愛華頓 2021-2022轉會討論區及賽季總結

愛華戰士

ngkk821 發表於 2021-6-10 09:19
睇番TRANSFERMARKT，原來水晶宮FREE走成半隊波，沙高，雲當賀治，麥卡菲，TOWNSEND等，唔怪得HODGSON退休唔 ...

對沙夏我有保留。
呢兩季佢無錯仍有一定入球率....但睇佢踢O既水平已經較早幾年跌左唔少....而且經常受傷。

如果一直企硬嗌到50M 鎊呢個水平O既價格，我覺得就無謂啦。

愛華戰士

Forever_Fan 發表於 2021-6-10 11:20
我都係咁話，肥賓更有信心，雖然我更想係老莫，但傳媒傳出的消息都係話老莫會簽鎚仔新約，但我也覺得非常 ...

莫耶斯咁辛苦至帶到韋斯咸入歐霸.....今鋪老虎蟹都全力衝擊啦.....一下好彩打到入8強以來....仲唔省晒招牌？
就算咁黑仔分組賽就出局.....韋斯咸都唔會點怪佢.....有賺無蝕O既呢單買賣。

可能莫耶斯真係愛愛華頓....但今屆唔黎....將來佢都仲有機會返黎教.....咁真心講.....使乜急住返黎？始終愛記宜家天殘地缺....真係要執惦爭打歐洲賽...最快都要2-3 季....

愛華戰士

暫時睇肥賓機會幾高。
以能力黎講，我認為宜家可以揀O既黎講肥賓算最適合。
- 只要係代表愛華頓，有料而唔係渣流灘O既，我理得佢之前做乜同邊隊。你問我如果哨牙蘇, 古天奴肯黎....唔通我地又話唔歡迎咩。

- 紐奴真心唔好，我地有錢唔該請個好少少O既....只過英超中下游隊叫入到下前半版.....唔係我地目標掛
- 加度素傳緊....雖然佢上屆帶拿坡里拎到個杯仔....但整體呢幾年教練生涯都只係普普通通。佢係好激情.....如果要激情我要BIG DUN 好過啦。

幾單傳緊球員轉會︰
- MATHEUS NUNES, 呢件成事機會好似好高。15-20M....年青有活力....愛上腳...鐘意一揚就過果類.......係我地隊波最缺O既。睇片佢幾硬淨.....雖然睇佢做翼的話傳送力好似唔係太出眾......埋門把握力都未見突出.....不過應該有D 潛力。呢個價...快D 入手。
- DUMFRIES.....宜家歐國杯打到出晒位....價錢肯定上漲.......睇佢似翼多過閘 ( 但唔係屬快翼果類)........身型好.......出腳準.....助攻力亦強.....比晒條右路佢踢都得.......真係買佢一定有用......係要考慮究竟搵佢打右閘會唔會浪費左佢.....
- SMALLING....呢條友身型係好O既....攔截力亦強....係就係太多傷病....摩連奴一定唔會要佢....所以叫價都唔會太高.......但係O係宜家4 中堅情況下....除非放賀基治, 米拿或堅尼是但一件，否則又好似唔太需要佢....
- 馬些路....26 萬鎊周薪O係皇馬.....仲要5M 接？除非肯大幅度減薪加免費轉費....例如10萬鎊簽2年果種或者可以考慮。不過佢速度已大不如前.....閘位我地有甸尼.....諗唔到理由要用馬些路代替.....如果要馬些路打左中場.....可能都可以.......佢傳送都仲OK....搵佢配合甸尼左路應該有D火花。
- 傳占士有機會免轉會費返皇馬.....如果係.....只能祝佢順風。 占士O既創造力係無可質疑O既....只係速度真係降得太緊要.....同0防守....要夾佢真係除非成個中前場都係體力速度型隊友配合....否則隊波個平衡會拖低好多。----> 中肯D 講我對占士上屆26次出場攻入6球8個助攻呢個數據.....我個人認為合格O既。

愛華戰士

50m 宜家呢個轉會市場買唔到咩好貨。卡法路雲需要隊友支援，其實我地隊波真係比唔到太多機會佢，所以佢上屆有呢個入球量真係要比個讚佢。但考慮到佢踢法限制，如果加碼到65M 左右我覺得都可以考慮賣。

愛華戰士

領隊方面，賓尼迪斯....功力同經驗上就唔需要太質疑....始終拎過歐聯....當年一買就沙比阿朗素....佢都係推崇控傳技術O既踢法。
只要佢係愛華頓領隊....我認為球迷都唔應該太過翻看個人歷史，好似以前班比....著住愛華頓球衣....大家就應該支持佢。我地愛O既唔係個人，係球會。

唔敢想像今次轉會市場球會會有幾大動作....一來真係呢幾年用錢唔少.....仲承唔承擔到大手買賣真係要好仔細考慮。二來宜家個轉會市場泡沫好勁....好似上面講什麼WHITE.....50M？真係痴痴地....我真係聽都未聽過....可能我真係少睇波。雖然有消息指球會班主今季仲係好有熱誠.....會有大筆錢放落去轉會市場人....之但係我個人完全唔認同高額轉會買球員.....以現今市道同疫情狀態.....我傾向球會控制每個收購5M-20M 呢個水平(其實呢個金額已經唔係便宜).....多D 搵下D 年青....或者美洲, 東歐兵....甚至非洲兵....我地唔需要好大名氣....但真係需要D 肯為球隊賣命O既球員。

清瘀血就更加係當務之急.....伊禾比, 杜遜, 高美斯, 賓納特, 絕對係無用O既....要快D 清走
占士.....如果真係如報導講AC 米蘭想18M 買.....快D 放.....我寧願同安帥傾搵伊斯高黎用好過。
堅恩....呢條友成日嗌話要跳船.....既然無心留.....趁值錢都應該放.....WHITE 都要50M.....佢點都應該嗌65M UP 啦....用呢筆錢換到2-3個攻擊手啦。

愛華戰士

barker 發表於 2021-7-2 13:00
咁曼狗冼1250M 英磅買左辛祖, 華拉尼又點計呢 ？

講真，億幾鎊買個球員....係咪真係代表一定有好表現先？
法國國家隊中前場夠粒粒星(普巴, 干提, 安巴比, 基斯文, 賓施馬, 高文,...剩係呢幾個身價都應該5億鎊 )，結果咪比瑞士踢出局.....足球要講整體同配合....
大家睇下巴西阿根廷聯賽果D .....好多打得好O既...身價唔一定好高喎
整個足球圈仲係好大.....如果個個都著眼幾千萬鎊果D 所謂好球員.....咁我地真係唔好諗啦.....要爭邊夠D 拜仁車仔曼城果D 爭？
人地多蒙特, 波圖，馬體會果D .....成日都入D 平價貨....打出幾千萬身價出黎....呢D 至係正確方向。

愛華戰士

巴西同英格蘭決賽跪低我覺得係自己攞黎O既。
巴西呢幾年國家隊基本上自從尼馬冒出頭後，所有進攻球員都只係諗住交個波比尼馬等佢一個爆，睇到火都黎....尼馬無可否認係個人單對單技術係好....之但係每次見佢上腳就拖慢晒D 進攻節奏.....佢一攞波....D 隊友基本上只係睇波........成個進攻無晒立體性....阿根廷講真.....唔可以話好強喎。不過客觀D 去評價，李察利臣始終唔係一個勇銳入球型前鋒.....所以就算佢踢國家隊或球會都好.....唔好期望佢單季可以攻入15+ 勉強10 球左右已經係好盡。

英格蘭尋晚之敗更加係得啖笑....碧福特今屆歐國杯真係打出表現....整體上唔可以話好亮麗....但每場都救到D 險球.....決賽2救12碼.....原本真係可以做國家英雄。可惜O既係幾個牛奶仔真係唔爭氣........( 話要賴個領隊都可以) ....拉舒福呢兩季踢波睇佢已經係扮晒大佬.....十二碼咁樣疾步踢我真係唔知有乜野好處....我從來未見過施丹派路呢D 水準球員要靠疾步射十二碼......。我唔係英格蘭粉絲....但今場都真係希望支持下碧福特同DCL......望佢地贏冠軍....點知就敗左O係呢幾粒老鼠屎上。辛祖....我諗傳媒吹捧過大了....單睇佢射個波O既動作就知射術唔係好.....球迷可以話佢地118 分鐘落場所以準備唔夠....又或者話佢地仲年青頂唔住壓力....之但係既然打到黎決賽.....佢地做後備.....我相信無論幾多分鐘落場都好.....至少心態上必需要準備好.....而且應該已經做夠晒熱身.....未準備好但又要黎射....咁同自殺有乜分別？

愛華戰士

barker 發表於 2021-7-11 23:46
賓帥想買入名單: 阿特蘭大門將 Gollini , 巴塞法國國腳中堅 Lenglet , 車路士中堅 zouma , 荷蘭國腳右閘  ...

其實唔知點解傳黎傳去最多消息O既永遠都係買龍門O既....
既然碧福特已經差不多肯定係正選.....副選門將何解唔搵返OLSEN？羅馬基本上唔用佢....平平地3M-5M 摩連奴會佢走啦。
中堅如果唔要耶利米拿.....搵多個好O既都係合理，蘇馬幾合我心水....始終夠硬朗....雖然腳法唔夠幼細....但至少穩陣過米拿掛。車仔大把錢...又要名牌球員.....蘇馬呢D 星味欠奉.....照計都唔會開價太高。
DUMFRIES 要盡快搞惦佢.....右閘係MUST BUY
MAXIMIN 呢個我上屆睇佢無錯係幾高速度同大大隻.....感覺上踢法同狼隊個查奧爾好似........之但係佢D 傳送分波同埋門把握力都係一般咋喎.....咁樣要50M? 唔係掛
KEAN.....條友壓根兒就無信心踢英超....宜家好似仲未肯歸隊.....如果無心留.....快快趣搵買家接手啦。

有外媒評估占士如果留隊...會係球隊今屆O既正AMF......以佢個傷患記錄....我認為入定個古天奴會好D

愛華戰士

其實有關攻中呢個問題，不論占士還是施格臣2人本身都係缺乏速度，而且佢2個踢法嚴格黎講都係上腳做波型，並不善長推生個波。咁嘅話如果打攻中，就必需要前後左右4 個位球員圍住佢去走位跑動。而且最好係好高速。右邊唔使講，一個正常右翼都無，防中壓上支援，杜可利有咁嘅體力同身體條件，只不過用波能力唔夠，如果一上時間唔準，中間好易輸反擊；左邊李7勉強叫可以，但基於佢都係傾向上腳，唔係一插入去入波果種，所以都係有局限；卡法路雲強於衝點，但弱於走位同埋門。所以綜合黎講，占士施格臣如果打AMF,會好吃力

愛華戰士

Forever_Fan 發表於 2021-7-20 09:25
肥賓上場整單咁的野，佢都幾頭痕，但如果因為咁可以同冰島臣解約，咁又真係好似解決左肥賓一個難題，冰島 ...

唔知呢單野係咪真係施格臣，如果真係.....本來施格臣本身都仲值10-20M ......如果一衰呢單野....基本上佢唔使再踢波.....對球會黎講肯定係損失。