香港愛華頓迷討論區

標題: EPL 主場 vs Norwich City [打印本頁]

作者: laukarwing 時間: 2019-11-22 13:15
標題: EPL 主場 vs Norwich City
23rd November 2019, 23:00

愛隊全力爭取兩連勝。

作者: wahton 時間: 2019-11-22 14:19
樂見TOM仔愈踢愈好

上呀!!!

作者: Forever_Fan 時間: 2019-11-22 21:06
我地同埋最差嗰幾隊都未換帥，反而係熱刺先換帥，而且好有效率，傾掂繼任者才炒人，我地球會都應該學下，炒得主帥唔係炒完先開始搵新帥的，當年炒朗高文球會就係咁柒，熱刺俾個辦你睇了

作者: Forever_Fan 時間: 2019-11-22 21:12
呢場真係要爭勝，因為呢場之後好多硬杖，如果呢場都羅唔到分，之後幾場羅分都不容易，好大機會再落去降班區，所以如果有3分保底，未必會係之後幾場硬杖中跌落降班區

作者: 24cheung 時間: 2019-11-23 22:07
屌！出舒拉加冰島臣，中埸曼到飛起

作者: wahton 時間: 2019-11-23 22:50
有TOM仔box to box走上走落

應該可以平衡返個速度既

作者: Forever_Fan 時間: 2019-11-23 22:56
本帖最後由 Forever_Fan 於 2019-11-23 22:57 編輯

24cheung 發表於 2019-11-23 22:07
屌！出舒拉加冰島臣，中埸曼到飛起

舒拉，冰島臣再加禾仔，呢條係輸波formula

作者: Forever_Fan 時間: 2019-11-23 23:00
打完呢場，就係李斯特城，利物浦，車仔，曼聯，阿仙奴，請問呢場如果羅唔到分，跌落降班區的機率大唔大?

作者: 拖肥糖 時間: 2019-11-23 23:21

Forever_Fan 發表於 2019-11-23 23:00
打完呢場，就係李斯特城，利物浦，車仔，曼聯，阿仙奴，請問呢場如果羅唔到分，跌落降班區的機率大唔大? ...

輸埋炒人算啦，使成億無成績，仲同護級玩遊戲

作者: witzz 時間: 2019-11-23 23:22
點解又出番冰島臣做正選？

作者: Forever_Fan 時間: 2019-11-23 23:35
對住包尾球隊都好似無乜符咁

作者: 彈地 時間: 2019-11-23 23:54
舒拉達連水平只配踢英冠中游位置球隊, 兜口兜交失波仲要返手球攞黃牌

另外有球角球解圍推到中場俾人喺後邊踢走個波

冰島神都唔知有冇交過五腳, 靜到暈

作者: Fuko~ 時間: 2019-11-24 00:05

彈地發表於 2019-11-23 23:54
舒拉達連水平只配踢英冠中游位置球隊, 兜口兜交失波仲要返手球攞黃牌
另外有球角球解圍推到中場俾人喺後 ...

真心，出舒拉...不如出B仔交學費...

作者: witzz 時間: 2019-11-24 00:13
0:1

作者: Fuko~ 時間: 2019-11-24 00:14
一對中堅ON99加埋個龍門發夢...

作者: reedlo16 時間: 2019-11-24 00:18

Fuko~ 發表於 2019-11-24 00:14
一對中堅ON99加埋個龍門發夢...

米拿責任大啲…賀基治已拍緊佢，佢仲乜要標波…

作者: witzz 時間: 2019-11-24 00:19
請問真係炒得未？

作者: reedlo16 時間: 2019-11-24 00:33
師奶一定有施馬痛腳。唔係點都唔會明，施華係死唔信邪要出師奶去輸波。

作者: Jassoo 時間: 2019-11-24 00:48
馬高施華今次都威到盡，對住三隊升班馬全輸不突止，仲要一球都入唔到

作者: reedlo16 時間: 2019-11-24 00:51
我諗應即炒了＿

作者: witzz 時間: 2019-11-24 00:52
Dllm 快q啲炒啦

作者: 拖肥糖 時間: 2019-11-24 00:52
0-2

作者: Fuko~ 時間: 2019-11-24 00:52

reedlo16 發表於 2019-11-24 00:33
師奶一定有施馬痛腳。唔係點都唔會明，施華係死唔信邪要出師奶去輸波。

其實，施華唔想出佢...你見齊哂載夫、GOMES同明仔，佢係連後備都唔見...
BUT U KNOW，全部都傷哂。

作者: Fuko~ 時間: 2019-11-24 00:53

reedlo16 發表於 2019-11-24 00:51
我諗應即炒了＿

遲左啦...不過又可能未遲，如果普帥鍾情英超又唔想教獌，話唔定佢會揀我地GE。

作者: 彈地 時間: 2019-11-24 00:54
即炒啦，主場正選名單公佈都知唔會贏但是不至於失兩球啊

作者: Fuko~ 時間: 2019-11-24 00:58
呢個局面，我認為施華7分責任，3分運氣...人夾人緣呢家野，都唔好話唔信邪...
傷齊哂3個中場中...真係神仙難救...得番DAVIES同B仔可能仲打得下，但英冠中下游級數的中場...

作者: reedlo16 時間: 2019-11-24 00:58
中場係傷兵多，但係之前幾場，師奶加冰島神，直簡係勝利中場線(對面球隊來講)。我呢啲屎波之人都睇到問題所在。

下半場伊禾比出來，你至少明顯見到進攻入肉好多。

好了，未來開始地獄賽程，究竟今屆我們係咪要專心打護級，好快知曉了。

作者: Fuko~ 時間: 2019-11-24 01:01

reedlo16 發表於 2019-11-24 00:58
中場係傷兵多，但係之前幾場，師奶加冰島神，直簡係勝利中場線(對面球隊來講)。我呢啲屎波之人都睇到問題 ...

個陣最多都係屌佢做咩出師奶唔出TOM仔...而又其實而家個TOM仔比起之前突破左好多。
佢之後都KEEP住出，佢都算係穩陣保守派GA LA...自己請辭算啦...呢個局面你要入哂佢數，我都於心不忍...
當大家八字唔夾，好黎好去自己走。

作者: Fuko~ 時間: 2019-11-24 01:04
真係轉人，唔該落實左9成9先好炒...唔好炒左先搵人。炒左先搵人係ON9到冇朋友的做法。

作者: witzz 時間: 2019-11-24 01:06
出人固然有問題，但係最大問題係隊波完全無form, 你講唔講到隊波係主攻，主守，定打突擊？你問我，我真係答唔到。就算之前full team, 我都唔覺得隊波踢得好。

作者: Forever_Fan 時間: 2019-11-24 01:07

witzz 發表於 2019-11-24 00:19
請問真係炒得未？

炒左的話新教頭上場就係李斯特城，車仔曼聯阿仙奴呢個地獄賽程

作者: Forever_Fan 時間: 2019-11-24 01:14
對住包尾球隊都輸，真係唔炒唔得，最慘係2個國際賽的時間都唔炒，浪費哂炒人的最佳時間，對住包尾都無分，之後地獄賽程，唔落降班區就奇

作者: 拖肥1878 時間: 2019-11-24 01:32
嬲到震，唔係下場仲見到佢帶呀 !?

作者: Forever_Fan 時間: 2019-11-24 01:41

Fuko~ 發表於 2019-11-24 01:04
真係轉人，唔該落實左9成9先好炒...唔好炒左先搵人。炒左先搵人係ON9到冇朋友的做法。 ...

啱丫，熱刺已經話左俾大家聽，傾好左先炒人唔該

作者: Forever_Fan 時間: 2019-11-24 01:45

Fuko~ 發表於 2019-11-24 00:53
遲左啦...不過又可能未遲，如果普帥鍾情英超又唔想教獌，話唔定佢會揀我地GE。 ...

佢大把選擇，點會來我地球隊先，正如我從來唔認為摩連奴會來我地球隊一樣，就算我地球會出到更高的人工都一樣

作者: barker 時間: 2019-11-24 04:14
moyes return ？

作者: Forever_Fan 時間: 2019-11-24 09:31

barker 發表於 2019-11-24 04:14
moyes return ？

Everton chairman Bill Kenwright has championed David Moyes as a successor to Marco Silva if the team’s results take a turn for the worse, Football Insider has learned

作者: Forever_Fan 時間: 2019-11-24 09:34
Everton owner Farhad Moshiri reportedly met with with the club's Board of Directors following this afternoon's defeat to Norwich that left Marco Silva in serious danger of losing his job.

作者: niclas 時間: 2019-11-24 10:06
稳番 David Moyes 啦！

作者: Forever_Fan 時間: 2019-11-24 10:08

niclas 發表於 2019-11-24 10:06
稳番 David Moyes 啦！

講真之後的地獄賽程，俾我都唔想係呢個時間上場

作者: Forever_Fan 時間: 2019-11-24 10:14
整個12月要踢8場波，以我地人腳真係痴Q線，仲要係對住李城車仔曼聯阿記，我都驚跌落降班區

作者: Fuko~ 時間: 2019-11-24 13:21

niclas 發表於 2019-11-24 10:06
稳番 David Moyes 啦！

呢D季中轉教頭，最驚就係佢打得好...跟著到出年又係冇貨賣。
又咪話我話，呢度實話要俾一季半時間佢。
更何況目前轉教頭個作用唔係太大，中場中你可以點搞?唔通新教頭黎到，就好番哂咩?

作者: Forever_Fan 時間: 2019-11-24 14:18
現時中場中大面積傷病，下半季是否可能急召回Dowell 回來? 現時中場中咁缺人，佢有一定實力一定要召回

作者: Fuko~ 時間: 2019-11-24 14:53

Forever_Fan 發表於 2019-11-24 14:18
現時中場中大面積傷病，下半季是否可能急召回Dowell 回來? 現時中場中咁缺人，佢有一定實力一定要召回 ...

CALL都唔係CALL佢啦...家下缺好用的防中同中場中，佢打攻中或者右翼。
反而你話想見到師奶定RODWELL呢就有得揀。
載夫應該黎緊會頂到部分場數...希望明仔快D好返啦...明仔應該一月就返到黎。
賓納特跟番操可能黎緊兩三場就番黎...到時進攻可以再多D選擇。

作者: Forever_Fan 時間: 2019-11-24 15:33

Fuko~ 發表於 2019-11-24 14:53
CALL都唔係CALL佢啦...家下缺好用的防中同中場中，佢打攻中或者右翼。
反而你話想見到師奶定RODWELL呢就 ...

如果有新領隊過來，一定要召回Besics和Dowell，比錫可以加強中場防守，Dowell其實身體強度唔算差，遠射也不錯，只要加強攔截的主動性已經幫到唔少，2人絕對可以加強中場調動的靈活性

作者: barker 時間: 2019-11-24 15:34

Fuko~ 發表於 2019-11-24 14:53
CALL都唔係CALL佢啦...家下缺好用的防中同中場中，佢打攻中或者右翼。
反而你話想見到師奶定RODWELL呢就 ...

昨晩賽後開左會後馬高施華暫時無事

作者: Forever_Fan 時間: 2019-11-24 15:40

barker 發表於 2019-11-24 15:34
昨晩賽後開左會後馬高施華暫時無事

咁我地就有事啦，我估董事會開始暗地裡搵人接替佢姐。

另外多嘴講句，大家今日請出來投票，用選票來讓政府做野

作者: barker 時間: 2019-11-24 15:55

Forever_Fan 發表於 2019-11-24 15:40
咁我地就有事啦，我估董事會開始暗地裡搵人接替佢姐。

另外多嘴講句，大家今日請出來投票，用選票來讓政 ...

你記住操馬高施華的生殺大權最終係 Moshiri 話事

作者: leonkit 時間: 2019-11-25 09:30
siggy好沉
dowell可能仲好不過佢好似英冠都無點踢

作者: barker 時間: 2019-11-25 10:33
最新消息話陣間英國時間上午有可能會炒馬高施華

作者: niclas 時間: 2019-11-25 10:43

Forever_Fan 發表於 2019-11-24 10:08
講真之後的地獄賽程，俾我都唔想係呢個時間上場

就系見勇氣及膽色的時候，如果老板肯請番Moyes! 應該無問題的！

作者: witzz 時間: 2019-11-25 10:44
千祈唔好係Moyes

作者: niclas 時間: 2019-11-25 10:47

Fuko~ 發表於 2019-11-24 13:21
呢D季中轉教頭，最驚就係佢打得好...跟著到出年又係冇貨賣。
又咪話我話，呢度實話要俾一季半時間佢。
更 ...

打完本季再算啦，下季再執番隊波咯！

作者: Forever_Fan 時間: 2019-11-25 12:45

niclas 發表於 2019-11-25 10:47
打完本季再算啦，下季再執番隊波咯！

如果單純執好班隊員，我投老莫一票，佢買人的眼光有一手

作者: Forever_Fan 時間: 2019-11-25 12:49

leonkit 發表於 2019-11-25 09:30
siggy好沉
dowell可能仲好不過佢好似英冠都無點踢

Dowell 踢係有踢，但正選7場波而已，如有必要，我地仲有比錫的

作者: 24cheung 時間: 2019-11-25 13:13

Forever_Fan 發表於 2019-11-25 12:49
Dowell 踢係有踢，但正選7場波而已，如有必要，我地仲有比錫的

比錫好似冇咩点踢

作者: barker 時間: 2019-11-25 13:23

Forever_Fan 發表於 2019-11-25 12:45
如果單純執好班隊員，我投老莫一票，佢買人的眼光有一手

傳 moyes 只會做到完季 , 出年夏天 moshiri 會再物色新主帥

作者: ginger 時間: 2019-11-25 13:58
都要接受現實，希望全力搏聯賽杯同護到級，既然賽程難踢，輸埋依幾場先炒啦

作者: Forever_Fan 時間: 2019-11-25 14:12

24cheung 發表於 2019-11-25 13:13
比錫好似冇咩点踢

係，但我地蜀中無大將，起碼佢係季初杯賽叫做打過2場，表現正正常常，如果有個教頭識用佢，佢又想打爭氣波，以我地現時中場的深度，佢肯定有正選機會

作者: Forever_Fan 時間: 2019-11-25 14:16

ginger 發表於 2019-11-25 13:58
都要接受現實，希望全力搏聯賽杯同護到級，既然賽程難踢，輸埋依幾場先炒啦 ...

其實等Silva教埋呢幾場先走，對新教頭會無咁大壓力，但我怕如果之後幾場都連敗就會跌落護級區，球員也會失去信心，也不利新教頭接任。所以新教頭儘早接任，我不求贏到，之後幾場和到就已經安全好多兼可能打返起球員信心

作者: 愛華戰士 時間: 2019-11-25 14:54
真係無乜野好COMMENT 了，只係要問︰點解仲未炒呢條廢柴？

唔好話我偏激，事實上係請左呢條友之後，我一場印象深刻的愛華頓精彩比賽都無睇到過！佢唔落鑊真係講乜都無用！

作者: barker 時間: 2019-11-25 15:17

愛華戰士發表於 2019-11-25 14:54
真係無乜野好COMMENT 了，只係要問︰點解仲未炒呢條廢柴？

唔好話我偏激，事實上係請左呢條友之後，我一場 ...

moyes return 你點睇 ?

作者: Forever_Fan 時間: 2019-11-25 20:15

barker 發表於 2019-11-25 15:17
moyes return 你點睇 ?

又傳賓尼迪斯

作者: Fuko~ 時間: 2019-11-25 20:43
睇外國新聞，家下似乎只要等到一係再輸多場就即炒唔駛留手又或者請到人就炒。
都係短期裡面好大機會發生GE事...
長教就賓賓/普帥/FARVE，短教就老莫算啦...其實邊個都唔太大分別，唔降班就得

作者: wahton 時間: 2019-11-25 20:59
就算係請MOYES短教, 我都支持

交到成績自然會續約

作者: barker 時間: 2019-11-25 21:07
Eddie Howe 突成次熱門

作者: Fuko~ 時間: 2019-11-25 21:07

wahton 發表於 2019-11-25 20:59
就算係請MOYES短教, 我都支持

交到成績自然會續約

短教你好難定奪咩叫有成績...我係唔建議短教個D轉長，除非係誇張到打入前七

作者: evertonfan1986 時間: 2019-11-25 21:22
算啦, 今季唔降班都偷笑
如果可以, 試下爭取普捷, 雖然機會好細
MOYES 舊部好似得番高文有正選, BAINES 都準備退下

作者: barker 時間: 2019-11-25 21:24

evertonfan1986 發表於 2019-11-25 21:22
算啦, 今季唔降班都偷笑
如果可以, 試下爭取普捷, 雖然機會好細
MOYES 舊部好似得番高文有正選, BAINES 都 ...

Eddie Howe is good choice ?

作者: witzz 時間: 2019-11-25 21:34
Eddie Howe > Moyes

作者: Forever_Fan 時間: 2019-11-25 21:47

witzz 發表於 2019-11-25 21:34
Eddie Howe > Moyes

唔好再俾少帥我，無個掂，老莫又好賓賓都好，就係唔要少帥

作者: killersmiling 時間: 2019-11-25 22:26
MOYES LA,HE IS BETTER CHOICE,Eddie Howe also not good,trust me!!

作者: 拖肥1878 時間: 2019-11-25 23:24
I choose Moyes

作者: niclas 時間: 2019-11-26 10:16

Forever_Fan 發表於 2019-11-25 12:45
如果單純執好班隊員，我投老莫一票，佢買人的眼光有一手

絕對同意

作者: jacks66 時間: 2019-11-26 11:49
給MOYES執一執後防已好OK

作者: witzz 時間: 2019-11-26 14:18
點解大家仲覺得Moyes係掂?佢離開左愛記,有邊隊係教得好?

作者: reedlo16 時間: 2019-11-26 14:28

evertonfan1986 發表於 2019-11-25 21:22
算啦, 今季唔降班都偷笑
如果可以, 試下爭取普捷, 雖然機會好細
MOYES 舊部好似得番高文有正選, BAINES 都 ...

MOYES的舊部，還有不少做了教練團呢…HA 安斯禾夫、鄧肯費格遜。

其實MOYES回來，我最大期望都只係佢執好後防，至少唔好再輸咁多死球，這方面我對佢有信心。但你話佢係咪長期人選，便好有保留，你看他離開曼聯後(唔計曼聯，呢隊波咩人教都死，管理團隊、球員大牌問題)後，都無乜好成績見過。可能佢個套進攻戰術或已過時吧。

作者: Fuko~ 時間: 2019-11-26 15:13

reedlo16 發表於 2019-11-26 14:28
MOYES的舊部，還有不少做了教練團呢…HA 安斯禾夫、鄧肯費格遜。

其實MOYES回來，我最大期望都只係佢執 ...

同你相反意見，老莫套防守要時間浸，浸得嚟都完季。
雖則家下輸唔少死球，但生波反過嚟係失少好多自爆嘢。呢方面你係睇到施華係有功力係度。
老莫上一次教韋斯咸比起防守，係教進攻方面睇到係有進步，唔再剩係識一招斬，起碼叫睇餸食飯。但唔算好湊效啫...有樣嘢同樣見到嘅係韋斯咸個季埋尾個士氣係好咗好多

作者: Forever_Fan 時間: 2019-11-26 15:16
Everton could appoint David Moyes as soon as today
有傳媒講

作者: Forever_Fan 時間: 2019-11-26 15:21

Fuko~ 發表於 2019-11-26 15:13
同你相反意見，老莫套防守要時間浸，浸得嚟都完季。
雖則家下輸唔少死球，但生波反過嚟係失少好多自爆嘢 ...

我反而覺得老莫教韋斯咸時隊波好有進步，佢去時隊波傷兵滿營，人腳都差點湊唔齊，降班墊底位置兼士氣低落，佢令隊波有鬥志和成績都上返唔少

作者: Fuko~ 時間: 2019-11-26 15:57

Forever_Fan 發表於 2019-11-26 15:16
Everton could appoint David Moyes as soon as today
有傳媒講

要留低救番fans個心，請用成績說話。有第八或者杯賽決賽，我會俾一季佢再睇。唔好講由低谷打起，家下個聯賽榜其實差距好細。有料嘅話要爭到第八並唔難。

作者: Forever_Fan 時間: 2019-11-26 19:05
Speaking on Tuesday’s Alan Brazil Sports Breakfast, the former Toffees striker Tony Cottee said: “I’ve got to be honest, I found the whole Silva appointment so strange.

“They really pushed the boat out to get him and everyone was saying he did really at Hull, but they got relegated! And everybody said he did well at Watford, too, but he was only there a couple of months

“I didn’t quite get the clamour to get him in the club, I don’t know who made that decision, but for me it was the wrong one.

講得好好，完全講出我心裡話，我由始至終都唔認為Silva個履歷夠說服力，但當時好多人話佢好，我就係唔知佢好係邊

作者: barker 時間: 2019-11-26 21:01

Forever_Fan 發表於 2019-11-26 19:05
Speaking on Tuesday’s Alan Brazil Sports Breakfast, the former Toffees striker Tony Cottee said: “ ...

liverpool echo : 今早在 Finch Farm 的操綀仍然係由 Marco Silva 主持

作者: barker 時間: 2019-11-26 21:05
究竟 Moshiri , Bill 叔叔 , Marcel Brands 心入面係想點 ? 我地完全不知情

作者: barker 時間: 2019-11-26 22:24
liverpool echo update news : 星期日聯賽作客李斯特城仍然係由 Marco Silva 領軍

作者: 拖肥1878 時間: 2019-11-27 00:36

Forever_Fan 發表於 2019-11-26 19:05
Speaking on Tuesday’s Alan Brazil Sports Breakfast, the former Toffees striker Tony Cottee said: “ ...

事實証明係無料到

作者: barker 時間: 2019-11-27 06:47
breaking news from toffeeweb.com : EVERTON want s move 巴甲法林明高主帥 Jorge Jesus 去代替 marco silva 接任'新主帥

作者: Forever_Fan 時間: 2019-11-27 07:19

barker 發表於 2019-11-27 06:47
breaking news from toffeeweb.com : EVERTON want s move 巴甲法林明高主帥 Jorge Jesus 去代替 marco si ...

唔信，係要護級的情形下，搵一個未教過英超，甚至未踢過英超的領隊? 佢需要幾多時間適應一個新聯賽? 我相信董事會唔會做咁傻的事

作者: witzz 時間: 2019-11-27 09:56
老實講，搵老莫既機會唔係咁高，如果有心搵佢，一早可以搞掂，老莫而家又無工開。我估伊朗佬都唔buy老莫。

作者: Forever_Fan 時間: 2019-11-27 10:00

witzz 發表於 2019-11-27 09:56
老實講，搵老莫既機會唔係咁高，如果有心搵佢，一早可以搞掂，老莫而家又無工開。我估伊朗佬都唔buy老莫。 ...

老莫，肥賓，肥普，我覺得呢3個係即時可以幫到愛隊的領隊，邊個上場我都開心，但如果又係少帥，老實講我已經失去信心，我地試過幾個少帥，又有邊個真係掂先得架?

作者: Forever_Fan 時間: 2019-11-27 10:15

witzz 發表於 2019-11-27 09:56
老實講，搵老莫既機會唔係咁高，如果有心搵佢，一早可以搞掂，老莫而家又無工開。我估伊朗佬都唔buy老莫。 ...

另外好心伊朗佬就唔好干涉咁多選領隊的事情啦，標叔叔比佢有眼光多了，老莫之後的馬天尼斯竟然係近年除老莫外最好的領隊，佢選領隊的眼光俾伊朗佬高幾班，唔講短暫執掌的大Sam，朗奴高文和Silva都係伊朗佬選的，錢使左過2億鎊吧，老莫和馬仔又使左幾多? 唔講錢講成績啦，高文加Silva夾埋都唔夠老莫勁，英國愛隊forum都話老莫之後最好的領隊竟然係馬仔，你的可以知道伊朗佬的眼光幾咁離地，完全就係同現時香港政府的"the special one"一樣咁離地，成事不足，敗事有餘。

作者: Fuko~ 時間: 2019-11-27 13:20

Forever_Fan 發表於 2019-11-27 10:15
另外好心伊朗佬就唔好干涉咁多選領隊的事情啦，標叔叔比佢有眼光多了，老莫之後的馬天尼斯竟然係近年除老 ...

或者係隊波吸引力唔夠啦...不過，之前幾年隊波係正交接期，隊波唔穩定，搵老帥平軍心合理啲。但要貼近現代足球變化同埋鼓勵年輕球員都係少帥有優勢。少帥我都係想揀阿迪達...講真，佢唔係好似卡希爾個啲legend對我哋好鍾情

作者: witzz 時間: 2019-11-27 15:01
全力爭肥普

作者: 愛華戰士 時間: 2019-11-27 15:09
有一點其實我想指出，我地後莫耶斯年代用O既....馬天尼斯....朗奴高文

馬天尼斯...當年教愛華頓......成績雖然唔算好突出.....球迷期望佢可以注入多D 控傳組織元素，最終結果始終係攻不銳、守不穩...成績又唔太理想...最終落鑊；.....宜家教比利時.....比利時人腳當然係強.....呢幾年佢教比利時順風順水.....你地問我馬天尼斯算唔算好教練....我會話佢....合格！

朗奴高文....當年教愛華頓，唔使講.....條友簡直係大貪官......不斷幫愛華頓燒銀紙....但大部份係失敗收購......宜家愛華頓入不敷支，好大好大程度係朗奴高文種下的，當然條友教出黎隊波......比馬天尼斯更不堪.....成績更差！但宜家佢教荷蘭國家隊.....荷蘭隊又係中興中！你問我佢有無料？我會話佢....無料到！

中肯D講，莫耶斯帶隊十年.....一個冠軍都無.....當然我地人腳唔可以話咩頂級.....要爭冠亦唔係講咁易.......候活係曼聯棄將....阿迪達係西班牙人球....卡希爾係英冠打出名堂....拜恩斯來時也是不見經傳......或者講一班半失意兵....O係莫耶斯手下叫打到一點隊型出來.....但一定唔可以話強。好....到莫耶斯自覺自己領軍能力有返咁上下，佢棄我地去曼聯意欲挑戰世界.....當時曼聯骨幹的而且確係平凡而己，曼聯管理層無比耐性佢亦係失敗原因之一。好啦.....咁輾輚佢教皇蘇 (執教一季聯賽排16)；到新特蘭要降班 (可賴班主無比錢佢買人)，到韋斯咸(叫做形勢危急下護級成功)。-----> 點講呢.....不能話莫耶斯教得好差....畢竟限米煮限飯....之但係.....如果我地真係期望隊波可以如80年代般光輝.....說真的....一定需要一個踢法有較主控理念的教頭，.....莫耶斯係可以團結到隊波....但可惜不能強化到隊波。

宜家愛華頓呢隊人腳....我諗黎諗去其實你換個好有料教練....都未必可以大翻身，因為真係中場個控制能力好弱....而且防守上好唔成熟。波到人到O既鐵血硬朗踢法係我地最欠缺的。----> 施格臣....舒拉達連....賓納特....米高堅尼....甸尼....相對上係軟蛋黎。

事實歸事實.....咁係咪就代表我地求其搵條友去教好呢？我認為唔好再諗少帥了......一定要有返咁上下經驗的名帥.......普捷天奴我唔認為佢會肯屈就黎教我地.....
實際D ...考慮.....艾基利 ( 至少教過大球會....視野會較闊)......雲高爾雖然戰述單調D...但調較球員有一手.......可供選擇唔太多.....

作者: Forever_Fan 時間: 2019-11-27 16:49

愛華戰士發表於 2019-11-27 15:09
有一點其實我想指出，我地後莫耶斯年代用O既....馬天尼斯....朗奴高文

馬天尼斯...當年教愛華頓......成績 ...

普遍同意你對馬天尼斯和朗奴高文的睇法。對老莫的睇法也基本同意，但佢是否能強化球隊，提升球員，我又唔會否定佢，因為無充足的數據去支持這個說法，佢係曼聯你話差其實又唔係咁差，曼聯之後的幾個領隊係聯賽也不比老莫做得好，老莫更帶領一隊平凡的曼聯係歐聯打入8強，當年韋斯咸係積分墊底，傷兵滿營下全隊幾乎僅僅湊夠能上場的球員，係咁的情形下老莫接手，埋單排13，我已經覺得係奇蹟。2隊都有一個共通點，佢都未能帶滿一季，但也無好似朗奴高文咁倒水咁買人，咁短時間就斷定佢無法強化球隊，提升球員，我又覺得講唔通。最後，同意你話肥普唔會過來，但你提及的2個選擇，前者肯來英超執教的話絕對有更多選擇，例如曼聯阿仙奴，也輪不到我們，後者年齡太大了，我認為佢的精力已無法應付英超的賽程和壓力，除老莫外，肥賓我覺得係我接受到又貼近現實的選擇，始終近幾年愛隊成績乏善可陳，期望大牌領隊肯過來並不現實，老莫和肥賓已經係回歸現實下的較佳選擇，另外少帥已經唔再係我的選擇。

作者: barker 時間: 2019-11-27 17:33

Forever_Fan 發表於 2019-11-27 16:49
普遍同意你對馬天尼斯和朗奴高文的睇法。對老莫的睇法也基本同意，但佢是否能強化球隊，提升球員，我又唔 ...

Jorge Jesus 我睇過資料他 65 歲 , 剛剛帶領法林明高拿今屆南美自由盃兼快拿到巴甲冠軍 , 他幾季前帶領賓菲加時曾經在歐聯或歐霸資格賽大炒過我地 5-0 ?

作者: Forever_Fan 時間: 2019-11-27 18:28

barker 發表於 2019-11-27 17:33
Jorge Jesus 我睇過資料他 65 歲 , 剛剛帶領法林明高拿今屆南美自由盃兼快拿到巴甲冠軍 , 他幾季前帶領賓 ...

等佢適應英超之後，估計我地已經降左班

作者: ngkk821 時間: 2019-11-27 19:44
其實肥賓做正，老莫做副手主力教後防，咁就最好了，哈哈

作者: ginger 時間: 2019-11-29 09:15

愛華戰士發表於 2019-11-27 15:09
有一點其實我想指出，我地後莫耶斯年代用O既....馬天尼斯....朗奴高文

馬天尼斯...當年教愛華頓......成績 ...

我又唔係咁睇，計人腳其實我地真係唔差，起碼拍埋李城、阿狗熱狗都唔會好輸蝕，真係爭一個好領隊only

作者: leonkit 時間: 2019-11-29 09:16

Forever_Fan 發表於 2019-11-27 10:15
另外好心伊朗佬就唔好干涉咁多選領隊的事情啦，標叔叔比佢有眼光多了，老莫之後的馬天尼斯竟然係近年除老 ...

伊朗佬拎咁多錢起球場唔想個場用黎踢英冠 lol

歡迎光臨香港愛華頓迷討論區 (http://hkeverton.com/forumnew/)