香港愛華頓迷討論區

標題: Everton vs Wolverhampton Wanderers- 13th Mar, 2022 - 22:00 [打印本頁]

作者: laukarwing 時間: 2022-3-13 20:38
標題: Everton vs Wolverhampton Wanderers- 13th Mar, 2022 - 22:00
......

作者: jacks66 時間: 2022-3-13 20:39
背水一戰

作者: 拖肥1878 時間: 2022-3-13 22:51
半場0：0

作者: 拖肥1878 時間: 2022-3-13 22:52
班波依舊谷唔起………亂咁踢，完全無form.....

作者: 拖肥1878 時間: 2022-3-13 23:15
其實係咪狼隊主場？？

作者: 愛華戰士 時間: 2022-3-13 23:15
又落後

作者: Jassoo 時間: 2022-3-13 23:20
成隊波個個行行企企，都唔似搶緊分咁

作者: 拖肥1878 時間: 2022-3-13 23:23
响自己主場踢d咁嘅鳩波，對得住球迷！？

作者: 愛華戰士 時間: 2022-3-13 23:27
格雷下半場得個企字，仲唔換？

作者: 愛華戰士 時間: 2022-3-13 23:40
莊祖堅尼我都話唔應該再用黎踢左閘，果然又出事

作者: 拖肥1878 時間: 2022-3-13 23:57
屌！！只能講…無藥可救！

作者: laukarwing 時間: 2022-3-13 23:57
FT 0:1

作者: nsno 時間: 2022-3-14 00:01
Doucoure今場戰犯，應傳唔傳，淨係識傳後

作者: 拖肥1878 時間: 2022-3-14 00:02
咁嘅表現，真係降班嘅級數……如果最後都仲可以逃出生天，只係因為仲有三隊墊底

作者: 彈地 時間: 2022-3-14 00:09
95-96球季之後都未見過咁嚴峻嘅局面⋯⋯其實今場波對比上幾場都好好多，起碼唔使輸D第七波
無可否認球員壓力好大,好多時候患得患失

作者: barker 時間: 2022-3-14 00:31

彈地發表於 2022-3-14 00:09
95-96球季之後都未見過咁嚴峻嘅局面⋯⋯其實今場波對比上幾場都好好多，起碼唔使輸D第七波
無可否認球員壓 ...

而家係比 93-94 年個球季更危險

作者: 愛華戰士 時間: 2022-3-14 00:46
算吧啦，咁嘅表現真係寧願降班，我85年捧到宜家，呢幾年呢隊野完全無個性，要攻無攻，要組織無組織，要硬淨無硬淨，要拼勁無拼勁。見到班友嘅工資真係點對得住班支持者。日日仲見班球員走出黎話對唔住球迷，話要反彈，到主場今場最應該搏命時又係行行企企嘅！今場睇到狼隊幾個球員猜到我地班馬騮，2個至少猜4個，真係究竟識唔識防守？對面又係好簡單，一個做柱，我地班防守下下比對手頂住，對方一彈，我地就甩晒。烏克蘭仔跟唔上英超節奏，似乎都係水貨。今場無一個正宗防中，杜古希唔知自己做乜，進退完全失據。其他都唔想再評論。總之就睇唔到血性。

作者: jacks66 時間: 2022-3-14 06:06
唔該打返4231個陣先，三中堅d球員真的未熟悉

作者: ginger 時間: 2022-3-14 08:50
正常計真係要降班了，後面垃圾，前面連做個似樣埋門都難，唔識入波點嬴到波護級，仲要之後賽程好難踢，如果今季有幸唔降都只係純粹有三隊比我地更差，我估我地埋單30分都未必有

作者: ginger 時間: 2022-3-14 08:55
講返場波，撚8仲試緊陣，唔知想玩到幾時，年糕暫時睇都係水貨，進攻唔掂就預左，暫時睇連防守都唔夠硬淨，我地走去賣左成隊最好的digne，跟住格硬要用英冠質素的莊堅客串左閘，依啲操作真係笑死人，以往打兩閘助攻係我地最大板斧，而家一下子成隊根本唔適應，變左連入波能力都冇。唔識入波都算，識守都話搏到一分，但我地轉會窗唔知搞咩唔入中堅，要信名氣入DELE同VDB，擺出黎咪一9樣，佢地都唔係占士果啲可以靠一己之力靈光一閃救到隊波的人。

作者: 拖肥1878 時間: 2022-3-14 09:35
諗住尋晚睇番場爭氣波……屌佢老味真係灰撚曬！始終唔明點解係都要揾林伯過嚟教而唔繼續用鄧肯費格遜，上手有辦你睇係利記嘅無間道喇，今次咪一鳩樣係心繫車仔嘅人，點會有心同你教吖。既然係咁你不如搵加歷查嚟教啦，話晒人哋細細個就係拖肥嘅fans

作者: 拖肥1878 時間: 2022-3-14 09:40
自從嗰條伊朗路入住之後，呢幾季變咗球壇笑話嚟㗎喎！你條友之前投資過阿仙奴都係失敗告終，睇嚟佢都係一個暗黑富商，黐埋邊隊都冇好結果

作者: 愛華戰士 時間: 2022-3-14 10:08
最令人失望係今場竟然用3421但根本個內容完全唔適合嘅。莊祖堅尼我係睇到佢有誠意踢，但真係水平唔到，你林伯夾硬比個右中堅佢踢，擺明個目的係想協防當高文壓左上去個右路空檔，你咁樣用2人踢

作者: 愛華戰士 時間: 2022-3-14 10:14
咁點解唔簡單啲一係用莊堅打個唔上嘅右閘？高文呢幾場個身體語言己經話晒比球迷知佢無貨，根本無信心踢，你簡單啲4人防線左右唔壓前執返平條防守其實係當務之急；到兩個防中點解唔用返阿倫加vdb? 杜古希要hold 波完全唔適應，個位置想上又落唔切，根本個防中位穿左隆。哥頓/格雷兩邊基本上無人支援，要佢地自己搵食左右比，到李7無錯佢今場幾下把握都差（或者真係欠啲運），但考慮到攻中中路無人，左右路只尻斬入去等佢涉位，所有嘢都要睇機率。試問個進攻邊度有把握？

作者: Fuko~ 時間: 2022-3-14 11:03
唯一positive，至少起碼尋日球失波唔係因為自己D低能犯錯。
人地真係出得靚又頂得靚先...

作者: barker 時間: 2022-3-14 12:01

Fuko~ 發表於 2022-3-14 11:03
唯一positive，至少起碼尋日球失波唔係因為自己D低能犯錯。
人地真係出得靚又頂得靚先... ...

即係而家提早扯白旗投降？

作者: barker 時間: 2022-3-14 12:02
我都唔明為何右閘位硬係唔用柏達臣？

作者: Fuko~ 時間: 2022-3-14 14:10

barker 發表於 2022-3-14 12:01
即係而家提早扯白旗投降？

呢場主場可以話係護唔護到級ge指標黎。
除非之後打到超超超水準ge表現。若果可以輸中下游，嬴前6-7，禁樣護到級，諗返起當年ge小強韋根。

作者: killersmiling 時間: 2022-3-14 14:21

jacks66 發表於 2022-3-14 06:06
唔該打返4231個陣先，三中堅d球員真的未熟悉

唔該打返4231個陣先,yes,this is right good form for everton

作者: Fuko~ 時間: 2022-3-14 14:23

killersmiling 發表於 2022-3-14 14:21
唔該打返4231個陣先,yes,this is right good form for everton

我都覺得433好，但唔係4231…我哋都冇一個勁嘅攻擊中場。阿里根本水貨…要我擺一個係中間，我情願揀gray…

作者: killersmiling 時間: 2022-3-14 14:30
-定係4231先有机！alan和杜古希打防中！雲迪比攻中做串連，左右翼加烈查利臣前鋒，雙防中，後防少D庒力，後防咁廢！上次對曼城巳打得幾好，起碼有机執分先！

作者: killersmiling 時間: 2022-3-14 14:33
433就必死！中間D人唔夠勁，分波策劃！仲要比咁多空位對面，對熱刺咪433,輸死都未得！中場太少人，守又弱攻又弱，交失波前鋒回防，走死都未得

作者: wahton 時間: 2022-3-14 17:58
而家真係聞到燶味, 再咁踢落去真係準備降班了....

作者: ginger 時間: 2022-3-14 18:20
其實而家真係一定係要打4231，唔好再迷信三中堅，踢三中堅，兩邊翼衛攻守都冇點踢，踢雙防中起碼中場多啲人，就算兩閘唔點攻，起碼夠人多守下先，當然前提唔好再出米高堅尼，守得好地地自己派膠自爆好洩氣的，雙防中就allan同杜古希，基本上唔駛諗，上年76帶都係靠佢地兩個，3個進攻中場中間VDB，兩邊就Richy+gordon/gray，如果鴨仔未OK就richy打最前兩翼gray+gordon，應該已經係最好陣容，根本唔駛個個星期試怪陣。

作者: Fuko~ 時間: 2022-3-14 18:36

wahton 發表於 2022-3-14 17:58
而家真係聞到燶味, 再咁踢落去真係準備降班了....

或者咁講，支持咗十幾年，唔捨得但都會支持落去。唔少球隊，降完第二年就返上嚟。只要唔好有財政問題要扣分，我覺得就可以。

作者: 愛華戰士 時間: 2022-3-14 19:16
其實與其話4231，古板啲用一個451 陣去演繹可能仲好。總之個重點就係要拉前條4人防線，中場中路要定期塞住3個中場，一個負責塞位，兩個進攻時現空位做hold波同分波，要防守時就兩個負責追同撲；左右中場唔可以企得太邊，守時塞返個位，攻時就睇情況壓前再配合兩個攻中睇下啲波埋唔埋到個單箭頭。玩左咁多年，完全係防線唔係防線；中場唔成中場。真係膠到。

作者: Fuko~ 時間: 2022-3-14 19:38

愛華戰士發表於 2022-3-14 19:16
其實與其話4231，古板啲用一個451 陣去演繹可能仲好。總之個重點就係要拉前條4人防線，中場中路要定期塞住 ...

自從李察利臣同DCL同場要打442，仲有D奇怪執著要打3中堅，真係冇咩幾場好波。
踏實d咪仲好...冇左施古臣，係咪真係禁難搵第二個補上AH?

作者: barker 時間: 2022-3-14 19:47

Fuko~ 發表於 2022-3-14 19:38
自從李察利臣同DCL同場要打442，仲有D奇怪執著要打3中堅，真係冇咩幾場好波。
踏實d咪仲好...冇左施古臣 ...

Andre Gomes 係無選擇嘅選擇

作者: wahton 時間: 2022-3-14 21:51

Fuko~ 發表於 2022-3-14 18:36
或者咁講，支持咗十幾年，唔捨得但都會支持落去。唔少球隊，降完第二年就返上嚟。只要唔好有財政問題要扣 ...

就算降都一定繼續支持，但最好唔好降啦，畢竟亦有好多例子降左好耐都升唔返，甚至愈降愈低組別。。。

作者: 愛華戰士 時間: 2022-3-14 22:41
只能夠講呢度嘅支持者相信就算球隊今屆真係降班，個心始終唔會離棄愛華頓。只係主流直播無得電視睇直播，個寄託會無咁強烈啫。不過今鋪球隊真係面對緊一個幾大嘅問題，首先係俄佬資金嘅使用問題；其次到呢幾年真係蝕到入晒骨；第三係散班嘅話宜家呢班友講真留嘅又係水貨，想賣嘅又唔見賣到咩錢，唔大幅減薪基本上想留都留唔住。真係幾嚴峻。

作者: 愛華戰士 時間: 2022-3-14 23:07
其實大家心入面都對球隊有恨鐵不成鋼嘅感覺。本人其實已經幾多次指出球隊個缺點，當然知道英國果邊唔會睇到，好似已講到口臭，不過都想歸納一個最簡單嘅弱點。踢波真係不外乎停、傳、帶、射四個基礎能力，其他嘅係戰術、默契，體能，速度呢啲。要借鏡下過去20年英超可以稱霸嘅球隊究竟強喺咩地方。以呢幾年曼城同利記去睇，首先最簡單嘅係原則上正選11人停波、傳波、盤波、射門（呢個前鋒必需，中場唔射得都屬缺點）頭三項可謂點都要得。利記左右閘羅拔臣/阿奴，後生有活力速度，走上走落，至少25碼以上長傳係到位嘅，亦適合落底線；兩個中堅雲迪克同matip, 雲迪克無得講，身型先天已有優勢，長傳可以，攞波識用身位帶波唔算超好但十碼八碼夠用；matip 基本技術有，短傳控球可以，特別優秀係包波截波出腳準同路數好。利記因為有超級2閘，所以可踢433，3人中場好多時係2個較防守性嘅中場如軒達臣配基達（一個破壞體力型；一個控得又比到長波），另外加一個技術性較強嘅中場（艾簡達拿），軒達臣唔太盤得，但比到長波同可遠射；基達有遠射，同體能佳；艾簡達拿更力係四範都有，特別係細空間帶波；由於利記個踢法特點係三個前鋒進行超前迫搶，三個中場就中間負責第一層執漏，如果截唔到就後防黎截，超前迫搶當然會有失敗，但整體上除排對手個傳送組織能力強到曼城咁，否則未必下下可以經到中場做組織。當然利記3個前鋒，文尼爆速，靈活；沙拿雖然只匿喺右前位範圍自己做自己野，但前鋒入到波就乜都得。到中鋒祖達或法明奴都好，停波護波，自己搵食得，為隊友做掩護又得。10個球員都有能力推生個波向對方龍門攻嘅。（除2個中堅原則上唔會推咁上外）

作者: 愛華戰士 時間: 2022-3-14 23:27
只要將愛記正選放落去比較，我先比前鋒，假如我地433- 左前李7，停傳帶射我比合格； dcl ,呢個中鋒真心講，空有身高，基本上停唔到波，停波唔係單純控個波落嚟，而係控完個波自己個節奏無亂，個波喺自已雙腳控制範圍下，dcl 呢個技術極弱，佢唔知道點樣攞個波係最有利，或者因為佢唔知咩位置現身落黎攞波係最合適，所以見佢喺最前一昧跳跳跳但無效，傳波個時機同技術英超我見最好嘅中鋒係哈里簡尼，佢速度唔太快，但隊友一走佢就回中場彈個波比隊友走，經過比到隊友半單刀機會，呢下波dcl 真係弱，佢腳嘅波底差，力水同意識都唔得，到帶波，真係sorry, 要dcl喺禁區頂位置用技術或速度突破直爆入禁區再射門嘅要求基本上係過分要求黎，無呢門技術；到右前鋒，當格雷同哥頓，控波護波都得，傳波嘅波格雷短波還可，中長波就一般；哥頓近幾場顯示到長傳有進步，盤帶上佢2個基本上係全隊速度最高二人。至於射門，其實幾個都有盲點，李7左路拉大位右腳射嘅成功率低，禁區外射嘅準繩度亦唔高，不能說佢好射得，李7有盤帶技術，但欠啲爆發力，亦無大哨朗拿度嘅射術；dcl嘅射門局限小禁區嘅頭搥/搶點撞射；格雷有左右腳遠射；哥頓就相對上無左腳，而且右腳射波唔太準同欠勁。所以好少見佢可以右腳cup返左腳左腳起。由於左中右三路都有盲點，所以個前鋒線就係「不銳」

作者: 愛華戰士 時間: 2022-3-14 23:45
枯勿論是433定451，總之中場中路配置3個人係較合理嘅。2個偏防守，一個偏進攻，先講攻果個——- 最大問題就係呢個位，究竟應該邊個打？攻中至少應該係一個可以禁區頂起腳射到波嘅- 迪布尼/艾簡達拿/右天奴/基斯甸艾歷臣/ 奧迪加特/般奴費南迪斯，要再數仲有好多。愛記，用杜古希？抱歉，呢個炮台唔合格，唔知阿里是否勝任，我見佢熱刺時禁區邊係射得下嘅，我當佢得- 只係呢刻佢個態真係好一般。攻中要靈活，球感好，視野廣，杜古希放落去真係比較吃力。兩個偏防中，當係vdb 同阿倫，vdb 控波ok, 但佢習慣係反擊中快傳（唔係hold住波上腳果類），傳波10碼內可以，算準同決定正確嘅，所以做連系係適合嘅，帶波果樣相對平融啲，好少見vdb 一推20碼果種，始終局限左欠啲速度，射波由於佢距離龍門太遠，呢幾場見佢就算挨住禁區頂位置但啲腳頭都唔係好夠；阿倫，屬於踢法非一般嘅防中，控到波，短傳什至中距離都叫得（只係成功率唔太高）長傳近乎無，呢個弱點係佢同雲迪碧都面對緊嘅。阿倫由於都係速度唔快，要佢推10碼可以，再多就困難，射門就阿倫弱項。近年最比批評得多嘅中場組織，試問三人中場咁多缺點，點可能運作得好？

作者: 愛華戰士 時間: 2022-3-15 00:18
到終極大鑊嘅4人防線，原本甸尼真係越諗越心痛。進攻力世界top5 嘅左閘，換來米高蘭高，暫睇真係水水地，踢法頗保守，比波唔太放膽。好少落到底，停波尚算可以，短傳都得，帶波唔好期望25碼成條邊咁上，如果只需10鬆啲碼帶上中場照計有條件，暫時睇佢防守時幾易比對手fake 到，但相信未適應英超節奏，相信會有改善，點都應該好過莊堅；正選中堅我當葛菲同米拿，可惜米拿傷得太密，佢配葛菲喺守力上我認為係比較穩，但問題係兩人個傳送力都弱，米拿比唔到10碼外，葛菲亦係傳波非常遲緩，好多時比波過份小心，而且比唔到20碼外半長傳，試問中堅比唔到長波點踢反擊？因為咁，所以米堅同賀基治有得玩，米堅撇除個防守力同自爆，本身可以傳下波，賀基治都傳到長波，只係佢2個比嘅長傳又唔太準，變相我地中堅只要放長波，基本上等放比返個控球權對方；四個中堅叫做賀基治推到15碼左右波，多啲都無。右閘高文，停波可以，佢習慣踩死個波添，傳波嘅時機好多時都好一般，應比時唔比，cup 多2腳至比，而且比時隊友啲位都唔靚；盤波好多時搏波，例如挑起過波2個人中間過，右路推埋中路一堆人中間去，成日見佢比人閘低，高文都叫射到下，只係又係中嘅機率偏低，無乜把握可言。整體防線個用波能力係非常低。由於2閘出擊個時機同把握都唔太理想，左路壓唔上；右路勉強上左落得慢，變相雙中堅同2閘個距離會幾遠，四人防線拉個防中最低限度5個要好似張網咁互相拉扯。閘位攞波1）要對前見到左或右中場；2）其中一個防中；3）身邊一個中堅；4）龍門。最低要求係呢幾個options. 如果有腳力就直頭可以直線扯去中鋒位或左閘位轉右閘位，但呢2範我地左右閘都極弱。近幾場所見，閘位一上腳，個中場已被人夾死；個防中又現唔切身，往往波到閘位就只能回中堅或比龍；中堅攞波仲慘，對方一截我地防中2人，由於雙中堅無中距離傳送力，唔可以準礁放去左右中場，令到好多時只能比左右閘再比佢地明知左右中場無空位但都夾硬要比，所以又係對手一迫就斷。

作者: Fuko~ 時間: 2022-3-15 10:02

愛華戰士發表於 2022-3-15 00:18
到終極大鑊嘅4人防線，原本甸尼真係越諗越心痛。進攻力世界top5 嘅左閘，換來米高蘭高，暫睇真係水水地，踢 ...

簡單總結就係呢幾年買人基本上買到錯晒。人地買人買到係士氣升，大家一齊踢好波。
我地?買黎買去都係D水準差不多，最多一季好波GE球員。
特別係中堅，一個自爆到冇眼睇，另一個傷多過踢。
換領隊換又換得衰，基本上個個都唔同打法，係除左安76可以做到運用現有班底加兩三個就打到好波。
積積埋埋落黎GE問題...搞到今時今日禁，對自己班底有信心GE，真係降一降落去，清走晒大部分，再重新執過算。
我覺得林伯特肯教落去就俾佢教，唔肯就搵朗尼或者BIG BUNC.帶算。至於咩人會留低，我諗除左PICKFORD，大部分英人都應該會得低。但最有能力入波個D應該會走晒。

作者: 愛華戰士 時間: 2022-3-15 16:11
事實係買人時只係頭痛醫頭腳痛醫腳。無前鋒咩就免費簽個返黎，跟住又整個朗當，無諗究竟個球員係咪啱用嘅。好似用占士咁，當然係安76個人傾向，但占士事實上係帶到創造力同入波比隊波，舊年1-0 贏利記，夠j 啦。無球員係完美嘅，之但係一隊波一定需要某啲元素，前鋒入球；攻中要能傳善射；防中要體能好控到場；中堅要硬朗位置感好，但一點最重要係基本功，呢啲就係強隊同弱旅最大分別。進攻時傳波現身走位接應；防守時幫手追波補位解圍，將皮球傳比最空嘅隊友。愛華頓宜家正選11個，最弱嘅我可以話係啲快速嘅中距離傳波走位。其實睇返足總杯贏業餘隊果場會睇到好多野。啲猜傳真係業餘水平，試問拍落英超水平，邊可能唔係一直輸？

作者: Fuko~ 時間: 2022-3-15 16:56

愛華戰士發表於 2022-3-15 16:11
事實係買人時只係頭痛醫頭腳痛醫腳。無前鋒咩就免費簽個返黎，跟住又整個朗當，無諗究竟個球員係咪啱用嘅。 ...

轉會買人呢家野，真係想再講一講...針對弱處買一個唔係問題，資源所限免簽一d人都冇問題。
我從來都唔覺得簽朗當有乜問題，唔使錢，只係出人工。唔掂就踢佢落後備，一隊波有一兩個呢d久唔久出黎救世，唔係咩問題。
我覺得最大最大問題係，我地d球員冇幾多個keep到狀態。你睇隻鴨鴨廢到...佢好返返黎，應該要入到三四球，係一球都入唔到。
打完一季半好波又打回原形...當然有部分原因係冇左甸尼同埋JAMES，但佢連埋門個腳執波都冇埋，根本係鬥心問題。班波自己士氣、鬥心同穩定性都奇差，佢地唔生性，你搵咩人教換走幾多人都係冇用。

作者: ginger 時間: 2022-3-15 17:06

Fuko~ 發表於 2022-3-15 16:56
轉會買人呢家野，真係想再講一講...針對弱處買一個唔係問題，資源所限免簽一d人都冇問題。
我從來都唔覺 ...

其實係啲領隊風格太唔同，換一個領隊基本上要換半隊人，但每個領隊得一兩季貨，如果唔係76走其實我地今季應該係收成有得爭下，一定唔會淪落到而家咁

作者: 愛華戰士 時間: 2022-3-15 18:31

ginger 發表於 2022-3-15 17:06
其實係啲領隊風格太唔同，換一個領隊基本上要換半隊人，但每個領隊得一兩季貨，如果唔係76走其實我地今季 ...

如果隊波上季拼到個歐洲賽席位，安帥未必咁狠心咁就走，上季就係當然一來傷兵問題；二來打出黎始終又係有一段時間又係衰到貼地嘅頹。搞到安帥都無癮，皇馬一搶自然無，今屆安帥喺皇馬帶班友真係算好一般咋喎，人地聯賽攞硬咁滯；歐聯又反敗為勝出線。

作者: Fuko~ 時間: 2022-3-15 18:45

愛華戰士發表於 2022-3-15 18:31
如果隊波上季拼到個歐洲賽席位，安帥未必咁狠心咁就走，上季就係當然一來傷兵問題；二來打出黎始終又係有 ...

安76個邊都反映咗我哋班底有幾差有幾唔穩定。
佢功力一啲問題都冇，係我哋班球員差…

作者: nsno 時間: 2022-3-16 09:55
好心唔好再由兩閘發動進攻
右邊高文成日攞波時都冇位，又已經慢，唔可以下下爆，傳波又唔掂
左閘搵Kenny打更加唔好期望佢識攻，我寧願Baines出返嚟踢，起碼傳到下波
其實好應該由中場發動進攻，三中場，Allan防守、VDB短傳配合、Doucoure走位，等兩閘位鬆啲先分個波去邊路，等佢地多啲位多啲時間可以出波，而唔係死由兩閘死lur

歡迎光臨香港愛華頓迷討論區 (http://hkeverton.com/forumnew/)