香港愛華頓迷討論區

標題: 19/20 EPL 06 Sheffield United ( Home ) Saturday [打印本頁]

作者: laukarwing 時間: 2019-9-20 10:08
標題: 19/20 EPL 06 Sheffield United ( Home ) Saturday
Viu TV channel 99 有現場直播:

21-Sep-2019

09:30 PM - 11:59 PM

希望愛隊可以贏波啦！

作者: Forever_Fan 時間: 2019-9-21 18:42
如果仲係打到上場咁，主場都係最多和局

作者: laukarwing 時間: 2019-9-21 19:40

Forever_Fan 發表於 2019-9-21 18:42
如果仲係打到上場咁，主場都係最多和局

同意

作者: reedlo16 時間: 2019-9-21 21:03
師奶繼續正選……其實高美斯唔打得，我情願試戴維斯。

作者: ngkk821 時間: 2019-9-21 21:15
主場對錫菲聯出乜野師奶而唔出TD，Silva你都係走吧啦

作者: Forever_Fan 時間: 2019-9-21 21:20
主場對住升班馬，你仲出舒拉加施古臣，成條中場線一定龜速啦，Silva你唔係咁無guts丫? 主場對升班馬梗係要快要主動，出呢2個你想打得有幾快呢？你都係走罷啦.....

作者: Forever_Fan 時間: 2019-9-21 22:51
呵呵，半場仲要落後一球，主場喎，對住升班馬咋喎，我有d驚驚地要護級添，好幾場對住並非傳統強隊的球隊都輸，今季成績堪憂

作者: witzz 時間: 2019-9-21 23:38
炒得未

作者: ngkk821 時間: 2019-9-21 23:38
請你走吧，打得好面輸唔緊要，但係咁輸，你無野呀。

作者: Forever_Fan 時間: 2019-9-21 23:39
輸夠2粒，仲要主場兼升班馬，Silva係咁先啦

作者: 拖肥1878 時間: 2019-9-21 23:40
一個字 : 屌！

作者: witzz 時間: 2019-9-21 23:42
可以睇定有邊個領隊會黎

作者: Forever_Fan 時間: 2019-9-21 23:42
我都唔明自從新班主上場，揀親的教頭都係柒的，標叔叔揸 fit 時都無咁差，就算馬仔最後炒尤都好，佢開始嗰季成績唔差，買人又有眼光

作者: jacks66 時間: 2019-9-21 23:52
好x失望

作者: barker 時間: 2019-9-21 23:54
everton sack marco silva and Marcel brands after the match

作者: 拖肥1878 時間: 2019-9-21 23:54
唔知睇緊D乜

作者: barker 時間: 2019-9-21 23:54

witzz 發表於 2019-9-21 23:42
可以睇定有邊個領隊會黎

jose mourinho ?

作者: Forever_Fan 時間: 2019-9-21 23:59

barker 發表於 2019-9-21 23:54
jose mourinho ?

佢唔會去無歐洲賽的球隊，而且佢豪慣洗慣，天價買球員都似，我寧願搵個踏實的領隊。最後我近幾年都強調一點，唔該唔好再搵少帥，我要55+的領隊

作者: ngkk821 時間: 2019-9-22 00:01
希丁克，剛比中國炒左。

作者: Forever_Fan 時間: 2019-9-22 00:03

ngkk821 發表於 2019-9-22 00:01
希丁克，剛比中國炒左。

雖然我好欣賞佢，也希望一個老帥來帶領球隊，但老到72歲的教頭，那就不了.....

作者: barker 時間: 2019-9-22 00:10

Forever_Fan 發表於 2019-9-22 00:03
雖然我好欣賞佢，也希望一個老帥來帶領球隊，但老到72歲的教頭，那就不了..... ...

硬向 Leeds 撬比爾沙

作者: witzz 時間: 2019-9-22 00:22
雲爺爺？

作者: 拖肥1878 時間: 2019-9-22 00:37
唔係又要踢到下半季先踢出個form呀！？

作者: barker 時間: 2019-9-22 00:51
peddy power new EVERTON manager odds : 菲臘仔 7/2 , 摩佬 6/1 , moyes 10/1

作者: Forever_Fan 時間: 2019-9-22 00:59

witzz 發表於 2019-9-22 00:22
雲爺爺？

佢肯來我又唔介意丫，不過佢都69歲，仲有無咁好精力應付英超呢個地獄賽程呢? 我覺得最好個教頭介乎55至65歲就最理想

作者: Forever_Fan 時間: 2019-9-22 01:04
本帖最後由 Forever_Fan 於 2019-9-22 01:23 編輯

barker 發表於 2019-9-22 00:51
peddy power new EVERTON manager odds : 菲臘仔 7/2 , 摩佬 6/1 , moyes 10/1

唔係丫，菲臘仔? 教緊女足咋喎，從無執教球會經驗，我地球會係需要一個有經驗的領隊執過隊波，睇清問題和針對性作出改善，菲臘仔就不了。我個人來講還是希望老莫，還有係內地執教的賓尼迪斯。雲加肯來教兩三季也可以，但佢應該唔會再執教英超。雲尼亞里也良地中，可以考慮

作者: witzz 時間: 2019-9-22 01:53
其實我一直都想要Arteta

作者: Everton_ 時間: 2019-9-22 02:04
無言主場打降班膽都輸

作者: barker 時間: 2019-9-22 02:17
下星期聯賽就要對曼城

作者: 拖肥1878 時間: 2019-9-22 09:29
兩場波無晒6分，老老豆豆我哋應該有13分，排第三，不過我諗多咗lu.....

作者: Forever_Fan 時間: 2019-9-22 09:34

witzz 發表於 2019-9-22 01:53
其實我一直都想要Arteta

阿迪達咪又係另一個賭博，識踢波唔代表佢識教波，朗奴高文已經係好例子。加上佢無執教球會經驗，仲激進過我地球會之前不斷請少帥執教，係領隊上球會已經連續柒左幾次了，佢只係比菲臘仔好的地方係佢跟左哥迪奧拿一段時間做助教，應該學到唔少野的。

作者: witzz 時間: 2019-9-22 10:04
唔介意俾呢季佢試下

作者: 24cheung 時間: 2019-9-22 10:41
邊個教都可以，係椰子唔可以教。佢走之後冇一間教過係成功，佢套戰術喺現今足球已經過時。如果佢真係有料到而家冇可能仍然失業，係因為啲球隊唔係傻㗎，係覺得佢堅冇料

作者: Forever_Fan 時間: 2019-9-22 11:05

witzz 發表於 2019-9-22 10:04
唔介意俾呢季佢試下

咪又重覆之前咁多季，佢的風險太大

作者: Forever_Fan 時間: 2019-9-22 11:06

24cheung 發表於 2019-9-22 10:41
邊個教都可以，係椰子唔可以教。佢走之後冇一間教過係成功，佢套戰術喺現今足球已經過時。如果佢真係有料 ...

咁雲尼亞里同賓尼迪斯我都覺得可以一試

作者: ginger 時間: 2019-9-23 09:24
場波失望到一個點，講到口臭，都唔知成隊有冇練波，進攻完全冇form，幾時先炒得施華

作者: evertonarteta10 時間: 2019-9-23 09:45

Forever_Fan 發表於 2019-9-22 11:06
咁雲尼亞里同賓尼迪斯我都覺得可以一試

摩佬..........

作者: toffeeweb 時間: 2019-9-23 09:55

ginger 發表於 2019-9-23 09:24
場波失望到一個點，講到口臭，都唔知成隊有冇練波，進攻完全冇form，幾時先炒得施華 ...

錫菲聯球員無論轉數同合作性都高過我地

好記得有一球俾到甸尼係接近猗角位要同敵衛單對單要用技術落底傳中但班納其實企係隔離空晒明明係2打1
另一邊廂錫菲聯都係同一位置落底引到2個愛隊球員飛過黎閘佢對方球員好聰明咁扮傳中然後細細力回傳去番猗角位又係空晒

主場對住升班馬我地反而死氣沉沉
無可否認我地中中冇左基耶高美斯基巴文冇影響就呃你gei
但係冇左尼幾個球員加上施格臣好似仲放緊假咁係咪可以進取D打442 或433 堅恩一個係前面亦都踢得辛苦

作者: ginger 時間: 2019-9-23 11:01
另一個問題係兩邊底線拎到波斬出黎，一係質素其差，一係中間完全現唔到位冇配合。淨係digne都斬左起碼十次角球，次次都同一個模式平飛放近柱完全冇威脅。認同如果靠兩翼咁打應該要擺雙箭頭起碼打個點選擇。

作者: 愛華戰士 時間: 2019-9-23 11:21
已經唔知道用咩去形容隊波好，沒有最差只有更差。2個大問題圍繞住需要處理！
1) 如何改善攻/ 守？
2) 幾時肯炒呢個無料的馬高施華？

唔係話要雞蛋挑骨頭，但隊波我地無論身價同工資......真係屬於英超上級，但踢出黎的足球我真係認為已經唔再係英超水平黎。

點解成隊波可以踢到咁差？
耶利米拿球烏龍我真係睇到有D 怪怪地，一個中堅有咁高大身形.....但對住呢D 高波點解可以唔知自己做緊乜咁？
失第二球反擊真係典型我地隊波會失的，又係人地人少打我地人多....但雙中堅企位完全無封殺到人地一個前鋒，當然失呢球我覺得最大責任又係碧福特呢個龍門。自己兩個後衛追緊.....個位已經轉窄，龍門仲係咪需要輕出黎封？我肯定碧福特呢球只要守實個近柱，對面就算射到都唔會有好大威脅。

我地防守實在太多太多漏洞！
- 好多時裝越位失敗
- 兩個中堅選擇截擊同包位的分工非常混亂。
- 特別係小禁區的壓制力極低

成個陣形建構出黎係充滿住問號？
- 好明顯馬高施華係好希望兩隻閘係可以出擊....變相防守力就會側重左再一次的雙中堅同雙防中4人。舒拉達連真係仲值得落場？

進攻上完全係各自為戰的，施格臣做唔到中路COOL 波同分流，變相成個中場中路係空空如也的。咁點踢？
你要再問我，大家無錯係對KEAN 有好大期望，當然佢呢幾場落場入唔到波....作用亦唔太大，但以一個咁年青球員同要適應新環境，你隊波個支援力咁弱，好難要求佢太多。我個人都認為出佢係無錯的。
下半場換伊禾比入黎.....我驚嘆係居然變左中場中，由佢中場向前推波上。( 佢強於邊線推進，成件事都錯晒)
禾確特落黎有兩三下右路算出到下波....但接應的又不到位。

# 好明顯係進攻上我地成個套路都係完全不清晰，真係好難搞。望黎望去.....和波時只係識後不斷猜個波....但完全無殺傷力的傳送；....隊波一到落後就只係識將波比甸尼/ 禾確特 (高文)左右路斬個波入禁區。----> 我地完全唔識得中場中路去進攻.....變相所有防守我地的球隊都好輕易守得到我地。

見球會成日放D片出黎講到隊波練習時幾勁幾勁，根本係浪費時間。攻守都缺乏強度同速度。

大家睇下韋斯咸，柏歷堅尼真係冠軍級，教到韋斯咸虎虎有威；又睇下羅渣士，雖然唔係好強領隊，但李斯特城真係堅
甚至乎諾域治，可以贏曼城。

我地呢條廢領隊究竟憑乜野仲可以坐住呢個位？要成績無成績，要生氣無生氣，要套路無套路。宜家我覺得隊波連三角短傳都唔惦！
雲尼亞利、雲高爾、摩連奴，唔該是但執件啦！

作者: Forever_Fan 時間: 2019-9-23 11:27

evertonarteta10 發表於 2019-9-23 09:45
摩佬..........

如果佢肯帶一隊無歐洲賽的非豪門球會，佢今季都落左班啦。我覺得佢的底線係有歐洲賽的球會兼有一大舊錢俾佢買人 (我唔認為今季我地羅到歐賽資格)。而且佢的泊大巴戰術係我地呢班跑又跑唔郁，防守又漏哂風的球員是否能夠演繹得到? 我就無乜信心。

作者: ginger 時間: 2019-9-23 12:17
比較合理選擇其實真係雲尼亞里，肥賓唔係唔好，不過始終教過猁真係好難接受。摩佬就不了....根本唔岩風格

作者: Fuko~ 時間: 2019-9-23 12:39
其實都係上年同一問題就係解決問題太慢。舒拉同施古臣太慢，舒拉就話迫著用je, 施古臣明明冇態到起腳波都難就應該用第二個啦

作者: toffeeweb 時間: 2019-9-23 13:53
同意施格臣真係冇態不過攻中尼個位有冇替補

作者: 愛華戰士 時間: 2019-9-23 14:31
其實施格臣個位同前鋒無乜分別，佢中場做唔到連系作用，所以其實簡單D 三個前鋒放佢是但一個位反而仲好。

中場中路如果做攻中其實可以搵賓納特試下。

作者: 拖肥糖 時間: 2019-9-23 15:42
大sam最穩陣，無進步唔緊要，咪驚嚇同就住駛就夠

作者: Fuko~ 時間: 2019-9-23 15:48

愛華戰士發表於 2019-9-23 14:31
其實施格臣個位同前鋒無乜分別，佢中場做唔到連系作用，所以其實簡單D 三個前鋒放佢是但一個位反而仲好。

...

退一步你都應該用伊禾比啦...再唔係你玩雙塔放隻鴨一齊頂波

作者: 愛華戰士 時間: 2019-9-23 16:39
其實呢個領隊搞咁耐我都仲未搞清楚佢究竟想打一個咩陣出黎。
OK，上年數據話我地知，首席射手係左或右前鋒李察利臣，同埋收在中鋒後邊的輔鋒施格臣。兩個都好似係入13球。
好！我的理解係呢條友鐘意擺一個4231 陣，雙閘傾向攻到對方底線；雙防中傾向收O係自已中圈線附近做填位同左向交差式比波。舊年基耶活動範圍較大，所以可以帶到空位比中場中路....再配合後期加入的高美斯，所以踢來還有點生氣)
所以往年成個進攻套路就係靠兩個左右中場 (李察利臣帶波入中路.....而紙版中鋒就做一D 軒制) ；施格臣有李察利臣帶出空位下也有點空間去做SHOOTING。
      XXX
XXX XXX  XXX
   XXX XXX
XXX             XXX
   XXX XXX
今屆問題黎......無基耶，中場中跟已少左空間....無埋高美斯做控場；中場中路舒拉達連踢法純被動；戴夫踢法偏向只搶截。
進攻上....究竟誰打中鋒？( 不離DCL 同KEAN) ----> 如果領隊希望呢個中鋒位球員負責入球.....攻中一定要一個懂得餵餅型中場。---> 一定唔會係施格臣。
OK 領隊覺得李察利臣無論左前或右前都可勝任，......但關鍵係究竟邊一個位置至係最適合李察利臣發揮？----> 睇左幾場...李察利臣純以踢法講踢左前應該較理想，因為可直接移入中路攻門....；但感覺上佢暫時打左路同甸尼無乜配合....變相就浪費左甸尼個助攻力......反而出賓特尼個互動會較佳.....進攻亦較流暢；但李察利臣放右路.....其實佢暫時算打得幾好.....但相對上佢在右路無乜直接攻門機會....所以如何配置左右兩邊攻擊球員係要取捨。
事實上伊禾比同禾確特.....究竟一左一右咁出得唔得？

基於兩個防中都有傷....如果要以現時陣容去擺，我覺得不如咁試下︰

            KEAN
伊禾比    李察利臣    禾確特
         湯戴維斯
                     戴夫
甸尼    堅尼米拿    高文
# 戴夫主要做中場掃場；有波就先交比懂現身的湯戴維斯。湯戴維斯有時可以比到一腳直傳....咁伊禾比同禾確特可專心殺入底線....
如果放呢個陣....咁甸尼同高文唔需要谷得太前，.....中圈線附近搭任踢就OK......咁樣我覺得個攻守平衡會較合理。
當然咁踢要禾確特同伊禾比都多D 落黎防守。變相高大同甸尼可以幫手收埋D 中間去協助戴夫去加強追截。

作者: Forever_Fan 時間: 2019-9-23 18:11

toffeeweb 發表於 2019-9-23 13:53
同意施格臣真係冇態不過攻中尼個位有冇替補

借走 Dowell 咪柒羅

作者: Fuko~ 時間: 2019-9-23 19:05

Forever_Fan 發表於 2019-9-23 18:11
借走 Dowell 咪柒羅

其實有tom仔ge...不過，我會用伊禾比同賓納特多d

作者: witzz 時間: 2019-9-23 20:32
Eddie Howe而家4/1大熱

作者: laukarwing 時間: 2019-9-23 20:46

witzz 發表於 2019-9-23 20:32
Eddie Howe而家4/1大熱

讓Eddie Howe約滿才跟進吧！

作者: laukarwing 時間: 2019-9-23 20:47

barker 發表於 2019-9-22 00:10
硬向 Leeds 撬比爾沙

No please. 讓比爾沙約滿才跟進吧！

作者: laukarwing 時間: 2019-9-23 20:47

witzz 發表於 2019-9-22 00:22
雲爺爺？

No please.

作者: laukarwing 時間: 2019-9-23 20:48

拖肥1878 發表於 2019-9-22 00:37
唔係又要踢到下半季先踢出個form呀！？

唔出奇

作者: Fuko~ 時間: 2019-9-23 20:55

laukarwing 發表於 2019-9-23 20:48
唔出奇

我覺得過多兩三輪就會踢番正常...問題係呢兩季佢要禁長時間踢起隊波，點爭前六？

作者: barker 時間: 2019-9-23 23:05
peddy power : moyes 由 10/1 跌至同摩佬一樣 6/1

作者: barker 時間: 2019-9-24 06:48
peddy power odds update : moyes 由 6/1 跌至 3/1 成為接手大熱

作者: Forever_Fan 時間: 2019-9-24 09:09

witzz 發表於 2019-9-23 20:32
Eddie Howe而家4/1大熱

我已經對少帥無哂信心

作者: Forever_Fan 時間: 2019-9-24 09:15

ginger 發表於 2019-9-23 12:17
比較合理選擇其實真係雲尼亞里，肥賓唔係唔好，不過始終教過猁真係好難接受。摩佬就不了....根本唔岩風格 ...

如果真係2選1，我會選肥賓，我地最大問題係排陣，戰術，心理，而呢d係肥賓的強項，佢最柒係買人，而呢樣野有DoF睇住。只要佢俾到歐冠我地，我理得佢教過邊隊，更何況都過左超過10年的事了

作者: leonkit 時間: 2019-9-24 09:41

Forever_Fan 發表於 2019-9-24 09:15
如果真係2選1，我會選肥賓，我地最大問題係排陣，戰術，心理，而呢d係肥賓的強項，佢最柒係買人，而呢樣 ...

肥賓不了
根本唔尊重間會
利申: 私怨

作者: laukarwing 時間: 2019-9-24 10:40

Fuko~ 發表於 2019-9-23 20:55
我覺得過多兩三輪就會踢番正常...問題係呢兩季佢要禁長時間踢起隊波，點爭前六？ ...

首先愛隊要:
1. 建立一套穩定踢法。
2. 清除冗員。
3. 買一至兩個能即時提升球隊戰鬥力的球員。

這樣才有機會在來季爭前六。

作者: Fuko~ 時間: 2019-9-24 12:24

Forever_Fan 發表於 2019-9-24 09:15
如果真係2選1，我會選肥賓，我地最大問題係排陣，戰術，心理，而呢d係肥賓的強項，佢最柒係買人，而呢樣 ...

我覺得施華點都教得完呢季，但就冇next la...6場都踢唔起，點爭前6？

作者: Forever_Fan 時間: 2019-9-24 15:10

Fuko~ 發表於 2019-9-24 12:24
我覺得施華點都教得完呢季，但就冇next la...6場都踢唔起，點爭前6？

如果聖誕前仲係好似依家咁係下半版，兼正在護級或有護級的可能，佢必定無得留低。但如果係咁，唔通又搵大Sam幫手，講護級，真係無人夠大Sam勁

作者: Fuko~ 時間: 2019-9-24 15:15

Forever_Fan 發表於 2019-9-24 15:10
如果聖誕前仲係好似依家咁係下半版，兼正在護級或有護級的可能，佢必定無得留低。但如果係咁，唔通又搵大 ...

雖然佢唔係勁，但離無料其實仲有距離。隊波唔駛好耐一定贏到，上季埋尾已經證明咗呢樣野。唔上唔落，球迷唔會收貨啦

作者: James_Beatkit 時間: 2019-9-24 15:21
主場出既陣容都咁保守就真係點都要屌
隊波兩個問題
一就係你班球員大部分前身球隊都係打地面組織
但黎到你好似叫佢地玩高波兩邊斬咁
第二就係本身班友個無球走位意識好低
個個企定定等拎波
你問我MS有冇令我跌眼鏡
我就一定答你有
Hull個時佢個套戰術好清晰
唔知點解過到黎反而不進則退
比多幾場/半季睇下佢搞唔搞到
唔得就點都要諗定下一個

作者: James_Beatkit 時間: 2019-9-24 15:31
首選Arteta
始終踢過我地一定最清楚呢度運作同球迷最要乜
經驗根本唔洗點理
摩佬咪又係跟波比sir同雲92身上偷師去浸
阿迪達跟左哥迪奧拿幾季就點都學到野既

次選比爾沙
一路覺得佢好有料
戰術執行上面又好硬頸同好肯比機會新人
經驗又夠如果要爭盃仔同即食佢係一個唔錯選擇

當然情意結我一定想馬仔有一日會返黎
而最估唔到係佢竟然個得勝率到依家依然仲可以高過有錢買人既RK同MS
始終覺得如果佢有錢執靚條後防同經過呢幾年出去經驗
點都會比當年好左

作者: James_Beatkit 時間: 2019-9-24 15:33

leonkit 發表於 2019-9-24 09:41
肥賓不了
根本唔尊重間會
利申: 私怨

肥賓有狗除就幾有料都唔想佢黎

作者: witzz 時間: 2019-9-24 15:52
我覺得好快會落台，今年目標好清晰，就係前六。俾左咁多錢出黎，但踢到一pat屎，我係伊朗佬都想盡快換人止血。

作者: barker 時間: 2019-9-24 19:17
paddy power odds update : 老莫由 3/1 跌到 6/4 成為大熱

作者: witzz 時間: 2019-9-24 20:19
No Moyes, 佢戰術已經唔入流，唔好又原地踏步

作者: Forever_Fan 時間: 2019-9-24 23:10

James_Beatkit 發表於 2019-9-24 15:31
首選Arteta
始終踢過我地一定最清楚呢度運作同球迷最要乜
經驗根本唔洗點理

Moshiri 無可能請一個連領隊都未做過的人做領隊，試問投左億億聲的錢落球會，佢會唔會搵個毫無領隊經驗和往績的人去揸大旗? 正如你有億億聲做投資，你都唔會請一個讀金融的fresh grad去幫你做投資啦係咪?

作者: Forever_Fan 時間: 2019-9-25 06:54

witzz 發表於 2019-9-24 20:19
No Moyes, 佢戰術已經唔入流，唔好又原地踏步

我唔理係老莫定肥賓，甚至馬仔回歸，只要佢能夠幫球會贏波穩入前6，挑戰前4，甚至羅到歐聯入場券的話，佢係邊個，教過邊隊，全部都唔重要，也已經有進步。

作者: witzz 時間: 2019-9-25 09:50
肥賓變左頂頭大熱

作者: 愛華戰士 時間: 2019-9-25 10:20
最近已經睇到有段報導話愛華頓的財政平衡出左問題，持續無歐洲賽打但買球員好似倒水咁。
再咁搞落去隨時比歐洲足協處罰。

講真....已經唔去講3-5 年前果D 冗員(艾朗連儂, 奇法利, 舒拉達連之流) ，單呢兩年用咁多錢買咁多球員返黎....你話真係值價的暫時只係得李察利臣同甸尼......賓納特叫OK

施格臣撇除上屆入返多D 波外....其實都踢唔出佢本身水平。
米高堅尼, 碧福特, 耶利米拿, 禾確特,杜遜, ......全部都打唔出身價。--------> 唔單止打唔出身價，感覺上佢地全部係打到無晒信心。

愛華頓呢二十年其實普遍比人印象雖然唔係踢到華麗足球，但都係一隊有鬥志同拼勁的中游份子，雖然往往同強隊鬥係下風。但呢三幾季我越睇隊波越覺得無左靈魂，特別係D 中下游球隊同我地搏命時....我地完全係會被比下去。( 因為隊波本身唔係高班過人，但人地贏我地拼勁)

再補多句，馬高施華接手之後究竟為球隊帶來左乜野正面效益？
踢法上無條理
防守上甩甩漏漏
進攻上球員庸庸碌碌
球員補充上同樣係普普通通
對待忠臣積基卡毫無尊重 ( 拜恩斯下場唔知又會點)

作者: 愛華戰士 時間: 2019-9-25 10:21

睇左HIGHLIGHT.....真係唔認為值得高興。

卡法路雲入第一球.....禁區邊走入去.....由走到射居然無對方後衛埋身....呢D 防守O係英超水平絕對唔會出現。OK....叫做一控一射射入。
入第二球門前執雞....贏伊禾比底線橫傳.....。
之後DCL 錯失左一個絕佳頭搥機會
如果馬高施華又因為一場聯賽杯勝仗而又周而復始咁再重用DCL，我地今季真係大大鑊。
### 或者我唔用有色眼鏡去睇.....用DCL 唔係唔得....但如果要出佢....就應該用一班可以幫助到佢去入波的中場.....例如禾確特呢D 相對底線橫傳較多的翼鋒。

睇埋場波其他數據，對邊9射3中；我地8射3中。----> 雖然人地主場，而且我地控球佔比大約6:4 比，但真係唔能夠令球迷滿意。
仲有防守上我地制空能力係意料不到地弱，有幾球對方一個大腳....人地禁區頂一個球員搶點已多次搶贏我地。點搞？
薜迪比我睇佢好似右閘打得算唔錯，又開到上去射波
湯戴維斯好似有幾下幾差的回傳，狀態可能唔太夠，不過見佢有幾下搶截同參與進攻.....

其實睇隊波已出左8成主力去應付呢場比賽

作者: James_Beatkit 時間: 2019-9-25 10:25

愛華戰士發表於 2019-9-25 10:21
睇左HIGHLIGHT.....真係唔認為值得高興。

卡法路雲入第一球.....禁區邊走入去.....由走到射居然無對方後 ...

agree

作者: James_Beatkit 時間: 2019-9-25 10:30

Forever_Fan 發表於 2019-9-24 23:10
Moshiri 無可能請一個連領隊都未做過的人做領隊，試問投左億億聲的錢落球會，佢會唔會搵個毫無領隊經驗和 ...

咁你曼同車都係咁啫
點解咁多隊又開始用返D名宿教?就係知佢地清楚個會需要D乜同球迷期望要D乜
就連Southall都話如果下個接手佢想Big Dunc添
相比Arteta我反而對Big Dunc仲冇信心

歡迎光臨香港愛華頓迷討論區 (http://hkeverton.com/forumnew/)