香港愛華頓迷討論區

標題: 作客修咸頓- 19/2 [打印本頁]

作者: 愛華戰士 時間: 2022-2-19 23:57
標題: 作客修咸頓- 19/2
上半場0-0。上場一樣陣容，發揮同上場差一大截。上半場空有拼勁，但踢落都係無乜紋路。基本上無一個球員打到自身水準。卡法路雲前點根本無威脅；伊禾比又係例牌水準，比親波都斷；哥頓又係比啲波唔到喉唔到肺；雲迪比無晒上場啲搶同空位比波。左右閘都幾多甩漏。打得好暫時只得個碧福特

作者: 拖肥1878 時間: 2022-2-20 00:45
屌！咪一鳩樣

作者: Jassoo 時間: 2022-2-20 00:47
全冇還撃之力

作者: 彈地 時間: 2022-2-20 01:00
中場換咗高美斯入嚟完全冇一腳好波，唔搶得攔截力差比波又唔到位，佢比炸彈堅尼害第一球失波直情離譜，第二球都唔明碧福特點解唔出嚟打手錘，
球波9樓咁高跌落嚟睇準時間出一定打到

作者: 彈地 時間: 2022-2-20 01:01
坦白講同上埸對列斯聯完全係兩隊波！

作者: 愛華戰士 時間: 2022-2-20 01:07
我忍到85 分鐘頂唔順熄電視瞓覺。大人同細路踢一樣，真心覺得修咸頓贏得少唔抵。條防線垃圾到。第一球輸明顯係堅尼條打靶，成日比埋中場啲醫院波。右邊高文今場甩人甩到，比Wallace 完爆，推親都過；莊祖堅尼真係打唔到左閘，唔該唔好再咁玩，佢啲企位根本唔得，進退完全失據，成日埋左中間搞到左路空晒，中堅兩個又踢空又甩人又自爆。兩個失波都係防守球員要負責，但其車撇除呢2個錯，唔係碧福特救幾球同對方把握力差，今場至少甩5蛋。中場無耐性猜波，難怪喎始終修咸頓中場中個操控力高列斯好多，根本無機會比愛華頓中路埋去，最差係哥頓今場　，無神無氣；其餘進攻球員個個都差！完全無話一個拎波，隊友現身幫波，比對手高壓踢波完全硬食。人地10場主場不敗係有理由嘅。而我哋10場作客不勝同樣係自己攞黎- 毫無耐性同組織力，傳唔到3腳波自己就斷！

作者: 拖肥1878 時間: 2022-2-20 07:02
嚟緊對曼城熱刺………死得啦！

作者: 拖肥1878 時間: 2022-2-20 07:05
唔係潑冷水，一個禮拜踢一場你都比啲咁嘅西波人睇，係咪休息得太多！？對啲中下游球隊你一分攞唔到，跟住對強隊～～死撚緊啦

作者: 拖肥1878 時間: 2022-2-20 07:25
呢十幾年我都冇諗過球隊會為降班而戰，但今季護唔護到級，依家睇嚟都真係五十五十，主要係因為睇唔到球隊有咩努力過，你見人哋紐卡素列斯聯一路一路有進步有起色，你老味你睇我哋，打好dd一場，輸鳩返三場…有撚用咩。依家嘅表現完全返番去九十年代初，差唔多每季都要喺保護級邊緣作戰一樣，唉

作者: jacks66 時間: 2022-2-24 18:31
其實半場應收起一個前鋒, 加返一個中場鬥搶, 半場0-0 已經好彩左

歡迎光臨香港愛華頓迷討論區 (http://hkeverton.com/forumnew/)