香港愛華頓迷討論區

標題: 拖肥实力真的是这样吗？ [打印本頁]

作者: niclas 時間: 2017-9-18 15:31
標題: 拖肥实力真的是这样吗？
   愛華頓客戰曼聯，齋睇比分，個個拖肥迷都系好好好失望啊！大部分更加對RK極度不滿。  事實上真的系甘嗎？
   首先，輸第一個波，系華倫西亞好波定好運呢！無辦法啦！但一直到第83分鍾，曼聯都系穩唔到入波機會的，反而愛記仲有機會將比分扳平機會啊！
   然后換落朗尼之後，運氣真系向摩佬果邊啦,艾殊利威廉士送禮。無壓力之下傳球被費蘭尼斷去交盧卡古，後者快傳費蘭尼俾一對一入波，徹底瓦解了愛記的鬥志。
   最后馬迪爾的點球，來自曼聯後場解圍。馬迪斯的高球經連加特和馬迪爾二過二發展到禁區，後者擺開舒尼達連射波，但球已離腳，舒尼達連卻不慎手球。無辦法啦！
   至于盧卡古果球真系唔想講啦!入著愛記波仲激情慶祝！唔講！
   波拿斯爾、高利文、麥卡菲、巴克利都系度養緊傷，冬季才能複出。RK無計啦！
   重點提一下，今夏投入1.5億，有7500萬系賣著盧卡古的。所以投入真系大吗？有盧卡古同无盧卡古真系好唔同啊！唔系一个ROONEY 就可以补得上架，系时候买人啦！唔该啊！
   接着落来赛程新特兰  般尼茅夫阿波罗利马素般尼。系时候做野啦！ RK!

作者: Forever_Fan 時間: 2017-9-18 15:47
買人用左150m係事實，唔係話我賣盧卡古賣得好價，淨投入錢少就叫投資唔大，條數唔係咁計的。

買人就可以解決問題？佢一年差唔多換過晒全隊啦，有用咩？試問有邊隊有咁多投入比領隊換過晒全隊咁濟？排陣係RK的責任，佢往往唔將球員放係佢地最善長的位置，明明有人可以輪換，但就死都唔用。青訓借晒出去，就算個別位置深度不足也不用青訓。RK 好多時係唔識用人，而唔係無人，唔識排陣，同埋臨場換人好有問題。呢d全部都係領隊的責任，唔問責佢問責邊個？

作者: wahton 時間: 2017-9-18 18:09
其實話要炒佢既球迷, 大部分都唔係因為單單一場大敗而想炒佢

而係由上季開始到而家條友都建立唔到個隊型, 球隊攻不銳守不穩

又亂洗錢買埋D水貨, 排陣古靈精怪等等

佢一日仲執教, 我暫時見唔到球隊有咩出路

作者: leonkit 時間: 2017-9-19 14:32
我由中立到開始反RK
主要係球隊無FORM 無士氣
但人腳差小小真係唔係佢問題
係BOARD, 同WALSH責任
下任領隊黎都係要面對呢個問題

作者: niclas 時間: 2017-9-19 19:49

leonkit 發表於 2017-9-19 14:32
我由中立到開始反RK
主要係球隊無FORM 無士氣
但人腳差小小真係唔係佢問題

同意！

作者: 愛華戰士 時間: 2017-10-10 11:03
其實隊波問題係.....以往一直係板櫈唔夠...人腳唔夠好....所以踢唔到咩好成績.....但都叫做有隊型....有鬥志
今年隊波....人係買左唔少...( 當然我都承認買O既人其實水準唔係好超級) .....但整體踢出黎根本唔係波......最大問題係RK 沒有善用整隊波O既好球員同資源

作者: niclas 時間: 2017-10-10 12:03

愛華戰士發表於 2017-10-10 11:03
其實隊波問題係.....以往一直係板櫈唔夠...人腳唔夠好....所以踢唔到咩好成績.....但都叫做有隊型....有鬥 ...

無錯！愛記問題所在！

歡迎光臨香港愛華頓迷討論區 (http://hkeverton.com/forumnew/)