愛華頓轉會討論區 2017-2018球季

愛華戰士

外面的前鋒個個傳到顛價....夠膽死阿丙阿丁都嗌4000, 5000 萬鎊.....
倒不如真係諗雲偑斯同史奈達好過

愛華戰士

barker 發表於 2017-7-6 17:09
EVERTON twitter breaking news : BBC sports : MAN UTD agree a fee in the region of 75M for EVERTON st ...

75m.....no way!

愛華戰士

barker 發表於 2017-7-6 17:09
EVERTON twitter breaking news : BBC sports : MAN UTD agree a fee in the region of 75M for EVERTON st ...

加送個馬達都可以諗諗

愛華戰士

Fuko~ 發表於 2017-7-6 13:04
Everton FC has signed a landmark finance deal with a Chinese bank that could bring in tens of mill ...

屬於融資....同贊助應該唔同....所以應該唔會波衫心口又變中文

愛華戰士

多口講多幾句朗尼單野....假如真係入手.....我都希望球會係比1000萬鎊曼聯 (咪等曼聯私下當賠比朗尼囉)...然後減朗尼周薪落返去例如15萬鎊....咁會令到隊波其他球員心態上平衡D....否則朗尼返黎做後備....球正選下屆全部會要求加人工....咁就大大鑊了。
同埋就算真係要佢返.....都可以遲1個月至叫佢返.....咁可以比少1個月人工佢。

盧卡古一定要企硬90m 鎊以上至好賣.....曼聯車仔佢地真係無前鋒可用....我唔信佢地轉會市場關閉前會唔出價。瘦田無人耕....耕開就個個爭架啦

至於陣容方面....4231 肯定係高文的偏好陣.....
2個防中就無乜爭拗....基本上gana 同舒拉達連正選機會較高....巴利/麥卡菲/ 比錫間中輪替...
反而3個攻中會難定位d.....中間應該係卡拉臣機會最高....( 就算朗尼黎都應該係卡拉臣後備)......左右相信有一個位係拉美利斯....( 另外米拉拿斯都應該可以打20場左右)....再配洛克文...保拿斯 (下半季康復後)
正印前鋒當盧卡古走人.....隊內宜家真係無乜邊個踢得.....如果基奧特黎....當然可以....佢雖然無盧卡古果種入涉爆破能力....但做個點分左右後的能力較盧卡古清晰....再轉身入禁區搶點攻門都應該ok；再玩大d 打個4213......其實米拉拿斯, 拉美利斯, (*朗尼 - 如入手)三個前面互換位攻門....其實都可以考慮.....

愛華戰士

nsno 發表於 2017-7-7 11:27
呢個真
成季都冇一個穩定嘅陣

咁公道D 講....我地隊波近季真係限米煮限飯.....其實O係進攻端上面真係唔係好夠卡士球員....

我地無好似沙維 (派路/ 史高斯/ 沙比阿朗素/卻奧斯) 呢D COOL 波比波型球員
我地無恩尼斯達 (馬達/ 大衛施華/ 莫歷/ 艾歷臣/ 阿迪達) 呢類可突破又分波O既進攻中場
我地無費高 (簡察斯基/ 祖亞昆/巴里) 呢類有速度有技術純正翼鋒 ....之前迪路菲奧算係中等水平...可惜未大熟

所以無論你踢433 或4231 或4123 都好....其實中前場的用人都比較難定位.....就係因為無非常合適的球員...致令踢唔到穩定的陣容。

愛華戰士

barker 發表於 2017-7-7 11:55
如果施古臣加盟 ?

對佢認識唔深....睇片唔覺佢係運球上腳果類中場.....亦非COOL 波控制節奏果類
可以話佢係反擊時能夠利用空檔比波同埋門O既中場......亦有一定罰球能力。

其實我覺得25m-30m 已經係比盡佢....

愛華戰士

有幾樣野要講︰

朗尼︰D 新聞話佢加盟後15萬鎊周薪....(仲話曼聯仲會支付多一年一半人工，咁究竟係30萬鎊曼聯比15萬；愛記比15、還是15萬鎊中我地只比7.5萬鎊？
#以事論事...其實朗尼上屆曼聯踢....又不能話佢打得好差....8助攻入10球....有球罰球94分鐘入....；大家要考慮O既係上屆曼聯進攻線基本上係以伊巴做重心....其他人要遷就伊巴....好似馬爾他就踢到死晒....拉舒福初初都唔惦....不過始終年輕適應得快....朗尼30歲....本身速度同適應能力已下降....佢應該要別人就佢...而唔係佢去遷就別人....呢一點係令佢踢唔出水準。至於是否佢自己主動提出轉會....呢D 見人見智啦....摩連奴同你講返2句好說話...大家好來好去咪算囉....否則佢都可以好似當年車仔時玩馬達咁玩走佢。
大家唔好忘記.....朗尼始終都仲有D 禁區外遠射能力...我地隊波過去10年就係最缺呢D.....雖然巴克利同米拉拿斯有遠射...但佢係絕不穩定......估佢地唔到果陣就入世界波....大好機會就射到唔知去左邊。朗尼呢一點仍有功架
仲有朗尼長傳能力亦都有中上水平.....我地呢2年角球處理得麻麻...巴克里同米拉拿斯甚至乎拜恩斯都係.....好少角球直接助攻。
仲有罰球....朗尼雖然唔算係好強O既罰球射手....但亦都唔算差....
綜合黎講....朗尼可以比到以上幾樣進攻點比我地......不失為一個好選擇黎

盧卡古︰
75m 加15m 附加.....我本身就覺得85m 實際d....不過算啦.....反正佢開到口嗌走....而且我真係覺得佢水平有限.....特別係佢first touch 同短傳能力.....。一個我地英超入球紀錄保持者，來時25m....4年人工比晒佢我地仲有40-50m 收入.....其實真係要多謝佢至啱.。大家可以話佢走得比較肉酸.....不過算啦。

至於下屆會點擺陣︰(季初)
                pickford
holgate    keane   williams     baines
         舒拉達連      gana
朗尼         卡拉臣         米拉拿斯
                   sandro

或者︰
              pickford
holgate    keane   williams     baines
         舒拉達連      gana
sandro       卡拉臣         朗尼
               ( 基奧特)

愛華戰士

Forever_Fan 發表於 2017-7-10 14:05
愛華頓負責朗尼週薪15萬鎊，由於朗尼原先有30萬鎊週薪，有說法係朗尼走時曼聯給佢一筆分手費，個筆錢多過 ...

另一說法係愛華頓比左大約10m的轉會費，而呢筆錢曼聯係直接比左朗尼以抵銷未來2年少收的人工。
- 如果係咁即係等於我地預支佢一半人工喎.......
如果只係15萬鎊...之前無比任何轉會費，咁我地2年間人工支出比朗尼只係15.6m....呢個支出我覺化算......；但如果係先比10m，之後再比15.6m，咁整個收購就係25.6m。 咁 呢個付出我就覺得過大了。

愛華戰士

同意呢一刻唔需要咁急去買施古臣....佢同卡拉臣同朗尼巴克利撞位....特別係佢宜家嗌到5000萬鎊....發神經，憑乜？
O係我眼中.....以下助攻力強攻中排位如下︰摩歷 >奧斯爾> 迪布尼>大衛施華>艾歷臣> 馬達> 之後再唔知幾多位後至會係施古臣

反而真係認真買1至2個前鋒好過.....其實唔需要好大名氣....如果你話賓迪基、基奧特、迪斯高呢D 成左名中鋒....當然都有即食效果....而且踢過晒英超都有表現當然都唔會唔適應。但我角度睇即使買到佢地任何一個.....我地都再需要搵多1個年青射手返黎。