香港愛華頓迷討論區

標題: 主場對白禮頓 [打印本頁]

作者: Mathew 時間: 2022-1-2 22:10
標題: 主場對白禮頓
怪陣後防三分鐘輪輸波

作者: 愛華戰士 時間: 2022-1-2 22:11
非常趕客隊波

作者: 愛華戰士 時間: 2022-1-2 22:12
莊祖堅尼仲出黎究竟為乜？講到明係唔會有前途嘅

作者: Mathew 時間: 2022-1-2 22:21
失望

作者: 愛華戰士 時間: 2022-1-2 22:23
輕輕鬆鬆，晨咁早輸弓弓

作者: 愛華戰士 時間: 2022-1-2 22:24
夠2球。唔想講都要講，肥賓炒得。擺個完全唔熟悉嘅541 陣，放高文打左，莊祖堅尼右。完全亂黎

作者: 愛華戰士 時間: 2022-1-2 22:25
十二碼炒埋。熄得機

作者: witzz 時間: 2022-1-2 22:35
唔係為隊波著想，玩私怨。寧願用隊長打左都唔用Digne

作者: 愛華戰士 時間: 2022-1-2 22:57
我一路都反對戰績不濟就話即刻要換領隊呢種模式。對肥賓呢個處境，季初無錢買人，限米煮限飯唔可以有太大期望。加上球隊傷兵近年年年都勁多，呢點從訓練同醫療方面一定要檢討，肯定有不足。又傷兵又疫情加㿏埋成日唔夠球員用，我都覺得肥賓仍是適合，需要比多啲時間。但到宜家睇佢對改善防線嘅無扐

作者: 愛華戰士 時間: 2022-1-2 23:02
無力，到佢處理甸尼單野，球員挑你機你要罰我認同，但今場既放得後備，點解唔比正選？整個咁嘅怪5人防線係想點死法？無疑白禮頓係體力化嘅，保守踢個5後衛係有針對性，但莊堅明顯跟唔上節奏。又包越位，又飛鏟中腳，比波又無分寸。自斷右路根本上。

作者: 愛華戰士 時間: 2022-1-2 23:03
到呢刻，只能講，可能啲球員都唔想為肥賓搏命。

作者: 愛華戰士 時間: 2022-1-2 23:34
咁辛苦打一輪好攻勢出黎，賀基治又神勇救單刀，整個米高堅尼狗屎級嘅解圍，之後人地靚射輸無得講，但明顯係送個進攻機會比對手。唉

作者: barker 時間: 2022-1-3 00:42

愛華戰士發表於 2022-1-2 23:34
咁辛苦打一輪好攻勢出黎，賀基治又神勇救單刀，整個米高堅尼狗屎級嘅解圍，之後人地靚射輸無得講，但明顯係 ...

你在外面心中有無接手肥賓嘅適合人選 ?

作者: Fuko~ 時間: 2022-1-3 08:21
感覺呢場波十幾日冇踢英超遲咗入局。三球失波都係呢幾季嘅典型失波，死球犯錯世界波。卡法路雲係最唔夠態個個，就連rodon都sharp過佢。賓賓輸波失望個表情我諗同大家都一樣…班友仔可唔可以俾多啲力丫。最後一樣野，齊腳就唔好叫gonfrey成日轉位打，呢季輸幾多呢啲位置感問題。

作者: barker 時間: 2022-1-3 10:52

Fuko~ 發表於 2022-1-3 08:21
感覺呢場波十幾日冇踢英超遲咗入局。三球失波都係呢幾季嘅典型失波，死球犯錯世界波。卡法路雲係最唔夠態個 ...

左閘 mykolenko 可以在今星期六作客候城嘅FA CUP 第三圈可上陣 , 右閘傳今日英國時間晏D可以買入格流的 Patterson

作者: Mathew 時間: 2022-1-3 17:10
問題是中堅太廢！

作者: ngkk821 時間: 2022-1-3 19:53
球員係對上幾個領隊買入，加上傷兵潮，對賓帥有點唔公平。佢唔用Digne可能太硬頸，我估計係賣一個Digne而買入一對後生有潛質的左右閘，唔想出佢受傷而影響部署。一個換兩個，加多個攻擊手，如果一月有三人加入，其實都唔錯。

作者: laukarwing 時間: 2022-1-4 16:24
祗要大家給肥賓無限量支持，球隊就會看到未來了。

作者: barker 時間: 2022-1-4 19:17

ngkk821 發表於 2022-1-3 19:53
球員係對上幾個領隊買入，加上傷兵潮，對賓帥有點唔公平。佢唔用Digne可能太硬頸，我估計係賣一個Digne而買 ...

左右閘接班人選問題總算解決左

作者: Fuko~ 時間: 2022-1-4 19:56

laukarwing 發表於 2022-1-4 16:24
祗要大家給肥賓無限量支持，球隊就會看到未來了。

其實上場車路士真係輸反而應該換領隊。家下轉會窗開咗，除非有個好好好領隊想教。而家換咗都未必救得返。當然凡事都有個限度嘅…未來三場應該要贏兩場以上先得。甸尼個case其實我唔撐肥賓…但我唔覺得關進攻問題，呢場高文係左路壓得仲多過甸尼。我自己睇法係球隊冇錢俾肥賓買人，要揀人賣走…得甸尼個價錢係meet到球會要求就夾硬迫佢走。唔好忘記FFP仲未搞掂㗎…

作者: Fuko~ 時間: 2022-1-4 23:18
終於買到右閘啦!!!!!!!!!!!!!!!!!!!!!!!!!垃圾BOARD買左3-4年先買到!!

作者: laukarwing 時間: 2022-1-5 15:36

barker 發表於 2022-1-4 19:17
左右閘接班人選問題總算解決左

well said

作者: 愛華戰士 時間: 2022-1-5 18:49
睇返個財政公平原則果單野，全英超暫時得愛華頓係負數，1月份理論上只有-35M 去進行收購球員(唯一一隊係負數，熱刺有+400M ) 。
所以事實擺在眼前，球隊一定要清人減債，再開源增加收入，呢幾年只能求神拜佛留得到闗鍵球員.....再打返D好少少O既成績出黎。

新入2個左右閘.....年青、強壯, 有速度....相信點都會啱用。
要強調.....其實甸尼助攻力同傳送係好O既....本身係打防守係略輸蝕.....宜家既然有新仔到...同領隊又合作唔黎......相信甸尼都唔會考慮留隊......傳話25M 走人.....但又話只有車仔會借走....；到高文, 上場對白禮頓高文打個左閘算唔錯.....不過高文呢個年紀....點計都係時候比新人上.....。
問題返到中堅.....葛菲今季表現我會比唔合格.....如果球迷認為問題係出在一直無一個穩定位置佢踢.....我會覺得葛菲自己踢中堅時表現始終都比唔到信心隊友同球迷。好多時葛菲踢中堅時....第一會經常高空波搶點會搶輸.....第二係佢用波能力低.....攞波時一攞去右腳大位....D 波就攞死左.....如果佢唔改善用波能力低呢個缺點.....佢無可能有大進步。
米高堅尼.....點講.....佢封, 截呢D 技術算係可以....所以睇數據佢今季其實唔算太差....之但係佢體力真係唔太得....上場尾段比幾腳一係就嚇死人, 一係就失望死.....兩個後生左右閘明顯會成為進攻起點.....

上場杜古希狀態頗差下.....肥賓仍需要考慮防中呢個位置究竟可點樣去支援阿倫去踢.....防中位夠穩.....D 波至可以組織起來

如果價錢啱.....我認為卡法路雲值得賣走......畢竟佢咁後生今屆無乜點踢都可以傷左十幾場.....如果佢仲值60M 以上.....我認為放得過。好似科倫天拿果個前鋒.....傳熱刺同阿仙奴想搶.....唔知45M-60M (我唔期望我地爭到買到呢個....但有錢真係唔怕買D 新仔試下)

作者: witzz 時間: 2022-1-8 14:54
LUCAS DIGNE EXCLUSIVE: We have got very strong reliable information from someone in and around the club of the current Lucas Digne situation. The player became frustrated with the lack of assists/chances he's personally created for the team this season and believed it was down to a lack of attacking set up by Rafa Benitez. In training he made a point of this when talking about the setup for the Arsenal game - this resulted in him being dropped. Lucas Digne then attempted to resolve the situation with promises that when Dominic Calvert Lewin was back fit, he'd be allowed to push on again and create chances, Rafa rejected this and stressed the necessity of being defensive minded. Lucas Digne after the Crystal Palace game officially put in a transfer request to the club. Lucas Digne also was considering doing this in Summer 2021 when Carlo Ancelotti left but decided to stick with the club on the basis we would invest as much as possible and aim for European football. In conclusion, the reason the player is leaving is down to personal frustration and the hunger to play European football. Chelsea now very slim chance as his next club, West Ham look like the only club who will offer money and European football this January.

作者: witzz 時間: 2022-1-8 14:58
迪尼一直都好忠心，作為球員俾下意見好正常。成隊波我敢講迪尼一定係其中一個最有heart。死肥西無成績，又玩私怨，快啲死。

作者: Fuko~ 時間: 2022-1-8 17:04

witzz 發表於 2022-1-8 14:58
迪尼一直都好忠心，作為球員俾下意見好正常。成隊波我敢講迪尼一定係其中一個最有heart。死肥西無成績，又 ...

換個角度睇啦…隊波都成績唔係好，防線唔係特別穩。迪尼上咗去又唔係每次都落得返嚟，咁肥賓想佢留係條防線多啲，又係唔係唔啱呢？篇文入面都有講，安76走佢本身都有離心，而家只係早咗一個轉會窗。我覺得佢而家走，收到舊錢再投資過咪仲好？萬一佢呢半季再更差，連30M都冇…肥賓最錯只係處理件事手法太差，太強硬。做到大家和平分手咪算…

作者: barker 時間: 2022-1-8 19:06
今晚場足總盃 mykolenko 同 Patterson 正選落埸？唔好忘記下星期二晚有場主場對李城的聯賽補賽

作者: Mathew 時間: 2022-1-10 16:02
星期二晚補賽取消？？？

歡迎光臨香港愛華頓迷討論區 (http://hkeverton.com/forumnew/)