香港愛華頓迷討論區

標題: FA CUP 第三圈 vs 洛達咸 ( 主場 ) [打印本頁]

作者: barker 時間: 2021-1-8 22:50
標題: FA CUP 第三圈 vs 洛達咸 ( 主場 )
安察洛堤開左 press conference 講 DCL, richarlison, 耶利文拿 , pickford 會休息, allan, delph, 仍然,未好番, 占士洛廸古斯, Digne, iwobi , tosun 會正選上陣

作者: Forever_Fan 時間: 2021-1-9 18:30
07:50PM 英格蘭足總盃2020/2021[直播][粵/英]; 無線財經資訊台，今晚電視有免費波睇

作者: Forever_Fan 時間: 2021-1-9 20:10
杜辛入球了

作者: barker 時間: 2021-1-9 20:32
唔係入左一球就收手？

作者: 愛華戰士 時間: 2021-1-9 20:34
高文踢緊咩波？Cup 完人用左腳挑高個波比隊友，有無搞錯

作者: 愛華戰士 時間: 2021-1-9 20:36
伊禾比真係水準好低，完全拎唔到波

作者: barker 時間: 2021-1-9 20:41
比洛達咸壓番'嚟打？

作者: Forever_Fan 時間: 2021-1-9 20:47

愛華戰士發表於 2021-1-9 20:36
伊禾比真係水準好低，完全拎唔到波

呢條友應該唔適合英超，1月或季尾轉會窗開，有好價可賣

作者: Forever_Fan 時間: 2021-1-9 20:48

barker 發表於 2021-1-9 20:41
比洛達咸壓番'嚟打？

愛隊都叫出左大半隊正選，點解我覺得佢似英冠球隊多一些......

作者: barker 時間: 2021-1-9 20:56
愛隊一直打嚴淑明

作者: barker 時間: 2021-1-9 21:00
上半場好麻麻

作者: Forever_Fan 時間: 2021-1-9 21:07
伊禾比真係好流，後備都嫌唔掂

作者: barker 時間: 2021-1-9 21:14
1-1

作者: 愛華戰士 時間: 2021-1-9 21:16
輸球咁嘅波，高美斯完全唔識防守，同啲防守球員完全全配合，另外哥頓我諗大家唔好再有寄望，頂你個肺失果球全程望波，你19歲跑動咁少，後備都唔使預你

作者: barker 時間: 2021-1-9 21:23
今個月内一定要買人

作者: 愛華戰士 時間: 2021-1-9 21:24
我好有理由懷疑班友想出局打少幾場

作者: 拖肥1878 時間: 2021-1-9 21:33
屌！

作者: 愛華戰士 時間: 2021-1-9 21:36
呢個高文次次右路明明可以傳中佢就cut 返用左腳係咩踢法黎！

作者: 愛華戰士 時間: 2021-1-9 21:53
不論結果，90分鐘打得最似樣係杜遜

作者: barker 時間: 2021-1-9 21:55
加時中

作者: 拖肥1878 時間: 2021-1-9 21:56
成班食撚咗屎咁

作者: 愛華戰士 時間: 2021-1-9 22:09
占士雖然狀態未top fit, 但比波仲係最具穿透力。2-1

作者: 愛華戰士 時間: 2021-1-9 22:12
真心覺得杜遜值得多啲出場機會！

作者: 愛華戰士 時間: 2021-1-9 22:13
搶點停波回波同隊友配合同比賽態度都一流

作者: 拖肥1878 時間: 2021-1-9 22:14

愛華戰士發表於 2021-1-9 21:36
呢個高文次次右路明明可以傳中佢就cut 返用左腳係咩踢法黎！

簡單復雜化

作者: ngkk821 時間: 2021-1-9 22:43
只睇左上半場，最差係高美斯，食左豬油咁，現身慢，轉身慢，比波慢，防守hea，但反而踢足全場。反而對面右閘踢得幾好，睇完半場覺得呢場應該輸，比英甲壓住黎打，純贏質素，幸運之神唔係次次有，希望吸取教育。

作者: 24cheung 時間: 2021-1-9 22:48

ngkk821 發表於 2021-1-9 22:43
只睇左上半場，最差係高美斯，食左豬油咁，現身慢，轉身慢，比波慢，防守hea，但反而踢足全場。反而對面右 ...

高美斯大傷完踢唔返，真係好可惜

作者: barker 時間: 2021-1-9 23:09

ngkk821 發表於 2021-1-9 22:43
只睇左上半場，最差係高美斯，食左豬油咁，現身慢，轉身慢，比波慢，防守hea，但反而踢足全場。反而對面右 ...

洛達咸而家英冠排尾二

作者: barker 時間: 2021-1-9 23:10
晉级得好肉酸

作者: 拖肥1878 時間: 2021-1-9 23:19
比賽前，睇牌面，根本冇需要加時，因為根本冇得輸；睇比賽，根本冇需要加時，因為對方根本可以90分鐘內KO我哋；最終，比賽要加時，我哋入返一球，羞恥地晉級

作者: 拖肥1878 時間: 2021-1-9 23:19
都係嗰句一個禮拜睇一場你踢啲咁嘅膠布畀我睇仲要自己主場上星期支票維斯函已經係咁根本冇進步過*你老味

作者: 拖肥1878 時間: 2021-1-9 23:22
都係嗰句，一個禮拜踢一場波，你畀啲咁嘅膠波畀我睇，仲要自己主場；上星期輸咗畀韋斯咸已經係咁，無改善過…除咗屌你老味，我諗唔到有咩comment

作者: barker 時間: 2021-1-9 23:28

拖肥1878 發表於 2021-1-9 23:22
都係嗰句，一個禮拜踢一場波，你畀啲咁嘅膠波畀我睇，仲要自己主場；上星期輸咗畀韋斯咸已經係咁，無改善過 ...

安察洛堤要想辦法, 唔該班球員唔好在操練嬉皮笑臉

作者: 愛華戰士 時間: 2021-1-9 23:54
肉酸地晉級——》呢個不容否認。不過有啲正面信息或者問題揭示到出黎。1）主場草地我覺得頗鬆，好幾個球員都跣腳連占士推波都掘草頭；2）甸尼未夠狀態，高文亦係—-〉更大問題係高文今場又玩上腳，好多波應比唔比。3）哥頓，賓納特，伊禾比——》唔好再浪費時間，賣到快賣。哥頓無錯有個助攻，但全場左路無做到任何協防，啲企位錯晒，甸尼比佢累到上又唔係退又唔係。賓納特無架啦，後備出嚟係勤力，但踢埋啲小路波；伊禾比波底差，基本猜傳唔得，對弱隊都無優勢。4）高美斯已多次提出，做太多完全無謂嘅面對面短傳，留意一下佢好多分波都係省到人斷嘅，因為佢比波時動作太大，變相就係慢。5）杜遜大路波，值得多用（只不過一定要有中場壓上黎支援佢）

作者: 愛華戰士 時間: 2021-1-9 23:55

barker 發表於 2021-1-9 23:28
安察洛堤要想辦法, 唔該班球員唔好在操練嬉皮笑臉

之前我都講過上網睇啲操練片唔認真！體能操亦唔辣！

作者: 愛華戰士 時間: 2021-1-9 23:56
漏左講左閘

作者: 愛華戰士 時間: 2021-1-9 23:57
後備踢表現都唔錯

作者: 拖肥1878 時間: 2021-1-9 23:58
仲有一樣唔明，開球門球成日都玩短傳搓波，對方仲响蛾眉月捕你呀，大腳斬去上啦，家下自己好好波咩！我等住睇輸呢D on9波！！

作者: Forever_Fan 時間: 2021-1-10 00:35

愛華戰士發表於 2021-1-9 23:55
之前我都講過上網睇啲操練片唔認真！體能操亦唔辣！

體能的確係老莫時代操得最好，講返今場波，真係對住對面唔同等級的球隊，但可以用燒鵝的價錢，打出蔗渣的味道，我都睇到爆哂粗，咁都晉到級真係好運氣，人地絕對有能力90分鐘ko我地。另外有幾樣野睇到:
1. 唔該賣左伊禾比，絕對無希望
2. DCL其實幾重要，有幾球如果佢係度應該入左，主要係無人好似DCL係禁區搶點咁積極和有位置感
3. 無李察利臣，呢場的分波傳送其實唔致命，高美斯太慢，身體抗性太差。
4. 態度好重要，球員的積極性唔夠。
5. 杜辛值得有多些機會，今場第一球波有功架

作者: barker 時間: 2021-1-10 00:41

Forever_Fan 發表於 2021-1-10 00:35
體能的確係老莫時代操得最好，講返今場波，真係對住對面唔同等級的球隊，但可以用燒鵝的價錢，打出蔗渣的 ...

借 rabiot 頂替 AG, 等 Allan 復出希望會好返

作者: Forever_Fan 時間: 2021-1-10 01:20

barker 發表於 2021-1-10 00:41
借 rabiot 頂替 AG, 等 Allan 復出希望會好返

Allan其實也不算很好，只叫做好過高美斯而已，中場一直搵唔到一個啱的人，傳送有威脅暫時只有李察利臣，但不可能將佢放中場中，施古臣最近傳送有改善，但佢的缺點明顯，速度慢，節奏慢，又係難搞。

作者: barker 時間: 2021-1-10 01:35
twitter 講傳我地斟緊一位 19 歲厄瓜多爾中場新星 Moises Caicedo, 他踢法好似車路士簡廸

作者: 拖肥糖 時間: 2021-1-10 01:55
1) 成場波擺明ancelotti試單防中+控波用波型中場中，2個中場中打法。結果失敗。

2) 破天荒james+sigurdsson類似雙攻中，結果中場速度低、對抗性不足、制空無。結果失敗。

3) tosun等同之前naismith, jelavic，只適合打雙前鋒。

4) 中堅Branthwaite第一次踢英超就攞MoM，點知之後機會全無，ancelotti真心要考慮呢位高手；holgate傷癒後機會太少；反而godfrey大把機會。唉…

作者: reedlo16 時間: 2021-1-10 02:19
呢兩三個月以來，隊波的進攻未曾改善過。老問題仍係…慢。傳送慢、走動慢、甚至無人走動…

講到無氣。

作者: 愛華戰士 時間: 2021-1-11 10:38

reedlo16 發表於 2021-1-10 02:19
呢兩三個月以來，隊波的進攻未曾改善過。老問題仍係…慢。傳送慢、走動慢、甚至無人走動…

講到無氣。 ...

呢個絕對係老掉牙問題。
必需要指出，其實我地手頭上呢班球員.....有部份並唔係質素或踢法唔得，而係套入愛華頓呢隊波時，搵唔到一個適合自己的踢法。或者簡單D 講，愛華頓O既進攻套路某程度黎講係無套路可言。

以下球員可以做例子︰
KEAN - 好明顯佢係有速度同技術唔錯O既前鋒....但佢踢法唔係盧卡古果類一條友硬爆，而係特別要中場或翼拉開個進攻線比佢埋門......宜家佢O係PSG 又踢到風山水起.....當然PSG 有尼馬, 迪馬利亞呢D 可以為隊友制造空間O既隊友.....佢再用速度入涉埋門。可惜O既係愛華頓完全唔係一隊控傳快速.....用速度撕開對手防線O既球隊，結果佢黎到真係非常難適應。

禾確特- 大家睇下佢O係修咸頓.....完全有信心去推波爆，而O係愛華頓，佢連現身拎波O既信心都無，點解？當然我唔係話佢愛華頓無比機會佢去踢....事實上我地好多時係期望佢O係右路可以帶動到D 野比隊波....但事實上好多時都失望。歸根究底，佢在陣時我地個中場中路根本係空洞洞....莫講話比個直線佢去打反擊，甚或中場要拎個波去組織都有問題。結果我地只會見到禾確特不斷游走O係中前場，好D O既會回防做迫搶，差D 時就只係得個企字。

再講早兩年中場點差已經無乜意義，集中講今季︰
領隊(或者求其搵個識波O既球迷都睇到) ，中場中路必需要加強。結果阿倫同杜古希黎到，事實上呢2位係有表現O既。多次強調阿倫能夠O係意甲數據上做到中場攔截數量TOP 5 ，呢D 絕對唔會係流O既，而季初佢表現真係亮麗....但之後狀態有高有低，亦同球隊整體傷停有影響。你問我，佢踢法會比基耶更適合我地，基耶無錯係好勤力，但早幾年我亦講過如果以一個純防中黎講，基耶位置感唔強，無錯佢係滿場飛，但要作為後防第一度屏障黎講 (或者要作為當年愛華頓第一度屏障) 係唔太理想。因為佢一走開，空位就出現。( 呢D 當然唔能夠怪基耶，而係整體隊友無一個好配搭)，所以相比較下，一個位置感同控球能力較強O既阿倫無錯係較可信。我地中場好需要呢類型球員。----> 阿倫15碼內O既傳送.....絕對唔差.....唯一話佢差DO既係缺少30碼外長傳.....或者講佢禁區頂遠射能力比較缺乏。
到杜古希，大家先唔好當左杜古希係卡卡黎用，佢始終只係屈福特中場入邊表現較突出果個。杜古希優點係體能好，跑動範圍大，呢點可以同阿倫做互補.....另佢有身高優勢，呢點' 硬度' 係愛華頓中場長期缺乏O既。而且佢後上入涉功夫都有....呢樣係近年我地中場少有O既....當然杜古希缺點好似有時D 比波比較無尺寸，同保護皮球能力唔太高，長傳遠射同樣弱。但點都好.....如果阿倫同杜古希無傷停...鎮守中路至少會係比較穩定。.....

中場穩定後大家可以再去考慮進攻。究竟愛華頓要靠咩入波？
1) DCL 絕對唔係一個自己搵食的前鋒︰佢要靠搶點，所以傳送準確係愛華頓制造入球O既重中之中。邊個正選有傳送能力？
- 占士----狀態好時...占士可以O係死球....右輔位或左輔位兩邊傳波入禁區比DCL。
- 甸尼-/ 高文--- 左右路殺落底線傳中( 或兩隻閘自己上黎射)
- 李察尼臣--- 靠傾左路個人突破後餵波比DCL
2) 李察利臣個人突破.....球隊唯一一個有技術同速度個人可以突破破門
3) 占士遠射(但占士速度明顯係慢，要佢宜家生波遠射入除非狀態好FIT，否則幾難( 後備有施格臣都可以做到遠射或入禁區射門)
4) 到最近杜古希後上支援
5) 中堅上黎頂死球或角球
# 除左呢幾種方式外，球隊進攻上無其他方寸。

作者: 愛華戰士 時間: 2021-1-11 11:10
其實我地隊波有2個相對助攻力唔弱O既閘位.....其實無理由進攻上效率咁低O既。
以今場波為例，對住水準只係英冠O既....我地O係組織進攻上居然比對手比左下去，我地可以細緻D 去硏究。

當領先一球比對手壓住打時.....正如大家指出，我地2個中堅收得好後，堅尼同葛菲基本上企龍門旁幫手開波....但留意到兩閘好少支援 ( 必需指中高文同甸尼今波狀態真係好麻麻) 中場只有戴維斯肯現身拎波....所以好多波兩個中堅基本上係近乎合埋眼就扔上中場.....占士/ 高美斯/ 戴維斯由於都係速度唔高......只要D 波唔係到腳，佢地基本上拎唔到，.就一拎波就比人焗死。占士就算有技術護到波....但如高文唔識得拎波推前或者左路無空位比占士轉左路扔上去....D 波就好易甩。所以果段時間真係睇到球迷爆晒粗......哥頓, 一個19歲但完全隱左型O既球員.....有幾次見左路甸尼比對方個長人右翼硬爆....但哥頓完全幫唔到手.....當然伊禾比O係右路同樣係踢到不知所謂。究竟O係2隻閘能上前助攻O既陣容下，我地左右翼應該如何取捨？

今場波幾明顯見到領隊係想打造一個適合占士用O既陣容。
               杜遜
哥頓                            伊禾比
      高美斯    占士
               截維斯
甸尼    堅尼    葛菲       高文
               奧臣
# 幾明顯係2隻閘刻意唔太上.....打造返一條相對企位較平排O既防線.....2 邊進攻就由哥頓同伊禾比去做.....。中場原意係戴維斯做搶截，高美斯配合控球.....再由占士嘗試分波比左右路或杜遜.....邏輯上係可行....但係運作出黎遇到2個大問題....首先係當對方壓上黎時....我地成條防線由於縮得太後....令中場拎波好困難....加上中場因此同前鋒距離拉遠....而最大問題黎自左右翼走動太少......佢地只係收自己O係兩邊.....完全無移入中間幫手迫搶....結果形成前邊3個球員領先一球下近乎有20分鐘係無波惦。因為大部份波係中場已經比對方焗斷晒。占士復出究竟隊友要點圈繞佢踢....呢個係今季球隊究竟可以行到幾遠O既關鋌。

作者: 愛華戰士 時間: 2021-1-11 11:43
如果球隊要爭前四，以宜家O既陣容，我會講以下一定唔可能踢正選︰
伊禾比------> 右中場究竟要點安置......領隊要盡快確定。
占士一定唔係踢右中場O既理想人選.....

                                                                  DCL ( 杜遜)
李7 (哥頓或賓納特都唔夠準準打後備)             占士 (施格臣)                      XX ( 正選或後備都缺)
                                                   阿倫             杜古希 ( 戴維斯/ GBAMIN/HOLGATE 可考慮後備)
甸思 (安高古)                            堅尼             米拿 (葛菲/BRANTHWAITE 可後備)                高文(HOLGATE / 戴維斯後備?)

## 賓納特, 安達高美斯, 伊禾比, 莊祖堅尼, 哥頓, 德夫, 比錫同保拿斯------> 呢幾位真心問我....我覺得有價有市的就好快D 賣走。
賓納特後備入黎好多時都係踢高張波.....
安達高美斯.....你問我佢上場上半段踢得好差.....之後杜古希落左黎推前佢半格佢係打好左(至少搶波時硬淨左)....但如果真係要佢打前半格做一個進攻球員....佢真係唔識得比波....永遠只係識得COOL 住個波左擺右擺.....同埋我對佢面對面2碼都要彈返個波比隊友果種行貨波睇到眼火爆....佢係唔論隊友究竟個企位係咪安全都係選擇2碼回波果類黎。
伊禾比唔使講啦.....打5 場有1 場神來之筆.....有Q 用咩？D 波底弱到.....我覺得佢拎波果下球感似盧卡古.....但佢無盧卡古O既爆發力同身型....結果D 波落佢腳九成甩....同埋如果佢傳中技術好都仲有留O既價值.....問題係佢傳中質素又係差到......傳十球唔知有無2 球到位O既....想點？
莊祖堅尼.....欠身型....速度亦平凡，其實身型速度都係其次.....之前睇佢連20碼傳送腳力都好似唔夠.........打閘位....唔要你助攻....要你大腳清....至少你要似希拔.....一腳踢到30 多碼.....你連呢樣都做唔到.....。身型唔夠我都希望你健身變大隻.....至少硬淨....出腳狠.....好似卡魯士....但莊祖堅尼真係一般。你唔太隻...速度唔飛快....但睇下甸尼.....雖然防守上佢都比D 速度型或大隻佬爆....但佢進攻上傳送準....傳短走位亦聰明....以攻代守.....至少唔會太蝕張。
哥頓.....我承認佢有一定個人質素.....但一個只係打職賽杯足總杯閃一閃O既球員.....19 歲唔再係籍口。佢身型踢法似傑斯同麥馬拿文....不過佢觀讀球賽能力同同隊友配合O既表現唔得....如果佢O係愛華頓宜家欠翼鋒時都無辦法証明自己...無辦法把握機會.....佢只會不斷被外借.....與其借幾年比人到最終越踢越沉....倒不如快D 賣比D 大球會。
德夫.....普通料....賣得

歡迎光臨香港愛華頓迷討論區 (http://hkeverton.com/forumnew/)