香港愛華頓迷討論區

標題: 星期日扑錘 [打印本頁]

作者: wahton 時間: 2021-5-4 16:42
標題: 星期日扑錘
提一提, VIUTV 11:30PM有免費直播

作者: reedlo16 時間: 2021-5-7 16:14
希望在完全無期望下反底。

作者: wahton 時間: 2021-5-7 16:32

reedlo16 發表於 2021-5-7 16:14
希望在完全無期望下反底。

師兄, 你頭兩隻字既「希望」已經係期望....

作者: barker 時間: 2021-5-7 20:54

wahton 發表於 2021-5-7 16:32
師兄, 你頭兩隻字既「希望」已經係期望....

剛開左 press conference, 杜哥利復出, 占士今場缺陣, 下星期作客维拉嘅補賽佢先會復出

作者: Forever_Fan 時間: 2021-5-7 21:29

wahton 發表於 2021-5-7 16:32
師兄, 你頭兩隻字既「希望」已經係期望....

對住老莫唔易打，加上近期我隊表現.....希望和到

作者: ginger 時間: 2021-5-8 09:09
反而希望輸送個希望比椰子，我地依排啲西波真係睇黎都激心

作者: 拖肥1878 時間: 2021-5-8 10:58
今睇撐馬体會，聽晚撐老莫啦！

作者: 拖肥1878 時間: 2021-5-8 10:59
拖肥同巴塞都係我喜愛嘅球隊，依家係愛之深，恨之切。

作者: 拖肥1878 時間: 2021-5-8 11:20
朗奴高文呢條仆街，畀佢攞咗西班牙盃已經便宜咗佢，冇理由畀佢付付碌碌咁攞雙料冠軍；我哋對波，其實只係打得正常些少，而家點計都應該有六十幾分啦安排緊三、四，絶對唔係依家得五十幾仲排响跌晒watt嘅利記後面㗎

作者: barker 時間: 2021-5-8 11:56

拖肥1878 發表於 2021-5-8 11:20
朗奴高文呢條仆街，畀佢攞咗西班牙盃已經便宜咗佢，冇理由畀佢付付碌碌咁攞雙料冠軍；我哋對波，其實只係打 ...

你要鬧安察洛堤？

作者: 拖肥1878 時間: 2021-5-8 12:32
我會覺得班波配合唔到佢囉

作者: 24cheung 時間: 2021-5-9 10:58
唔睇好，冇能力争到前7。今季亞倫，度哥利及J洛一齊落到場可能一隻手數得出

作者: Forever_Fan 時間: 2021-5-9 13:16

barker 發表於 2021-5-8 11:56
你要鬧安察洛堤？

安帥我覺得有料的，表現上比上季有改善，但有時排陣和打法佢有些理想化，隊波人腳能力係咁多，佢有時定的打法有些強人所難，佢教強隊會好勁，因為人腳配合到佢的戰術。老莫教弱隊勁，係因為佢了解球員的能力，會因應佢地能力安排佢地力所能及的事，同埋老莫一直強調體能，係英超來講係啱的，但教強隊有時就會係戰術上安排較弱。

作者: Forever_Fan 時間: 2021-5-9 17:27

拖肥1878 發表於 2021-5-8 12:32
我會覺得班波配合唔到佢囉

不過作為一個名帥，因應手頭的球員能力去制定適合的戰術係基本，唔可以話班波配合唔到，班球員能力各有不同，無理由話只要求班波去配合佢戰術而唔理球員的能力吧?

作者: Fuko~ 時間: 2021-5-9 20:33

24cheung 發表於 2021-5-9 10:58
唔睇好，冇能力争到前7。今季亞倫，度哥利及J洛一齊落到場可能一隻手數得出 ...

咪就係季初，成季打得最好個段，撞正班中堅未夾好，高飛未適應隊波個陣。

作者: Fuko~ 時間: 2021-5-9 20:37

Forever_Fan 發表於 2021-5-9 17:27
不過作為一個名帥，因應手頭的球員能力去制定適合的戰術係基本，唔可以話班波配合唔到，班球員能力各有不 ...

呢一季，我覺得安76或者成隊波最差個部分係前鋒線入波個部分。唔係鴨鴨大爆發，我地連50分都唔知有冇。
安76 tune唔好李察利臣係第一樣，第二樣係借走左kean，季中先借番king...仲要唔識入波。
賓納特伊禾比入球能力咁有限...點借或者點買都要多個攻擊點啦...

作者: jacks66 時間: 2021-5-9 21:53

Forever_Fan 發表於 2021-5-9 17:27
不過作為一個名帥，因應手頭的球員能力去制定適合的戰術係基本，唔可以話班波配合唔到，班球員能力各有不 ...

老實說安帥已經係現今波球壇最懂得看餸(球員能力)食飯(排陣)的主帥, 只不過好多野有時想作出突破, 就會冒險去試一D 野, 可惜的是本隊後備能力太弱, 太多傷患, 影響了發揮

作者: 拖肥1878 時間: 2021-5-9 22:37
啱啱睇完場荷甲………史迪基龍保同Colour臣，踢阿積士又攞到聯賽冠軍呀

作者: 24cheung 時間: 2021-5-9 22:40

拖肥1878 發表於 2021-5-9 22:37
啱啱睇完場荷甲………史迪基龍保同Colour臣，踢阿積士又攞到聯賽冠軍呀

卡拉臣算吧啦，喺德甲都踢唔掂，佢只係荷甲水平架乍

作者: 拖肥1878 時間: 2021-5-9 22:40
Colour臣嗰陣時嚟到愛華頓，對佢滿懷希望，可惜佢完全唔適應英超，轉戰德甲再轉荷甲喜見佢打返起……不過我哋拖肥就……

作者: barker 時間: 2021-5-9 22:48
Doucoure 後備

作者: Mathew 時間: 2021-5-9 23:30
3-5-2

作者: Forever_Fan 時間: 2021-5-9 23:45

jacks66 發表於 2021-5-9 21:53
老實說安帥已經係現今波球壇最懂得看餸(球員能力)食飯(排陣)的主帥, 只不過好多野有時想作出突破, 就會冒 ...

排陣戰術我承認佢係有class的，睇餸方面有保留，傳聞佢來的時候係有期待的，但也有擔心的，因為佢教慣班霸，教慣強隊，佢教的球隊好多都係猛將如雲，又或者係其他聯賽的班霸球隊，要買邊個球員，錢又好，球隊名氣又好，安帥自己的榮譽都好，大部份球員都可以輕而易舉的揮之即來，因此只要佢做出戰術，自然有適合的球員可以執行無誤，但愛華頓球員之間質素差異比較大，安帥今季的戰術的確係球員執行上係有問題，尤其係部份主力受傷時，因此我對安帥是否因應球員能力制定戰術是有些懷疑。

作者: Forever_Fan 時間: 2021-5-9 23:55
DCL，1:0，都係要靠鴨仔

作者: 拖肥1878 時間: 2021-5-10 01:27
險勝……防守算幾好，但中場以上就係廢。

作者: 拖肥1878 時間: 2021-5-10 01:33
so far作客攞36分，主場得19分………有無搞錯！？

作者: Everton_ 時間: 2021-5-10 01:34
又係靠鴨救全家
成個下半場都無咩威脅埋門都係受制於錘仔幫
真心覺得前鋒同後防之間個斷層好大
冰島臣完全做唔到PLAYMAKER同串連
成場走動又唔多下季買人我覺得重點要一個中場大腦拍埋JAMES咁就掂

作者: barker 時間: 2021-5-10 01:37

Everton_ 發表於 2021-5-10 01:34
又係靠鴨救全家
成個下半場都無咩威脅埋門都係受制於錘仔幫
真心覺得前鋒同後防之間個斷層好大

古天奴拍占士？

作者: Forever_Fan 時間: 2021-5-10 07:55

Everton_ 發表於 2021-5-10 01:34
又係靠鴨救全家
成個下半場都無咩威脅埋門都係受制於錘仔幫
真心覺得前鋒同後防之間個斷層好大

唔知點解近幾季我地d球員個個跑動咁少，難道個個無氣跑?

作者: Mathew 時間: 2021-5-10 09:43
應該毒7同施格要經常換位打

作者: 愛華戰士 時間: 2021-5-10 11:29

我想綜合去指出幾點︰

首先，我知我地呢度有好多師兄都仍然好推崇莫耶斯，作為我地近30 年服務最長O既領隊，我對莫耶斯都係充滿尊敬。之但係今時已不同往日，莫耶斯已經唔再係愛華頓領隊，希望大家將焦點放返落愛華頓上 ----> 針對愛華頓好與壞去討論，我覺得至係球迷應有O既心態。而對於莫耶斯能夠O係韋斯咸打到一片天，我個人都替佢高興。

其次，我唔明白大家點解會質疑安察洛提O既執教能力。一個能長期教歐洲頂級 (至少一級) 球隊O既教練，且好少同球員鬧僵O既領隊，我地點都應該比多D 信心。當然世上無一個領隊係可以百戰百勝，而且亦都一定會有優點缺點.....安帥暫時睇....我覺得佢至少獲得球員信任，同時佢亦見到隊波有咩不足，但大家心裡應該有數，就算愛華頓呢刻擺哥迪奧拿落黎....球隊質素不足呢個問題始終要時間解決。針對球隊中場O既運轉力不足呢個問題，其實引入阿倫同杜可利已經係好針對性....有點可惜係兩人今季都先後受傷.....影響左球隊發揮同穩定性。呢兩位半工兵型球員....只要下季狀態能夠保持.....中後場個屏障仍然係可以O既。------> 下屆關鍵位就係安帥最近提出O既問題所在-----> 球隊踢唔出漂亮足球.....大家都知漂亮足球最簡單就係做到一D 流暢組織同進攻。
為何愛華頓今屆踢落仍然總係慕氣沉沉？我會話....我地特別係中堅位幾個球員今屆好多時都好唔夠膽去放波....堅尼交米拿, 米拿交葛菲, 葛菲交賀基治.....左傳右右傳左....之後派膠....英超D 體力化球隊....往往就係知我地D 中堅猶疑不決.....拎住個波下下諗地波交比中場....但D 中場又成日比人封左位....所以D 波最終局甩.我唔係話想D 中堅有波就大腳求其放上前....但事實上好似葛菲今場助攻比DCL 入波.....只要D 中堅放膽推前幾碼帶生個波.....再選擇D 唔太例牌O既傳送....我地D 進攻至會有奇效。大家再睇埋今場阿倫上半場有一兩下中路推波突破.....湯戴有幾下突然長傳.....呢D 波完全係將體力壓迫我地O既對手殺個措手不及.......大家都知我地最缺乏D 快速推波突破型球員........如果對手整條防線O係自已後防十幾破報防.....中場又壓住我地中圈位唔比我地慢慢組織....我地D 波最終只能撥去左右邊O係側邊上......咁人地防守就會相對上容易.....。呢個正好解釋點解我地今屆對住D 中下游波硬係咬唔入.....其實我地係可以打多D 簡單直接足球....但偏偏就係個個都上晒頭......一味想猜猜猜....。

點都好，今場3分得來不易......我當然希望球隊打到歐洲賽.....雖然歐霸唔係我想見O既....不過呢一步對球隊仍然好重要。
宜家傳O既阿古路, 古天奴.....雖然機會我相信唔大，但佢地如果打返7成高峰水準....我覺得都有作用.....

作者: wahton 時間: 2021-5-10 12:38

愛華戰士發表於 2021-5-10 11:29
我想綜合去指出幾點︰

首先，我知我地呢度有好多師兄都仍然好推崇莫耶斯，作為我地近30 年服務最長O既 ...

同意，當時炒馬高施華時，小弟都撐老莫返黎教，但既然球隊作出左決定，亦冇必要成日回頭望。

支持安帥繼續留效。

作者: Fuko~ 時間: 2021-5-10 12:45

愛華戰士發表於 2021-5-10 11:29
我想綜合去指出幾點︰

首先，我知我地呢度有好多師兄都仍然好推崇莫耶斯，作為我地近30 年服務最長O既 ...

所以我會覺得今夏重點收購會係
RB=WF>CB=AMF>GK=CM

作者: reedlo16 時間: 2021-5-10 13:30
執一隊，尤其係朗奴高文之亂後的愛華頓，真係唔係一年半載的事。

季初我講過，其實今季買人真係好對症下藥，故最怕係傷兵問題，因為後備兵源真係唔同一個LEVEL。結果，真係輪住傷。艾倫、占士、杜古希三個中場同時出的場次真係一隻手都數得晒。

下季右路係重點收購，右中右閘都缺。另外一個可帶波推進、策劃型中場及一個HOLD波的中場。有機會左閘左中有機會都應搞搞。中堅位…賀基治覺得有啲跟唔上，堅尼米拿不穩定，也可諗諗一個替代人選。

作者: Forever_Fan 時間: 2021-5-10 13:40

Fuko~ 發表於 2021-5-10 12:45
所以我會覺得今夏重點收購會係
RB=WF>CB=AMF>GK=CM

暫時覺得前鋒和右閘和攻中，高文年齡大了，正選打咁多場無可能，速度也不及當打之時，後備的又無乜邊個係正宗右閘，表現也不算好，其實要買一個跟高文輪換，後季高文就應該退居後備。前鋒唔在講，今季唔係鴨仔爆seed，我地仲係咪係上半版都成疑問，鴨仔受傷就好似無個識入波。攻中靠施格臣真係唔靠舖，喂波毒咩就無佢份，防守強咩又嫌佢單薄，幸好佢仲識射下罰球，但如果想爭前4，呢3個位都唔掂。另外下季繼續清人吧，伊禾比打極都無表現，Gbamin傷多過踢，戴夫都係一般，Bernard又係好似唔係咁適應英超，有價的就放吧。

作者: Forever_Fan 時間: 2021-5-10 13:49

wahton 發表於 2021-5-10 12:38
同意，當時炒馬高施華時，小弟都撐老莫返黎教，但既然球隊作出左決定，亦冇必要成日回頭望。

支持安帥繼 ...

我唸我地現時肯請，老莫都未必肯返。我都是贊成安帥留任，但主因係主帥成日變對球隊穩定性和改善表現唔係咁好。但我唔會盲目睇好安帥，我從來無懷疑佢無料，我稱佢為戰術大師也不為過，但係咪適合愛華頓係另一件事，佢教得太耐強隊了，對執教中游球隊佢需要喚醒一下記憶，尤其中游球隊的球員一般質素參差，正選和後備的能力有差距，這就需要因應球員能力調整戰術，這點我今季真係好多時對安帥的打法有些摸不著頭腦。

作者: barker 時間: 2021-5-10 14:54

Fuko~ 發表於 2021-5-10 12:45
所以我會覺得今夏重點收購會係
RB=WF>CB=AMF>GK=CM

門將傳緊施捷斯尼

作者: wahton 時間: 2021-5-10 16:53
我地而家最大問題係主攻, 反擊能力都欠奉

只能靠先入一粒, 然後等運到博守到完場

作者: Fuko~ 時間: 2021-5-10 17:13

wahton 發表於 2021-5-10 16:53
我地而家最大問題係主攻, 反擊能力都欠奉

只能靠先入一粒, 然後等運到博守到完場

其實要打主攻，防守就要更加好，進攻球員先可以放心跑放心走位。而家條防線要死守，你見到唔係自爆，前四球隊都唔係話入就入。但當前面唔協防，後面班人就會出事...睇嚟呢個質素上問題，今季都要諗諗點搞

作者: barker 時間: 2021-5-10 17:22
安察洛堤會同所有球員講最後四場聯賽一於當每一場係決賽的心態去打盡力而為

作者: Everton_ 時間: 2021-5-10 22:24

barker 發表於 2021-5-10 17:22
安察洛堤會同所有球員講最後四場聯賽一於當每一場係決賽的心態去打盡力而為 ...

師兄覺得仲有無機會打歐戰

作者: barker 時間: 2021-5-11 00:31
我地餘下四場聯賽 ( 作客維拉, 主場對錫菲聯, 主場對狼隊) 要全取九分, 我當最後一場作客曼城輸, .我地到時可能會有 64 分, 做好自己先, 先再望 west ham, 利狗, spurs, 失分

作者: laukarwing 時間: 2021-5-11 17:49
10th game clean sheet. Well done!

作者: 愛華戰士 時間: 2021-5-12 15:34

Fuko~ 發表於 2021-5-10 12:45
所以我會覺得今夏重點收購會係
RB=WF>CB=AMF>GK=CM

或者可以簡單D 去睇。我地宜家一隊究竟有幾多個下屆仲應該踢正選。

龍門︰碧福特季尾打穩定左，其實仲後生同有HEART, 再磨練下未必上唔到一線。
如果謠傳施捷斯尼要9M，除非暑假球會用30M 以上價搵到人接碧福特.....否則我都屬意碧福特下屆做一號門將。
至於OLSEN 自從比人打劫完，我諗都想走；而另一位VIGRINA ，如果唔扭計，肯打下杯仔，留用做副選仲可以。

後防中堅︰中堅位暫時4 位都各有優缺點。
堅尼算淡定，但速度唔高，硬淨度亦缺D。如今屆對熱刺又派下膠。
米拿有身型，但解圍唔清翠，用波能力亦弱.....如果有下家肯要....希望15-20M 可以套到現
葛菲，剛轉會到時有一段打右閘災難式表現；估唔到一輪客串左閘又好穩陣，最近多返打中堅...表現亦有辦有眼....點計今屆至引入....點都要用多2-3 年.....期待佢正選中堅
賀基治....今屆明顯受傷復出後打唔返上屆水準，雖然佢用波信心最高....但多次派膠，點計都唔可以做大佬。下屆一係外借佢....最多只能做輪換。
外借走左O既Branthwaite，好似話質素唔錯。

左右閘︰
甸尼當然一號左閘....副選仲NKOUNKOU。照計就夠用O既。
右閘高文真係要搵人換。我屬意係下屆直接搵一個成熟右閘返黎，放高文後備。
傳聞MAX ARAON ...我覺得太貴....30M；另傳馬體會好似TRIPPER....唔知得唔得。----> 反正一定要一個助攻助手力強O既右閘

中場中路︰
高美斯 (10M) , 德夫(3M), GBAMIN(5M----> 免費都未必有人肯接), 比錫(免費)..... 放走啦.....4 件都唔值得留隊。
阿倫仍然搭杜古希係較理想
湯戴維斯22歲....踢法算硬朗....如果用黎做百搭角色....仲值得留黎用。
施格臣係最雞肋.....運動戰佢為球隊帶來O既供獻太低....無錯佢可以殺入禁區入接應入波....但之前O既走位逼搶組織都唔惦.....如果只用佢黎踢死球.....咁就真係死得。視乎暑假擴軍進度....決定去留。

伊禾比 ( 10-15M) , 賓納特 ( 免費送走佢唔該) , KING (2M).....同樣唔該快D 賣走。

呢個基礎下，我地中前場至少要入4-5 人。
1個有身型硬淨中場；----> 祖記個RABBIOT 唔知得唔得??
2 個突破型----> 古天奴?? ....佢威力應大過伊斯高??....或者不如迪巴拿??！
1 個正前鋒 ----> 阿古路??
仲要加多隻翼
傳緊祖記個33歲CUADRADO ---- > 好似話要11M....心諗唔X 係嘛！

KEAN 雖然係有質素....我其實都希望佢留隊....之但係佢呢一刻有價有市，如果50M 以上有人肯接手...我又覺得可以認真考慮，......祖記如果打唔到歐聯....下屆大散班.....應該有D 好貨可以平D 執到。

作者: barker 時間: 2021-5-12 15:54

愛華戰士發表於 2021-5-12 15:34
或者可以簡單D 去睇。我地宜家一隊究竟有幾多個下屆仲應該踢正選。

龍門︰碧福特季尾打穩定左，其實仲後 ...

禾夫斯堡右翼 Josip Brekalo 唔錯架

作者: Fuko~ 時間: 2021-5-13 14:17

愛華戰士發表於 2021-5-12 15:34
或者可以簡單D 去睇。我地宜家一隊究竟有幾多個下屆仲應該踢正選。

龍門︰碧福特季尾打穩定左，其實仲後 ...

你講走嗰啲...我全部都好同意...但始終要有人打後備，仲可能要打歐霸。我哋啲牛奶仔仲斷緊層...就連最接近一隊GORDON哥都唔知下季留唔留到低...
我覺得gomes同伊禾比/賓納特二揀一留低。同埋借番gueye番嚟，明仔等下季free走，總之唔好預佢。前鋒買個打到翼同中鋒返嚟...進攻中場冇靚價買冰島神就繼續留低，主力翼鋒同右閘！

作者: ginger 時間: 2021-5-13 14:48

愛華戰士發表於 2021-5-12 15:34
或者可以簡單D 去睇。我地宜家一隊究竟有幾多個下屆仲應該踢正選。

龍門︰碧福特季尾打穩定左，其實仲後 ...

我地太多文員太易傷，全部走晒真係後備都唔夠人，冰島，TD用黎做後備係有作用既，加埋收返gordon，再入多兩個中前場就差唔多，高美斯如果唔啱價其實都可以留。鵝比，賓納特同德夫就真係一定要走喇

歡迎光臨香港愛華頓迷討論區 (http://hkeverton.com/forumnew/)