香港愛華頓迷討論區

標題: 英超 vs 狼隊 ( 作客 ) [打印本頁]

作者: barker 時間: 2021-1-12 00:08
標題: 英超 vs 狼隊 ( 作客 )
安察洛堤證實卡特利雲 hamstring injury, 缺陣, rivharlison doubt, 咁點算？個陣點排？

作者: ginger 時間: 2021-1-12 09:13
穩守先，搏下防反，tosun其實唔差既，唔駛主攻又未必咁悲觀

作者: 24cheung 時間: 2021-1-12 12:54
上場比佢兩位大哥休息居然今場傷晒，唔係咁黑仔呀

作者: ngkk821 時間: 2021-1-12 13:22
唔抖無事，一抖出事。如果兩位主力出唔到，我認同先穩守，寧願打四中堅陣，對方左右兩邊好扭得，要小心應付。另希望後備出Simms，Nkounkou。

作者: ginger 時間: 2021-1-12 14:30

24cheung 發表於 2021-1-12 12:54
上場比佢兩位大哥休息居然今場傷晒，唔係咁黑仔呀

應該本身都傷傷地唔關抖事啦

作者: barker 時間: 2021-1-12 17:50

ginger 發表於 2021-1-12 14:30
應該本身都傷傷地唔關抖事啦

Richarlison 都仲有可能出到 , 鴨仔係連嚟緊星期日作客阿士東维位都未必踢到

作者: reedlo16 時間: 2021-1-13 03:23
本帖最後由 reedlo16 於 2021-1-13 03:26 編輯

杜辛都係後備…

無鋒陣。

前面三個占士、伊禾比、冰島臣。

唔知係咪叫葛飛定賀基治推前一格打中場，出晒米拿、堅尼、甸尼、加佢兩個…唔好打三中堅吖……未試過有好嘢…

作者: barker 時間: 2021-1-13 03:24
無鋒陣

作者: barker 時間: 2021-1-13 04:22
0-1 everton 伊禾比

作者: barker 時間: 2021-1-13 04:30
1-1

作者: barker 時間: 2021-1-13 06:13
FT 1-2

作者: 愛華戰士 時間: 2021-1-13 11:25
以一個相對穩陣O既防線作客攞到3分。
備注係杜古希拎夠黃牌下場要停賽。

伊禾比真係又係唔屌唔鬆化，上場踢完我地評到一文一值.....但今場入O既第一球可以話係我今屆睇愛隊入咁多球黎講其中一球最令球迷喝彩O既入球，過程好流暢。伊禾比係一個有身型有速度O既球員..缺點.係波底差，如果佢仲係希望自己拎住個波去硬爆人再傳中，呢種踢法佢完全唔會有優勢，因為佢盤球能力唔高...盤球速度低....傳中波以翼黎講更可謂差。佢今場入呢球就正正係佢放棄佢最弱O既踢法....改而善用佢優勢。右路拎到個波只係一停，之後就彈比占士然後自己走位.....CUT去禁區頂....到隊友比返波去禁區頂....以佢O既短期爆發力搵到空位起腳.....( 當然佢呢球射得靚 ---- 好多時呢D 波可以一射飛機O既....不過機會真係要自己制造.)

另一個我地又係插到飛起O既高美斯，我見佢左路傳中呢球.....佢拎住波時望返中路原本係想比隊友....但果刻中場中路佢應該係見到無隊友有空位....所以佢轉身用左腳傳中，一個靚傳就比堅尼頂入。----- > 點解我地之前要不斷插高美斯？事實上佢之前真係完全無呢類直接傳送，但明明佢真係有呢個能力，如果一個中場無創造機會能力，咁你只能做一個防中....但防中你又唔夠硬淨....咁我點解要用你？高美斯絕對係有波底......球感亦好.....佢需要O既係要多D 送出D 直接波....否則對手係好容易無視你。當對手無視你....變相隊友就會比更多人MARK 住。要入波就更難。

數據呃唔到人，今場我地各客射門係 10 對4 ，製造機會仍然係唔高....贏O既係把握力同守得住。
輸果球.....右路比人完爆.....當然杜古希追唔晒係一個問題 (我覺得佢係怕領黃牌所以唔敢出腳.)但右閘位阿賀基治企左去邊？完全唔見左人......另外當對方落底傳中時.....米拿前柱見佢例牌又係怪動作伸腳 ( 呢D 波好易輸烏龍，不過佢企位係合理)，另堅尼少少向龍門想回頂.....企位上都無乜大批評，係葛菲如果係左閘位....佢呢下波我覺得應該係企O係對方入波個球員同個波O既直線去封個路線會好D .....當然呢D 電光火石.....不過如果要提升個防守....呢D 細節野要檢討。

作者: reedlo16 時間: 2021-1-13 12:03
本帖最後由 reedlo16 於 2021-1-13 12:06 編輯

五五波，雙方其實都無乜入肉攻勢，若仔細看，其實狼隊球員狀態平均仲好我地少少。贏在把握力。

以前講過，占士和施格臣一齊出好危險…因為中場同時出佢，等於開了中門俾人。但呢場索性叫佢兩個打最前，中後場布晒重兵。又勉強可容納到兩人同時出場攻堅，當然亦因為係對面都係無鋒可用啦…

不過呢個無鋒陣，好講兩側傳送質素及中場入楔時機，呢場波甸尼係度，左邊OK，右面…伊禾比…一時時。再講中路，本來聽落中場入楔？好啱冰島臣同占士啊，但前題係你無鋒陣，即無一個中鋒同你引開對方守衛注意，人地自然睇實你，邊有你入得咁易，且兩人本身速度唔高，身形唔夠，撞都唔夠撞。如果你成隊波有西班牙、巴塞的行軍速度，咁無鋒陣進攻都WORK既…不過，唔係囉。

贏的第一球，證明甸尼的重要性，無甸尼，占士的轉向根本無目標。第二球，高美斯傳中和堅尼頂都100分，高美斯傷後，最大問題，身體對抗性及信心問題(信心又導致佢成日上波唔敢快速做啲較冒險的致命傳送)，希望佢快快回復最佳狀態。

輸個球，只能怪杜古希係左面完全比人過晒，中間個班未有時間企返啱位，遠柱結果空晒。

下場波杜古希停賽…頭痛了。

作者: barker 時間: 2021-1-13 13:20

reedlo16 發表於 2021-1-13 12:03
五五波，雙方其實都無乜入肉攻勢，若仔細看，其實狼隊球員狀態平均仲好我地少少。贏在把握力。

以前講過， ...

安察洛堤有計嘅, 兼且星期日作客维拉, 主隊希望延遲再踢因為主隊多人剛隔離完唔夠時間備戰分分鐘場波未必踢, 而且 Allan 快復出

作者: wahton 時間: 2021-1-13 16:57
我地隊波都幾得意, 近排既表現一直俾人插緊, 又贏到波攞到分

作者: barker 時間: 2021-1-13 17:02

wahton 發表於 2021-1-13 16:57
我地隊波都幾得意, 近排既表現一直俾人插緊, 又贏到波攞到分

踢左 17 場 10 勝 2 和 5 負呢個成績都算可以, 首先目標攞夠 40 分先, 之後希望球員表現在下半季 keep 住, 千祈唔好在操練上嬉皮笑臉

作者: ngkk821 時間: 2021-1-13 19:38
對球隊有期望就走樣，無期望又反彈，吹脹。無鋒陣贏波，還諗住今場有機會比Simms落場，應該之後都無機會了。另外打左咁多場TD都係唔得但哥帥都繼續出，唔通好似DCL咁潛質巨大，只係我地睇唔到，哈哈。。。

作者: 24cheung 時間: 2021-1-13 19:56

ngkk821 發表於 2021-1-13 19:38
對球隊有期望就走樣，無期望又反彈，吹脹。無鋒陣贏波，還諗住今場有機會比Simms落場，應該之後都無機會了 ...

中埸都已冇咩選擇，焗住出佢者

作者: ngkk821 時間: 2021-1-13 21:19
我地鬧左DCL幾年，今年終於大爆發，可能下年輪到TD呢哈哈。。

作者: Forever_Fan 時間: 2021-1-14 07:45

ngkk821 發表於 2021-1-13 19:38
對球隊有期望就走樣，無期望又反彈，吹脹。無鋒陣贏波，還諗住今場有機會比Simms落場，應該之後都無機會了 ...

TD其實才22歲，比DCL還要年輕，以這個年紀的球員來講，黃金時間應該未到才是，TD有無潛力? 年齡來講肯定有，高文係呢個年紀也是錯誤百出，但TD的缺點也是明顯，身型未夠硬淨，速度還可以，但盤扭技術和傳波準確度有待改進，差又未算，但離其他正選又有一些距離，我其實覺得TD應該外借爭取較多上場機會去進步，佢跟愛華頓好多年青球員唔同的經歷係未曾外借，以前愛華頓好多年青球員都會外借一兩年後才得到重用。

作者: barker 時間: 2021-1-14 10:53
brathwhite 即將外借去布力般流浪 , joejon kenny 傳去般尼

作者: ngkk821 時間: 2021-1-14 13:44

Forever_Fan 發表於 2021-1-14 07:45
TD其實才22歲，比DCL還要年輕，以這個年紀的球員來講，黃金時間應該未到才是，TD有無潛力? 年齡來講肯定 ...

TD令我諗起Leon Osman，佢都係大器晚成，不過印象LO都曾經外借過才收回自用。

作者: aeroplane602 時間: 2021-1-14 15:02
下場杜古希停賽可以試下推葛菲打防中身體質素真係好超班

作者: barker 時間: 2021-1-14 19:50
breaking news : 星期日阿士東维拉 vs 愛華頓已取消左

作者: Fuko~ 時間: 2021-1-14 20:09

barker 發表於 2021-1-14 19:50
breaking news : 星期日阿士東维拉 vs 愛華頓已取消左

我記得停賽包埋本土杯賽，隔左場錫週三，杜古希出得李斯特城個場又ok bo

作者: barker 時間: 2021-1-14 20:39

Fuko~ 發表於 2021-1-14 20:09
我記得停賽包埋本土杯賽，隔左場錫週三，杜古希出得李斯特城個場又ok bo

有成十日休息期, 希望班傷兵可盡快好番, 兼且可攪埋球員買賣事宜, 最後今晚 UK time 球會會開 General meeting

作者: barker 時間: 2021-1-14 20:56

barker 發表於 2021-1-14 20:39
有成十日休息期, 希望班傷兵可盡快好番, 兼且可攪埋球員買賣事宜, 最後今晚 UK time 球會會開 General me ...

杜哥利對李城要停賽

作者: Forever_Fan 時間: 2021-1-14 21:58

ngkk821 發表於 2021-1-14 13:44
TD令我諗起Leon Osman，佢都係大器晚成，不過印象LO都曾經外借過才收回自用。 ...

奧士借過2季出去，其實我地年輕球員傳統上都會外借一兩年，有潛質的回來就會重用，但TD並未外借過，其實對佢的發展來講，外借也是一個塑造自己的機會，我覺得球會應該考慮外借TD一個球季，或許回來後更成熟。

作者: Forever_Fan 時間: 2021-1-14 22:01

barker 發表於 2021-1-14 19:50
breaking news : 星期日阿士東维拉 vs 愛華頓已取消左

其實如果維拉只能半殘出賽，我又唔介意打落水狗，最重要係可以3分落袋，提高拿到前4的機會，可惜。

作者: barker 時間: 2021-1-14 22:50

Forever_Fan 發表於 2021-1-14 22:01
其實如果維拉只能半殘出賽，我又唔介意打落水狗，最重要係可以3分落袋，提高拿到前4的機會，可惜。 ...

而家愛隊有成十日休息期, 估計會做乜？

作者: barker 時間: 2021-1-15 02:42
官宣 : branthwaite 正式外借俾布力般流浪

作者: laukarwing 時間: 2021-1-15 13:07

barker 發表於 2021-1-14 22:50
而家愛隊有成十日休息期, 估計會做乜？

我估會操練球員體能。

作者: barker 時間: 2021-1-15 19:07
breaking news : 愛隊即將借入效力拜仁慕尼黑荷蘭 19 歲前鋒 Josh Zirkzee

作者: 拖肥糖 時間: 2021-1-18 02:00

barker 發表於 2021-1-15 02:42
官宣 : branthwaite 正式外借俾布力般流浪

踢第一次英超就MoM，竟然被借走，陣中所有中堅都無咁成就個個有得踢，屌那星

作者: jacks66 時間: 2021-1-18 08:31

拖肥糖發表於 2021-1-18 02:00
踢第一次英超就MoM，竟然被借走，陣中所有中堅都無咁成就個個有得踢，屌那星 ...

冷靜D, 本來季初就借走吸收經驗....只不過開季傷太多中堅先留住, 依家四位中堅康復又強勢,借走係好

作者: leonkit 時間: 2021-1-18 14:39

拖肥糖發表於 2021-1-18 02:00
踢第一次英超就MoM，竟然被借走，陣中所有中堅都無咁成就個個有得踢，屌那星 ...

又確實陣中個4位中堅最近都好醒神
18歲仔大把世界,唔急

作者: 愛華戰士 時間: 2021-1-19 09:25
題外話︰啱啱上網見到卡希爾著住愛隊件風褸出現O係球隊訓練營，好似話跟安76 學法做教練。有無師兄知道卡希爾會跟操跟幾耐？

作者: Forever_Fan 時間: 2021-1-20 00:35

拖肥糖發表於 2021-1-18 02:00
踢第一次英超就MoM，竟然被借走，陣中所有中堅都無咁成就個個有得踢，屌那星 ...

其實我隊好多球員都會外借一兩年才重用，也算是一個傳統，借完返來的球員一般會更成熟，其實都是一件好事，咁年輕係愛隊大把前途，好似TD無外借過，係隊中反而未能突破，所謂讀萬卷書不如行萬里路，去轉換環境，有新衝擊，更多上場機會，反而進步更快

作者: Fuko~ 時間: 2021-1-20 14:02

拖肥糖發表於 2021-1-18 02:00
踢第一次英超就MoM，竟然被借走，陣中所有中堅都無咁成就個個有得踢，屌那星 ...

借半季je...又唔駛禁大反應。更何況5個中堅都一定水準，佢又應該排到最後，都係放佢出去吸收經驗好

歡迎光臨香港愛華頓迷討論區 (http://hkeverton.com/forumnew/)