香港愛華頓迷討論區

標題: 作客 southampton [打印本頁]

作者: barker 時間: 2019-1-19 12:38
標題: 作客 southampton
i'm think everton win 2-1

作者: James_Beatkit 時間: 2019-1-19 13:50
呢D波多數你覺得輸我地就冇LALA又會有驚喜
0-0

作者: 24cheung 時間: 2019-1-19 14:15

James_Beatkit 發表於 2019-1-19 13:50
呢D波多數你覺得輸我地就冇LALA又會有驚喜
0-0

人哋換左個有料領隊，作客和都好好結果喇

作者: laukarwing 時間: 2019-1-19 20:47
希望贏波啦！

作者: 24cheung 時間: 2019-1-19 23:54
李察臣打最前簡直浪费，佢係做唔到第1点hold波做攻勢

作者: aeroplane602 時間: 2019-1-19 23:56
中間不設防幾下比人半單刀

作者: Fuko~ 時間: 2019-1-20 00:03
有好彩有唔好彩，係真心要留意中堅唔好亂標前俾人打反擊。
希望下半場可以再入肉D!

作者: barker 時間: 2019-1-20 00:23
southampton 2-0 EVERTON now

作者: 24cheung 時間: 2019-1-20 00:23
又輸一場........

作者: Fuko~ 時間: 2019-1-20 00:24
第二球會唔會輸得太肉酸

作者: reedlo16 時間: 2019-1-20 00:24
施格臣呢幾場波真係無場好波，列查利臣都差唔多。

作者: aeroplane602 時間: 2019-1-20 00:25
4~5場波一d改善都冇

作者: witzz 時間: 2019-1-20 00:26
有賭神唔用，將李察利臣調去打前，搞到越打越無信心

作者: 24cheung 時間: 2019-1-20 00:31

witzz 發表於 2019-1-20 00:26
有賭神唔用，將李察利臣調去打前，搞到越打越無信心

非常同意，李察利臣做唔到第一点，進攻會好辛苦。人地換左個有料领隊，啲逼搶好有效率

作者: witzz 時間: 2019-1-20 00:39
暫時睇macro silva都係麻麻地

作者: Fuko~ 時間: 2019-1-20 00:51
追返球都好!

作者: 拖肥1878 時間: 2019-1-20 00:53
根本就無料到，完全唔明當時點解要死爭難爭都要揾佢嚟教。

作者: witzz 時間: 2019-1-20 00:57
垃圾

作者: 拖肥1878 時間: 2019-1-20 00:58
進攻無板斧，防守屎過乜。馬仔之後，帶得叫做好d嘅係安斯禾夫，起碼有d生氣。依家隊波死氣沉沉，完全唔想睇。

作者: reedlo16 時間: 2019-1-20 00:59
其實諗起真係好悲哀，係老莫後期，我們和對面可以話五五波，老莫走後，我們仲有個有錢老闆入主，但，同對面的差距愈來愈遠，完全反映了…領隊人選的不濟…

作者: Fuko~ 時間: 2019-1-20 01:01

拖肥1878 發表於 2019-1-20 00:53
根本就無料到，完全唔明當時點解要死爭難爭都要揾佢嚟教。

話雖如此，我都唔會禁快趕佢走，除非佢輸到貼地，只要佢中中挺挺都唔怕。
黎緊個夏季，我想隊波先清左班冗員，等隊波唔好禁多人先同埋等埋呢班人夾慣夾熟先。
跟手先再換領隊，家下班球員有料，唔太認為下個領隊要換過哂隊波。

作者: Fuko~ 時間: 2019-1-20 01:10

reedlo16 發表於 2019-1-20 00:59
其實諗起真係好悲哀，係老莫後期，我們和對面可以話五五波，老莫走後，我們仲有個有錢老闆入主，但，同對面 ...

其實人地都跌跌碰碰先請到高普再用幾年時間先有成果...再數另一隊熱刺都係禁...
當年賣左BALE，都係亂買人同用左保亞斯又係搞左好幾年先得。
隊波都改朝換代左，我覺得都唔駛好耐就會打得起，特別係呢代班骨幹都好有潛質。

作者: barker 時間: 2019-1-20 01:10
幸好而家分數有 30 分暫時未致於到護級邊缘, 不過而家傳包輸亞伊, 如他真的加盟 Richarlison 可打回左翼

作者: witzz 時間: 2019-1-20 01:15
你睇修咸頓，換左個有料領隊，同一班球員，打出唔同既成績。如果個領隊無料，你俾幾多好球員佢，佢都係唔識教。

作者: Everton_ 時間: 2019-1-20 01:17

witzz 發表於 2019-1-20 01:15
你睇修咸頓，換左個有料領隊，同一班球員，打出唔同既成績。如果個領隊無料，你俾幾多好球員佢，佢都係唔識 ...

馬高施華見哂底啦一落後就出鴨仔.賭神再唔係就禾仔根本無第二個plan

作者: barker 時間: 2019-1-20 01:20
人腳就係得咁多, 無計喎

作者: 24cheung 時間: 2019-1-20 01:28
自從輸左比利狗後，成隊波就死氣沉沉

作者: witzz 時間: 2019-1-20 01:29
你覺得我地班波會差過修咸頓？人地季中上任咋，成班波即刻唔同晒。

作者: Fuko~ 時間: 2019-1-20 01:31

Everton_ 發表於 2019-1-20 01:17
馬高施華見哂底啦一落後就出鴨仔.賭神再唔係就禾仔根本無第二個plan

禁講，落後就梗係換攻擊球員GA LA...?冇第二個PLAN，明明由4-3-3轉4-4-2...
唔好理有冇效...我只係想講要由頭建立一隊波係要時間。我唔會話反對換領隊，但呢刻唔係適當時候。

作者: reedlo16 時間: 2019-1-20 02:18
我都認同要比時間佢，尤其前朝留下太多冗員。

不過，睇了好多場，有時英國球迷、球評家都見到問題所在，但佢都要打多幾場，衰多幾場先肯改變。例如早前的老禾缺態，死都唔試下用洛文。又例如李察打中鋒位無表現，賭神都是零機會。宜家施格臣呢幾場波又係好似隱晒形，中場組合係咪完全無得變？

作者: 拖肥糖 時間: 2019-1-20 22:25

拖肥1878 發表於 2019-1-20 00:53
根本就無料到，完全唔明當時點解要死爭難爭都要揾佢嚟教。

點知呀，大sam帶穩穩陣陣居中完成球季，silva大鑼大鼓大使特使又係中游，即係咩？

作者: 愛華戰士 時間: 2019-1-21 10:04
作為球迷我地已經多次將問題點出黎....只不過我地改變唔到。
成個勢就係比人感覺對愛華頓只要你等愛華頓中場傳失+穩守打中路反擊.....要贏根本無難度。
你地唔會見對手刻意同我地玩兩邊落底傳中....而係下下由中路劏入去。因為人地領隊係有眼睇O既

失第二球正正就係中場中我地猜斷比人一個快速直傳中路就比人一對一對龍門 ( 甸尼烏龍只係結果.....其實唔可以太怪佢)

最高招對愛華頓的方法就係唔刻意去拎控球權.....反而讓你地去猜.....當你地成班波壓前(因為人地同時睇通你地拎住個波係無直接殺傷力....成隊中前場真心講有遠射射能力的只有個施格臣同後上的甸尼).....到中場有失.....人地一加速反擊就中門大開....

作者: 愛華戰士 時間: 2019-1-21 10:29
其實宜家討論呢個馬高施華係咪應該炒魷意義不大。無成績話之你係乜水都無得留低，宜家個球圈就係咁現實。無料你點都扮唔到4條。
但好清晰一個情況係我地班波缺點越來越表面化，而且關鍵係領隊無辦法解決甚或乎無辦法去改善問題....呢下至係重點。

-陣型上周旋於三中堅定四後衛？
-進攻套路究竟如何定位？如果你係要靠李察利臣，咁你一定要放佢最有殺傷力個位置 (而且其他進攻球員要圍繞佢去做波)
有好多中下游波都係側重一兩個球員.....如水晶宮靠沙夏自由爆；李城靠華DEE；韋斯咸之前靠阿奴杜域.....人地點用呢D 球員....人人都清楚。
但我地如何用李察利臣.......今日踢中鋒，聽日打左翼....真心講....你個領隊究竟瞓醒未？

-究竟邊位球員係攻/ 守重心？

作者: Fuko~ 時間: 2019-1-21 23:07
本帖最後由 Fuko~ 於 2019-1-21 23:09 編輯

作為愛記球迷，都睇左隊波都有10年，我完全明白大家對隊波有幾失望。呢套陣容就算大家再夾唔慣唔熟，呢個排名同表現都唔理想。
嘈著話施華廢要換呢個諗法我完全理解同唔介意換領隊。但大家換之前，我諗大家可以再望下了解我地隊波發生緊咩事先。

呢14個借出去的球員大部分踢唔上一隊，得VLASIC、ONYEKURU、HOLGATE同埋DOWELL有機係1隊...其餘個D都唔符合...
唔符合個D仲有好多都仲有兩三年先滿約...呢批人勝左人工唔係話高，但夾埋一隊個班我地有成40人禁多，你話我地仲有幾多空間可以再買人?

我地再望番1隊個陣容，你唔考慮借番黎的球員，我地差緊1個第三/四中堅，正選中場中、前鋒同右翼。
PS:右翼成隊得禾確特係正右翼，加上又打唔番水準，入一個正選右翼好正常。
家下成隊波仲要得古爾有市場價值有人走過黎話買...完全唔敢想像走左佢之後，你點用舒拉/麥卡菲/B仔?
係隊波陣容又肥又腫底下。施華講話滿意而家個陣容，亦都反映到老細唔願意再課金。

正正因為禁，你而家話換領隊，又冇資源俾佢的話，其實你搵邊個黎教個分別都唔會太大...仲隨時搞到隊波整體更四不像最後要靠老莫番黎救火同你打燒味。
連冬季都冇人話買我地個D副選，更加令人擔心夏季的時候散唔散到貨...

最後，要換領隊的人希望大家可以忍到套陣容減番去正常水平有錢有空間買人先...再禁落去負債同冗員越多，稍後差池老細唔玩就會出大事破產降班...

作者: barker 時間: 2019-1-22 00:03

Fuko~ 發表於 2019-1-21 23:07
作為愛記球迷，都睇左隊波都有10年，我完全明白大家對隊波有幾失望。呢套陣容就算大家再夾唔慣唔熟，呢個排 ...

Aston villa end Bolasie loan deal send him back to EVERTON

作者: leonkit 時間: 2019-1-22 09:17

Fuko~ 發表於 2019-1-21 23:07
作為愛記球迷，都睇左隊波都有10年，我完全明白大家對隊波有幾失望。呢套陣容就算大家再夾唔慣唔熟，呢個排 ...

好同意
始終咁樣買人法真係好唔健康
老細無限課金又0冠都唔係方法

作者: laukarwing 時間: 2019-1-22 10:08

Fuko~ 發表於 2019-1-21 23:07
作為愛記球迷，都睇左隊波都有10年，我完全明白大家對隊波有幾失望。呢套陣容就算大家再夾唔慣唔熟，呢個排 ...

我都同意。現階段祗能忍辱負重了。

作者: 愛華戰士 時間: 2019-1-22 10:16
本帖最後由愛華戰士於 2019-1-22 10:20 編輯

我都好同意球會買入有好多唔合用的球員。而呢一刻就算你多買11個球員返黎....都救唔到隊波。 (因為宜家唔係打緊機.....可以前鋒買C 朗，中場買莫歷，後衛買拉莫斯咁重新砌隊波返黎) 我地隊波只係中游，買人策略其實一定程度上要好似修咸頓果種.....買後生仔等有表現就再決定係咪賣走，再搵新人。真心買D 世界級二線D O既返黎用。
當然呢D 涉及球探眼光同財力。

但係大家要先問下領隊同管理層....究竟宜家領隊係咪已經真係限米煮限飯下發揮晒隊波的潛力？
大家可以話米拉拿斯呢D 自己唔爭氣....明明有質但表現浮動紀律又差。
保拿斯呢D 一傷不起打唔返....無運吧
拉美利斯呢D ....唔適應英超...無得怨

VLASIC 呢D ....我認為踢得唔錯.....但真係苦無機會出場
剛剛尼亞斯呢D 被借走....其實後備入黎唔差呀....( 今季直頭後備機會都少之又少)
就算大家成日掛口邊的比錫/ 麥卡菲....我睇唔到球會如何有效去用一套輪換機制去比班二線球員去競爭主力位置。

杜遜.....真心講....點解真係出得咁少？前鋒入唔到波.....唔一定係個前鋒唔得.....好大程度上可能係個戰術運用有問題。
大家不難發現一點....大部份進攻球員轉到黎愛華頓.....除少數打到表現之外 (盧卡古叫近年最對辦)....大部份都黯然離隊O既。點解？

大家去研究下盧卡古宜家O係曼聯我地都唔可以話佢打得成功，充其量只可以叫合格。......其實曼聯進攻點唔少.....正正因為進攻比我地立體....所以盧卡古個作用其實唔太明顯。但盧卡古O係愛華頓....不論反擊時一人爆.....定左右傳中做接應.....到禁區入邊轉身射.....盧卡古都係最重要果一點黎....所以真係單天保至尊。由呢一點可以睇得出....我地隊波進攻有幾單調。
---------------------------------
不論由那一個進攻點去討論....我都睇唔到一個流暢發揮，或者我地可以細細去分析下幾個進攻模式存在咩缺點︰

1) 高文右路落底︰第一個缺點係禁區接應隊友不足；第二個關鍵點係高文傳中水準唔穩定。高文有時傳禁區頂地波 (但每次傳呢D ...有時小禁區中腰波....有時高波.....大家睇返錄影.....真心講....無人會知高文想點傳中。
2) 李察利臣左路盤爆︰最近幾場李察利臣狀態明顯回落....或者講比對手洞悉晒個踢法.....知你明爆....下下同你鬥硬，等你失平衡。單打獨鬥....就算美斯無狀態...都唔使旨意有效啦。何況李察利臣？
3) 施格臣中路遠射︰呢個其實季初幾場幾有效，因為施格臣懂得自己制造空位射門，之但係最近對手集中中路防守......O係對方加強左呢方面防守時...我地幾個中場又無辦法為施格臣制造到太多起腳機會下，呢招越來越難出。始終施格臣唔似古天奴呢類高速靈巧類....可以高速盤過對手再拉大位起腳....
4) 甸尼左路助攻同CUT 中路遠射︰暫時睇甸尼左路出波係我地進攻最有把握制造到險像的方法，當然中間問題仍然係接應傳中球球員不足。而且傳中失敗容易比人打反擊。
5) 最近多左蘇馬同堅尼死球上黎頂到下波。
再問我....如果出禾確特就多一範右路速度殺入射門；
如果出陸文就多左一兩腳ONE TWO 或者盤扭過人制造突破空位。
賓納特由於挨近左路...好多時係替李察利臣同甸尼制造突破空位......或一腳傳中。

兩個防中就真係近乎係0 進攻力。( 有試過遠射....可惜真係唔太理想)

以上就係我地隊波基本上每場波可以制造到出黎的進攻方法。
一句到尾︰呢十年我覺得我地隊波真係唔識得進攻。不論短傳/組織/ 左右傳中/ 長傳/ 反擊/ 死球，真真正正無範似樣。咁點可能有好成嫧？

作者: barker 時間: 2019-1-22 11:52

愛華戰士發表於 2019-1-22 10:16
我都好同意球會買入有好多唔合用的球員。而呢一刻就算你多買11個球員返黎....都救唔到隊波。 (因為宜家唔係 ...

而家係要解決方法呀

作者: evertonarteta10 時間: 2019-1-22 12:57

愛華戰士發表於 2019-1-22 10:16
我都好同意球會買入有好多唔合用的球員。而呢一刻就算你多買11個球員返黎....都救唔到隊波。 (因為宜家唔係 ...

其實跑動唔夠亦係問題所在, 施生 TOSUN都係唔擅長無球跑動, DCL同禾仔得直線先識跑....暫時得李神會多少少唔同既跑動路線....即係企得好死, 就算AG識交波交到沙維小白級數其實都冇用.

解決就係繼續調教LOOKMAN, 另外要買一D肯走動既. 猁鏝熱呢D真係走到人地亂哂籠....而家呢班舊帥買落既, 要靠佢地爭更高排名其實冇乜大作用

作者: ginger 時間: 2019-1-22 15:18
今場真係睇到搖晒頭，隊波又慢又冇士氣，前面攻唔到後面守唔穩，真係冇咩心機睇，其實班人平時練波練咩，淨係識面對面交，前面又冇配合又唔走位，罰球角球例牌冇威脅。前面用李察利神根本浪費，佢hold唔到波愈踢愈冇心機。同上季在屈福特下半季一樣，最重要係所有野施華好似睇唔到咁完全冇改善。今季玩完了。

作者: James_Beatkit 時間: 2019-1-22 18:43
我會比MS時間
但有D位應插就要插
係咪李柒份約寫明要打正前
有正宗正前唔用係要用個完全交唔到貨既去打
我唔鐘意DCL但起碼佢仲有一樣頭鎚
人地夏三世打假9你又學人擺佢做假9
大佬我唔講多人地10場波5場都叫可以有突破畫面出黎睇下
李柒10場9場半都冇影踢春咩
我唔係針對佢係MS擺錯位
係咪D提子人都特別有硬磧既呢
摩佬又係咁MS又係咁
認真MS個套進攻模式同我預期有好大落差
可以講仲衰過DM最後幾季個時

作者: evertonarteta10 時間: 2019-1-23 10:04
本帖最後由 evertonarteta10 於 2019-1-23 10:07 編輯

James_Beatkit 發表於 2019-1-22 18:43
我會比MS時間
但有D位應插就要插
係咪李柒份約寫明要打正前

屈福特個陣都叫有板有眼, 只係礙於質素. 好, 可能我地原本人腳做唔到MS想做既野, 但係又見唔到佢會稍為TUNE下喎....

FINE, 我個人比多2個WINDOW佢同BRANDS執. 我寧願擺DCL正前去掩護李神, DCL係腳底差同腦唔靈活, 起碼有速度同頭鎚叫多個TARGET先, AT LEAST DCL落場係勤力既.

作者: 愛華戰士 時間: 2019-1-24 09:45

barker 發表於 2019-1-22 11:52
而家係要解決方法呀

BARKER 兄，咁你有咩高見？
我立場係如果隊波有隊型有模式，你再需要O係相對較弱位置去做補強。
而並非係覺得前鋒唔識入波....咁就不斷去找前鋒.......周而復始....咁只會係咁買錯貨。救唔到隊波。

作者: barker 時間: 2019-1-24 11:36

愛華戰士發表於 2019-1-24 09:45
BARKER 兄，咁你有咩高見？
我立場係如果隊波有隊型有模式，你再需要O係相對較弱位置去做補強。
而並非係 ...

而家轉會窗得返七日 , 要買或借射手難度愈來愈難 , 剛傳 Gueye 想 hand of transfer request 我都唔知點收科 ? zenit 個位中鋒 Dzyuba 借得過架可試下 , Richarlison 都想我地買中鋒 , 他就可打番他擅長的左翼

作者: James_Beatkit 時間: 2019-1-24 14:33

愛華戰士發表於 2019-1-24 09:45
BARKER 兄，咁你有咩高見？
我立場係如果隊波有隊型有模式，你再需要O係相對較弱位置去做補強。
而並非係 ...

同意
好簡單我地冇正前咩
你自己唔用用個打翼既去打另一邊又搵個新
成件事錯哂

作者: 24cheung 時間: 2019-1-24 16:05

James_Beatkit 發表於 2019-1-24 14:33
同意
好簡單我地冇正前咩
你自己唔用用個打翼既去打另一邊又搵個新

賭神衰左咩？點解唔出佢？我覺得佢算多跑動，如有其他人射波，佢好有意識跑前想執鷄(其他人唔會)，把握力及頭球都算係咁啦

作者: James_Beatkit 時間: 2019-1-24 16:58

24cheung 發表於 2019-1-24 16:05
賭神衰左咩？點解唔出佢？我覺得佢算多跑動，如有其他人射波，佢好有意識跑前想執鷄(其他人唔會)，把握力 ...

我都唔知
應該唔知有D咩得罪左方丈
真係慘

作者: toffeeweb 時間: 2019-1-24 17:15

James_Beatkit 發表於 2019-1-24 16:58
我都唔知
應該唔知有D咩得罪左方丈
真係慘

賭神其實有質素丫頭鎚同埋門都有停波又有平時又肯迫肯搶但係MS 係咪要D可以一個人自己去開山劈石的前鋒好似LUKAKU 咁啊

作者: witzz 時間: 2019-1-24 18:06
我鍾意賭神, 佢踢波好有heart

作者: James_Beatkit 時間: 2019-1-24 18:09
本帖最後由 James_Beatkit 於 2019-1-24 18:10 編輯

toffeeweb 發表於 2019-1-24 17:15
賭神其實有質素丫頭鎚同埋門都有停波又有平時又肯迫肯搶但係MS 係咪要D可以一個人自己去開山劈石的前 ...

我真係睇左半季都唔知
係咁兩邊出波但你去擺個最矮既(同Tosun/DCL比較)打最前係咩玩法
開山劈石丫,大隻技術丫定點仲要時間觀察
但依家傳得好勁既上原亞衣又唔係以上個兩類

作者: barker 時間: 2019-1-24 18:14

James_Beatkit 發表於 2019-1-24 18:09
我真係睇左半季都唔知
係咁兩邊出波但你去擺個最矮既(同Tosun/DCL比較)打最前係咩玩法
開山劈石丫,大隻技 ...

zenit 陣中大隻中鋒 Dzyuba 就啱踼呢家波

作者: 24cheung 時間: 2019-1-24 18:31

barker 發表於 2019-1-24 18:14
zenit 陣中大隻中鋒 Dzyuba 就啱踼呢家波

成30歲既俄人真係唔睇好，用賭神鴨仔都好過佢啦

作者: barker 時間: 2019-1-24 21:33

24cheung 發表於 2019-1-24 18:31
成30歲既俄人真係唔睇好，用賭神鴨仔都好過佢啦

或者馬體會卡連歴

作者: 24cheung 時間: 2019-1-24 21:51

barker 發表於 2019-1-24 21:33
或者馬體會卡連歴

唔好嘥錢用賭神吧啦

作者: barker 時間: 2019-1-24 22:21

24cheung 發表於 2019-1-24 21:51
唔好嘥錢用賭神吧啦

Tosun Marco Silva 傳賣走他

作者: Fuko~ 時間: 2019-1-24 23:21

James_Beatkit 發表於 2019-1-24 18:09
我真係睇左半季都唔知
係咁兩邊出波但你去擺個最矮既(同Tosun/DCL比較)打最前係咩玩法
開山劈石丫,大隻技 ...

禁多年D前鋒係得盧卡古多過一年貨賣...好明顯係我地隊波的文化問題...
其他隊，你望下利記、曼城、阿仙奴甚至曼聯都唔一定會用一個高大前鋒，一樣可以做到攻勢。
如果你話係技術問題打唔到人地個種傳送質素，禁GE話，你仲打咩控傳?
索性打李斯特城個D超高速防反咪仲實際?

至於TOSUN同李察利臣的問題，我覺得問題唔係李察利臣打唔打正前的問題，佢地落到場其實都可以換位。
問題係我地班中場同左右兩翼俾到咩SUPPORT佢地? 亦都係我一直強調點解話要買右翼...
除了正前，最後另外兩翼同攻中都可以有能力入波，施古臣你話佢態差，今季都入左9球，兩隻翼呢?
賓納特交左3次助攻又有創造力就算啦。右翼呢? 禾確特同埋代打的LOOKMAN的作用都未夠打。
入又入唔到波，助攻又唔夠強...成日都話高文打得唔夠好...呢個年紀你仲靠佢一個打哂成條邊，會唔會太HARSH?右翼/右中場呢?

作者: wahton 時間: 2019-1-25 02:40

toffeeweb 發表於 2019-1-24 17:15
賭神其實有質素丫頭鎚同埋門都有停波又有平時又肯迫肯搶但係MS 係咪要D可以一個人自己去開山劈石的前 ...

同意, 佢瓣瓣都有D, 真心唔明得罪左領隊D咩

作者: barker 時間: 2019-1-25 06:18
BBC : crystal palace official table to loan bid tosun

歡迎光臨香港愛華頓迷討論區 (http://hkeverton.com/forumnew/)