迎戰賓福特

愛華戰士

咁早打少一個要由贏變輸唔係問題，真係唔係對賽果有咩意見。問題係主場，關鍵護級戰，戰術運用同個別球員個決心明顯出左問題。我地後防缺人，首先就絕對無可能將整個防守壓力收喺自己禁區，此乃第一錯；決心打防守但唔加強中堅位球員個身高優勢，如換走進攻球員，換返個高大啲嘅位換位，就算話我地後備已無高大中堅，咁至少應該拉杜古希落去，換走個前鋒，加返個阿倫入，此乃第二錯；豈有你原陣3前鋒乜都唔換，硬將3個前鋒收落後方做防守嘅道理？咁究竟佢地係前鋒定後衞？領隊你想攻定守？此乃第三錯。

愛華戰士

宜家最大問題係4日後對水晶宮，以天殘地缺嘅後防線。我最擔心嘅係林伯又出莊堅；進攻今場dcl 咁樣入一球，怕林伯下場又用呢個黑腳擔正，只要莊堅搭dcl 呢對孖寶出，我肯定愛記下場一分都拎唔到。