香港愛華頓迷討論區

標題: 20/21 聯賽作客富咸 [打印本頁]

作者: Fuko~ 時間: 2020-11-20 22:25
標題: 20/21 聯賽作客富咸
Gbamin is in the last stage of his recovery. I think in 2-3 weeks he'll be ready to train and play.
Coleman is unavailable but they (Delph, Richarlison and Allan) are all fit.

今日記者會，安76交代左最新情況...冇講高文傷幾耐。
真係要KENNY的話，前面真係唔可以用JAMES...佢COVER面真係冇高文禁廣。
佢乖乖做防守，得閒斬下波俾鴨同李察利臣就OK。對住富咸，ALLAN同杜古希應該夠拎到個中場。

作者: reedlo16 時間: 2020-11-21 13:56
右閘的確要搵人接班。KENNY真係…未夠班。

作者: 24cheung 時間: 2020-11-22 19:59
件燒鵝肶咁差成日都有正選

作者: barker 時間: 2020-11-22 20:02
閃電入波

作者: reedlo16 時間: 2020-11-22 20:21
每次睇到我地隊波啲防守…就真係無言。

作者: barker 時間: 2020-11-22 20:32
1-2 DCL

作者: reedlo16 時間: 2020-11-22 20:34
今場波對家條左路拍擋…係我們的前第二梯隊。

作者: scfterry 時間: 2020-11-22 20:37
杜哥利入球 1-3

作者: reedlo16 時間: 2020-11-22 20:37
杜古希開齋。好耐無見到我地隊波有個BOX TO BOX球員入埋禁區頭攻入波了… 費蘭尼之後…

作者: evertonlife 時間: 2020-11-22 20:39
今場打3 5 2，減少右閘嘅漏洞

作者: witzz 時間: 2020-11-22 20:47
352 好似幾啱iwobi打

作者: jacks66 時間: 2020-11-22 20:52
今場iwobi 打得幾好，平衡返右邊，出到波

作者: Fuko~ 時間: 2020-11-22 20:54
因為對手相對弱JE...不過，止到蝕已經好好

作者: 拖肥1878 時間: 2020-11-22 20:59
耶利米拿就真係～～～唉！屌都嘥氣！！

作者: barker 時間: 2020-11-22 21:54
FT : 2-3 總算三連敗後止血但要飽食驚風散

作者: 拖肥1878 時間: 2020-11-22 22:06
以為可以輕鬆win一場，點知下半場又係一pat屎咁。對住富咸都可以輸晒中場比人，dllm咁對邊隊都死喎。

作者: 拖肥1878 時間: 2020-11-22 22:08
雖然免費，但開始覺得“尖屎”同阿倫都水水哋。

作者: 拖肥1878 時間: 2020-11-22 22:11
依家似乎係打“李7”一個咁，我哋d後備又差幾皮，點算呀咁！？

作者: 拖肥1878 時間: 2020-11-22 22:12

拖肥1878 發表於 2020-11-22 22:08
雖然免費，但開始覺得“尖屎”同阿倫都水水哋。

更正：阿倫唔係免費！

作者: Fuko~ 時間: 2020-11-22 22:13
險勝一場，但作客有3分呢樣野重要

作者: ginger 時間: 2020-11-23 09:23
今場下半場真係走晒樣，好彩3分已袋。今場鵝比幾好，比一個任務佢跑同出波唔好諗咁多串聯組織其實唔錯。後防都仲係好豆腐，對英冠質素富咸都踢成咁。

作者: 愛華戰士 時間: 2020-11-23 09:43

今場3分好關鍵.....點都好算係止左三連敗
占士一定唔係水O既....只不過佢始終呢幾年坐多過踢....季初幾場踢新鮮感同質....又撞正佢傷加上2輪國際賽頻頻撲撲.....對佢一定有影響O既....明顯係有疲態.....不過只要有隊友肯現身走位....佢轉向比空位呢下仲O係度O既。今場第二第三球佢都有功勞....只係暫時佢禁區頂起Q 果下未靈。

唔可以怪阿倫太多....我地D 中堅下下都退到禁區位置....而阿倫身邊長時間無一個同佢猜波上腳隊友....變相佢一墮後攞波就對邊幾隻腳义埋黎....轉身都難....。

整體隊波踢出黎個結構都係幾混亂.....防守上尤其唔清晰.....輸2球都係我地後邊人多但比人一下就篤穿。米拿D 防守可以話慘不忍賭....包抄慢同唔硬淨....一腳波就下下踢左比人.....到封位又封左入自已龍門....。

以呢三個叫做有D 身型同年紀唔大O既三中堅組合黎講.....按道理應該比到人一個穩字.....但踢出黎個配合完全唔係果樣野.....比個籍口就係未夾熟呢個陣式....。領隊個想法其實我都明.....放伊禾比打右翼衛.....當然主要原因係高文傷.....右路邊線適合踢O既真係唔多.....伊禾比雖然防守力唔高....但始終後生同有D 速度....至少唔怕比人硬爆....加返個葛菲中堅位等伊禾比上時葛菲負責包.....；左路其實相似.....甸尼上去攻時由堅尼負責包.....---- 我會覺得如果打3中堅應該用堅尼打正中果個.....但明顯因為米拿做唔到左右個包防.....所以至迫於無奈要米拿打最中間.....# 但呢個配置就會加重中場中個防務.....結果對邊下下中間猜撞入黎....
伊禾比其實唔好諗太多野....一心只去進攻其實真係有D 神來之筆.....(亦可以話佢唯一作用黎)....之前幾場見佢又想中場控定又猜又盛唔知自己想點....今場打個翼衛反而佢知道先塞住個位.....待有機會時就殺上去出一腳.....情況反而比之前好。.....

杜古希呢下入波都好緊要....真係我地中場中有能力殺上去入球.....

下半場成隊波個轉數明顯下降.....國際賽會有影響.......同埋之前都提過睇訓練片時班球員訓練時好似唔係好認真....(耶利米拿尤其甚)...

作者: ginger 時間: 2020-11-23 09:54

愛華戰士發表於 2020-11-23 09:43
今場3分好關鍵.....點都好算係止左三連敗
占士一定唔係水O既....只不過佢始終呢幾年坐多過踢....季初幾場 ...

認同，其實占士同阿倫算係咁，明顯係高質嘅，但都要配合，而家唔好話後備，我地喺正選之間質素的斷層都好明顯，見幾個中堅明顯係冇咩信心話者怕自己慢逗到好後，咁防中其實好難踢

作者: 愛華戰士 時間: 2020-11-23 10:01

拖肥1878 發表於 2020-11-22 22:11
依家似乎係打“李7”一個咁，我哋d後備又差幾皮，點算呀咁！？

我地隊波呢一刻生波時進攻點基本上係黎自左路甸尼O既引球落底傳中......李察利臣挨左路或中路O既突破.....占士挨右路O既望空或插入.....---- 最直接係呢3範。....其他O既完全係複雜得黎又低效O既

# 右路無左高文宜家要望伊禾比落底
中路阿倫同杜古希唔屬於引球殺入對方禁區果類球員....所以威脅唔大

李察利臣絕對係成隊波O既進攻命脈.....佢一缺陣就贏唔到波呢一點已經証明一切....，活力夠又要有突破能力O既....或者只係得返GORDON 可以試下用....

作者: 愛華戰士 時間: 2020-11-23 10:22

ginger 發表於 2020-11-23 09:54
認同，其實占士同阿倫算係咁，明顯係高質嘅，但都要配合，而家唔好話後備，我地喺正選之間質素的斷層都好 ...

老土D 講...足球唔係一個人踢。
愛華頓中場結構問題唔係一兩季O既問題，係長時期累積出黎。

阿倫O係意甲係中場中效率最高果幾個中場黎(持續幾年)....個關鍵點係︰
第一︰中堅無信心HOLD 波.....米拿搭堅尼呢個慣常組合....堅尼會稍肯用下波....但米拿就真係太騰雞。有波搵防中比....唔係問題....但係個APPROACH 可以係中堅多D 作勢比防中....但其實係推前或推橫再做個斜傳或者長傳....呢個動作可以幫防中拎到較多空位...；再講尋日對富咸.....碧福特開龍門球時.....你見到堅尼同米拿止O係小禁區左同右.....我直頭粗口都出埋....你兩條友企D 咁O既位.....咁同踢少2個人有乜分別....你真係有心拎波咩？呢D 身體語言直頭話埋比對手知....' 你地唔迫上黎就笨啦'

第二︰中場猜唔生個波︰如果我地慣性踢個4231....邊3個球員會係三角型位現身？2個防中位我理解係阿倫同杜古希----> 但係杜古希個角色由第一場到今日我都仲未定到....究竟係防守？係做控場...定做進攻？...定係星期美點式場場唔同？如果係咁問題就出現啦....我係阿倫....我要點同隊友夾？同一個問題就係3個進攻中場中間果個位....究竟係邊個踢？？？？到今日我都睇唔到領隊屬意邊個去做呢個串連角色.....。如果你問我...我會放占士落呢個位.....左邊係李7....右邊OK 你可以比伊禾比 ( 其實GORDON 應該可以).......中場當阿倫或專責做串連O既杜古希拎到波時....占士就稍回後同阿倫做個小組....李7同GORDON 可以拉開左右負責接應.....咁樣個串連我認為會比較流暢...

作者: barker 時間: 2020-11-23 12:04
一月使唔使再買一個中場 ( luis alberto ) 或一個前鋒( 皇馬 Diaz ) ？

作者: Fuko~ 時間: 2020-11-23 13:58

愛華戰士發表於 2020-11-23 09:43
今場3分好關鍵.....點都好算係止左三連敗
占士一定唔係水O既....只不過佢始終呢幾年坐多過踢....季初幾場 ...

始終有D野係要時間浸出黎，你同我都知道今季講冠軍歐聯仲早左好多。
訂好個方向，就等班球員自己成長夾到結果個出黎，再就住弱點去修正...
我開始覺得安76同JAMES留3年係唔夠用...要做一支有競爭能力GE球隊，我地仲要更多的穩定性。

作者: evertonian95 時間: 2020-11-23 14:08
鵝比係我睇佢咁多場波踢得最好的一場
米拿好似唔係好得(有d當年狄斯甸影子), 堅尼還好過佢
李7如果再入唔到波, 我怕佢又變紅牌阿姑

作者: witzz 時間: 2020-11-23 15:51
琴晚後尾換冰島臣出嚟都r爆頭，出到黎完全唔知做乜，係前面又無牽引作用，防守又無。我寧願換Holgate塞多個係中路

作者: witzz 時間: 2020-11-27 11:27
Lucas Digne訓練受傷，要抖兩個月

歡迎光臨香港愛華頓迷討論區 (http://hkeverton.com/forumnew/)