香港愛華頓迷討論區

標題: FA CUP 八強又對曼城 ( 主場 ) [打印本頁]

作者: barker 時間: 2021-3-18 12:09
標題: FA CUP 八強又對曼城 ( 主場 )
我就無眼睇喇 , 唔知大家點？有一則 news今早在everton 的 twitter transfer news 睇到墨西哥球隊拿根亞的一號門將 Carlos Acevedo 下季傳加盟我地度, 真不知呢位門將係乜料？另外twitter 亦有傳我地對博洛尼亞瑞典中場 svanberg 好有興趣

作者: laukarwing 時間: 2021-3-18 15:10
係時候創造奇蹟了。

作者: ginger 時間: 2021-3-20 08:57
文員占士都出唔到，奇蹟機會接近0啦

作者: Forever_Fan 時間: 2021-3-20 09:34
隊波越睇越心淡

作者: 24cheung 時間: 2021-3-20 13:59
今晚買重對面，希望黑到佢啦

作者: reedlo16 時間: 2021-3-20 18:13
今晚應無得睇直播？CCTVB播親都只會播早場. 今晚佢播修咸頓對般尼茅夫…

作者: barker 時間: 2021-3-21 02:18
HT : 0-0

作者: Forever_Fan 時間: 2021-3-21 02:51
頂到依家都仲頂到算唔錯

作者: Forever_Fan 時間: 2021-3-21 02:58
全場緊迫對方係好，但體力消耗大，下半場見到球員已經有些攰咁

作者: Forever_Fan 時間: 2021-3-21 03:14
玩完，0:1，可以訓覺

作者: Everton_ 時間: 2021-3-21 03:16
衰收尾冰島臣無撚哂氣都唔換比人一個ONE TWO就過

作者: Everton_ 時間: 2021-3-21 03:23
FT:0-2

作者: 彈地 時間: 2021-3-21 03:30
守到84 分鐘先至輸第一球防守都算咁上下，可惜失那兩球都關耶利米那事, 第一球既然犯規一定要凶狠, 縮下縮下仲PK！

作者: barker 時間: 2021-3-21 03:39
而家可專心爭前七

作者: laukarwing 時間: 2021-3-21 08:49

barker 發表於 2021-3-21 03:39
而家可專心爭前七

先決條件係曼城奪得歐聯冠軍、英超冠軍、英聯盃冠軍及英足盃冠軍！

作者: reedlo16 時間: 2021-3-21 13:23
一睇個後備席，就知真係完全唔同層次…打到尾段先失波，OK啦。
你抽到對曼城，唔知好彩定唔好彩。
專心爭前六囉。

作者: jacks66 時間: 2021-3-21 14:29
天殘地缺...........表現算係咁

作者: kmman 時間: 2021-3-21 15:45
呢場波證明對強隊真係可以一拚，防守100分，有反擊，哥帥都話呢幾個月最tough 一場。不過好似話olsen 因為單爆格想走，咁得返3, 4號龍可用

作者: laukarwing 時間: 2021-3-21 18:08
唔緊要啦！係時候給3,4號龍一個機會。希望他們可以分擔吓碧褔特壓力。

作者: barker 時間: 2021-3-21 23:07

kmman 發表於 2021-3-21 15:45
呢場波證明對強隊真係可以一拚，防守100分，有反擊，哥帥都話呢幾個月最tough 一場。不過好似話olsen 因為 ...

有傳安察洛堤夏天斟介拿坡里門將 meret

作者: 愛華戰士 時間: 2021-3-22 11:56
基本上近幾季我地對曼城係必敗........
對家係宜家歐洲最佳O既5 支球隊之1.....所以輸左真係都無乜好講。

要認清事實，愛華頓實力 (FULL TEAM 時) 呢一刻只係英超中游份子，無錯足球唔係純計牌面，但要爆冷好多時要睇下有無X FACTOR，愛華頓好多時O既X FACTOR 係遇弱越弱；遇強只越(頑) 強 ( 唔係實力變強)

要贏錦標.....我地條路真係仲有好遠，我同意今季季初我地頭幾場O係陣容叫做完整時係幾有憧憬O既，但之後無以為繼。過去幾年積弱得太緊要，真心覺得踢出黎O既足球好多時係唔屬於英超水平.......。

作者: barker 時間: 2021-3-22 19:17

愛華戰士發表於 2021-3-22 11:56
基本上近幾季我地對曼城係必敗........
對家係宜家歐洲最佳O既5 支球隊之1.....所以輸左真係都無乜好講。

你有乜解i夬的方法？

作者: 愛華戰士 時間: 2021-3-23 13:56

barker 發表於 2021-3-22 19:17
你有乜解i夬的方法？

我意見係首先，球迷同球隊要承認隊波係有不足。
一隊26年未攞過任何錦標......一定係有不足之處。

要改變，球隊要將包伏扔走。
宜家有2個層面去改善隊波.....第一係O係現有陣容去改變；第二係季尾大執

愛華頓隊波宜家有3 個主要問題︰
1同2係) 缺乏D重心球員圍繞住去建造同埋一路都找唔到個隊型- 要拎錦標，一定要O係進攻以至防守上有重點球員。布力般年代有舒利亞，曼聯時代有簡東拿，阿仙奴有柏金亨利，車仔有杜奧巴林柏特，到李斯特城都有華迪簡迪馬列斯。
愛華頓宜家O係攻守上.....防守上我地隱約覺得KEANE 係後防最大大將，但感覺上堅尼缺乏領導整條防線O既領導力，反而我地以往老隊長WATSON, 華亞，甚至積基卡；...O係呢方面都強過堅尼.....呢個係第一個層次...我地個防線無人統領。-----> 唔好同我講高文可以.....事實上如果我地要重新打造一條穩健防線....好抱歉...高文係應該要退居後備....甚至應該被放棄。
另就係進攻核心，球隊呢2年係以DCL 作為進攻核心，大家去比較...DCL 今季雖然係入球量上有進步，踢法上亦都比早幾年較全面，但作為前線核心的話....DCL 仲有好多未及水準。點解哈利簡尼睇落論論盡盡，但評價總O係DCL 之上？原因係簡尼真係相對上較全面....我睇簡尼射術的確係好......左右腳都可以..基本上禁區邊起Q 好大機率係中網仔....而且佢入涉搶點真係好.....保護皮球能力強同同隊友配合得宜，走位醒目又識二傳，呢D 無得拗頸。究竟下季前線係咪應該用DCL 作為絕對主力，呢點要認真思考。( 只能講DCL 係有進步，但距離盧卡古呢種水平，DCL 仲未得)
今季安察洛堤原本係希望用占士做核心....睇下有咩化學反應，可惜占士始終呢幾季都踢唔足....體能未足以應付全季....加上易傷....基本上達唔到核心效果。而且如果要以占士做重心.....周邊至少要有2個奔跑型O既球員去現身配合，可惜愛華頓係全英起近乎最缺乏呢類型球員O既球隊黎。所以你問我，愛華頓個進攻核心究竟係點，真心講唔清楚。
用阿仙奴最顛峰時去分參考︰前鋒一個技術型(柏金)，一個侵略型(亨利或胡禮)。中場就韋拉+基拔圖施華，2個防中都係一對一防守高手而且攞位補位一流。左右攻中反而龍格堡我覺得唔算太突出(勝在拼勁同爛打)，皮利斯就盤傳帶射都中上.....後方左閘艾殊利高爾(攻守兼備)...右邊羅倫相對防守性D，配雙中堅甘保同高路托尼。

現時O既愛記︰前鋒定位上....係較傾向李察利臣配DCL ，李7技術唔差....但重點係佢踢法上多挨邊，究竟佢最佳位置係咪應該打雙箭頭時收O係中鋒拍檔後半格去做個支援會好D ？亨利當年都係打翼...但結果最佳位置大家之後睇都知係正前鋒！------- 你問我，好多英超皇朝都係靠雙箭頭O既....如果愛記要中興，同樣應該朝呢個方向行，我睇唔到我地有咩特別條件要走去踢3個前鋒或單箭頭。
中場呢個難題已困擾我地多年，對任何球隊我地條中場都係無優勢O既。今年諗住阿倫+ 杜可利，我會覺得...阿倫O係掌控個皮球同攞位方面係好，踢法亦硬淨....之但係純粹O既攔截能力佢又唔係特別強；另外杜可利體能同身型係好.....可以做到個中場屏障，可惜係杜可利位置感唔強 (或者領隊要佢參與太多野...搞到佢唔可以專心做一個專責O係中圈附近出現O既中場............結果愛華頓中路始終打唔到一個隱健感出黎。變相係左右中場同前鋒球員往往要縮返落黎幫波。呢個係一個骨排效應。
### 當然另一個頭痛問題......占士無錯係有世界級視覺同傳送能力，但好可惜係29歲O既佢明顯係無左後生時O既速度....其實只要佢可以高速推個波向前10碼左右已經可以帶生隊波....可惜係佢真係無左呢種爆發力。變相真係要有隊友O係佢身邊等佢比波........
至於其他中場.....其實大家已經比左好多機會佢地.....伊禾比 ( 事實係唔係果樣野....根本仲衰過禾確特)....賓納特 (空有技術但只適合小型球)....高美斯 ( 唔怪得巴塞唔要....佢係可以O係中場踢到隱型果類球員黎....位置感唔強....又缺創造同破壞力)....湯戴維斯 (我會講佢真係有D 潛質....佢自已訪問都話左安76今季原本想唔用佢....到最近太多傷兵用返佢...都寄語佢唔好成日上腳....要多D快D 甩波....維持個球隊運輸流暢度)......施格臣 ( 今季表現比上季有進....但明顯佢同占士係一山不能共存).------------> 呢班友如果係掂O既....我地早拎左冠軍啦....使鬧足咁多年？所以呢幾個中場真係唔要至係上策。
#### 如果呢一刻要變陣.....我會認為將葛菲擺上防中位置.....用葛菲配阿倫做正防中.....釋放杜古希推前半格.......杜古希作用就係配合占士同李7 ....睇下前邊有無位直插入對方禁區攻門。由於葛菲上左防中位....佢可以多少少挨位左路.....等甸尼上前助攻時.....葛菲可以幫左路做返個少少補位.....咁就不至於左路無左攻勢；至於右路....基於高文助攻力今季明顯下跌....我會建議用賀基治.....打一個純右閘.....唔好搞太多古靈精怪野。

第3個要解決O既問題就係球球員踢出來沒火。球員拎到波....無一心要去攻人門O既諗法....只係一味諗住猜猜猜.....防守時亦比唔到人壓迫感-----------> 呢D 好大程度係訓練度唔夠。

季尾買人係事在必行，中場需要D WORK RATE 效率型球員....唔好再諗D 技術型.....搵返2隻速度落底O既翼....中路再塞返個硬淨防中......再配合一個中鋒......(之前安帥話希望中堅位搵返個領軍型O既世界級中堅)...咁樣再重新評估下屆個機會

作者: barker 時間: 2021-3-23 14:27

愛華戰士發表於 2021-3-23 13:56
我意見係首先，球迷同球隊要承認隊波係有不足。
一隊26年未攞過任何錦標......一定係有不足之處。

今日傳拿坡里中堅高列巴尼係安察洛堤 summer transfer top target, 右閘可買諾域治 Max Aarons, 右翼可以吼皇馬華斯基斯 , 左翼今日傳祖記 Douglas Costa, 中場安帥 summer target 首選始终係 Rabiot, 前鋒方面要再睇睇, 門將可提升维珍尼亞打 No.2 門將做 pickford 後備

作者: 愛華戰士 時間: 2021-3-24 09:36

barker 發表於 2021-3-23 14:27
今日傳拿坡里中堅高列巴尼係安察洛堤 summer transfer top target, 右閘可買諾域治 Max Aarons, 右翼可以 ...

我都睇到O既野我相信安帥無可能睇唔到。

中堅呢層....其實我地宜家4 個中堅.....本身個個都水準唔算差......可惜就係踢唔出穩定性，一來可能係防中問題一直無完美解決。..堅尼算係頗全面....只係相對上速度偏慢同硬淨度唔夠；米拿係身型最好.....可惜D 解圍唔湯唔水....用波能力亦唔高....空有高大身型，高空波亦唔見有大優勢....如果你問我.....米拿下屆應該可以放棄；葛菲年青有潛質，可塑性亦最高....究竟球隊會倚重佢打中堅？定會推前佢改做佢做個防中？呢點要睇佢球會點培育佢......你問我我會覺得下屆隊長應該比葛菲做。至於賀基治.....未傷前進步係幾好，可惜今季傷完返黎個水準去唔返高位....好多時輸O既波都係佢失位輸.....要佢打中堅似乎唔係理想方案。

支持右閘要換人...高文唔會係我地爭雄O既拼圖。( 咁講雖然好不近人情，但要令球隊變強，唔可以感情用事)。

作者: evertonarteta10 時間: 2021-3-26 11:25

愛華戰士發表於 2021-3-23 13:56
我意見係首先，球迷同球隊要承認隊波係有不足。
一隊26年未攞過任何錦標......一定係有不足之處。

師兄提到: 第3個要解決O既問題就係球球員踢出來沒火.  好同意, 心態決定一切!

今季我會覺得風格上漸漸有安帥既部署, 但始終執行力問題, 加上有心踢個陣, 嘩...以為睇緊全歐最強5隊之一, 當保持唔到氣勢或者比對方封死既時候就會突然黎個4連敗, 贏下輸下浮浮沈沈.  呢個時候就好似師兄講缺乏一個真正領軍既人.  或者COLEMAN / DIGNE係一個可以令隊波STICK TOGETHER既隊長, 要成為實力或爭標份子, 一個可以扶返起隊波既人正係愛華頓所欠缺!

人腳同陣式上, 安帥玩左一季半, 打黎打去其實都係返去打雙箭頭:

後防: MK搭GODFREY, MINA唔賣得賣同鄉JAMES同你死過.  HOLGATE有市就放吧.  右閘唔多講

中場: 問題黎喇.  我地渴望既攻中有JAMES, ALLEN亦叫做取代到基爺.  有創造有防守, 點解條中場仲係打唔起唔流暢?  就係差左中間一條橋樑.  唔駛攞皇巴拜PSG黎比, 睇李城TIELEMANS.....DOUCOURE純防中就差唔多, AG唔岩安帥用, TD有排等佢熟.  假如BARKLEY條仆街仔仲係度.........唉!

前鋒: 我會用DCL做核心, 佢善於高空, 搶點走位, 射術都進步緊, 表現較穩定, 係冇入12碼可以有14球入波.  問題係RICHY配合度低, 較個人化, RICHY+DCL一定唔會有咩化學作用, 打反擊係OK, 而重點係解決圍城時供應問題, 因為DCL同RICHY佢2個都唔係好熟咁款.

我會覺得我地根本唔需要翼鋒, 安帥相信係全球用雙閘出擊戰術最老練既教頭, 而且DCL唔可以打單箭433根本不可行.  我會參考安帥係車仔條中場

      DECO(JAMES)
林柏          波歷克
      艾辛(ALLEN)

核心就係2個8號位!  442 DIAMOND.....夏季要買人就係要買2個8號位!  JAMES左右都有人, 令佢有多2個比波目標, 可以打得細膩D, 球隊中路進攻都可以加強, 唔駛下下都靠閘, 可以多個瓣數, JAMES亦都冇咁易比人夾死.  防守可以變4312, 留JAMES直線, DCL+RICHY跑, 穩固防守人數之餘亦保留反擊能力.

另外我有一點不太同意, 當今足球一定要有技術, 只講效率其實提昇唔到, 所以我一直偏向技術型.  DOUCOURE效率高但欠技術正正例子了.

作者: ginger 時間: 2021-3-27 08:57

evertonarteta10 發表於 2021-3-26 11:25
師兄提到: 第3個要解決O既問題就係球球員踢出來沒火. 好同意, 心態決定一切!

今季我會覺得風格上漸漸有 ...

基本上都同意，但覺得其實doucoure算係OK，而家最欠係一隻好右閘，加埋gomes個位，覺得執埋依兩個位，加上占士唔好咁文員(其實冰島後備頂佢都OK)，其實我覺得係有機會同前六隊打下，當然中前場後備都係問題。對我地黎講其實442(靠兩閘打翼)/352(翼衛)的轉換應該係最理想

作者: evertonarteta10 時間: 2021-3-27 11:16

ginger 發表於 2021-3-27 08:57
基本上都同意，但覺得其實doucoure算係OK，而家最欠係一隻好右閘，加埋gomes個位，覺得執埋依兩個位，加 ...

又冇得怪JAMES, 本身佢0防守數值, 打翼要佢協防已經係好勉強. 打錯腳翼就要COLEMAN幫佢落底, 今季COLEMAN都打得差.....返中路咩, 自己方圓10碼冇人, DOUCOURE ALLEN又比唔到波我, 上到黎又做唔到D乜野, 前面2隻組織力又欠奉. 442 DIAMOND / 3412對我地現有人腳應該係最理想

OVIEDO 2.0今季表現我收貨了........

作者: Fuko~ 時間: 2021-3-28 17:54

愛華戰士發表於 2021-3-24 09:36
我都睇到O既野我相信安帥無可能睇唔到。

中堅呢層....其實我地宜家4 個中堅.....本身個個都水準唔算差.. ...

係唔賣人的情況底下，我會覺得現時4個中堅的質素同深度已經好足夠。
但你提到領袖才能GE問題...呢D亦都係可遇不可求...更何況我地中堅GE年齡亦都唔係高。
要唔要真係即刻入一個，我有D保留。但係以呢季個表現，要叮走我都會揀HOLAGATE同MINA，MINA似乎係大熱。

右閘始終都係要後備，KENNY亦都唔應該係後備個個，佢出擊能力太低，同我地隊波唔太夾。
我地中堅要閘能力，閘要有翼GE能力。我地仍然需要COLEMAN用黎頂某D場數，係佢退落黎之後，再去SCOUT一個年紀大，直到新右閘當打之齡，我地再去SCOUT一個後生接班不斷循環。

BTW，明仔單野好大機會累我地跌左幾千萬...好似股東會個D從來冇提過係咩事，真係唔駛有人要孭鑊?

作者: barker 時間: 2021-3-28 22:57

Fuko~ 發表於 2021-3-28 17:54
係唔賣人的情況底下，我會覺得現時4個中堅的質素同深度已經好足夠。
但你提到領袖才能GE問題...呢D亦都係 ...

JPG 已跟大隊操練中

作者: Fuko~ 時間: 2021-3-29 21:22
Everton will listen to offers for Yerry Mina if Carlo Ancelotti succeeds in recruiting an A-list central defender this summer, Football Insider understands.

This site broke the news on 22nd March that Ancelotti had made Napoli’s Kalidou Koulibaly his top target as he looks to recruit a “world-class” centre-back.

好MAKE SENSE...另外MAX ARRONS似乎好大機會會係我地追逐GE目標。如果簽得成，未來三四年都唔駛煩呢個位。

歡迎光臨香港愛華頓迷討論區 (http://hkeverton.com/forumnew/)