊長卡爾遜。其中，23歲的本土門神比基科迪以2500萬英鎊（根據附加條款可追加到3000萬）創造了英超門將轉會費的新紀錄，他也是上季英超撲救成功次數最多的門將；荷蘭國腳卡爾遜同樣在上季大放異彩，他帶領阿積士時隔21年重返歐戰決賽。

　　隨後，球隊又從比利時的KAS歐本簽下了尼日利亞前鋒安耶古魯，20歲的他在上季以22球榮膺比甲聯賽射手王。不過由於勞工證的問題，安耶古魯將在下季租借至安德列治，繼續磨礪自己的球技。此外，21歲的馬拉加前鋒辛度・拉美利斯、以及24歲的英格蘭國腳後衛邁克爾・堅尼也在上週加盟球隊，後者更是以3000萬英鎊刷新了愛華頓的隊史轉會紀錄。

　　與這些1993年之後出生的年輕一代相比，愛華頓最振奮人心的一筆轉會，莫過於朗尼從曼聯的自由回歸。從9歲進入愛華頓青訓體系，到不滿17歲上演一線隊首戰；從18歲遠赴曼徹斯特，再到31歲成為紅魔傳奇後的重返母隊，朗尼終於兌現了「一日為藍、終身為藍」的承諾。值得一提的是，朗尼在達成協議前自願降薪50%，保證愛華頓的薪資體系能夠承擔得起自己的薪酬，這一點最終也為他的回歸鋪平了道路。

　　儘管已經在轉會市場連簽七人，但由於當家射手盧卡古已經同曼聯越走越近，愛華頓依舊沒有停下收購的腳步。主教練高文對史雲斯中場施古臣的興趣，早已是人盡皆知的秘密，如果27歲的「冰島大狙」也如願加盟，那麼愛華頓今夏在轉會市場的總投入將創紀錄地超過1億英鎊。此外，在拿卡錫迪以隊史標王的身份加盟阿仙奴後，由於位置相同而陷入離隊傳聞的基奧特，同樣被愛華頓以2000萬英鎊報價。

　　和AC米蘭一樣，愛華頓在轉會市場的揮金如土，同樣源自中國資本的助力。據多家英國媒體報導，愛華頓和中國工商銀行簽署了一份協議，他們將在未來三年內從工商銀行獲得了6000萬英鎊的貸款額度。儘管這一協議在當地時間上週三才被公之於眾，但從6月30日英超聯盟批準之後，協議本身就已經生效。

　　據悉，拖肥糖的這筆貸款不會用於新球場的建設，而是被投入到日常運營和轉會市場。儘管球隊的土豪老闆法爾哈德身家不菲，但當球隊急需資金進行收購時，無論是老闆直接注資、還是出售球員籌錢的辦法，都需要一定的時間操作。如今，愛華頓可以在需要的時候隨時從這6000萬的額度中提取資金，這顯然有利於他們在瞬息萬變的轉會市場中佔得先機。

　　愛華頓的上一個集體榮譽，還是1994-95賽季的足總盃。在奪冠之後的兩個多月，辛度・拉美利斯才出生在加那利群島的首府拉斯彭馬斯。如今，隨著拉美利斯等一眾新援的到來，新賽季三線作戰的愛華頓將不再是任英超六強隨意咀嚼的「拖肥糖」，他們將向著歐冠盃資格，甚至更高的榮譽發起衝擊。

愛華戰士

真真唔需要35m 以上去買施格臣....
我真係寧願買史奈達黎打2年
正如其他波友講....又唔係得佢一個攻中....點解咁執著要佢？
如果佢要50m....真係嬲嬲地70m 買j 洛迪古斯好過....至少個嘜頭夠照。剩係吸南美班女fans 都夠賺

愛華戰士

都話左朗尼有遠射能力，我地隊波最缺呢D 進攻點....只要你班中場有遠射能力....對面後衛自不然要企返出D 黎防.....一出一入咁前鋒至可以有空位走單刀....
我地過去幾年中場往往就猜來猜去....人地唔怕你猜....結果自己猜甩

始終係熱身賽....勝負同點樣失波都唔係太重要O既.....如果下下硬埋硬去....傷左仲麻煩

愛華戰士

網上都睇左篇文講施格臣上屆的入球有水份.......而且助攻D 波亦唔係乜野精妙KEY PASS
如果真係35m 鎊以上....我真係唔希望見到呢單deal 成功。

愛華戰士

爆炸拖肥糖 發表於 2017-7-14 13:31
睇完篇文真係覺得水份好高......

就係呢篇野

雖然有另一篇野講施格臣O係史雲斯甚麼英超歷史上入球及助攻王...又話佢係隊中入球佔比% ....又係英超除左華迪外，射入TOP 6 最多的球員.....又係甚麼罰球王......但我睇黎睇去呢D 都不是代表佢值咁高價

愛華戰士

Forever_Fan 發表於 2017-7-16 12:54
禾仔無錯係28歲，我覺得佢最大問題係技術方面太粗，咁的年紀重可以跑死狗咁跑幾多年？去到呢個年紀的球員 ...

一句講晒....禾確特O係阿仙奴咁多年都爭唔到個正選位.....阿仙奴咁多年贏唔到重要錦標，我地要呢D 水平O既球員究竟有乜用？

呢條友由初出道到宜家....剩係識得向前死跑.....球商又低....基本功又薄弱
我地連迪路菲奧都可以唔要外借.....要禾確特做乜？

愛華戰士

愛華寶寶 發表於 2017-7-16 15:20
熱刺早前落實將右閘基爾獲加賣俾曼城，大拿拿收番成5千萬鎊（約5億港元）轉會費，加上今夏仲未收購球員，理 ...

當你見到獲加都值5000萬鎊.....我堅覺得盧卡古賣得真平！
獲加只係熱刺的半後備....雖然話佢尚算後生....但水平真係唔算超級

盧卡古雖則話非世界頂級鋒將...但呢幾屆英超証明左一定入球率......年青....力大如牛....仲有2年約....咁樣比曼魚TUM 左去

如果真係咁.....巴克里應該都要40m 以上.....話晒上屆屬於球隊主力正選....英籍....後生....身體質素好....無理由輸蝕過獲加