香港愛華頓迷討論區

標題: 星期日迎戰西咸 [打印本頁]

作者: wahton 時間: 2022-9-14 16:47
標題: 星期日迎戰西咸
休息一星期, 今周開波!

作者: laukarwing 時間: 2022-9-17 20:11
誓要打開勝利之門。

作者: 拖肥1878 時間: 2022-9-18 23:09
終於開齋

作者: Fuko~ 時間: 2022-9-18 23:26
球隊上下一心終於拎到第一場勝仗。但其實入完一球就死守，真係好咩?
自己主場又對手唔係真係禁強?

作者: Fuko~ 時間: 2022-9-18 23:32
翼鋒位其實仲需要多一個...唔怪得轉會窗臨尾仲想買。中鋒位真係好睇隻鴨出返黎打成點。
俾多半季佢，唔掂就唔好理佢下半季踢成點都唔好諗住再靠佢。

作者: 愛華戰士 時間: 2022-9-18 23:36
終於等到呢場贏波！

作者: 愛華戰士 時間: 2022-9-18 23:42

Fuko~ 發表於 2022-9-18 23:26
球隊上下一心終於拎到第一場勝仗。但其實入完一球就死守，真係好咩?
自己主場又對手唔係真係禁強? ...

同意其實係入左波之後反而進攻上踢得相對無咁放（或更加唔識得點去攻），不過換個角度睇班球員壓力都好大，今次主場以逸待勞對住牌面上陣容比我地強嘅韋斯咸，一方面真係等呢場勝仗等左好耐；另一方面既然可以領先，究竟應該繼續壓上攻多球定鐵心打防守，臨場球員都要取捨

作者: 愛華戰士 時間: 2022-9-18 23:50

Fuko~ 發表於 2022-9-18 23:32
翼鋒位其實仲需要多一個...唔怪得轉會窗臨尾仲想買。中鋒位真係好睇隻鴨出返黎打成點。
俾多半季佢，唔掂就 ...

格雷好搏命，亦好多機會用波，不過有時真係略嫌比波個尺寸同時機真係差啲啲，佢hold 波係較具把握，不過又係嫌上腳太長時間。哥頓今場好靜，基本上比唔到任何威脅，甚至乎佢今場究竟打咩位我都唔太睇得到。麥尼爾都係近期水準，或者講考慮到如果係夾慕比，佢最拿手嘅應該挨邊傳中未必最有效，反而可能佢夾卡法路雲會啱夾啲。等埋唐辛復出，照計輪住踢佢地4個都叫夠用嘅

作者: 愛華戰士 時間: 2022-9-18 23:55
柏達臣今場進攻上有幾下比波都有啲拖泥帶水，尾段夾硬後面帶上去有幾下都幾危險，因為一失後邊就有空位。當係係好搏命好勤力，防守上雖然唔可以話滴水不漏，不過都收貨；米高倫哥略嫌都係推上去用波唔夠果段，閘位上得去啲比波真係要決斷啲。

作者: 愛華戰士 時間: 2022-9-19 00:03
安拿拿初段打得麻麻，中後段就好返啲；基耶應該係打6號防中位，負責串連中後場，第一層抄截同現身猜波。佢今場打後好搶眼。伊禾比再一次令我刮目相看，中場中呢個控搶傳角色竟然真係打得咁好。呢三位中場只要再夾多幾場一定會更有火花。反而graner 同杜古希，如何適當輪配會係今季我地可以達到咩高度嘅關鍵。阿倫同湯戴，有限度輪換仍然有價值嘅仲

作者: aeroplane602 時間: 2022-9-19 07:54
坦白講，出比高域我重大信心

作者: laukarwing 時間: 2022-9-19 09:44
2nd sheet, well done.

作者: ginger 時間: 2022-9-19 10:11
踢落基爺今次再返黎，真係比其他人高一班波，無論包位比波轉守為攻都係。而家我地後防好大改善，中場三個基爺、鵝比同娜娜防守都好。加埋中堅達哥同高迪都好穩，雖然而家兩閘進攻貢獻唔多，但起碼守得穩。而家最大問題返返去進攻，我地真係冇咩板斧入到波，主要最大威脅都係死球。墓比球波有啲運，比多十次機會佢都未必做到昨晚的效果。改善埋進攻我地真係有機會喺返上半版出現。

作者: 愛華戰士 時間: 2022-9-19 12:35

aeroplane602 發表於 2022-9-19 07:54
坦白講，出比高域我重大信心

比高域唔會好似碧福特咁情緒高漲，有時隊友對住碧福特真係會比佢搞到亂左章法。不過都要肯定返一樣嘢嘅係碧福特由上季尾到今季初都好專注，無佢嘅幾次神級表現球隊已經應該降左班。比高域一定係一個合格有餘嘅替補龍門

作者: 愛華戰士 時間: 2022-9-19 12:50

ginger 發表於 2022-9-19 10:11
踢落基爺今次再返黎，真係比其他人高一班波，無論包位比波轉守為攻都係。而家我地後防好大改善，中場三個基 ...

基耶其實上次效力時已係中場掃蕩王，但上次因為礙於無其他中場隊友同佢做補位，好多時要佢搶完仲要較埋炮比波做進攻，搞到上又唔係落又唔係。三季喺巴黎同幾個球王級練波，基耶個技術明顯高左，加上年紀開始大都唔可能下下靠體力去迫搶。佢專心做個中堅屏障已經夠，今場我覺得其實佢可以防守時再推出多啲啲會更好，我都略嫌佢墮得太後。同意嘅係三個中場中路（相信林伯會常用451呢個陣）都偏向係破壞型。伊禾比其實幾下key pass 同遠射其實已經係想像之外嘅表現黎。呢刻佢真係踢到識飛，事實上又好難抽走佢。進攻好大程度要睇左中右三個，哥頓踢法係傾向反擊時屈個速度，但宜家中場中開始hold 到波嘅情況下，哥頓反而喺要用波時嘅表現相對上係跌左；格雷係有突破，但係缺點係唔太肯比easy 波，或者講佢對自己太有信心（或對隊友信心唔夠）。

作者: 拖肥1878 時間: 2022-9-19 13:03
亞倫其實做乜嘢事？有傷？點解而家好似完全唔再陣中咁嘅

作者: ginger 時間: 2022-9-19 15:07

拖肥1878 發表於 2022-9-19 13:03
亞倫其實做乜嘢事？有傷？點解而家好似完全唔再陣中咁嘅

林8話唔用，叫佢可以free走嘛

作者: 拖肥1878 時間: 2022-9-19 16:18

ginger 發表於 2022-9-19 15:07
林8話唔用，叫佢可以free走嘛

咁佢哀咩？？

作者: 拖肥1878 時間: 2022-9-19 16:19
衰咩？？

作者: 24cheung 時間: 2022-9-19 17:54

拖肥1878 發表於 2022-9-19 16:19
衰咩？？

可能嫌佢矮

作者: ginger 時間: 2022-9-20 11:39

拖肥1878 發表於 2022-9-19 16:18
咁佢哀咩？？

應該衰人工貴啦

作者: aeroplane602 時間: 2022-9-20 14:45
條友真係慢，又冇身型，28m又咸水海

作者: 24cheung 時間: 2022-9-22 09:48
吊!我哋有冇咁黑呀!國際賽又大傷一件

歡迎光臨香港愛華頓迷討論區 (http://hkeverton.com/forumnew/)