香港愛華頓迷討論區

標題: 總算護級成功 [打印本頁]

作者: ginger 時間: 2023-5-29 09:59
標題: 總算護級成功
昨晚有點運氣幫助下總算護到級，其實我地今季都好幾次絕殺搶返一分，今年運氣都未用盡。不過護完級，真係要認真諗下新一季點算。自己就希望伊朗佬真係賣盤，可以重建球隊。如果帶子sir留低，坦白講叻極都係般尼咁，預左都係要繼續在下半版打護級戰。如果帶子sir唔留，咁真係要認真諗下點組隊，唔好再求其搵領隊試就算。
假設帶子SIR會繼續留，其實下季小修小補住先，應該都可以夠留級

GK: 碧隊應該要繼續留
閘: 左閘烏仔真係唔掂，係其中一個最要換的位，用麥尼爾打一來位置感唔好，二來浪費左佢的進攻能力。右閘方面柏達臣其實可以繼續用下，隊長可以做後備都OK，不過都要慢慢搵定隊長接班人，不過暫時未算係最重要買人位置

中堅: 相對我地算最多人，但真正出得既又唔係多。mina走算係雙嬴，人工慳返唔少。達哥應該一定係重心，其實平平地應該買斷高迪，正選後備都得，收返班仔拍達哥應該夠打。堅堅送、賀基、葛菲如果有人要就快啲放，留一個用黎打下後備其實就OK了，三個中應該葛菲係好少少。

中場中: 算係我地最強的位，冇錢買人下，基爺留多年黎用應該都仲OK，不過真係要諗下個防中逗後位點算，最慘暫時基爺作用在球隊冇其他代替品。NANA應該係最值錢，我覺得如果價錢啱其實就要賣，用黎買野鋒，NANA個位其實加拿或者禾B打都OK。攻中暫時睇毒菇都啱打可以用住先，季尾對般矛同白蟻都係靠佢救命。TD就放佢走把啦，做後備都唔夠班。

翼: 暫時麥尼爾係我地少有最有能力的進攻球員，同埋佢算正路易夾。左翼應該唔駛點擔心。右翼如果用禾B，預左會落唔到底，如果用灰大哥，雖然有入球能力但難夾，唐辛我估都未必踢得返。如果有錢，右翼位真係要諗諗。

前鋒: 你知我知單眼佬都知，一定要買，唔買等降班。DCL講真真係靠唔住，一季10場都唔知出唔出到。森斯如果唔用就繼續借出去吸下經，可能之後落英冠啱用。墓比就有價即放啦......

anyway，今季總算完左，可以輕輕鬆鬆休息兩個月，下季再睇過西波

作者: jacks66 時間: 2023-5-29 18:12
今次真係好好珍惜LEE 次機會, 唔好再亂買人否則下年必死冇疑

作者: Forever_Fan 時間: 2023-5-29 23:14
有8個一隊球員約滿，包括隊長和TD，米拿應該決定離隊，其他應該都趁機全部放走，再慎重重建球隊，隊長年紀已經不足以應付英超了，TD實力見底，重組要以買入年輕球員為主，不要只追求名氣，實用性為主。前邊要買球員不是今年的事，但前邊價錢合理又有實力的並不易搵，總之睇餸食飯，由於愛隊仍處於違反聯賽盈利能力和可持續性規則的行為，不說有機會扣分懲罰，球會持續財政虧損必須扭轉，今季自然要勒住褲頭，估計轉會市場亦只能精打細算。

作者: laukarwing 時間: 2023-5-30 07:49
希望可以給Sean Dyche一個機會吧！

作者: barker 時間: 2023-5-30 12:52

Forever_Fan 發表於 2023-5-29 23:14
有8個一隊球員約滿，包括隊長和TD，米拿應該決定離隊，其他應該都趁機全部放走，再慎重重建球隊，隊長年紀 ...

everton offer coleman new contact twiiter news

作者: barker 時間: 2023-5-30 12:54

Forever_Fan 發表於 2023-5-29 23:14
有8個一隊球員約滿，包括隊長和TD，米拿應該決定離隊，其他應該都趁機全部放走，再慎重重建球隊，隊長年紀 ...

愛華頓傳前鋒目檩係高雲地利瑞典仔或羅馬阿巴咸？

作者: 24cheung 時間: 2023-5-30 22:35

Forever_Fan 發表於 2023-5-29 23:14
有8個一隊球員約滿，包括隊長和TD，米拿應該決定離隊，其他應該都趁機全部放走，再慎重重建球隊，隊長年紀 ...

其實已兩季冇咩點使錢，咁都攪唔掂盤數。人哋曼城年年使過憶就一啲事都冇

作者: Forever_Fan 時間: 2023-5-31 22:18

24cheung 發表於 2023-5-30 22:35
其實已兩季冇咩點使錢，咁都攪唔掂盤數。人哋曼城年年使過憶就一啲事都冇 ...

但愛華頓已經連續五年虧損，一日愛隊未能扭轉這個情形，一日都好難有錢買人，首先一定要縮細整隊人數，而且要重整薪酬架構，太高人工又沒有相稱表現的球員儘量賣走或約滿不再續約。並提升二隊球員到一隊歷練，老莫年代咁少錢都打得好除左老莫買入好多平靚正球員外，青訓表現好到讓佢可以好多年零轉會費都頂得住，可以用賣一個主力換三個好球員返來，越打越強，現時情況不是已經比當年更好嗎？

作者: witzz 時間: 2023-6-1 21:55
4.5m Coady唔簽，呢間球會諗緊乜

作者: Fuko~ 時間: 2023-6-2 00:29
SHARE返少少野俾大家先
GK: Pickford/Begovic/New
CB: Braithwaite/Tarko/Godfrey/New
RB: Coleman/Patterson
LB: Myko/New
CM: Gueye/Garner/New/New
RM: Iwobi/New
LM: Gray/Mcneil
AM: Douc/New
ST: DCL/Simms or Cannon/ New

Sell or release: Keane, Holgate, Gomes, Maupay, Gbmain, Davis, Coady, Mina, Onana,Townsend, Alli, Virnage, Nkounkou

以戴治sir個打法又唔太常換人，一隊24個一隊球員加3-4個青年軍應該就好夠用。
首先有冇錢買人，我敢講一定有。唔知大家有幾留意，其實上年summer，唔諗收入，我地支出都至少70-80M，雖然主要係因為李察利臣筆錢。
同一樣道理，我地暑假好大機會會賣走ONANA，加埋KEAN同GORDON，就算拎左部分還債，我地點都有D錢使下。
家下買人個問題，其實係班高薪但踢唔出水準GE人身上。
好似GBMAIN,GOMES,ALLI,HOLAGTE,KEANE，呢5個你想唔用，肯借出去都好可能仲要出糧俾佢地。只係你出少左糧禁解。

我地來季主要係要收購:
1.正前鋒, 2. 因為中場中走左好多，要多兩個做返輪換, 3. 左後衛針對需要返一個進攻能力比較強GE球員。 4. 補返一個有創造力同一個入球能力強GE中前場就夠。
借李察利臣同DIGNE返黎，俾多兩三年約米拿，已經可以慳到唔少轉會費。

作者: Forever_Fan 時間: 2023-6-8 07:09
【Now Sports】以後唔再稱呼莫耶斯做「莫天才」，講到尾係帶有貶意。今次揚威歐洲，盡洗當年領軍曼聯失敗所帶嚟嘅長久屈辱，同一切不快切割。家陣，佢已經係韋斯咸傳奇！

莫耶斯當年因為執教愛華頓頭頭是道，曾經率拖肥得第4名參戰歐聯（外圍賽落敗），直到今時今日仲係愛華頓歷來喺英超嘅最高排名。10年前費格遜退休，莫耶斯獲欽點成為接班人執教曼聯，以為一登龍門點知係噩夢開始，諷刺係當紅魔喺4月輸俾佢嘅舊「愛」拖肥，成為佢失飯碗嘅催命符。

對佢嚟講，最屈辱未必係宿敵利物浦球迷嘲諷佢為football genius，而係當會方決定痛下殺手，佢蒙在鼓裡，仲四周圍搵人加盟諗住為新一季組軍，最終淪為笑柄。喺曼聯經歷黑暗9個月後，一直孭住教曼聯唔掂嘅名聲，一個惡名，喺球壇浮浮沉沉，之後俾皇家蘇斯達炒魷、教新特蘭搞到降班，及至喺韋斯咸「又出又入」，捱咗多年，終於有起色。

前季佢領軍得到第6名，上季更殺入歐霸盃4強；以鎚仔幫嘅兵力，再次分心應付聯賽同盃賽當然唔容易，結果護級成功之餘，仲得到球會超過半世紀嘅首個歐洲錦標，即使係所謂「第三盃賽」，一啲都唔簡單。

「我唔會為呢啲前塵往事困擾。」莫耶斯好耐之前講過呢句話，係咪口不對心，唔知，只知佢苦盡甘來，單係今次功績夠佢爬番起身。以後仲有人稱呼佢做「天才」嗎？就算有，應該會係帶褒義嘅由衷之言。

咁多年過去，老莫終於拿到一個歐洲冠軍，下季又能升呢打歐霸，韋斯咸霉左咁多年，呢幾年係老莫帶領下終於吐氣揚眉，但愛隊過去十幾年都係不斷換領隊和護級中渡過，球會係英超最好的成績還是老莫帶領下的時間，莫財之下打出燒鵝的味道，我一直希望睇如果有錢的老莫係愛華頓會點，可惜十幾年都緣慳一面。

作者: Everton2018 時間: 2023-6-8 20:34
我剩係知道韋斯咸攞今次冠軍寶座的獎金和咁多場電視轉播廣告收益再加上上季佢地踢到尾再加埋下一季，為球會帶來超過一億收入，有錢咪可以從心所欲買人，有歐洲賽踢自然吸引到好球員加盟，我剩係知道老莫幫韋斯咸老闆賺咗唔少錢，所以下季希望戴冶可以效法老莫帶愛隊入歐洲賽

作者: barker 時間: 2023-6-8 20:38

Everton2018 發表於 2023-6-8 20:34
我剩係知道韋斯咸攞今次冠軍寶座的獎金和咁多場電視轉播廣告收益再加上上季佢地踢到尾再加埋下一季，為球會 ...

戴治想要麥湯去代替奥拿拿？

作者: ngkk821 時間: 2023-6-11 23:17

barker 發表於 2023-6-8 20:38
戴治想要麥湯去代替奥拿拿？

如果麥湯加4000萬，我覺得賣得過。

歡迎光臨香港愛華頓迷討論區 (http://hkeverton.com/forumnew/)