香港愛華頓迷討論區

標題: merseyside derby vs 利狗 ( 作客 ) [打印本頁]

作者: barker 時間: 2021-2-19 22:36
標題: merseyside derby vs 利狗 ( 作客 )
鴨仔 , 阿倫復出, mina 傷左 calf, 全力搏今場, 我地超過 20 年未在 anfield 贏過利狗, 希望今舖可偷雞

作者: ngkk821 時間: 2021-2-20 14:31
今場一定係打防反，預陣比賽形勢3：7比，我估出4411中場左至右為李察，阿倫，TD，杜古希，J洛或施古臣自由人，DCL正前。

作者: 24cheung 時間: 2021-2-21 00:38
呢個出場陣容可以瞓覺，三連敗

作者: reedlo16 時間: 2021-2-21 01:15
睇佢個陣，又係全面放棄控球、進攻，博反擊, 或人地送禮.....

作者: Mathew 時間: 2021-2-21 01:33
我地入波先

作者: 拖肥糖 時間: 2021-2-21 01:34
0-1ricarlison
james assis
精彩入球但怪陣

作者: reedlo16 時間: 2021-2-21 01:39
似推高文打右中，但基本上佢位置都似翼衛，一防守時，賀基治收埋中間變中堅咁。

作者: 拖肥糖 時間: 2021-2-21 01:55

reedlo16 發表於 2021-2-21 01:39
似推高文打右中，但基本上佢位置都似翼衛，一防守時，賀基治收埋中間變中堅咁。 ...

睇落似352
holgate keane godfrey
coleman doucoure a.gomez davies digne
rciharlsion james

作者: 拖肥糖 時間: 2021-2-21 01:59
對面隊長調走

作者: 拖肥糖 時間: 2021-2-21 02:03
coleman頭鎚被擋出

作者: reedlo16 時間: 2021-2-21 02:15
高美斯…真係好牙煙，有牌在身…艾倫得未呢…

作者: 拖肥糖 時間: 2021-2-21 02:21

reedlo16 發表於 2021-2-21 02:15
高美斯…真係好牙煙，有牌在身…艾倫得未呢…

佢同james幾夾，不過犯規多，半場換人無可避免

作者: 拖肥糖 時間: 2021-2-21 02:39
holgate good defence!

作者: reedlo16 時間: 2021-2-21 02:41
葛飛兩次走甩文尼…小心。

作者: 拖肥糖 時間: 2021-2-21 02:43
mane上半場返中場搵波踢威脅已有，下半場打最前兩下攻門幾乎失守

作者: 拖肥糖 時間: 2021-2-21 02:50
richarlison幾乎兩球

作者: 拖肥糖 時間: 2021-2-21 02:54
sigurdsson, calvert lewin 入替james, gomes

作者: 拖肥糖 時間: 2021-2-21 02:56
mane yellow

作者: Forever_Fan 時間: 2021-2-21 03:00
暫時仲頂到

作者: reedlo16 時間: 2021-2-21 03:01
今日杜古希幾多失波…

作者: Forever_Fan 時間: 2021-2-21 03:03
控球權我地低到一個點.

作者: Forever_Fan 時間: 2021-2-21 03:08
踢到男人最痛的地方，睇到都鄧佢痛.....

作者: 拖肥糖 時間: 2021-2-21 03:10
calvert lewin搏到12碼！

作者: 拖肥糖 時間: 2021-2-21 03:13
sigurdsson goal!

作者: 拖肥糖 時間: 2021-2-21 03:14
iwobi in richarlison out

作者: Forever_Fan 時間: 2021-2-21 03:15
2球了，希望撐到完場，幾耐無係人地主場贏利記，感動

作者: 拖肥糖 時間: 2021-2-21 03:21
pickford又一靚兩救

作者: Everton_ 時間: 2021-2-21 03:27
好波啊首次係痢狗主場贏今日MVP豬福!!

作者: evertonlife 時間: 2021-2-21 03:29
完美一夜

作者: evertonlife 時間: 2021-2-21 03:29
食住對方兩後生中堅，兩次劏中間就製造入波及12碼

作者: Jassoo 時間: 2021-2-21 03:30
如果碧福特場埸都可以好似今日咁集中，根本係世界級

作者: Forever_Fan 時間: 2021-2-21 03:32
李察利臣的表現真係我隊無可替代的一員

作者: Forever_Fan 時間: 2021-2-21 03:33

Jassoo 發表於 2021-2-21 03:30
如果碧福特場埸都可以好似今日咁集中，根本係世界級

今日佢的確好多靚救

作者: Forever_Fan 時間: 2021-2-21 03:33
可以靚靚咁訓一覺了，晚安大家

作者: Everton_ 時間: 2021-2-21 03:35
好開心睇到BIG DUNC 咁激動真係起雞皮

作者: Forever_Fan 時間: 2021-2-21 03:37

24cheung 發表於 2021-2-21 00:38
呢個出場陣容可以瞓覺，三連敗

最後我地贏左喎，雖然我同意係怪陣

作者: 彈地 時間: 2021-2-21 03:39
最激動嘅就係英籍球員，完全感受到打吡的意義！所以你見到費格遜裏邊激動到暈

今場最佳球員都係揀碧福特，開波初段冇佢嘅神救輸咗九仟年，另外難得佢全場都咁集中

作者: reedlo16 時間: 2021-2-21 03:41
今場真係碧福特代表作。

另外，堅尼同賀基治表現都好好，反而葛飛有幾下企位甩了文尼。

無可否認，呢隊利物浦同近幾次交手個隊真係弱雞左，唔好講中堅，甚至前面個三叉戟威力都無以往咁銳利。而且今場波，杜古希同哥美斯都唔可以話打出最佳水準。但點都好，作客贏到利物浦浦，真係開心到震。今晚利物浦市，是藍色天下！

作者: lucas 時間: 2021-2-21 03:42
防守有紀律，TD掃蕩都唔錯
MOM 碧福特！

作者: barker 時間: 2021-2-21 03:48
而家我地聯賽有 40 在手

作者: 彈地 時間: 2021-2-21 03:55
同意，今場的利物浦是近幾十年衰弱的隊伍, 但若干年後邊個記得陣容, 只記得今晚我們作客贏利狗⋯cool

作者: 拖肥1878 時間: 2021-2-21 06:47
見第一版有師兄post話今晚排咗個怪陣，心知不妙，但未眼瞓諗住睇一陣，一落後就熄機眠；點知兩分鐘我哋就入波，心諗咁早入波咪成場畀人撳住砌……不過又唔係全場捱打喎！如是者睇下睇下到完場，goid job，開心嘅

作者: 拖肥1878 時間: 2021-2-21 06:49
希望唔會打好一場，跟住幾場又仆街，keep住呀！

作者: jacks66 時間: 2021-2-21 08:30
好開心，good job

作者: Forever_Fan 時間: 2021-2-21 09:54

拖肥1878 發表於 2021-2-21 06:49
希望唔會打好一場，跟住幾場又仆街，keep住呀！

如果唔係之前輸俾降班鐵膽富咸，我地爭前4排名會好好多，嗰場真心火，真係媽媽聲，現時排名還是落後俾利記和韋斯咸.....

作者: Forever_Fan 時間: 2021-2-21 09:59

拖肥1878 發表於 2021-2-21 06:47
見第一版有師兄post話今晚排咗個怪陣，心知不妙，但未眼瞓諗住睇一陣，一落後就熄機眠；點知兩分鐘我哋就入 ...

我都係咁唸，唸住如果落後2球就去訓，點知由始至終 lead 住個比分來打，但我覺得全場隔離街控球權都應該有7成以上，都算俾人㯲住攻，但今場全隊都肯跑，加上班後防和龍門都好醒神才無輸咋

作者: barker 時間: 2021-2-21 10:52

Forever_Fan 發表於 2021-2-21 09:54
如果唔係之前輸俾降班鐵膽富咸，我地爭前4排名會好好多，嗰場真心火，真係媽媽聲，現時排名還是落後俾利 ...

我地仲有一埸作客维拉的補賽未打

作者: 愛華戰士 時間: 2021-2-21 11:20
其實我覺得今屆如果隊波先做好個防守，再去建構進攻，我地可以輸少幾場

作者: 愛華戰士 時間: 2021-2-21 11:25
可以話近十幾年我地隊波都好講究左右閘嘅壓前助攻，但其實正如我地早輪用4中堅時個run 反而係最好嘅。或者可以講甸尼同高文無錯喺進攻端上係有作用，但只要狀態一有起伏或傷停，閘位出擊就會變成防守漏洞。今場反而索性一個3511 陣，穩固個中路防守，反而釋放多啲高文同甸尼上前助攻，效果唔差。

作者: Mathew 時間: 2021-2-21 12:49
同意

作者: evertonlife 時間: 2021-2-21 13:38

彈地發表於 2021-2-21 03:55
同意，今場的利物浦是近幾十年衰弱的隊伍, 但若干年後邊個記得陣容, 只記得今晚我們作客贏利狗⋯cool ...

其實只係兩位中堅位置因經驗問題而出事，所以唔可以話係10年最弱，只可以話係中堅最弱

作者: evertonlife 時間: 2021-2-21 13:40
Carlo今場係用塞中間戰術，防守時用532，32都係塞中間，等對方涉入中間空位少好多，同時James踢前面2的其中一個，也減少佢守邊嘅防守漏洞，怪陣應記一功

作者: evertonian95 時間: 2021-2-21 14:54

Everton_ 發表於 2021-2-21 03:35
好開心睇到BIG DUNC 咁激動真係起雞皮

差d同高文打車輪

作者: Forever_Fan 時間: 2021-2-22 01:38
韋斯咸贏埋熱刺升上第四，老莫真係勁，韋斯咸都即刻要同老莫傾續約，如果當年朗奴高文之後搵老莫接手，可能唔使蹉跎幾年的時間，也使左大量無謂的金錢

作者: barker 時間: 2021-2-22 01:40

Forever_Fan 發表於 2021-2-22 01:38
韋斯咸贏埋熱刺升上第四，老莫真係勁，韋斯咸都即刻要同老莫傾續約，如果當年朗奴高文之後搵老莫接手，可能 ...

咁愛隊餘下目標追 west ham 的前四

作者: ginger 時間: 2021-2-22 11:01
今場真係好感動，唔好話作客嬴猁，普通嬴猁都已經係卡希爾年代了，今場部署上面嬴左壓制到對面兩閘助攻，更加重要係好易偷到一球等我地可以打反擊死守，始終今年要主攻的比賽其實效果都好一般。膠碧如果場場有咁表演我地龍門位根本唔駛擔心，同埋今場堅尼都勁得好緊要。

作者: barker 時間: 2021-2-22 11:11
上次作客赢利狗去到奇雲金寶入波個場

作者: barker 時間: 2021-2-22 11:15

ginger 發表於 2021-2-22 11:01
今場真係好感動，唔好話作客嬴猁，普通嬴猁都已經係卡希爾年代了，今場部署上面嬴左壓制到對面兩閘助攻，更 ...

球隊唔好之後返主場對 southampton 又打回原形就得, 我地而家聯賽目標力搶 west ham 的第四位, 我地仲打少一場 ( 作客阿士東维拉 )

作者: ginger 時間: 2021-2-22 11:24

barker 發表於 2021-2-22 11:15
球隊唔好之後返主場對 southampton 又打回原形就得, 我地而家聯賽目標力搶 west ham 的第四位, 我地仲打 ...

其實唔好比咁多期望就得，講真點解我地今年作客勁過主場就證明我地要靠焗攻根本冇板斧，之後後防好易一個派膠輸埋，季初都仲可以靠鴨仔腳風超順同埋其他隊未摸清占士。而家隊隊有晒部署我地主場真係唔覺有咩優勢，都係靠作客有空位打反擊加死守，計form我地依一刻的確連西咸都不如，所以唔好咁大期望，希望保到頭七有歐霸打下，作客嬴到一次猁今季已經夠J了

作者: 愛華戰士 時間: 2021-2-22 11:31
一場等左22年O既勝仗，點講真係望穿秋水O既等待，點計我地隊波過去22年都無理由同利物浦有咁大差距，其實好大程度上係球隊體系同球員心態問題。
對手事實上係經歷緊一個唔順O既球季.....太多傷兵真係........當隊波防線穿晒隆....其實前邊無論有幾多好手都唔會有效果。

我地隊波宜家其實真係面對緊一啲取捨問題︰
1) 前線組合問題︰
今場入第一球完全係我地2進攻線上最具天才O既2 人去炮制......占士係一個FIRST TOUCH 永遠快你半秒而又可以比到穿透傳送O既球員；李7 本身係一個喜歡上腳盤帶為自己同隊友制造空位O既偏鋒型.....要佢純打個中鋒位其實係好難發揮O既....所以點解我地體系上寧願用DCL....DCL 雖然腳法同走位都一般...但勝在今季體能同衝刺強左....加上勤力走動...所以做為最前點暫時仍然係最佳選擇。但呢3個攻線組合今屆幾次落場都實際上唔算好有化學作用。首先係DCL 走位唔細緻.....所以同唔到其餘2個做到太多小組猜傳同直線單刀.......而由於DCL 佔據左前端最有利位置.....占士同李7好大程度要為DCL 做餵餅.....變相難度會大左。( 今場呢球正正係無左DCL....李7可以偷到呢個位置入涉做單刀.....一傳一接應都係一絕)；問題係....如果DCL 無傷無病....出返正選時....如何激活返李7 O既進攻力？
2) 2閘側擊問題︰
今季受傷停影響，甸尼同高文狀況都出現過幾明顯起伏，甸尼進攻我覺得還可以，只係防守上我見幾場波都見回防回唔切....或者身型上輸蝕比人爆；至於高文....其實唔少場合見佢其實無論進攻同防守上都企錯位......絕對稱唔上穩健。尤其O係ALLAN 受傷呢段時其，如果2 閘開左上去進攻，而比人打反擊時....防中同中堅所受O既壓力會加大。如何攞呢個平衡係球隊今屆或今後應該要好好思考O既。特別係無錯我地隊波宜家中場能夠比到創造力O既球員實在太少....得個占士，其餘叫好少少O既只有施格臣(但臣哥穩定性奇低....一場好一場壞)...高美斯同TD 有時會一腳半腳....杜古希就傾向身體對抗或入涉........伊禾比果D 更加係嘥口水。-----> 放棄2邊側擊.....將組織同做波放返落中場球員......呢個做法究竟可唔可行？( 如果要靠2邊側擊....我會更傾向中場中路搵個PLAY MAKER 做策動 ( 盛傳祖記拉比奧....同埋我希望簽到ICSO)........先做好防守，再諗進攻...特別係對住D 下游搶分硬朗型球隊...我地本身已經唔係制造機會多O既球隊....夾硬要做攻勢....開隊閘上去結果比人打返轉頭.........輸紐卡素....富咸.......韋斯咸.....真心睇到屌老卥！....大家睇到利記宜家.....佢地個體系當然係3個前鋒一來把握力高，二來高壓迫搶....但最大威脅其實亦黎自2邊閘位.....佢地宜家面對O既問題.....正正係打2閘最怕出現O既.....開左上去....中後場唔夠人而失波。

作者: barker 時間: 2021-2-22 11:31

ginger 發表於 2021-2-22 11:24
其實唔好比咁多期望就得，講真點解我地今年作客勁過主場就證明我地要靠焗攻根本冇板斧，之後後防好易一個 ...

我地如果要完季排第七有得打歐霸你要望 FA CUP 冠軍個隊最终排名頭四位先得, 當然最好愛華頓捧 FA CUP 咁就唔使煩 , ( 現實八強主場再對曼城我自己全無信心會過到 )

作者: Fuko~ 時間: 2021-2-22 17:45

Forever_Fan 發表於 2021-2-22 01:38
韋斯咸贏埋熱刺升上第四，老莫真係勁，韋斯咸都即刻要同老莫傾續約，如果當年朗奴高文之後搵老莫接手，可能 ...

的確老莫呢隊韋斯咸成績呢刻幾好，同原本班底本身打到佢個套同埋真係敢放棄個班技術性高嘅球員。重點係新收購嘅人都對辦。但以我經驗，老莫啲波keep唔到成季...通常入波嗰幾個一跌watt就開始不斷失分。你都係等埋季尾先吹奏埋另一半好啲

作者: ngkk821 時間: 2021-2-22 20:03
現在韋斯咸嘅人腳係幾好，同老莫嘅打法好夾，Rice加蘇捷令中場好穩陣，所以打到好成績。而愛華頓，個人意見只欠右閘及右翼，其實其他位都不錯，夏天買埋呢兩個位應該有作為。

作者: barker 時間: 2021-2-22 22:00

Fuko~ 發表於 2021-2-22 17:45
的確老莫呢隊韋斯咸成績呢刻幾好，同原本班底本身打到佢個套同埋真係敢放棄個班技術性高嘅球員。重點係新 ...

而家球隊攞左 40 分上左岸 ( 英超護级安全線 )

作者: Forever_Fan 時間: 2021-2-22 22:45

ngkk821 發表於 2021-2-22 20:03
現在韋斯咸嘅人腳係幾好，同老莫嘅打法好夾，Rice加蘇捷令中場好穩陣，所以打到好成績。而愛華頓，個人意見 ...

老莫買人有一套，佢今季買的人好對辦，同埋真係蔗渣價錢，燒鵝味道，班費唔多都打到咁，算係超額完成，過去幾季季尾都無45分，現時已經達到，我一直認為老莫最強係訓練和買人，較弱係臨場調動和排陣

作者: Forever_Fan 時間: 2021-2-22 22:46
本帖最後由 Forever_Fan 於 2021-2-22 22:49 編輯

barker 發表於 2021-2-22 22:00
而家球隊攞左 40 分上左岸 ( 英超護级安全線 )

如果係愛隊我從無擔心過球隊要護級，而韋斯咸有老莫帶就算成績一般也唔太擔心要護級

作者: barker 時間: 2021-2-23 17:18
Moshiri 已準備 100M 英磅 + plus 俾安察洛堤在夏天買新兵

作者: Forever_Fan 時間: 2021-2-23 21:03

barker 發表於 2021-2-23 17:18
Moshiri 已準備 100M 英磅 + plus 俾安察洛堤在夏天買新兵

錢都唔係萬能，高薪低能見得少? 朗奴高文時見唔少，最緊要買得啱用，平亦唔代表表現差，老莫時代愛隊買人亦唔見得貴，啱用就是最好。

作者: Fuko~ 時間: 2021-2-23 22:11

Forever_Fan 發表於 2021-2-23 21:03
錢都唔係萬能，高薪低能見得少? 朗奴高文時見唔少，最緊要買得啱用，平亦唔代表表現差，老莫時代愛隊買人 ...

咁講，安76時代D收購都幾對辦，GODFEY以為水水地原來又幾勁。
我反而想班主見到安76下季有歐洲賽除左科水，仲要同佢續埋約...

作者: barker 時間: 2021-2-23 23:42

Fuko~ 發表於 2021-2-23 22:11
咁講，安76時代D收購都幾對辦，GODFEY以為水水地原來又幾勁。
我反而想班主見到安76下季有歐洲賽除左科水 ...

諾域治右閘 Max Aarons 就係可代替隊長高文, 呢個係安察洛堤 top summer transfer target, 35M 英磅

作者: Forever_Fan 時間: 2021-2-24 00:01

Fuko~ 發表於 2021-2-23 22:11
咁講，安76時代D收購都幾對辦，GODFEY以為水水地原來又幾勁。
我反而想班主見到安76下季有歐洲賽除左科水 ...

歐洲賽應該係班主基本希望見到的，哪怕只是歐覇，不過今季我地開局好靚，但我地失分係下游球隊身上太多，有無歐洲賽真係兩睇

作者: barker 時間: 2021-2-24 09:52

Forever_Fan 發表於 2021-2-24 00:01
歐洲賽應該係班主基本希望見到的，哪怕只是歐覇，不過今季我地開局好靚，但我地失分係下游球隊身上太多， ...

仲有利物浦市政府批淮愛隊起 BMD 係好消息

歡迎光臨香港愛華頓迷討論區 (http://hkeverton.com/forumnew/)