香港愛華頓迷討論區

標題: 作客賓褔特 [打印本頁]

作者: laukarwing 時間: 2022-8-27 19:58
標題: 作客賓褔特
和波都收貨了。

作者: 愛華戰士 時間: 2022-8-27 21:58
今場要搏3分

作者: barker 時間: 2022-8-27 22:28
哥頓仔 0-1

作者: 愛華戰士 時間: 2022-8-27 22:58
上半場唔係話打得好差，不過大吃驚風散，對家2次中柱，同幾次頗具威脅埋門，唔失波夠運。

作者: Mathew 時間: 2022-8-27 23:26
米高尼

作者: Mathew 時間: 2022-8-27 23:28
有D擔心

作者: 愛華戰士 時間: 2022-8-27 23:43
失波啦

作者: 愛華戰士 時間: 2022-8-27 23:46
啲換人調動真係令人難明。安拿拿無乜大問題下硬係要換湯戴入黎。明明見到米高倫高抽筋，有個左閘又唔換，係要米高倫哥包左越位失返球至肯換。麥尼爾下半場近乎隱形，係咪應該早少少換朗當入黎頂下呢？

作者: 拖肥1878 時間: 2022-8-27 23:48
禁區前面任人搓，贏一粒就想守到尾，家下後防好穩陣咩………咪失波囉！

作者: 拖肥1878 時間: 2022-8-27 23:56
4場得兩分……on9

作者: 拖肥1878 時間: 2022-8-27 23:59
以為可以僥倖攞3分，都係要攞番2分出嚟

作者: 拖肥1878 時間: 2022-8-28 00:00
人家報復式贏九比零。

作者: 彈地 時間: 2022-8-28 00:01

愛華戰士發表於 2022-8-27 23:46
啲換人調動真係令人難明。安拿拿無乜大問題下硬係要換湯戴入黎。明明見到米高倫高抽筋，有個左閘又唔換，係 ...

啲換人決定差到冇朋友，下半場中後段俾人係咁差，麥尼尓下半場半隱形好心你就換朗當入嚟啦，真係唔明點解湯戴維斯入嚟，你估你係莫耶斯咩一比零可以守到尾
不過人哋仲中完左右邊處再中楣，擺明冇運你都贏唔到你可以食蕉！

作者: 彈地 時間: 2022-8-28 00:07

拖肥1878 發表於 2022-8-28 00:00
人家報復式贏九比零。

同人哋比，這兩年我都唔敢着愛華頓件波衫出街，費事比識嘅朋友笑，冇資源俾你排名在下版見，我收貨但係這7-8 年，咁多錢都踢到成坺屎咁點對得住江東父老⋯⋯

作者: reedlo16 時間: 2022-8-28 00:15
本帖最後由 reedlo16 於 2022-8-28 00:20 編輯

朗當好多人話佢廢但我又睇唔出擺麥尼爾係前面有咩建樹，朗當出嚟即做下前場hold 定波再俾隊友。
幾年來都係仲未識防死球，對面每次斬波入禁區都風聲鶴淚，被人追和真係預咗。何況今場波有分落袋都偷笑，對面又中柱又中眉，又半空門炒高。上半場其實若唔係死夠運，輸三粒都有。

林伯，唉…其實真係對佢無乜期望，人腳係話無個前鋒，但你啲排陣，臨場換人，真係俾唔到信心人…下半場尾段被人兩面狂斬波狂攻，都無相應部署。踢到米高倫高抽埋筋，臨尾先換入VINAGRE。其實你想守住個3分，一早便應換出麥尼爾，或換入VINAGRE或隊長加強兩面封截能力…

作者: 愛華戰士 時間: 2022-8-28 00:51
大家換個心態諗，冗員爆棚嘅愛華頓連世界最佳領隊安76 都救唔惦，林伯特呢刻至少見佢買人暫時具針對性，亦夠決心去清走隊中嘅高薪廢物。今屆叠埋心水打護級，目標都係繼續留返班先啦

作者: Fuko~ 時間: 2022-8-28 01:10

愛華戰士發表於 2022-8-28 00:51
大家換個心態諗，冗員爆棚嘅愛華頓連世界最佳領隊安76 都救唔惦，林伯特呢刻至少見佢買人暫時具針對性，亦 ...

呢場真係交學費俾林伯。係人都明白久守必失呢個道理...半場都未夠已經將進攻權完全放棄。
雖然對比起上屆，今屆防守升左幾級，但都唔係守6-70分鐘禁多ga。
第一個換人應該係換走麥了，再換allan/DAVIES，加強返中場控制性先係。
今場比起上場和更加谷氣，呢場真心可以拎走3分，運氣都係埋我地度。

作者: Fuko~ 時間: 2022-8-28 01:14

reedlo16 發表於 2022-8-28 00:15
朗當好多人話佢廢但我又睇唔出擺麥尼爾係前面有咩建樹，朗當出嚟即做下前場hold 定波再俾隊友。
幾年來都係 ...

其實林伯排陣同賽前戰術都做得ok...唯獨點換人幾時換人，臨場調動呢d真係有排學。
So far其實只係得2分，但今季隊波相對上有信心俾到我。真係差一個衝得晒配合到左右翼ge正前。
加埋可以改變戰術上動ge Maupay，希望球隊盡快打開勝利之門。

作者: barker 時間: 2022-8-28 01:29

Fuko~ 發表於 2022-8-28 01:14
其實林伯排陣同賽前戰術都做得ok...唯獨點換人幾時換人，臨場調動呢d真係有排學。
So far其實只係得2分， ...

但賽程跟住非常惡打下週中作客列斯跟住主場踢打吡跟住作客阿仙奴

作者: barker 時間: 2022-8-28 01:31

Fuko~ 發表於 2022-8-28 01:14
其實林伯排陣同賽前戰術都做得ok...唯獨點換人幾時換人，臨場調動呢d真係有排學。
So far其實只係得2分， ...

正前人選 Ben Diaz 或 Guirassy ?

作者: killersmiling 時間: 2022-8-28 02:25
跟住打列斯，利記，阿仙奴，熱刺，纽卡訴，韋斯咸，真係可以攞五分都唔過，林伯等抄！抄得！

作者: barker 時間: 2022-8-28 03:30
請問 Maupay 嘅優點缺點係乜？

作者: witzz 時間: 2022-8-28 11:15
林伯真係麻麻

作者: 拖肥1878 時間: 2022-8-28 13:09

killersmiling 發表於 2022-8-28 02:25
跟住打列斯，利記，阿仙奴，熱刺，纽卡訴，韋斯咸，真係可以攞五分都唔過，林伯等抄！抄得！ ...

咁踢法，擔心8場過後都仲係得兩分………

作者: wahton 時間: 2022-8-28 17:23
隊波冇咩入球能力

打防反唔係問題, 但得防冇反就死梗

作者: Fuko~ 時間: 2022-8-28 18:07

拖肥1878 發表於 2022-8-28 13:09
咁踢法，擔心8場過後都仲係得兩分………

其實季前或者上季大家都知隊波咩事，我睇唔到點解踢左4場波就要生要死，就炒林伯。
係咪我地D球迷特別冇耐性。正前個問題，你睇D街邊新聞其實就知有做緊野。
場上面可以瘋狂屌9林伯低能弱智，但又有冇睇到佢建立緊個體系先。希望大家同時都俾D理智，希望班年輕球員同林伯一齊成長。

作者: witzz 時間: 2022-8-28 18:56
齊腳嘅話可唔可以唔好再出Gray，條友一定係cup大位自己射，好少同對友配合。

作者: barker 時間: 2022-8-28 19:40

Fuko~ 發表於 2022-8-28 18:07
其實季前或者上季大家都知隊波咩事，我睇唔到點解踢左4場波就要生要死，就炒林伯。
係咪我地D球迷特別冇 ...

車路士對哥頓仔终極報價 : 25M 另加保查加拉查

作者: witzz 時間: 2022-8-28 21:02
Deal

作者: Jassoo 時間: 2022-8-28 21:48
有冇咁筍？

作者: 愛華戰士 時間: 2022-8-29 00:23
上季排16，大家真係要明白愛華頓宜家嘅水平真係英超尾果班黎。今屆好多隊都軍備競賽，唔好講傳統前邊果幾隊，剩係列斯，森林，白禮頓，狼隊，水晶宮，紐卡素，買人嘅喪買人，場上呢幾隊踢嘅波都係波到人到飛沙走石嘅。我地邊夠人揪？都唔好講近年整體個穩定性比我地好嘅韋斯咸，維拉呢啲。暫時望落我地只係希望對李城，般矛呢啲睇下有無得偷雞。唔係要怪班球員，對手係英超，你4場波得大約70分鐘有擺個中超踢到半退休嘅32歲單箭頭，真係咁比你贏4場仲有無天理？怪只能怪隊波個管理層賣走李7後無盡快處理前線球員缺乏問題，加上錯誤依賴卡法路雲呢個庸才。宜家係有個慕比，最低限度要加多個Diaz . 咁至算可以喺起跑線同人鬥走。但又要講，白禮頓同布力般嘅前鋒組合，究竟屬於世界咩水平呢？

作者: 愛華戰士 時間: 2022-8-29 00:37
今日睇干地都有提到要打三中堅，最重要係兩個翼衛要不停上落助攻去拉走對手，咁三中堅個威力至體現得到。愛華頓呢幾場中堅真係仲係受壓，兩邊翼左閘米高倫哥始終唔係助攻力好強嘅左閘；柏達臣進攻上係有啲潛力，不過防守嘅穩健度同位置感唔算好突出。而且體能上見佢尾段跌得幾明顯，呢刻究竟343 呢個戰陣係咪運作得到? 我會覺得451 會較合適，宜家多啲安拿拿做個防中控場，佢旁邊用體力佳嘅伊禾比其實暫時睇落個效果唔錯嘅。球隊宜家欠缺嘅除左係一個中鋒外（慕比或遲下Diaz 都好），反而一個正宗嘅進攻中場我認為係關鍵。一個接應到防中隊友比波後中路可以引球埋對方禁區，可傳可射可帶嘅突破型中場，要有呢類中場至可以令到左右同中鋒有火花。

作者: 愛華戰士 時間: 2022-8-29 00:43

barker 發表於 2022-8-28 19:40
車路士對哥頓仔终極報價 : 25M 另加保查加拉查

我寧願車仔擺低60M 好過。加拉查尋日又食紅牌，我上場見佢正選踢啲波覺得佢唔係咁高，上屆水晶宮話佢打得好大家唔好忘記水晶宮幾個進攻球員都係快速走位型，佢有隊友拉散敵方防線自然比波攻門機會高，我地最缺嘅就係速度，過黎未必有效果；另保查如果有料唔會連正選都無。有得㨂30-35M 要搵個好過佢嘅相信唔會無選擇。

作者: ginger 時間: 2022-8-29 12:20
唔明點解你地仲可以咁樂觀，睇左四輪我地同般茅、李城三隊真係降班膽，其他隊進步好大，我地就連做正常進攻都有難度，兩球生波入波都係靠後面一腳踢上去對面唔集中入，計防守我地對咩隊都冇能力clean sheet，仲要就算入前鋒都唔一定啱用，黎緊賽程咁難打除時去到10月我地都未嬴到波....我都想比多啲時間林8一齊進步，不過現實好殘酷聖誕都唔夠10分應該都等炒。

作者: witzz 時間: 2022-8-29 12:53
林伯太固執，堅持打三中堅，如果打番451，可能已經贏咗場

作者: Fuko~ 時間: 2022-8-29 13:53
本帖最後由 Fuko~ 於 2022-8-29 13:55 編輯

ginger 發表於 2022-8-29 12:20
唔明點解你地仲可以咁樂觀，睇左四輪我地同般茅、李城三隊真係降班膽，其他隊進步好大，我地就連做正常進攻 ...

聯賽長路漫漫，4場定生死會唔會太快? 上季阿仙奴咪又係頭三四場食晒屎。
冇換到領隊，而家咪又係坐緊榜首。
成個球季，每隊波都會經歷高低潮，傷病困擾。禁早judge隊波打唔起真係好harsh。
而家先黎變轉領隊，成個計劃又打亂晒...我地仲要多經歷呢d事情幾多次?
係丫，唔炒，可能真係會降班，但肯定唔係而家呢個階段。
今年仲要打世界杯，真係炒就世界杯前一兩個星期先決定。再俾新領隊係個段時間調較先係。
當然，林伯呢4場個臨場部署真係有問題，但我仍然會寄望佢成長。
打唔打4後衛，我就冇之前禁抗拒。始終佢呢次買人真係買班識打3後衛黎買。
轉返4後衛我反而家下有d驚。

作者: ginger 時間: 2022-8-29 14:05

Fuko~ 發表於 2022-8-29 13:53
聯賽長路漫漫，4場定生死會唔會太快? 上季阿仙奴咪又係頭三四場食晒屎。
冇換到領隊，而家咪又係坐緊榜首 ...

而家組班都係向3中堅方向，依個方針一日有林8相信都不變了，講真我都係支持林8繼續留，比時間佢同大家一齊成長。前提係護到級就已經OK了。用阿記黎比又有啲搞笑，上季人地頭三場對鏝同車。我地講真都係對返啲suppose係同級的對手。當然唔會特別好大期望今季成績，慢慢穩定返其實已經好好，只不過唏噓兩年前肥安又好，上年肥賓又好，我地目標都係講緊爭入頭六，一下子一季後目標變左係護級果種落差....重點仲要我地唔係話冇錢買人，但明顯管理不善

作者: Fuko~ 時間: 2022-8-29 14:25

ginger 發表於 2022-8-29 14:05
而家組班都係向3中堅方向，依個方針一日有林8相信都不變了，講真我都係支持林8繼續留，比時間佢同大家一 ...

唔講阿記，講修仔，佢地都係第8場先識嬴波。頭7場得4分...埋單咪又係比我地高排名。
球隊個d問題唔會一下子就消失。至少呢個轉會窗，我暫時睇到收購返黎ge都係林伯想用ge人。
而唔係d咩艾基沙同Ali，話棄用個d都盡量搵地方清。
要插ge係佢地對DCL太高期望。呢一兩季都俾得夠多時間佢，佢係唔生性繼續傷。
就算你唔買人，都應該將Simmes留到最後一個星期先諗借唔借走。
搞到無鋒陣，又踢唔掂...

作者: barker 時間: 2022-8-29 14:56

Fuko~ 發表於 2022-8-29 14:25
唔講阿記，講修仔，佢地都係第8場先識嬴波。頭7場得4分...埋單咪又係比我地高排名。
球隊個d問題唔會一下 ...

想借祖雲達斯巴西中場 melo

作者: 24cheung 時間: 2022-8-29 16:00

witzz 發表於 2022-8-29 12:53
林伯太固執，堅持打三中堅，如果打番451，可能已經贏咗場

怪就怪喺熱身賽打四後衛輸畀隊美職，所以諗八以後都唔會打四後衛

歡迎光臨香港愛華頓迷討論區 (http://hkeverton.com/forumnew/)