愛華頓 2021-2022轉會討論區及賽季總結

愛華戰士

Forever_Fan 發表於 2021-6-4 00:53
我好懷疑有無，因為好多報導都係話和平提前解約，球會可能做個順水人情，好來好去 ...

賠唔賠其實好閒，我反而希望皇馬比多D 二線兵優惠比我地用下，長遠合作都有好處。

愛華戰士

其實比D 誠意去請D 宜家無JOB O係身O既領隊實際過什麼要挖莫耶斯啦！
起碼慳返唔使賠錢比其他球會。

沙利其實唔錯....至少真係冠軍級.....當年佢教拉素都有D 料到。
干地宜家直頭皇帝女唔憂嫁.....熱刺如果普折天奴唔返黎干地都好大機會去熱刺. ( 但其實熱刺呢隊波真正可用O既錢唔會多我地好多....得個歐霸爭....一下輸左隨時炒.....如果干地肯黎.....我地至少有2-3 年時間比佢真係自己砌隊波.....呢個相信都係一個吸引力)
我希望佢2個是但1個。

紐奴勉強只能講係普普通通....

派路之前我已講過千祈唔好！

愛華戰士

barker 發表於 2021-6-4 12:47
安察洛堤撬李察利臣過皇馬

其實意料之內O既....我地隊波宜家真係值得下錢O既....基本上只有李察利臣.....雖然佢上季頗沉....但至少仲係巴西國腳...同後生....至少值50M ...........；卡法路雲如果歐國杯有表現...連帶下季上半季有貨....都仲可以叫下價....否則如果只計啱啱個下半季表現.....佢都唔會值多過30M 鎊；另外就係雞肋O既基恩....以佢PSG 表現....如果有隊肯50M 接手.....一放無妨.....畢竟佢如果留愛華頓.....打唔打到10M 水準出黎都成疑問；
其餘幾個英籍碧福特, 堅尼, ....
唉......講真.....有船跳唔通唔跳咩？

愛華戰士

球會咁樣舉棋不定真係幾無奈，一日定唔到個領隊，一日隊內球員個去留都十五十六；歐國杯又就開.....要買球員今個暑假已經較以往更缺時間。

-如果真係傳干地要1500萬鎊年薪仲要求隊波大花錢至肯教，O係理念同實際財務考慮上我又覺得唔合適我地。....咁干地可以 打' X"
-肥賓好似傳話去土超....論能力肥賓一定得；係要考慮佢始終幫過利記拎歐聯....球迷未必完全肯接受呢位仁兄，.而且佢人工一定唔低，....綜合去睇....我都會*X"
-好似話都有傳雲尼亞里....神話級領隊.....肯黎當然好....但都係果句....有時領隊要同隊波講緣份....夾到自然係好....夾唔到就比個神級你都無用。.....大家亦唔好諗請到雲尼亞里就等愛華頓拎冠軍.......我覺得值得一試'O'
- 羅馬個方辛加.....戰績唔可以話好亮麗...不過照坪我覺得佢好過紐奴同HOWE......如果要平衡薪酬同能力的話....我覺得呢個都可以接受。如終意大利聯賽戰術需求會較高同清晰.....愛華頓呢幾年最大問題係戰術個執行力太低....我會'O'
- ERIK TEN HAG.....荷籍教頭....我有保留....高文之亂令人印象難忘....而且荷蘭呢類教頭真係好喜歡成套荷蘭球員COPY 黎用.........其他語系球員好難適應到...所以我覺得佢唔適合....'X '
- 紐奴.......傳得好勁....個人係唔希望....；HOWE....更加係唔想！傳佢好賣力咁想打呢份工.......唔係想貶低人....但係只教般尼矛夫....( 啲人話佢將般尼帶升左一個層次) ....但我就係覺得佢唔討好。.....如果真係要紐奴或HOWE....我寧願比BIG DUN 試下仲好！

愛華戰士

新球季8月14開，距今2個月，時間唔多。重點係傳球隊今個轉會窗大約有1億鎊增兵，聽落唔少，但大家留意下最近傳果啲兵全部都至少30M 起標，咁搞法真係唔惦。基於板凳實在太薄弱，我諗球會轉會策略簡單啲去啲南美或啲二線聯賽搵返至少6-8 個轉會費5M-15M 嘅後生仔好過呢

愛華戰士

其實講黎講去....呢刻邊個做領隊我個人覺得本身問題唔會太大.....講真有邊個領隊可以領到宜家呢隊人腳O既愛華頓衝冠？答案可以講埋係無！要重視O既反而真係引入球員O既精細度....究竟係咪真係有針對性？

D 球評唔少都提到返球隊呢幾年O既買人策略.....話一個已過高峰O既禾確特比阿仙奴放棄過黎都抖緊15萬鎊周薪(雖然話佢當日轉黎好似轉會費唔高).......講真真係憑什麼？！
伊禾比之流....阿仙奴踢唔惦.....雖然話年青大大件.....結果証明.....唔係英超水平！
高文之亂下O既加拉臣.....西甲O既SANDRA....幾個買返黎根本唔知點用。或者講佢地都唔適應英超衝撞同體力踢法.....

本來O係英超已証明過O既保拿斯.....真心屌黎到一味傷傷傷....；一個藥煲GBAMIN.........究竟係簽入球員時MEDICAL 做得唔專業定球員平日體能訓練出左咩問題？導致咁容易球員長期傷？

近來經典....KING....簽返黎半季.....加埋唔知有無踢左90分鐘.....真家免費解約......又唔知唔見幾多冤枉錢？！

成隊波宜家完全缺乏一個精神領袖....高文做隊長....講真....又國家隊傷出....我地需要一個長期穩定踢得O既....激勵到士氣又穩定到軍心O既領袖。
甸尼個正選算穩...但無火O既....；碧福特叫做季尾打穩定左....亦會嗌住踢.....係唔知龍門做隊長真係踢時或多或少會難D 同隊友提場.....其他諗黎諗去....都唔似隊長料

愛華戰士

GBAMIN....剩係養傷都養左年幾....究竟仲踢唔踢得波都真係抱有懷疑。佢如果肯免費走人算佢有良心。否則佢繼續坐.....我相信都無乜球會肯要佢。
依禾比....叫做仲算年輕O既.....10M 左右....我相信都仲有D 市場....
賓納特當初黎時我本來都對佢有點期望.....話晒都入過巴西國家隊.....點知原來真係去踢埋D 俄超定烏克蘭聯賽係係真係有原因O既。踢埋D 小型球踢法....大波無貨賣。係咪應該今個暑假完約？
葛菲如果下屆多D 正選機會....我相信佢有潛質做隊長O既....份拼勁已值得球迷支持！

愛華戰士

DCL 如果真係賣到80M 我讚成賣，佢以前鋒殺手黎講真係唔夠全面，殺手觸覺亦唔算高。不過佢上屆的確係爭氣有進步。前屆我地仲百吊佢，睇屎佢上唔到大枱。由於佢踢法太需要隊友支援，對我地黎講用佢太奢侈。

愛華戰士

李76 以現今黎睇雖然唔可以話最一線，不過都屬於頂級架啦。巴西國家隊叫做正選。佢把握力唔算好好，不過有能力制造到射門機會。礙於我地整體個攻勢唔得立體，變相佢需要引球靠自己，佢本身速度唔太高，純要靠技術一個人爆，係好難發揮嘅。反而如果其他隊友支援夠，同佢做啲撞牆，空位現身，佢威脅力會夠嘅。我會希望留到佢，不過睇價錢，如果80M up, 一放無妨

愛華戰士

witzz 發表於 2021-6-10 00:17
另一個post話賠5m左右

有少少唔明。
條友好似話5月1日已辭左職....假如我地真係請佢，點解要我地賠錢？