香港愛華頓迷討論區

標題: 球後報告﹕ 銀翼四角賽 [打印本頁]

作者: 真.鋼龍馬田 時間: 2015-9-18 11:33
標題: 球後報告﹕ 銀翼四角賽
本帖最後由真.鋼龍馬田於 2015-9-18 12:10 編輯

拖肥糖廠足球隊於9/9及17/9參加了銀翼四角賽，得到了第四名(但只有四隊參賽)，賽果唔理想，但都好享受，實力明顯和其他三支隊伍有差距，但大家都發揮了愛華頓不死精神。

當然今次寶貴經驗，在進攻，組織及防守上需要多方面改進，我們仍爭取正式比賽中爭取第一個入球同埋第一個冠軍。

尋日銀翼四角賽，分組賽及季軍戰賽果﹕

分組賽第三場，對銀翼負 0:1

銀翼係三場對手中較有機會偷雞，其實如果呢場波我地WIN左，可以晋身冠軍賽，不過我地都係把握唔到，其實我地打231陣式，效果唔錯，中場壓迫，後防只打2個，但後防無因為人少而出現問題。我們會依人手，在7人場多打2-3-1，作針對性打法。

大家都救左好多球波，但知道打和對結果無意思，但都全力去守，打好每場波。防守及壓迫沒有問題，只是進攻上位置感真係唔好，無出現走位幫波，交波唔郁現象，其實比賽同友誼賽，走位很重要，如果大家還在此問題不作出相應改善，相信正式比賽的第一球好難會出現。而且遙遙無期，我和CC在夾一些針對性訓練，會稍後時間告知大家。
輸的那球，亦沒有辦法，防守球員其實在禁區內混戰，就算我本人都不能提點那麼多，要人釘人，如果有人釘人，對手執雞無咁容易，而我亦能夠有足夠時間封位。

對SHOOTHER FC 0:4

上輪對戰過的球隊，上次0:0，今次輸0:4，其實呢隊實力比我們高很二班，上次守和都係全力防守表現，今次球賽中段入了一球波後，集中力便減去，而且DANNY及嵐都受傷，換人名額又用完，基本上係5-7，技術不夠輸更多沒辦法，但呢場波需要吸收教訓係，

1, 我地心理質素唔夠，輸左第一球，信心便崩潰，其實足球係圓的，就算在劣勢，亦有扳平的機會，李斯特城輸左2個波，都將士一心保持鬥志，後來追上反勝，我地技術唔夠，要保持士氣好重要，大家不到完場一刻都要堅持很重要。

2. 我地未達到比賽狀態，我地一有突發狀況，球証無吹雞，大家都係有0.5秒發呆，唔好睇了呢0.5秒，發生好多事，將來亦要改善。投訴可以等死球再投訴。我唔想好似上季愛華頓主場對曼聯咁，米拉拿斯入那球，史摩零同伊雲斯咁，被人破左越位，仲傻下傻下派膠唔追波，我地識笑人，唔好俾人笑返。

3, 體能問題，我地要連續打2場比賽，只有數分鐘休息，其實我應該召集二隊波球員較好分開踢兩場較好，但怕大家又唔夠踢，但要換成結果係中段開始，體能下降，基本上任人魚肉。

我地總結好，改善好，為下一場比賽而努力。爭取比賽第一個入球同埋第一場勝利。下一個目標係英超球會球迷8角賽。

作者: 彈地 時間: 2015-9-18 13:47

繼續努力加油 , 享受足球樂趣

作者: wahton 時間: 2015-9-21 14:00
努力!!為愛隊爭光

作者: evertonarteta10 時間: 2015-9-21 14:21
馬田兄, 會唔會搞D自己圍內踢...我本身冇咩運動肥仔一名, 但係又唔想對出面D人我一定拖後腳

如果有自己人對自己人我都想參與下

作者: James_Beatkit 時間: 2015-9-21 14:43

evertonarteta10 發表於 2015-9-21 14:21
馬田兄, 會唔會搞D自己圍內踢...我本身冇咩運動肥仔一名, 但係又唔想對出面D人我一定拖後腳

如果有自己人 ...

呢個月會有一場

作者: evertonarteta10 時間: 2015-9-21 15:19
請問點報名?

作者: 真.鋼龍馬田 時間: 2015-9-21 15:24
唔夠人自鬥了。下個月再安排。10月份，我在網頁再通知。

作者: 真.鋼龍馬田 時間: 2015-9-21 15:25

evertonarteta10 發表於 2015-9-21 14:21
馬田兄, 會唔會搞D自己圍內踢...我本身冇咩運動肥仔一名, 但係又唔想對出面D人我一定拖後腳

如果有自己人 ...

傻啦，我個名言係，踢得叻，去左葛廸遜踢啦，有心踢，有責任心，多參與係加入隊波基本條件。唔駛要去到巴克利就得架啦。我地好多都唔識踢架啦。包括我。

作者: evertonarteta10 時間: 2015-9-21 15:29
好的, 唔該哂馬田兄

歡迎光臨香港愛華頓迷討論區 (http://hkeverton.com/forumnew/)