香港愛華頓迷討論區

標題: 作客般尼 [打印本頁]

作者: 愛華戰士 時間: 2020-12-5 20:41
標題: 作客般尼
2分鐘已失波

作者: Forever_Fan 時間: 2020-12-5 20:46
Viu tv 有直播

作者: 愛華戰士 時間: 2020-12-5 20:46
阿倫踢落唔係好對路

作者: Forever_Fan 時間: 2020-12-5 20:50
3後衛真心唔掂，打返442較好

作者: 愛華戰士 時間: 2020-12-5 20:54
3中堅都無個主動壓上去搶嘅，全部都係企定定等對手埋，咁點防

作者: jacks66 時間: 2020-12-5 21:14
E禾比反而係打得最好一個
阿倫打到PAT 屎........
人地升高防線, 壓縮中場, 唔俾你做波

作者: Jassoo 時間: 2020-12-5 21:17
其實對住般尼，有必要用三中堅咩？

作者: jacks66 時間: 2020-12-5 21:18
中場默契不足成分野

作者: jacks66 時間: 2020-12-5 21:20
好彩追返一1-1, 下半場一定要調整下

作者: Forever_Fan 時間: 2020-12-5 21:22
德夫傷出後換返4後衛，形勢即刻好過之前，完場前DCL仲追和，3後衛真係由馬天尼斯開始的教頭無一個搞得掂

作者: 愛華戰士 時間: 2020-12-5 21:23
明顯個發揮係打返4人防線好過3中堅，3中堅時中場中完全唔夠人，阿倫同杜古希根本無辦法運個波上前。被迫打返4人防線中場多多個（高美斯）立即令中場用波能力提高，變相釋放李7同占士

作者: witzz 時間: 2020-12-5 21:27
如果般尼咁廢都贏唔到，今季都唔洗有咩期望

作者: 拖肥1878 時間: 2020-12-5 21:36
都唔明點解德夫可以踢正選，以為自己係大佬，但係速度慢，淨係識橫傳

作者: 愛華戰士 時間: 2020-12-5 22:26
我諗球迷除左想講粗口外都唔知應該講乜。般尼已經弱到一個點。我地嘅進攻真係不知所謂。自己交失嘅波都數唔出咁多。右路伊禾比啲傳送決定同落點又係得個差字去形容。李7今場踢到沒精打彩！唔係對手攻力水皮，今場真係連1分都唔值得拎！

作者: 拖肥1878 時間: 2020-12-5 22:31
收皮啦！成隊打黎毫無章法。睇埋跟住嘅賽程，我有理由相信到年尾都係得17分，屌！

作者: 拖肥1878 時間: 2020-12-5 22:33
因為到時對錫菲聯都無分落袋

作者: 拖肥1878 時間: 2020-12-5 22:35
都係嗰句啦！一個禮拜踢一場…你踢啲咁嘅波畀我哋睇，唔屌唔得啦下話

作者: 拖肥1878 時間: 2020-12-5 22:37
幾場都係咁，完全無改善過！

作者: 24cheung 時間: 2020-12-5 22:40
左邊冇咗甸尼，李察好似唔識得踢波。伊禾比打右閘算係咁，甚至係今日打得最好嗰個

作者: 愛華戰士 時間: 2020-12-5 22:53
我經常有睇球會擺上youtube 啲練波片，次次只擺啲射極都入，短傳猜馬騮。究竟班波點樣操體能？同埋究竟有無練迫搶同盤帶？阿倫喺拿坡里係可以cool波帶生，黎到宜家拎個波慌失失無晒統治力。睇得出佢體能明顯跌左。一周一賽體能居然跌到咁，我真係好懷疑個操練強度！同埋啲球員落場完全無飢渴感，好啲嘅得卡法路雲，個個交行貨真係睇到球迷火都黎

作者: barker 時間: 2020-12-5 23:37
係咪安察洛堤要負起全部責任各位？

作者: Forever_Fan 時間: 2020-12-6 00:19

barker 發表於 2020-12-5 23:37
係咪安察洛堤要負起全部責任各位？

安帥係咪淨係識教豪門? 事實上連續幾場都無進步，球員打3後衛時錯漏百出，我覺得有可能係我地班球員無法執行佢的戰術構想，始終班波唔同豪門全隊都係粒粒皆星，但教練唔係應該因應隊波的能力去度身訂造合適戰術的咩? 唔好話我話，兜兜轉轉最後可能過多幾年還是搵老莫返來教得最好。

作者: 拖肥1878 時間: 2020-12-6 00:43
我早幾場已講尖屎同Allan水水哋，無錯吖！

作者: 拖肥1878 時間: 2020-12-6 00:51
最大問題係球隊由10月開始走下坡，一路都無改善，完全提唔起勁。個幾月都執唔好番DD隊波，只係見越踢越沉～～～

作者: barker 時間: 2020-12-6 01:14
又要等下月冬季窗開

作者: aeroplane602 時間: 2020-12-6 01:43
冇左digne 又唔擺nkounkou後備真係要吊。出牛奶仔失分條氣都gur d，當交學費

作者: 拖肥1878 時間: 2020-12-6 06:25
呢幾場波都無乜師兄留言，我諗好多師兄覺得屌都嘥鳩氣！

作者: 拖肥1878 時間: 2020-12-6 06:29

witzz 發表於 2020-12-5 21:27
如果般尼咁廢都贏唔到，今季都唔洗有咩期望

講中晒！

作者: ginger 時間: 2020-12-6 09:17
其實般尼已經好弱，我地問題一路都係其實幾個中堅逐個睇唔差，但夾落完全冇默契冇人帶冇人包波冇分工，右邊翼協防弱，前面個個除左鴨仔同李察都企喺度睇。話就話昨晚德夫傷出後入高美斯有改善，但明顯係變左3個人做2個人既野先function到，對弱隊仲勉強可以但對強隊點搞。老老實實今年要不是有鴨仔我地而家應該喺護級區。

作者: ginger 時間: 2020-12-6 09:19
加埋想講德夫真係好廢，冇攻冇守又慢淨係識橫傳，唔明佢點踢到光頭佬隊波，同埋76究竟想試幾耐，尼高古冇經驗我都寧願比佢出。

作者: reedlo16 時間: 2020-12-6 10:59
真係已到了想鬧都廢事的地步。

過去咁多場，已多次提出，(連CAHILL都講過)，後防同中場的防守聯繫做得極差，防中經常唔MARK實對方進入禁區的人，又或是中堅去補位時，防中係仍係企係禁區頂唔郁…無人補位中堅原來個空位。當然噚日失既第一球，便是阿倫同杜靴尼咁都可以面對面交失波，仲要係自己禁區頂…低級犯錯。

進攻方面，我們成條中場線，除了杜靴尼好啲外，個個都係屬於「企定定」傳球類型，教波的都會講PASS AND RUN，我們成條中場占士、高美斯、阿倫，計埋噚日個個藥煲德夫都好，無過會走位，帶波走生…。只有PASS, 但PASS前PASS後都無RUN。上場阿倫做到架喎，但今場又再成為「中場休息」的一員，個個企定定，啲波點去？噚日伊禾比難得右路都出到唔少波，當然有幾球佢真係出得差，但出得正路個啲，中路成日得DCL一個，無人走入禁區拉開對方附守注意，點頂呢？

再退一萬步，噚日你班中場慌失失奇兵，面對面交波又失，俾波又總係差啲尺吋，高美斯噚日啲短傳俾波失了幾多球都唔想數了。

總然之，我們中場就係缺乏RUNNER，同埋班友傳波的基本功真係要加操。

我開始懷疑安帥究竟點認識佢宜家手上的球員特性。你連出德夫，都唔出下後生仔試下，係咪後者真係咁不濟？

哥頓又究竟幾時可以出來？

作者: evertonlife 時間: 2020-12-6 12:07
其實球隊應該打返451，特別嚟緊呢幾場係對強隊

作者: ginger 時間: 2020-12-6 12:47

reedlo16 發表於 2020-12-6 10:59
真係已到了想鬧都廢事的地步。

過去咁多場，已多次提出，(連CAHILL都講過)，後防同中場的防守聯繫做得極差 ...

agree，所以真係唔知76睇到咩我地睇唔到既野，照計佢大師級冇理由質疑佢，但我地明顯中場係缺乏走動所以鵝比咁大缺憾對我地都好有作用，其實真係值得要試下gordon同尼干古，點都唔會差過而家啦。繼續用占士好明，佢真係可以全場唔掂靠一兩腳波點石成金....但明顯德夫，高美斯都唔係囉

作者: Fuko~ 時間: 2020-12-6 16:31

ginger 發表於 2020-12-6 12:47
agree，所以真係唔知76睇到咩我地睇唔到既野，照計佢大師級冇理由質疑佢，但我地明顯中場係缺乏走動所以 ...

係甸尼要休息禁長時間，應該要早D用NKOUKOU...就算要交下防守GE學費，只要進攻交足攻課，我相信隊波依然嬴得到。

作者: evertonlife 時間: 2020-12-6 17:24
近幾場的攻不銳守不穩，除明顯球隊對4後衛陣式更為適應外，因現時兩正選閘出缺下的調整而出現更大的適應問題，所以建議在現有人腳下作以下調整： 1.將Davis嘗試改造成右閘，主要是其防守較好，而其身型也不太適合打防中，長遠來說改造成功的話，至少可做右閘替補，改造不成也最終是離隊罷了(2023完約，如其不能在中場中發揮也應搵其他更適合個人特點的位置) 2.左閘以尼高古或續以葛飛打，前者一定要交學費，但可看其成熟度是否可藉此快速培育，用後者打則預佢唔會進攻，左面進攻一定差，但至少防守意識清楚，高度不輸蝕下仲會因為中堅出身而包入中間幫手。 3.如果用Davis打右閘，則右中場便不可以James去打，因其補防力較差，比較適合以Iwobi打右中場，故左右兩邊便不再以閘位助攻為攻擊手段，也因此不再打433，而是更多以左右兩中場陣式去打進攻，故建議為451,442或4411 4.由於James的防守力弱，故在4後衛下只建議其打4411的輔鋒或451的進攻中場，不過依其體力而言，可能打中路更消耗體能下只打到70分鐘 5.左中場建議為R7，替補為Bernard；右中場建議為Iwobi，替補為Gordon，Gordon為替補除了是近來連後備都無，唔知狀態或紀律發生何事，同時如右閘為Davis或Kenny，需要有多點英超經驗的球員在場為妙呢個陣式唔會帶嚟驚喜，只是止蝕與止血(防守上的不適應)，希望能捱過呢個十二月同兩正選閘傷完後，再打到一個如季初的小高潮

作者: reedlo16 時間: 2020-12-6 21:58

evertonlife 發表於 2020-12-6 17:24
近幾場的攻不銳守不穩，除明顯球隊對4後衛陣式更為適應外，因現時兩正選閘出缺下的調整而出現更大的適應問 ...

早係對修咸頓個場，我都話一係打4411, 一係打4231，根本宜家啲人選，打433，甚至近期兩閘正選無晒，打343都係唔啱用。我地班中堅從來都唔太適應打3中堅陣。

你班中場唔多郁，唯有靠人數補救。兩閘NKOUKOU，KENNY，前者進攻優於防守，後者防守優於進攻，則你左中場右中場剛剛好便配搭勤於防守的李察列臣和較善進攻的伊禾比，便正好彌補兩閘的不足。新人你唔俾佢落場，咁佢永遠都係無經驗喎，連噚日對般尼呢種牌面較弱的對手，你連後備都唔比佢地，咁你想點呢？

占士打攻中，最好，且打4411時，施格臣其實打後上攻中呢個位都會有貨交。噚日占士妙傳俾佢入攝，呢啲其實先真係施格臣的耍家波。呢兩年來佢愈打愈沉，始終係陣營唔啱佢(當然一個中場球員咁少殺著，係咪值4千幾萬身家已是另話)。

後面有杜靴尼及阿倫專責攔截或適時殺入禁區。

前鋒真係唯一一個唔使煩的位置，DCL無傷無病一定係佢。且杜辛做替補相信都可以。

作者: reedlo16 時間: 2020-12-6 22:01

Fuko~ 發表於 2020-12-6 16:31
係甸尼要休息禁長時間，應該要早D用NKOUKOU...就算要交下防守GE學費，只要進攻交足攻課，我相信隊波依然 ...

宜家諗返起，拜恩斯唔續約一年，原來對我地隊都幾傷。人算不如天算。HA

作者: Fuko~ 時間: 2020-12-7 00:03

reedlo16 發表於 2020-12-6 22:01
宜家諗返起，拜恩斯唔續約一年，原來對我地隊都幾傷。人算不如天算。HA

其實你當我地黑人又好啦...往幾年邊洗煩左右閘，今年一次過冇哂正選左右閘，本來呢個位好多時都打得大半季ge位黎。反而你以為james好易傷，佢家下仲踢得好地地，係真係身邊d隊友唔夠級數...

作者: evertonlife 時間: 2020-12-7 08:54

reedlo16 發表於 2020-12-6 22:01
宜家諗返起，拜恩斯唔續約一年，原來對我地隊都幾傷。人算不如天算。HA

有時呢啲老將唔係用嚟拎冠軍，係用嚟頂4-5場，至少佢個位唔出事。所以一隊波要25個球員註冊，唔係個個要做星。絕對同意Barnes嘅離開係頭痛架，因為即使唔係落場，好肯定作為年輕球員的指導都已經值回票價

作者: evertonlife 時間: 2020-12-7 08:56

reedlo16 發表於 2020-12-6 21:58
早係對修咸頓個場，我都話一係打4411, 一係打4231，根本宜家啲人選，打433，甚至近期兩閘正選無晒，打343 ...

所以有少少意外安76對排陣選人的不合適狀況，因為正正佢出名係呢樣嘢，靈活多變而調教球員去踢合適佢地嘅陣式

作者: evertonlife 時間: 2020-12-7 08:58
今年我自己對球隊嘅目標已不是什麼爭標前四歐霸，反而務實啲咁講，安76是否合適球隊長遠發展(能帶來前景)

作者: evertonlife 時間: 2020-12-7 08:59
同埋減去一啲無得發展同薪金貴嘅球員，因為睇番2021年完約球員只得一位，陣間個個留低但無用，而又不斷買人，長遠對球隊財政營運更大穫，寧願逐少逐少去執番隊波

作者: ginger 時間: 2020-12-7 09:25

evertonlife 發表於 2020-12-7 08:58
今年我自己對球隊嘅目標已不是什麼爭標前四歐霸，反而務實啲咁講，安76是否合適球隊長遠發展(能帶來前景) ...

又咁講，買人今年冇問題，不過真係要比時間，其實暫時改變係滿意，不過真係出錯人用錯陣同唔夠膽試新人

作者: reedlo16 時間: 2020-12-7 13:26
今年買人絕對係對症下藥TIM，只係阿倫近呢幾場有啲跌WALT，另外，占士真係身邊隊友配合唔到。(無人走位，廸布尼在陣都無計啦…)

朗X高文亂有錢亂咁買的遺害令及後幾名領隊都相當頭痛，艾拿戴斯過渡期，買人唔算多，杜辛合格啦，老禾…麻麻啦，點都唔算話佢亂咁買人。到施華，其實佢買賣都OK喎，宜家我隊最重要的兩員之一，李察利臣同甸尼就係施華買回來，佢果時都好想買杜靴尼，但時不與我，屈福特唔降班都唔會好似今年先肯降價。然後高美斯又係施華引入，佢未傷前，水準有目共睹。甘賓尼位置上其實都係對板，但…只能怪佢同施華都無運啦。

所以呢幾年第一慘係，朗奴高文年代買下太多貴價唔對板球員，及後兩個領隊買賣有好有壞，但衰在好個啲又成日傷，堅黑仔，壞個啲唔傷都唔多有咩作用，最重要散貨慢。諗落真係幾黑仔。

第二慘係，76唔通真係教開大球會，唔係好識去「執球隊、重建球隊」？希望我睇錯。俾多啲時間佢先再下定論。今年唔好要求咁高，維持係上半板，主力放係盃賽到還好。

作者: Fuko~ 時間: 2020-12-7 14:03

reedlo16 發表於 2020-12-7 13:26
今年買人絕對係對症下藥TIM，只係阿倫近呢幾場有啲跌WALT，另外，占士真係身邊隊友配合唔到。(無人走位，廸 ...

正選十一人或者後備有兩三個其實都執得好齊。但真係要發揮到隊波，球員GE成長同默契真係好緊要。
呢幾場我反而比較覺得可惜係，李察利臣仲未踢番起。今季踢左3分1有多，佢只係入得一球。
隔離熱刺踢得好，唔係只得HARRY KANE仲有孫興民配合。
隔離街其實都傷好多人，但就係呢幾年累積左球隊GE底力，冇左後防主力，其他人GE士氣同後備實力都唔差先一直嬴到。
所以，呢D正選十一人以外GE課題，我地真係仲要時間去處理。只係希望呢個時間唔會太長...

作者: 愛華戰士 時間: 2020-12-7 21:30
好認同幾位提出嘅451 或4411 陣係呢個零兩個月最合理嘅配置。右閘以湯戴維斯打，左閘出新仔會好過葛非。防中阿倫搭杜古希（一定要比時間佢2個熟習呢套運作），右翼呢刻用伊禾比，左翼李7。攻中占士。我係唯有咁擺至唔會見到明顯大漏洞。

作者: 愛華戰士 時間: 2020-12-7 21:40
再補充，占士阿倫一定唔係水貨。大家見占士尋日燙射同比施格臣個直線。不過明顯占士幾下右路轉左力水唔夠同套路已比人洞悉左，占士體能同速度都唔夠，要提升同改下踢法。讚同大家講我地隊波缺乏跑動型球員，真係好可惜，我睇云正選後備咁多個，其實無一個係呢類型。孫興敏，文尼，史端寧，希姆雲拿，華迪，大家一睇就知呢家波我地幾咁缺乏。

作者: 愛華戰士 時間: 2020-12-7 21:49
宜家最令球迷失望嘅我覺得唔係贏唔到般尼，而係比賽過程中我數到嘅都不下5次以上，我地班波由左右路交下交下個波交返比龍門！作為球迷呢啲真係極失望。其實有好幾球我睇到只要中堅傳波快啲，閘位球員早啲甩波，或者球員預留啲位比隊友做三角猜傳，啲波絕對唔需要交比龍門，但結果係明明可以猜上腳，最終要變左龍門大腳解圍失左控球權。真心屌，我寧願你堅尼呢啲中堅位放2邊直線比dcl 去撞下都好過

歡迎光臨香港愛華頓迷討論區 (http://hkeverton.com/forumnew/)