香港愛華頓迷討論區

標題: 作客修頓 [打印本頁]

作者: wahton 時間: 2020-10-23 12:48
標題: 作客修頓
冇哂李臣，占士邊路大將，進攻會唔會打回原形?

作者: laukarwing 時間: 2020-10-23 13:45
在安察洛堤領導下。不用擔心進攻問題啦！

作者: laukarwing 時間: 2020-10-23 13:47
修頓今季都打得幾好。希望愛華頓可以取得分數。

作者: wahton 時間: 2020-10-23 15:03
冇左兩大進攻手，杜哥利或者會移前參與更多攻勢，大擔估計佢有入波或助攻

作者: ngkk821 時間: 2020-10-23 22:31

wahton 發表於 2020-10-23 15:03
冇左兩大進攻手，杜哥利或者會移前參與更多攻勢，大擔估計佢有入波或助攻 ...

認同，出佢頂右中場，德夫或TD頂杜哥利原來位置，Iwobi或Bernard頂李察，其實對中游都夠打。

作者: Fuko~ 時間: 2020-10-23 22:35
修咸頓最強就係前場迫搶令到對方後衛犯錯再入波...後防呢場打番穩陣波，就算唔出JAMES應該都嬴到先係。

作者: barker 時間: 2020-10-23 22:36
安察洛堤剛開完 pre-conference 又話占士今日有 full training, 會在後晚上陣

作者: ginger 時間: 2020-10-24 11:52
James應該起碼可以後備，都算係好消息

作者: killersmiling 時間: 2020-10-24 20:01
莫耶絲真係有料到！沒錢下嬴幾場梗嘢！

作者: killersmiling 時間: 2020-10-24 20:08
羸狼隊，李斯特城，和熱刺，領先曼城1比0

作者: Forever_Fan 時間: 2020-10-24 21:27

killersmiling 發表於 2020-10-24 20:01
莫耶絲真係有料到！沒錢下嬴幾場梗嘢！

當年老莫已經克死曼城，估唔到去到韋斯咸都係咁，另外上場對熱刺都打得好，老莫今季見佢有團火

作者: ngkk821 時間: 2020-10-24 21:46
蘇捷，保雲，新右後衛，用了約4500萬磅，加之前班底，好過以前愛華頓了。

作者: Forever_Fan 時間: 2020-10-25 02:17

ngkk821 發表於 2020-10-24 21:46
蘇捷，保雲，新右後衛，用了約4500萬磅，加之前班底，好過以前愛華頓了。

咁老莫買人都有一套的，雖然佢臨場調動一向麻麻，但至少買人訓練都唔差，4500萬執好隊波總好過當年朗奴高文花成億鎊買左成隊高薪低能的球員回來

作者: reedlo16 時間: 2020-10-25 03:07
剛睇完車路士對曼聯，宜家英超隊隊波中場都逼搶好勁，強隊更甚。

上場對利記，就睇到我地中場若遇上對方打逼搶，其實唔係好夠人去搶，占士、高美斯便是當中較弱的環節…

真係要有多一個爛仔爛打格，又或是有如艾倫有經驗有路數的中場球員，加強截擊搶截能力先得。

李察利臣除了係進攻好重要的一環，其實他亦好勤於回防，減輕左路甸尼做了好多防守功夫。呢方面，不論是伊禾比，班納特、哥頓都代替唔到，這才是我最擔心。本來右路都唔係好夠人搶，現在左右兩邊都令人擔心。

今場波可能真係要打得審慎啲，防線唔好太上，德夫或同艾倫同時出場，打4231，把握反擊機會。希望有分落袋。

作者: ngkk821 時間: 2020-10-25 07:58
題外話，堅恩昨晚代替麥巴比正選入兩球，希望佢打番起信心。另外，我地後備係多人，但唔係勁人，所以深度真係唔夠，亦係唔敢放Bernard嘅原因，不過長城非一日建成，希望安帥唔好走幫我地建立成一支歐聯常客。

作者: reedlo16 時間: 2020-10-25 17:53
巴黎聖日耳門借堅恩好似有優先買入條款，1800萬鎊，如果佢打得好，可能都收唔返。

作者: ngkk821 時間: 2020-10-25 19:10

reedlo16 發表於 2020-10-25 17:53
巴黎聖日耳門借堅恩好似有優先買入條款，1800萬鎊，如果佢打得好，可能都收唔返。

...

收番1800萬磅，可以買個安帥信得過嘅球員，諗得過

作者: 24cheung 時間: 2020-10-25 19:56

ngkk821 發表於 2020-10-25 19:10
收番1800萬磅，可以買個安帥信得過嘅球員，諗得過

咁就眼白白唔見咗700萬

作者: Forever_Fan 時間: 2020-10-25 22:25
少左李察利臣，係進攻上的確有些"立"，李察的傳送和突破真係太重要，防守上修咸頓未俾到太大壓力，高文的缺陣未至於有太大影響

作者: Forever_Fan 時間: 2020-10-25 22:28
1:0，失望

作者: reedlo16 時間: 2020-10-25 22:38
葛飛位置感完全係唔慣…成日當自己係中堅位咁…佢前面個個係占士…

搞到對面左面鬼死咁輕鬆……

唉…今場難矣…

作者: 愛華戰士 時間: 2020-10-25 22:40
出伊禾比等同打少件，條友剩係識得一控個波向後10碼。

作者: 愛華戰士 時間: 2020-10-25 22:40
差啲輸到0-3

作者: reedlo16 時間: 2020-10-25 22:41
伊禾比…慢，慢，慢。比波又慢，去波又慢，又成日想自己扭…

作者: witzz 時間: 2020-10-25 22:44
隻燒鵝髀真係垃圾

作者: witzz 時間: 2020-10-25 22:44
將甸尼轉去打右閘，左閘用個法國新仔啦

作者: 愛華戰士 時間: 2020-10-25 22:46
佢下下要挨住條邊線黎踢，究竟知唔知自己要做乜

作者: reedlo16 時間: 2020-10-25 22:47

witzz 發表於 2020-10-25 22:44
將甸尼轉去打右閘，左閘用個法國新仔啦

我覺得佢即使換右閘，安帥或換入戴維斯機會更高…

作者: Mathew 時間: 2020-10-25 22:49
想贏就要換，邊個都好啦，條友真係右路放題！

作者: 愛華戰士 時間: 2020-10-25 22:50
修咸頓明顯係用迫搶去減慢我地進攻節奏，猜落亦好高效。比我出多個徳夫換走伊禾比，索性放棄打兩邊，收埋占士入中路，專心中路攻好過，

作者: Forever_Fan 時間: 2020-10-25 22:55

witzz 發表於 2020-10-25 22:44
隻燒鵝髀真係垃圾

我都唔明點解唔出Bernard

作者: 24cheung 時間: 2020-10-25 22:55

愛華戰士發表於 2020-10-25 22:50
修咸頓明顯係用迫搶去減慢我地進攻節奏，猜落亦好高效。比我出多個徳夫換走伊禾比，索性放棄打兩邊，收埋占 ...

今晚輸硬

作者: witzz 時間: 2020-10-25 22:56

Forever_Fan 發表於 2020-10-25 22:55
我都唔明點解唔出Bernard

我都唔明

作者: reedlo16 時間: 2020-10-25 22:57
早講無左宜家個中場其實唔多夠人搶…換走施格臣，換入德夫入來塞係中間吧，艾倫今場波都好似無乜影咁。再用哥頓替伊禾比，至少打返11人。

作者: Forever_Fan 時間: 2020-10-25 22:57

reedlo16 發表於 2020-10-25 22:41
伊禾比…慢，慢，慢。比波又慢，去波又慢，又成日想自己扭…

攻守都乏力，結論: 絕對可以賣走，佢連做後備的能力都有些勉強

作者: Fuko~ 時間: 2020-10-25 22:57

witzz 發表於 2020-10-25 22:56
我都唔明

下半場想贏一定會換走佢

作者: Forever_Fan 時間: 2020-10-25 23:00

reedlo16 發表於 2020-10-25 22:57
早講無左宜家個中場其實唔多夠人搶…換走施格臣，換入德夫入來塞係中間吧，艾倫今場波都好似無乜影咁。再用 ...

施格臣和伊禾比都係速度慢的球員，我地隊波習慣打快，出Bernard係最正路，巴西球員都係以快打快，另外高飛買返來太早委以重任了，佢暫時後備還可以，正選還是有些勉強

作者: reedlo16 時間: 2020-10-25 23:00
證明我們隊波人多，但可用之人其實好少。
當正選11人事旦一個傷、停，就危機。

12月快車期先難過。

作者: witzz 時間: 2020-10-25 23:01
賓拿特換燒鵝髀

作者: reedlo16 時間: 2020-10-25 23:02
出班納特了。

作者: Forever_Fan 時間: 2020-10-25 23:05
睇到高飛我都有些火，2個右閘傷左後其實還有比錫係有打右閘，不過安帥唔會用佢，其實佢既然走唔到，咪當廢物利用羅，我覺得唔會比高飛打得差

作者: reedlo16 時間: 2020-10-25 23:07
你真對比錫情有獨鍾…

我情願用戴維斯都好過用一個十世無起英超踢過的球員。

最慘宜家你話打三中堅呢︳但右面都係無一個右翼衛可攻可守的人選…

作者: reedlo16 時間: 2020-10-25 23:16
換走杜古希，而唔係艾倫…

作者: 愛華戰士 時間: 2020-10-25 23:20
奇怪點解換杜古希希

作者: 愛華戰士 時間: 2020-10-25 23:22
對邊波到人到，想入波一定要搏盡至有機

作者: reedlo16 時間: 2020-10-25 23:29
好了，甸尼紅牌…

法國新仔下場可以出了…

作者: 拖肥1878 時間: 2020-10-25 23:45
打回原型，一場夢……夢醒了

作者: 拖肥1878 時間: 2020-10-25 23:46
Allan同杜古希呢兩場大跌watt....唔通咁快就露晒底

作者: 愛華戰士 時間: 2020-10-25 23:47
米拿咁都唔向前踢，硬係要回傳比碧福特出醜！打少個好心有呢啲壓前機會就向前踢啦！輸0-2 咪當輸踢囉！

作者: 拖肥1878 時間: 2020-10-25 23:47
中場無晒

作者: 愛華戰士 時間: 2020-10-25 23:48
今場無論喺迫搶同猜傳上都完敗

作者: reedlo16 時間: 2020-10-25 23:50
上對利記已見中場出現問題了…

作者: reedlo16 時間: 2020-10-25 23:52
艾倫最後十分鐘，你見佢好似放棄比賽咁…唔郁。

作者: 拖肥1878 時間: 2020-10-26 00:04
我最後十分鐘都無睇了

作者: 彈地 時間: 2020-10-26 00:04

第一場波已經睇到冇咗你利察列臣的重要性！伊禾比完全唔夠班！
下下半場換入Gordon賓拿特, Gordon都有帶波, 有攔截 ,有行人, 相反賓拿特好似唔係好見人

作者: Fuko~ 時間: 2020-10-26 00:06
馬後炮咁講，呢場最大責任係安76...上場右路冇左高文之後，右路放題已經係一次大警號。
結果比安76佢諗GE更加嚴重...佢對球員GE了解應該比我地更加深...IWOBI同埋GODFREY一睇就知唔可能代替到正選個兩個...所以左邊換施古臣加多攻力我又明白。
禁右邊又有冇適當提杜古希幫幫GODFREY呢?
面對冇左李察利臣呢個入球進攻點，隊波更加唔識攻，加埋今日好多個表現都唔對辦，最正常已經係KEANE...完敗黎形容一D都唔過份。
好又好在11月又有一次國際賽期，好多球員都話11月底可以返黎踢。眼前只係得呢兩場波要捱過...
就當呢場波係交學費，下場真係唔可以再用番JAMES打右翼呢套...打番442，防反迫搶捱過呢兩場仲實際。

作者: reedlo16 時間: 2020-10-26 00:15
本帖最後由 reedlo16 於 2020-10-26 00:16 編輯

442、2個前鋒都要搵人…占士打前鋒浪費左策劃的強項，但又真係諗唔到鴨仔以外，第二個合適做前鋒的人選。或者打4411也可…施格臣打返佢最善長個後上支援攻中位。

我賽前建議打4231，就係知中場唔夠人搶，希望人多搭夠。

下場波，左右閘都應唔同人，左閘究道安帥會俾新仔出，定出德夫呢？真係估唔到佢。右閘，仲照用葛菲便死梗，希望莊祖堅尼出得切，唔得的話, 我情願用戴維斯。打三中堅，米拿同堅尼都唔慣，仲易出事。

呢兩場波艾倫跌WALT好嚴重，要多一個人支援佢，故我仍傾向打二防中，德夫拍佢。

下場若安帥仍堅持出伊禾比…咁我真係唯有相信有啲嘢我地呢啲凡人係睇唔到睇唔透了。

作者: Fuko~ 時間: 2020-10-26 00:20

reedlo16 發表於 2020-10-26 00:15
442、2個前鋒都要搵人…占士打前鋒浪費左策劃的強項，但又真係諗唔到鴨仔以外，第二個合適做前鋒的人選。或 ...

打4411都得，收返JAMES入中間做自由人，家下手頭上我地中場防守比邊路好，比人攻中間好過左右放題式斬中...

如果仲偏執一定要用原有戰術打黎緊兩場，我敢講有一分都好彩。

作者: 愛華戰士 時間: 2020-10-26 00:20
以事論事，李察同高文係左右進攻嘅突破點，今場一下子無晒本來已經唔易踢，加上今場對邊真係針好fit, 波到人到令我地成隊波根本無辦法組織到攻勢，再無埋甸尼更加無眼睇。堅事實係占士唔係神，佢無錯係有創造力，但一定要隊友圍繞住佢去攻，咁弱點就係體能相對英超衝撞速度黎講踢得辛苦啲，回防對佢黎講係難嘅。唔想將輸波責任入晒新仔，明明中堅你要人踢閘，唔係話變就變得，以佢出腳同企位同拎波果下猶豫，我諗都係擺返佢入中間啦。阿倫係跌左watt, 心態上落後時更無火。杜古希照計如果唔係有傷，我認為中場做個塞位未必要換走。伊禾比大家安心可以放棄；另賓納特後備入黎除左果下禁區扣完比隊友外，其餘時間啲比波決定都麻麻地，呢個可以解釋點解佢真係只可以做副選。

作者: kmman 時間: 2020-10-26 00:33
用4321, 安76 成名陣式，施格臣打返史雲斯個入涉輔鋒位，james防守黑洞，收返入中間較好，三防中有5個可用問題不大，安帥高估了伊禾比同godfred 能力。無李察，只有施格臣叫做有d 機會入到禁區射波，一係就用u23 個simms.

作者: ngkk821 時間: 2020-10-26 01:09

kmman 發表於 2020-10-26 00:33
用4321, 安76 成名陣式，施格臣打返史雲斯個入涉輔鋒位，james防守黑洞，收返入中間較好，三防中有5個可 ...

兩翼無速度，打4321或4312，先做好防守。

作者: 拖肥糖 時間: 2020-10-26 02:06
總結一下：

1) 上場打比總結我已經講大禁區一帶對方後上無人mark，今場又係，唔係pickford靚救同另一球越位大早仆街

2) 運氣差，若遠射唔中楣成場走向唔同晒

3) james夾硬踢表演差合理

4) godfrey同當年martina同樣景況

5) allan上半場無影，真心要屌。防中有besic，davies點解唔用

6) calvert-lewin無供應自然無表演，gordon早入黎會係第二套路

作者: reedlo16 時間: 2020-10-26 02:27
葛菲，我唔會怪佢，會怪出佢的安帥。

艾倫今場真係要小，完全無晒影，下半場尾段佢直情放棄比賽，連追波都唔追，唔知安帥睇唔睇到。比錫連註冊都沒有，出唔到場，戴維斯，德夫這場波其實應正選上陣的。

作者: jacks66 時間: 2020-10-26 09:59
有時有D 野試左先知WORK 唔WORK........希望下場有返改正
其實今場打到上半場一半, 已知奶野, 係咁被人打葛菲身後, 一開波如果唔係對方撻Q, 已好快輸兩球
果下其實要轉打返442 , 打防反.......會好D
同埋今場左路D 人唔太肯同迪尼做配合.....自斷一臂

作者: 愛華戰士 時間: 2020-10-26 11:15
其實甸尼助攻力已好過李7 外嘅任何一個左翼，根本無需要擺個伊禾比去左路塞車。（條友今場直頭露晒底，first touch 差到，根本一惦個波就彈離至少5碼）真心打多個防中釋放甸尼個助攻力會更好。葛菲堅唔識踢閘，見佢幾球回防時仍向自己禁區跑，領隊下場如果真係想用葛菲，我諗不如打個3421 陣。中場左至右19歲左閘，德夫，阿倫，戴維斯。

作者: 愛華戰士 時間: 2020-10-26 11:15
2個攻中就gordon + 占士

作者: 愛華戰士 時間: 2020-10-26 11:18
戴維斯填位ok, 反擊時可比波阿倫再搵前邊gordon 用速度做突擊；占士就挨左邊等左閘

作者: Fuko~ 時間: 2020-10-26 13:32

愛華戰士發表於 2020-10-26 11:15
其實甸尼助攻力已好過李7 外嘅任何一個左翼，根本無需要擺個伊禾比去左路塞車。（條友今場直頭露晒底，firs ...

本身牌面上都知要打番同有李察利臣同高文在陣一樣係唔可能，見係修仔就諗住用番套路打多一場，照計唔嬴都唔會完敗。
之但係踢落班人本身唔識踢作客波之餘仲要夾唔到...呢場真係一場好好交學費GE波。
安76真係要諗下點變陣捱呢兩場波...

作者: Fuko~ 時間: 2020-10-26 13:36

愛華戰士發表於 2020-10-26 11:18
戴維斯填位ok, 反擊時可比波阿倫再搵前邊gordon 用速度做突擊；占士就挨左邊等左閘 ...

唔反對佢試打右閘/右翼衛。其實諗落邊線位分分鐘仲O岩佢踢...
有斬波能力，打開中場體力一定唔係問題，本身TACKLE又唔係差...
差就差在位置感同速度夠唔夠應付英超D快翼...

作者: ginger 時間: 2020-10-26 13:48
上場對隔離街露左我地底，今場更加明顯，allan同杜古希問題其實唔算大，最主要係輸右面真係放題，godfrey本身唔熟右加james唔熟守，同埋james格硬出冇狀態，或者應該話前面唔夠人走位配合唔到，鵝比落到場其實佢想點自己都唔知，比佢踢到上半場已經好比面，連帶埋鴨仔都冇埋表現。照咁睇冇左李察淨低兩場真係唔樂觀，始終我地好靠側擊，睇用哥頓打多啲邊靠佢突破已經係比較好既對沖方法。都係果句，如果今季我地排到喺狼隊同李城前面都已經好好，唔好咁快諗挑戰前4啦

作者: wahton 時間: 2020-10-26 16:46
今場確實優勝劣敗

James進攻貢獻唔洗多講，但防守真係缺口，加上葛菲唔擅打閘，搞到今場右路嚴重放題

另外希望班球員收少少火, 連續兩場直紅真係好肉酸

尤其我地D正選同後備差距咁大既時候, 停幾場好難搵到替補

作者: 愛華戰士 時間: 2020-10-27 10:33
大家又唔需要將一兩場波睇得太重要，不論勝敗，但重點係需要從敗仗中尋求改善。

熱刺第一場都輸左比我地，結果宜家遇神殺神拎住11分排第五
利記大敗一場甘....對我地即時止血宜家同我地一樣13分
曼聯比熱刺炒完....加上永遠有球証偏幫....咪又止跌回升

國際賽返黎後隊波明顯係無左之前O既集中力，估計係部份球員比勝利充昏左頭腦，所以今仗輸波都未必係壞事黎，比球員自己清醒一下。今屆英超基本上無話特別弱隊....
唔計所謂BIG 6
列斯虎虎有威
李城餘威猶在
維拉加利殊O既中場活力充沛
修咸頓唔使講啦....越踢越有
狼隊勝在均勻....
韋斯咸都出奇地韌

牌面叫弱D 只有白禮頓, 西布朗, 般尼, 錫非聯, 富咸5 隊....

我地暫時領先，本身頭幾場打出水準當然係原因，而另一原因可能就係暫時6場對手都唔算太強.....所以呢刻我地唔好太著意排名。

今場波突顯左我地一個弱點就係進攻上我地比較缺乏推波突破型球員。
修咸頓防守非常嚴密，中堅1.99米.....所以今場我地幾下角球都唔選擇直接斬入去禁區.....而且對手就係知我地無左李7同高文.....中場幾個正選都係偏向傳波走位型...所以防守上完全係用封位方式.....唔比我地輕易上腳....同埋收窄我地波比路線，要破呢D 防線....唯有用高速突破型球員。本來我地對伊禾比有期望可以做呢個角色....但條友真係太廢.....莫講話推波....連惦波都唔得....所以下半場領隊刻意出賓納特同哥頓做個人突破....意圖用速度衝散對邊。本來效果唔錯....可惜一個意外甸尼紅牌 ( 無錯係踩到人死腳....但無意識....我覺得比黃牌合理D)...結果就無力回天。

下仗作客紐卡素....呢隊波係暫時比較難猜透O既....寄望連續2場失分後今場真係能夠重回勝軌.....伊禾比同賓納特真係唔適合再用....我唔知保拿斯有無註冊....我諗用佢取代李7 個位會好D。...其他無乜可講.....相信領隊吧。

作者: reedlo16 時間: 2020-10-28 16:35
保拿斯和比錫都無註冊呢。

作者: barker 時間: 2020-10-28 22:15
kenny 同巴夫韋特可以在週末作客 newcastle 随時候命

歡迎光臨香港愛華頓迷討論區 (http://hkeverton.com/forumnew/)