香港愛華頓迷討論區

標題: EPL 作客李斯特城 sunday night [打印本頁]

作者: barker 時間: 2019-11-29 21:56
標題: EPL 作客李斯特城 sunday night
送馬高施華一程 ?

作者: Forever_Fan 時間: 2019-11-30 09:12
其實就算和佢都係炒，我估佢其實已經等同被炒，只不過董事會係度搵人中先未公佈姐，幾時搵到人就幾時炒。

作者: ginger 時間: 2019-11-30 10:19
而家炒都未必最好時機，正路就輸硬，睇下underdog會唔會有驚喜，同埋希望用下kean唔好浪費左，咁貴買返黎擺咩

作者: witzz 時間: 2019-11-30 11:24
Bye silva

作者: barker 時間: 2019-11-30 11:52

Forever_Fan 發表於 2019-11-30 09:12
其實就算和佢都係炒，我估佢其實已經等同被炒，只不過董事會係度搵人中先未公佈姐，幾時搵到人就幾時炒。 ...

david moyes close to appoint new EVERTON new manager early next week ?

作者: witzz 時間: 2019-11-30 12:23
No please

作者: Forever_Fan 時間: 2019-11-30 13:37

barker 發表於 2019-11-30 11:52
david moyes close to appoint new EVERTON new manager early next week ?

老莫或肥賓都應該係好人選，肥普唔可能來，艾馬利英文都唔係好識講，證明係英超佢未掂，等佢學好英文先

作者: Forever_Fan 時間: 2019-11-30 14:29
不過董事會都有機會等過埋利記先炒，等新領隊唔會一上場就輸俾利記，變得壓力超大

作者: wahton 時間: 2019-11-30 18:26

ginger 發表於 2019-11-30 10:19
而家炒都未必最好時機，正路就輸硬，睇下underdog會唔會有驚喜，同埋希望用下kean唔好浪費左，咁貴買返黎擺 ...

同意。隊波進攻冇章法，但好似今季對曼城咁，做underdog打反擊可能有驚喜。

加油

作者: barker 時間: 2019-12-1 07:59
update for sunday UK newspaper for daily mail : moshiri 同 bill 叔叔已決定請般尼茅夫主帥 eddie howe 代替馬高施華成愛隊新主帥 , 下星期三晚 merseyside derby 作客利狗會暫時由 BIG DUNC take charge

作者: Forever_Fan 時間: 2019-12-1 09:12

barker 發表於 2019-12-1 07:59
update for sunday UK newspaper for daily mail : moshiri 同 bill 叔叔已決定請般尼茅夫主帥 eddie howe ...

如果又請少帥，下季我地又要換帥了

作者: barker 時間: 2019-12-1 09:14
eddie howe 功力有問題？

作者: Forever_Fan 時間: 2019-12-1 09:39

barker 發表於 2019-12-1 09:14
eddie howe 功力有問題？

我地球隊經過幾季，問題不單係後防，而係整體，佢有能力或經驗處理複雜的問題嗎？加上球會有錢了，球員也大牌了，Howe無往績支持，佢憑乜野壓住班球員? 球會有錢了，還去細球會搵領隊，無經驗的領隊眼界已經狹窄，又點帶領球會去另一台階?

作者: niclas 時間: 2019-12-1 10:32
韋斯鹹尋晚贏波，柏歷連尼無甘快炒。
拖肥今場如果系輸，馬高施華肯定會炒的
老莫真系會接手？

作者: Forever_Fan 時間: 2019-12-1 11:23

niclas 發表於 2019-12-1 10:32
韋斯鹹尋晚贏波，柏歷連尼無甘快炒。
拖肥今場如果系輸，馬高施華肯定會炒的
老莫真系會接手？ ...

很難講，現時來睇，老莫和肥賓已經係較現實和較好的選擇，如果搵Howe，我覺得今季會否降班已經有些懸，就算唔降班，下季也會一樣的換帥。

作者: witzz 時間: 2019-12-1 12:07
同老莫比，eddie howe不比老莫差。如果大家覺得老莫係愛記教得好，因為係有限資源之下，可以踢到有隊型，甚至上到前四，咁eddie howe既般尼茅夫亦唔失禮，係有限資源下，甚至可能少過老莫係愛記既年代，帶到隊波上中游，不愁降班。如果問我，我會傾向揀eddie howe，起碼eddie howe既進攻套路清潔，更加切合現今足球，呢幾年我見到老莫好似跟唔上現今足球步伐，有啲停濟不前感覺。

作者: niclas 時間: 2019-12-1 12:19

Forever_Fan 發表於 2019-12-1 11:23
很難講，現時來睇，老莫和肥賓已經係較現實和較好的選擇，如果搵Howe，我覺得今季會否降班已經有些懸，就 ...

我覺老莫接手最實際，最穩陣啦！

作者: Fuko~ 時間: 2019-12-1 12:45

witzz 發表於 2019-12-1 12:07
同老莫比，eddie howe不比老莫差。如果大家覺得老莫係愛記教得好，因為係有限資源之下，可以踢到有隊型，甚 ...

eddie howe即係又打進攻足球...而且佢多用4-4-2，基本上都可以FIT到落我地而家隊波。
問題係4-4-2個兩個中場真係要好勁...缺少了GOMES下...要點打呢?

作者: Forever_Fan 時間: 2019-12-1 13:57

witzz 發表於 2019-12-1 12:07
同老莫比，eddie howe不比老莫差。如果大家覺得老莫係愛記教得好，因為係有限資源之下，可以踢到有隊型，甚 ...

係Silva來之前，一樣吹Silva和Howe係救世主一樣，其實睇履歷我唔明d球迷做乜吹捧Silva和Howe得咁勁，兩者其實一擔擔，海軍鬥水兵，所以我一直都反對搵佢地2個，上次球會請Silva時我已經話好快就會炒，我覺得已經離此不遠了。今次如果請Howe，我都可以講句好快都會炒，只不過係1年定2年的分別。佢地兩個一直都係帶領小球會，但正因為小球會，要處理的問題相對簡單，每年目標只係護級，球員通常都後生聽話，更唔可能有star players，領隊可以係球隊內說一不二，更少有可能有小圈子，就算有也無法挑戰領隊權威，但愛華頓唔同，有資金和薪酬階梯，球員有唔同訴求，有明星球員，有小圈子，有董事會的干涉，要處理的問題複雜好多，當履歷不能服衆，佢係咪能讓球員服從? 大球會和細球會的內部處事係可以好唔同，加上佢普無歐賽經驗，要提升我地，根本無從說起。

作者: witzz 時間: 2019-12-1 14:21
老莫教得最好既時候就係愛記嗰時，但係當時愛記唔算係一間咩大球會，只係歷史悠久，亦不見有咩球星，在任時教係一個冠軍都無，又何以覺得老莫既履歷可以服眾？單單以曼聯嗰次黎睇，我就見唔到老莫可以駕馭到啲球星。大家一直以黎睇得老莫太高，但就唔係用同一把尺去比較其他領隊。

作者: Fuko~ 時間: 2019-12-1 14:59

Forever_Fan 發表於 2019-12-1 13:57
係Silva來之前，一樣吹Silva和Howe係救世主一樣，其實睇履歷我唔明d球迷做乜吹捧Silva和Howe得咁勁，兩者 ...

HOWE同SILVA差不多級數呢樣野我其實認同。但其實會方傾向球員同領隊一齊成長，先搵少帥去處理年輕球員問題。
好話唔好聽，其實會方都係博一博，希望單車變摩托。係冒險左D，但佢地係想有下個普帥林伯甚至施丹...
而且禁樣的領隊起碼會留耐D係一隊波，唔係一有成績就走。

對我黎講，知道個領隊咩風格就夠...我相信會方個決定GE。始終佢地先係圈內人...

作者: Forever_Fan 時間: 2019-12-1 15:24

witzz 發表於 2019-12-1 14:21
老莫教得最好既時候就係愛記嗰時，但係當時愛記唔算係一間咩大球會，只係歷史悠久，亦不見有咩球星，在任時 ...

老莫係愛華頓歷史裡面都叫數一數二長的領隊，加上標叔叔還在位，係球會裡面相信還有不少行政或助教跟佢認識，甚至係佢當年簽回來的球員，加上當年無錢也能帶領愛華頓拿到歐聯歐霸資格，這已經係履歷，係成績，係威信，這是Silva和Howe無法比較的。加上老莫當年受費格遜欽點執教豪門球會曼聯，這本來就係一個對佢能力的肯定，就算只係執教一季，現在球迷睇返轉頭，佢的成績也根本不算差，老莫之後世界有名的雲高爾，摩連奴，埋單計數大家勝率咪又係差不多，老莫更帶領球隊去到歐聯8強，雲加帶領的阿仙奴屆屆去到16強就輸了，老莫好差咩? 這就是佢的資本，就是履歷，Silva Howe之流可以同佢比較咩? 除老莫外，肥賓也可以丫，教利記都十幾年前的事啦，當時各為其主姐，幾時輪到Silva Howe之流教愛隊先得架，如果請Howe也肯定係班主堅持唔請老莫肥賓，然後標叔叔被迫提出2者都勉強接受的替補方案，但這根本又係另一個炒人的循環。

作者: Fuko~ 時間: 2019-12-1 19:11

Forever_Fan 發表於 2019-12-1 15:24
老莫係愛華頓歷史裡面都叫數一數二長的領隊，加上標叔叔還在位，係球會裡面相信還有不少行政或助教跟佢認 ...

都幾次換帥都換唔到莫耶斯...其實你都差不多對個BOARD死心...主席佢地兩位根本唔多想搵佢返黎。
就算番黎都唔會預佢做得長。一直都講唔駛太神化老莫，冇人質疑佢成就，而係隊波走緊GE方向同佢唔一樣。
班主想年輕化想建立一支技術性較強做班底的球隊，所以重金請MARCEL BRANDS同買一堆年輕有潛力的球員返黎，等佢地成材。準備黎緊的新球場新時代...
佢地有哂計劃去行...如果以球隊同老莫利益去睇，佢根本唔應該返黎，因為佢個足球理念，唔會符合BRANDS同班主...一陣輸少少，就已經炒鬼左佢...你睇摩連奴第二次教車仔就明白，幾有往績都好，只會炒得更加快。

簡單一句:
球迷認同佢係愛記的成就，但唔認同佢能夠帶隊波奪冠...

作者: Forever_Fan 時間: 2019-12-1 19:40

Fuko~ 發表於 2019-12-1 19:11
都幾次換帥都換唔到莫耶斯...其實你都差不多對個BOARD死心...主席佢地兩位根本唔多想搵佢返黎。
就算番黎 ...

我唔係對個board死心，而係對新班主死心，係佢阻住標叔叔作主搵新領隊，新班主根本唔識波，無料扮四條，如果新班主有眼光當然無問題，但佢的眼光呢幾年已經證明，無論係領隊定係足球總監都係不知所謂，搵人返來燒錢就叻，成績就一落千丈。

嘗試年輕領隊唔係唔俾試，但經過咁多年咁多個，次次撞牆，依家係咪明知係堀頭路，仲係要撞過去直至降班先知錯，後知後覺到咁點做管理層? 到今時今日，係咪要搵一個有經驗的領隊先去執好隊波護級先，仲唸住請少帥? Short 到上腦。

唔請老莫咪請肥賓羅，老莫係穩陣之選，佢係執好隊波方面，加強防守意識隊型，煥起鬥志方面一定能幫到球隊，這是我隊現時的弱點，要知道現時我地真係有機會降班的，之後連續多場硬杖呢。肥賓係進攻方面較老莫主動，身為戰術大師的佢，臨場調動更靈活，弱項係買賣球員和跟球員關係處理方面，買賣球員有足球總監幫忙已經無關痛癢，肥賓有往績有歐戰經驗，大球會小球會海外球會也都執教過，橫跨西甲意甲英超，又係打攻勢足球，提升愛隊水平相信不是難事，怎樣也輪不到Silva Howe之流去執掌球會。

作者: laukarwing 時間: 2019-12-1 21:13
一定要贏。

作者: laukarwing 時間: 2019-12-1 21:17
本帖最後由 laukarwing 於 2019-12-1 21:23 編輯

Delete

作者: killersmiling 時間: 2019-12-1 23:22

Forever_Fan 發表於 2019-12-1 19:40
我唔係對個board死心，而係對新班主死心，係佢阻住標叔叔作主搵新領隊，新班主根本唔識波，無料扮四條， ...

eddie howe VERY WEAK!!I RECOMMEND MOYES!!he is the best!

作者: killersmiling 時間: 2019-12-1 23:24

Forever_Fan 發表於 2019-12-1 19:40
我唔係對個board死心，而係對新班主死心，係佢阻住標叔叔作主搵新領隊，新班主根本唔識波，無料扮四條， ...

新班主 come from Aresal!you see see his old team!! very weak from he join aresal

作者: Fuko~ 時間: 2019-12-1 23:34
打3-4-3，終於發現出舒拉根本唔掂，轉打5後衛博守得著
然而中場打TOM仔同埋施古臣，應該都搞唔掂...
現有陣容，我覺得打4-3-2-1會好D...

作者: Forever_Fan 時間: 2019-12-1 23:58

Fuko~ 發表於 2019-12-1 23:34
打3-4-3，終於發現出舒拉根本唔掂，轉打5後衛博守得著
然而中場打TOM仔同埋施古臣，應該都搞唔掂...
現有陣 ...

我地打5後衛的往績就係空位更多，輸得更多，俾人㩒住攻就梗架啦，久守必失，而且5後衛一般會失去中場控制，俾對手睇定來攻，造成更容易輸

作者: killersmiling 時間: 2019-12-2 00:04
如果領隊係醒！係没人之下，可將賀基治推前一格打防中，出番watson打後面，再出法國新前峰打前面，中間出阿仙奴果個搞掂！！

作者: killersmiling 時間: 2019-12-2 00:45
米高堅尼真廢！！！成日走漏盲眼位！！

作者: Forever_Fan 時間: 2019-12-2 00:47
如我所料，打5後衛就會失去中場，整個控球權落係對手手上，久守必失丫....

作者: barker 時間: 2019-12-2 00:53

Forever_Fan 發表於 2019-12-2 00:47
如我所料，打5後衛就會失去中場，整個控球權落係對手手上，久守必失丫.... ...

leicester city 0-1 EVERTON now

作者: Forever_Fan 時間: 2019-12-2 00:53
估唔到入波先，睇來想救Silva 喎

作者: barker 時間: 2019-12-2 00:56

Forever_Fan 發表於 2019-12-2 00:53
估唔到入波先，睇來想救Silva 喎

命不該絶馬高施華 ? Richarlison 救他

作者: lucas 時間: 2019-12-2 00:56
richarlison good head shot!

作者: killersmiling 時間: 2019-12-2 00:57
都話米高堅尼廢，爭D輸

作者: Forever_Fan 時間: 2019-12-2 00:57
李斯特城見愛隊縮係自己半場三分二的位置先開始截擊，李城將防線推得太高了，一個反擊，後防回得太慢，俾R30 頭鎚頂入，李城大意了

作者: killersmiling 時間: 2019-12-2 00:58
好再出賀基治+依禾比，

作者: killersmiling 時間: 2019-12-2 01:01
米高堅尼係炸弹，如果今日輸波，就輸係佢手上

作者: Forever_Fan 時間: 2019-12-2 01:07
其實頭先入波前我地有次差點輸12碼，球證係可以俾的，因為慢動作睇真係攔到人而唔係攔到波，如果俾左12碼，個場面就唔同晒，好心係禁區內動作就唔好咁猛啦

作者: lucas 時間: 2019-12-2 01:07
no penalty!

作者: Forever_Fan 時間: 2019-12-2 01:18
暫時愛隊打5-4-1，非常保守，但Silva 為保帥印只能這樣做，暫時效果不錯，如果今場過到骨，對利記就係最大的考驗，李城今場暫時來講攻不銳守不強，唔似一隊排名第二的球隊。

作者: 拖肥糖 時間: 2019-12-2 01:42
pickford救出單刀

作者: 拖肥糖 時間: 2019-12-2 01:56
1-1

作者: killersmiling 時間: 2019-12-2 01:58
都話輸米高堅尼！！

作者: killersmiling 時間: 2019-12-2 01:59
仲唔換前鋒

作者: killersmiling 時間: 2019-12-2 01:59
换賓那突出啦！

作者: killersmiling 時間: 2019-12-2 02:00
馬高施華沒料到！！

作者: barker 時間: 2019-12-2 02:01
1-1

作者: killersmiling 時間: 2019-12-2 02:03
仲唔換人死梗！抄得馬高施華

作者: barker 時間: 2019-12-2 02:21
如果和波賽後會不會炒馬高施華？

作者: 拖肥糖 時間: 2019-12-2 02:24
2-1
炒啦

作者: barker 時間: 2019-12-2 02:26
bye bye marco silva

作者: nowhere 時間: 2019-12-2 02:26
禁都唔炒冇天理

作者: Fuko~ 時間: 2019-12-2 02:27

拖肥糖發表於 2019-12-2 02:24
2-1
炒啦

連個天都唔俾機會佢...臨天光先反輸...陰公。
平心而論今日大家都打得幾好，打到賽前部署...但係衰開有條路...
都係個句，施華責任雖然最大，但係個種黑氣，真係早D分手大家好。

作者: reedlo16 時間: 2019-12-2 02:27
中場成日失波…後防點堅都無計

作者: nowhere 時間: 2019-12-2 02:28

Fuko~ 發表於 2019-12-2 02:27
連個天都唔俾機會佢...臨天光先反輸...陰公。
平心而論今日大家都打得幾好，打到賽前部署...但係衰開有條 ...

場場出DLC 真係冇眼睇
仲要繼續用舒拉達連....

作者: 拖肥糖 時間: 2019-12-2 02:29
成場keane好沉，估唔到佢跌得咁勁

作者: witzz 時間: 2019-12-2 02:31
再見施華

作者: barker 時間: 2019-12-2 02:31
幾時出官宣？

作者: reedlo16 時間: 2019-12-2 02:32
宜家炒同遲多幾場炒都無乜分別了，跟住對利狗…你想新官上任打響頭炮的機會微乎其微…

作者: aeroplane602 時間: 2019-12-2 02:35
TD加冰島臣中場掃蕩得淡笑

作者: witzz 時間: 2019-12-2 02:38
鴨仔不如轉踢中堅，夠高有頭搥，踢前晒左佢

作者: ngkk821 時間: 2019-12-2 02:42
無話可說，炒，搵Rhiro頂幾場，施華嘅黑氣無得攪。

作者: aeroplane602 時間: 2019-12-2 02:42
用安斯禾夫頂住先早d比施華放聖誕

作者: barker 時間: 2019-12-2 02:54
下場對利狗係 BIG DUNC take charge 呀

作者: killersmiling 時間: 2019-12-2 02:55
如果1月唔買返三幾人，今年降班！

作者: 拖肥1878 時間: 2019-12-2 06:18
咁都仲唔炒～～是但揾人頂住，起碼有新氣象先啦

作者: Forever_Fan 時間: 2019-12-2 07:12
咁都捱唔到完場，炒吧，一個進攻型領隊打5-4-1，就已經知佢已經失去信心，未打都輸一半

作者: Forever_Fan 時間: 2019-12-2 07:17

aeroplane602 發表於 2019-12-2 02:42
用安斯禾夫頂住先早d比施華放聖誕

其實熱刺都教左我地炒人前已經傾好晒先係，如果之前幾個星期董事會都無做過野，咁就真係與人無尤，責任係董事會啦

作者: Fuko~ 時間: 2019-12-2 07:48

Forever_Fan 發表於 2019-12-2 07:12
咁都捱唔到完場，炒吧，一個進攻型領隊打5-4-1，就已經知佢已經失去信心，未打都輸一半 ...

你禁樣又馬後砲啦...事實係佢賽前部署做得好，上半場先贏到一球。佢放手一搏鬥攻，你咪又話佢唔識變通...你針對施華唔駛禁嘅
係下半場輸係應對唔到體力下降後，人哋雙前鋒快速攻擊加埋Tom仔嘅質素俾人針對防守出事

作者: Forever_Fan 時間: 2019-12-2 07:56

Fuko~ 發表於 2019-12-2 07:48
你禁樣又馬後砲啦...事實係佢賽前部署做得好，上半場先贏到一球。佢放手一搏鬥攻，你咪又話佢唔識變通... ...

未踢我已經話5-4-1會失中場控制被人㩒住打，呢個係發生左，唔係馬後炮，但我估唔到捱唔到完場我就承認的。另外人地係攻嗰個，我地縮係我地半場三分二地方防守泊大巴，理論上講體力我地仲跑得少，人地滿場飛，係咪應該對面體力跌快過我地? 所以我地領先或追和時我係覺得會和，時間越拖得耐我覺得我地越有利，點知臨尾都被人入波，天都唔幫Silva

作者: Fuko~ 時間: 2019-12-2 08:16

Forever_Fan 發表於 2019-12-2 07:56
未踢我已經話5-4-1會失中場控制被人㩒住打，呢個係發生左，唔係馬後炮，但我估唔到捱唔到完場我就承認的 ...

541，佢就係知舒拉太廢，現有中場人腳掃蕩力不足先寧願佔中，守和博贏。加埋你作客，同埋李城本身就攻擊力高，你呢set陣容，唔泊大巴根本唔係諗著拎分。
施華雖然唔夠料，但佢都唔係傻...佢已經揀咗最容易拎到分嘅方法。你都要馬後砲話佢好打5後衛放棄中場。由傷左高美斯同載夫開始，一早就要睇餸食飯，限米煮限飯轉呢套打法。
當然仲有b仔俾佢揀，但唔好忘記b仔上季借出去英冠都冇幾多場俾佢踢...跟操咗禁多場都爭唔贏舒拉，唔好對佢太厚期望

作者: aeroplane602 時間: 2019-12-2 09:06
臨場調動好差 60分鐘打後防中位係穿哂信唔過c拉都可以收iwobi埋中間塞位

作者: niclas 時間: 2019-12-2 10:17
無最低只有更低。
MOYES 系時候接手了吧！

作者: killersmiling 時間: 2019-12-2 10:49
施華太渣！臨埸調動太差，一早換前鋒出來，可牽引對公後防，同埋唔應換走伊禾比，應換tom仔走，佢亦可換入拜恩斯踢左，將左面移入中間，加入賓那特，應早D換！

作者: Forever_Fan 時間: 2019-12-2 11:14
搵肥賓或老莫，再搵卡希爾做助教，加埋鄧肯費格遜上一隊幫手教，應該會氣象一新

作者: Forever_Fan 時間: 2019-12-2 12:28
今年隔離街現時積分差不多係我地3倍，今季好大機會羅冠軍，唸起當人地花車巡遊，我地使左2億鎊但都唔知會唔會降班，真係情何以堪，炒就唔該決斷些，其他球會炒領隊好爽手，我地就拖拖拉拉，係之前國際賽期炒不是更好咩

作者: 愛華戰士 時間: 2019-12-2 14:38
我相信賽前無人會認為我地今場可以有機會搶到分，對手李斯特城可以話係暫時英超狀態最火的TOP 3。
你問我唔輸鑊8-0 , 9-0 , 我覺得已經算執到。

上一場已經只能COMMENT - 點解仲未炒馬高施華？
今場....仲有乜好跟進？
限米煮限飯又好，乜都好，呢個領隊真心講......唔炒難以息民憤！------> 真係無料到，球迷們唔該醒一醒！
最大問題係條友仲未睇到隊波究竟需要點樣變？----> 機會已經比晒佢。

如果係我做領隊.....我會.....係將拜恩斯放防守中場。絕對係要收起舒拉達連。雙中堅宜家可以用的只有MIRA + HOLGATE.....米高堅尼---> 如果唔搵專人教練減返10磅同提升雙腿速度的話，完全唔需要考慮再用佢。
拜恩斯有長傳有推波.....防中位置如果拎到波佢可以向左右前方放長波......咁左右翼可以多踢反擊
湯戴維斯雖然截波同身高麻麻..但踢法算硬朗....可以O係拜恩斯前面做個屏障

作者: reedlo16 時間: 2019-12-2 15:20
今杖輸，我覺得排陣唔係問題，用人都算係目前可用的應用的都用了。專心穩擊打反擊，施迪比今場更可說是代表作，將甸尼比下去。今場，只是個別球員問題，尤其中場真係唔夠人砌，戴維斯做串連，但護波能力和哥美斯實在差太遠，兩球失波其實都關佢事。

今場，施華係連運都輸埋，無計了。

作者: killersmiling 時間: 2019-12-2 16:01
Tom仔，我留意佢好耐，上半埸有氣有力就頂到兩咀，但下埸就好快謝，但仲有一重大缺点，就係好多次交失波，輸反擊再輸波同舒拉一樣！佢好處只是後生肯走！但都係没質素，我情願將贺基治或米拿推前一格做防中，都绝不要舒拉！！

作者: killersmiling 時間: 2019-12-2 16:05
呢場排陣都ok,但輸領隊！見自己隊波下半場轉勢，就應當机立断換人！施華太渣了！！

作者: Forever_Fan 時間: 2019-12-2 16:35

killersmiling 發表於 2019-12-2 16:01
Tom仔，我留意佢好耐，上半埸有氣有力就頂到兩咀，但下埸就好快謝，但仲有一重大缺点，就係好多次交失波， ...

我同意你，Tom的確質素有限，佢有材有些單薄，傳球唔夠毒同準，勤力係勤力，但視野唔夠通透，當然佢仲後生，外借一年增加經驗不失係一件好事

作者: aeroplane602 時間: 2019-12-2 16:46
如果冇放走比錫你地估佢打唔打救到silva

作者: Forever_Fan 時間: 2019-12-2 16:55
(英超速評)除了區議會變天，這兩星期內，英超球隊熱刺、阿仙奴及屈福特的領隊先後遭辭退，與此同時，有傳近況相當劣勢的愛華頓，管理層亦已經向領隊馬高施華發出最後通牒：假若球隊仍然不能脫離降班漩渦危機，相信今季第四個被辭退的教練，將會是馬高施華。

連同這場作客李斯特城1：2被絕殺後，愛華頓今季英超14輪賽事輸了8場，當中3場更是負於今季的三隊「升班馬」。愛華頓現時排行第17位，與降班區只有2分的差距。

這場作客李斯特城的比賽，我賽前看到正選陣容已經心知不妙，五後衛的陣式是愛華頓今季首次應用，恐怕是馬高施華為了應對李斯特城而特別採取的陣式吧。但重點是，愛華頓現時的人腳並不適合運作五後衛陣式，直接地說，是沒有能力做到。以愛華頓中堅米高堅尼為例，他值錢之處只是其英格蘭本土的身份，論能力他只是一名普通到不行的英超中下游中堅，單防、協防、補位等防守能力都只是僅僅合格，卻在這場作客李斯特城的比賽統領防線，實在令人摸不着頭腦。

雖然今場愛華頓被李斯特城最後一秒鐘絕殺，令到馬高施華連一分也失去，實在可惜。但馬高施華的臨場應變能力及調兵遣將能力的確十分差劣，上幾場表現出色的巴西翼鋒班納特，今場只是坐冷板凳，僅在球賽補時階段才出現幾分鐘。公道一點說，愛華頓中場安祖高美斯日前的嚴重受傷，確令愛華頓中場實力大打折扣，但這也不能成為馬高施華為愛華頓成績差劣而辯護的理由。因為愛華頓仍未遇到真正挑戰，包括「Big Six」球隊中暫時只挑戰了曼城和熱刺、聖誕快車期等。所以愛華頓現時球員士氣低迷及球隊狀態急線下滑，馬高施華責無旁貸。

愛華頓即將在周中快車期，與榜首的利物浦上演默西塞特打吡戰，隨後幾場亦要面對車路士、曼聯及阿仙奴，還要在英格蘭聯賽盃八強再次面對李斯特城。在即將面對重重難關之下，相信剛剛的這場敗仗，會是馬高施華與愛華頓的「最後探戈」。愛華頓管理層現時最煩惱的事，假若真的解僱馬高施華，到底找誰來接任？以目前形勢來說，舊任領隊莫耶斯的呼聲相信是最高。

作者: Forever_Fan 時間: 2019-12-2 16:59

aeroplane602 發表於 2019-12-2 16:46
如果冇放走比錫你地估佢打唔打救到silva

中場欠一個硬朗和有一定速度的防中，Tom又好，冰格臣又好，2個其實攞來較砲的(雖然2個都無乜創造性)，有比錫肯定中場幫手做掃蕩，今場唔好話贏，但至少和係有好大機會的。季中召佢返來救亡啦，高美斯今季都玩完架啦。

作者: barker 時間: 2019-12-2 17:47

Forever_Fan 發表於 2019-12-2 16:59
中場欠一個硬朗和有一定速度的防中，Tom又好，冰格臣又好，2個其實攞來較砲的(雖然2個都無乜創造性)，有 ...

暫時未有最新消息

作者: wahton 時間: 2019-12-2 18:19
平心而論，呢場打得唔差。作客對住咁fit既對手，寧願唔要控球權，擺多個後衛專心打防反，上半場領先一球其實係部署成功，守左咁耐臨尾體力頂唔到亦可以理解。我個人唔會有“寧願輸多幾場快手炒領隊”呢個思想，好多時輸輸下冇哂士氣就好難識點樣贏。如果短期內唔打算炒領隊，我希望黎緊呢幾場硬仗隊波可以踢得好好睇睇，keep住個鬥心唔好散先

作者: barker 時間: 2019-12-2 18:42

wahton 發表於 2019-12-2 18:19
平心而論，呢場打得唔差。作客對住咁fit既對手，寧願唔要控球權，擺多個後衛專心打防反，上半場領先一球其 ...

BIG DUNC 可以刺激球員鬥心 ?

作者: wahton 時間: 2019-12-2 19:32
https://www.skysports.com/footba ... y-against-liverpool

Marco Silva will remain in charge of Everton for Merseyside derby against Liverpool

既然仲未炒, 話哂打比, 希望踢得好好睇睇

作者: Forever_Fan 時間: 2019-12-2 19:41
董事會真係有耐性，無言

作者: Fuko~ 時間: 2019-12-2 19:54

wahton 發表於 2019-12-2 19:32
https://www.skysports.com/footba ... y-against-liverpool

Marco Silva will remain in charge of Evert ...

以今場表現，再俾多啲運，我相信會有分！
我相信隊波遇隊越強！

作者: ngkk821 時間: 2019-12-2 20:03
通常隊波無期望時便會打得好，輸埋比利記，炒你都合情合理，我估搵緊人選頂佢，如果搵DM一早炒了，所以我估係人選唔係DM。

作者: barker 時間: 2019-12-2 20:07

Forever_Fan 發表於 2019-12-2 19:41
董事會真係有耐性，無言

你而家先知道伊朗佬 Moshiri 的作風遲唔遲 D 呀

作者: killersmiling 時間: 2019-12-2 20:59
其實走咗防中比耶，愛華頓等於沒咗屏幕，加上後防米高堅尼係廢嘅，死得！有三個人首先一定不能用，米高，C9,和卡法路暈！！買咗堅恩又唔用，真抵能，堅恩出來踢又快有版有眼，係唔比時間佢！！中場應用伊禾比加李察利臣，護到波夠勤力加賓納特左將史敵比推前打翼或斯文打右後都可選擇！死馬當活馬醫！再加tom仔和禾確特替換夠打有穾啦！！施華真廢！！！

作者: Forever_Fan 時間: 2019-12-2 21:22

ngkk821 發表於 2019-12-2 20:03
通常隊波無期望時便會打得好，輸埋比利記，炒你都合情合理，我估搵緊人選頂佢，如果搵DM一早炒了，所以我估 ...

如果伊朗佬想搵佢，炒朗奴高文或炒大Sam時已經有機會啦，估到估到。如果最後搵個Howe返來我就真係笑，下季又炒領隊時再傳老莫，又來一個循環

作者: barker 時間: 2019-12-2 23:33

Forever_Fan 發表於 2019-12-2 21:22
如果伊朗佬想搵佢，炒朗奴高文或炒大Sam時已經有機會啦，估到估到。如果最後搵個Howe返來我就真係笑，下 ...

又再傳列斯聯老帥比爾沙 ?

作者: barker 時間: 2019-12-3 04:25
河床主帥 Marcelo Gallardo ？

歡迎光臨香港愛華頓迷討論區 (http://hkeverton.com/forumnew/)