香港愛華頓迷討論區

標題: 2018/2019 #6 英超作客對阿仙奴 23/9/2018 23:00 New [打印本頁]

作者: James_Beatkit 時間: 2018-9-20 15:40
標題: 2018/2019 #6 英超作客對阿仙奴 23/9/2018 23:00 New
雖然話作客對阿仙奴
但李柒復出返加埋Bernard熱左一場身
點都應該有得同對面踢下
1分係基本

作者: James_Beatkit 時間: 2018-9-20 15:40
本帖最後由 James_Beatkit 於 2018-9-20 15:45 編輯

試下發表下想出先既11個人選

Sorry 原來重複左Bernard但改唔到
13. Bernard
16. Siggy

作者: James_Beatkit 時間: 2018-9-20 15:40
本帖最後由 James_Beatkit 於 2018-9-20 15:42 編輯

溫馨提示
呢場波可能會有睇波活動一大班愛迷一齊打氣
有興趣就PM我
地點係銅鑼灣

作者: ngkk821 時間: 2018-9-20 19:15
期望不大，但一定要踢出士氣，今場可以睇下有冇同big 6拉近距離。

作者: evertonarteta10 時間: 2018-9-21 09:47
唔講中堅, 口水都乾

唔該收起施格臣...出BERNARD打10號位, 14+30+11+20...防中出基爺加TD

作者: wahton 時間: 2018-9-21 12:46
------------------------碧福特

---莊祖堅尼-----米高堅尼------蘇馬-------拜恩斯----

----------------T戴維斯--------古耶-----------------------
--禾確特---------------施古臣-------------李察利臣----

-------------------------尼亞斯-----------------------------

作者: niclas 時間: 2018-9-21 15:13
打和啦！！傷員太多啦！

作者: barker 時間: 2018-9-21 20:58
Marco silva press-conference : 耶利文拿有機正選上陣

作者: evertonian95 時間: 2018-9-22 11:56
輸小當赢

ps: 我係燈

作者: 24cheung 時間: 2018-9-22 14:57
場場都失波，覺得呢場會試出3中堅，但好唔好就唔知喇。

作者: Forever_Fan 時間: 2018-9-22 15:42
呢場唔睇好，近2場Silva的排陣和臨場調動真係給我留下深刻印象，如係呢2方面無明顯改善，要贏談何容易?

作者: Fuko~ 時間: 2018-9-23 14:45
不嬲對著阿記都冇咩著數，我又唔覺得呢場嬴面會好大。
但今場有番李察利臣，至少唔會好似之前禁啞哂火。
我覺得而家個隱憂係黎到英超第6週，開左季一個月有多，除左幾個球員，好多都仲未打到SILVA個套。
季前都話中場中防中問題同中堅一樣禁嚴重，呢6場波都已經顯示哂出黎。
家下真係唯有寄望麥卡菲同高美斯快D出得場，令中場選擇可以更多。

又隻鴨鴨居然得到唔少外國球迷支持真係好野...禁我會希望佢呢場開始可以打番正中鋒，唔駛再打邊。

作者: laukarwing 時間: 2018-9-23 17:20
和波都收貨了。

作者: 24cheung 時間: 2018-9-23 22:20
文尼連後備都冇，又係呢個陣，想唔失波都幾難

作者: barker 時間: 2018-9-23 22:24

24cheung 發表於 2018-9-23 22:20
文尼連後備都冇，又係呢個陣，想唔失波都幾難

冇舒拉用TD中場運轉率會快番

作者: witzz 時間: 2018-9-23 22:25
又係鴨仔cls, 賭神雖然無入波，但佢係前場其實做左好多野

作者: 24cheung 時間: 2018-9-23 22:32

witzz 發表於 2018-9-23 22:25
又係鴨仔cls, 賭神雖然無入波，但佢係前場其實做左好多野

鴨仔打正前已好喇，比佢打邊即係打小個。賭神係做到野，但最重要入波做唔到，如上場佢腳風順我地唔使輸

作者: Carlson 時間: 2018-9-23 22:38
單前鋒衝鋒達陣會唔會Niasse更好

作者: ngkk821 時間: 2018-9-23 22:47
今日Niasse後備都無。

作者: aeroplane602 時間: 2018-9-23 22:56
TD今日 captain

作者: Fuko~ 時間: 2018-9-23 23:03
隻鴨單刀到禁都唔入，可唔可以皮啊?

作者: 八十年代的愛迷 時間: 2018-9-23 23:04
有得交中間唔交！TMD

作者: laukarwing 時間: 2018-9-23 23:07

Fuko~ 發表於 2018-9-23 23:03
隻鴨單刀到禁都唔入，可唔可以皮啊?

我們要多給隻鴨一點耐性。

作者: 愛華戰士 時間: 2018-9-23 23:11
屌！就睇呢10分鐘呢隻鴨已浪費左3個黃金機會

作者: aeroplane602 時間: 2018-9-23 23:33
有巴西仔爭好遠自己埋門揾到食

作者: Fuko~ 時間: 2018-9-23 23:36

aeroplane602 發表於 2018-9-23 23:33
有巴西仔爭好遠自己埋門揾到食

應該話李察利臣係度，個個都mark死佢，其他人變得輕鬆好多。
加埋今日古爾專心防守有TDAVIES組織，佢兩個又有正常水準...先睇落去有得打下。

作者: witzz 時間: 2018-9-23 23:50
垃圾鴨

作者: Fuko~ 時間: 2018-9-23 23:51
唔計隻鴨廢，呢場波其實幾好睇，大家都互有攻守，你拳我往。
比想像中好好多...亦都見到大家實力接近。邊隊嬴都合理。
係我地反擊把握力太差，理應有一球在手...

作者: wahton 時間: 2018-9-24 00:05
你老母卡維利雲.....

球單刀可以一早射或傳

你條懵柒走去扭....又唔知自己廢

作者: Fuko~ 時間: 2018-9-24 00:16
始終人地把握力高D...我地D埋門唔係太心急就係條友太廢。
希望唔好打沉隊波，我地仲有機會。

作者: Fuko~ 時間: 2018-9-24 00:20
旁證果然ON9，越到禁都睇唔到

作者: witzz 時間: 2018-9-24 00:26
施古臣，鴨，TD可唔可以唔好再出

作者: ngkk821 時間: 2018-9-24 00:27
旁證同謀殺左場比賽無分別

作者: nowhere 時間: 2018-9-24 00:56
DLC 真係未夠班, 或者佢可以打後一格
正前用尼亞斯LA...

好想睇DOWELL 打斯格臣個位
忍佢好耐...

作者: Fuko~ 時間: 2018-9-24 00:56
表現比想像中理想GA LA。係可惜在前鋒把握力好差，左右翼又唔CUT IN射波。
加埋旁證送第二球俾人...下星期主場對番富咸應該嬴得到。
希望呢個星期再多幾個人復出啦。

作者: nowhere 時間: 2018-9-24 00:57

Fuko~ 發表於 2018-9-24 00:56
表現比想像中理想GA LA。係可惜在前鋒把握力好差，左右翼又唔CUT IN射波。
加埋旁證送第二球俾人...下星期 ...

富咸都好勁GA CHING...
唔好再出C格臣...
好難頂

作者: Forever_Fan 時間: 2018-9-24 01:08
睇排陣已知輸緊啦，我有感覺Silva係伏來的，總之班主睇上眼的領隊都係伏，而佢再玩少帥的話，球隊成績可以改善的機會唔大，我真心希望可以搵返一個有經驗的主帥去執教。

作者: ngkk821 時間: 2018-9-24 01:10
其實Bernard可唔可以打正前學Zola果種踢法呢

作者: Fuko~ 時間: 2018-9-24 01:11

Forever_Fan 發表於 2018-9-24 01:08
睇排陣已知輸緊啦，我有感覺Silva係伏來的，總之班主睇上眼的領隊都係伏，而佢再玩少帥的話，球隊成績可以 ...

真心呢場踢得唔差wor...衰把握力...隻鴨廢還廢，其他球員大部分都ok。
比起上季家下呢個表現，我接受。至少下場俾到信心我會贏先。

作者: wahton 時間: 2018-9-24 01:12
雖然係輸, 但有李察利臣係度隊波進攻好返好多

作客同阿仙奴踢到互有攻守已經好唔錯

個人唔贊成俾隻鴨踢正選, 杜辛係入唔到波但出隻鴨效果仲廢. 利申:尼亞斯fans

作者: witzz 時間: 2018-9-24 01:12
呢場出出鴨打正前，不如學巴西推李察臣打正前，班拿特打左仲好。

作者: Fuko~ 時間: 2018-9-24 01:13

ngkk821 發表於 2018-9-24 01:10
其實Bernard可唔可以打正前學Zola果種踢法呢

Bernard好靈活，聯賽杯個場可以試下打攻中，相信會有唔同效果。

作者: wahton 時間: 2018-9-24 01:21

Fuko~ 發表於 2018-9-24 01:11
真心呢場踢得唔差wor...衰把握力...隻鴨廢還廢，其他球員大部分都ok。
比起上季家下呢個表現，我接受。至 ...

有李察利臣係度解放埋其他隊友

作者: barker 時間: 2018-9-24 01:26
準備提早護级

作者: 拖肥1878 時間: 2018-9-24 01:43
6場6分，場場有失波，以季初咁嘅對手，當然唔合格。老老實實，我覺得領隊流流地，無乜料到。(希望估錯 !)

作者: ngkk821 時間: 2018-9-24 01:48
作客阿仙奴，互有攻守，算有交代。TD起碼會同隊友配合和向前交波，好過師奶。

作者: nsno 時間: 2018-9-24 02:00
今場表現算收貨啦
但下半場換人反而形勢更差⋯⋯
另外Lookman又冇得落場⋯⋯

作者: aeroplane602 時間: 2018-9-24 02:12
其實依場踢落ok 施治都撲幾球。不過今年又洗大錢，大家都現實左，冇分落袋勢係假

作者: Forever_Fan 時間: 2018-9-24 08:03

Fuko~ 發表於 2018-9-24 01:11
真心呢場踢得唔差wor...衰把握力...隻鴨廢還廢，其他球員大部分都ok。
比起上季家下呢個表現，我接受。至 ...

排陣和臨場調動都係Silva的責任，咁多場佢係呢2方面還是做得唔好。個個話鴨差，點解Silva還是要用佢正選? 每次換人，好多時不單無立竿見影的效果，還會俾人一種更差的結果，難道這不是領隊的責任。如果去到聖誕還是這結果，下季難道又炒領隊?我地近年炒領隊的速度勁過曼城車仔丫，真心每次班主都要搏少帥，但每次都係伏，我們球隊經過咁多個領隊的亂搞，問題好多，需要一個富經驗的領隊去大執，我地睇中醫幾時都係老中醫俾後生仔好，睇西醫幾時都係專科醫生俾實習醫生好，完。

作者: Fuko~ 時間: 2018-9-24 08:08
禁講而家先第6場，前段又多球員傷停，班人又要適應新打法，時間點都要俾。

作者: evertonian95 時間: 2018-9-24 09:29
客場輸2:0我覺得ok
開頭都压着人地嚟打, 有一兩球半单刀唔入...
禾仔場場都有小傷, 真係擔心遲早入廠

作者: toffeeweb 時間: 2018-9-24 09:45
今場踢得好輸波係可惜但今場中場收起師拉用TD 攻守效果都好左
DCL仲要俾心機唯一係佢停波俾隊友上做得比前幾場的tosun好
迪尼似乎攻強於守好多

作者: ginger 時間: 2018-9-24 10:29
昨晚其實踢得唔太差，冰島臣都比左幾球靚波，李察利臣上半場好有威脅，不過TD同DCL真係完全唔夠班踢英超

作者: 愛華戰士 時間: 2018-9-24 10:30
有D 時候，一個決定可以改變球賽。點解人地d 前鋒咁值錢？
拿卡錫迪無錯係錯失左幾個機會，但一個機會把握到就改變結果。

呢隻鴨....(其實我唔知點解大家稱佢做鴨仔)，更甚我連佢個名都唔多講得出....卡華利雲？.....佢個單刀係犯左一個非常嚴重O既錯誤....以作客BIG 6 強隊....開波初段呢D 黃金機會你咁浪費法.....根本係同殺死隊波無分別。呢下單刀如果係有水平.....第一選擇係傳個靚地波比中間隊友撞入，假如隊友FOLLOW 唔切...；自私一點選擇係自己射.....咁當然大家期望係你射入.....再差少少....我接受你比施治擋出....OK...你射術唔好.....一射連龍門都唔中......咁我地都還可以盲目支持你.....話你射術差.......射唔中個龍門......點知....呢條廢柴 ( 請容許我咁稱呼佢)...屌你你估你真係大哨咩？過龍門咁X 容易呀？你係咪玩得WINNING ELEVEN 多以為自己真係可以扭到龍門？根本就係態度有問題呢條友...。唔單止呢球...之後果下越位撞射 ( 一撞出界...已經証明佢係一個無射術O既前鋒黎)....仲有兩三球反擊一到佢腳佢死推完斷纜。

我唔明佢有乜野理由正選？呢個看似簡單O既問題....但領隊完全無視質疑聲音，究竟搞乜尻！？呢條友己經完全証明左並不具備踢英超水平.....

作者: laukarwing 時間: 2018-9-24 10:39
第一次零入球。失望。

作者: 24cheung 時間: 2018-9-24 10:54
最近我哋幫人哋做踏腳石，上場幫韋斯咸開齊，今場幫兵工廠零失球，真係有危機喇.....

作者: James_Beatkit 時間: 2018-9-24 11:02
一講DCL係廢
好多人都講佢早幾場位置唔啱踢
呢場比哂機會你都可以踢到PAT屎就叫垃圾
一個由起腳到中龍次數都極低既叫前鋒咩
叫佢落U23都嫌哂左個位
唔該你MS醒下咪再擺佢係18人名單入面
另外就係MS呢場調動又係另人失望
明明上場咁果斷未到半場已經換人
呢場輸到0-2仲要對面換黑碧你都唔肯禁制
周埋點解唔敢/試下抽起冰島臣呢
又慢作用又低我寧願你換Lookman入去同Tosun打雙箭頭好過
鬧完之後其實都要讚下上半場終於打到MS最想個套出黎
迫搶走位打落邊攻勢有又入肉
係下半場班友出返黎唔集中右埋個盲既旁證先輸壞左
希望下場主場贏返場有說服力既波

作者: witzz 時間: 2018-9-24 11:09

toffeeweb 發表於 2018-9-24 09:45
今場踢得好輸波係可惜但今場中場收起師拉用TD 攻守效果都好左
DCL仲要俾心機唯一係佢停波俾隊友上做得 ...

DCL停波二傳唔見得比賭神好
頭幾場李察臣，禾確特入到波，賭神功不可抹，佢係前面其實跑動好多，成日幫人拉空走位，仲有佢啲迎波二傳比DCL紥實好多。
睇DCL踢波，比我一種感覺以為自己好勁，基本上好多英人都係咁，成日上用自己技術速度硬闖，奈何佢兩樣都無，搞到好多時都浪費左啲機會。

作者: toffeeweb 時間: 2018-9-24 11:33

witzz 發表於 2018-9-24 11:09
DCL停波二傳唔見得比賭神好
頭幾場李察臣，禾確特入到波，賭神功不可抹，佢係前面其實跑動好多，成日幫人 ...

埋門質素賭神有一定class
DCL或者身型上較有優勝印象中有幾球高波佢用心口控落黎回傳傳隊友
我唔係話DCL 好好波但如果打爛仔波或者DCL 適合多D
如果講地面傳送同把握力我諗賭神高班好多

作者: James_Beatkit 時間: 2018-9-24 11:40

witzz 發表於 2018-9-24 11:09
DCL停波二傳唔見得比賭神好
頭幾場李察臣，禾確特入到波，賭神功不可抹，佢係前面其實跑動好多，成日幫人 ...

賭神入黎之後有球cut in用左腳射中龍
呢D波你比DCL打廿場都唔會見到
佢係腳風差但實力同作用點計都語過Niasse同DCL好多

作者: Fuko~ 時間: 2018-9-24 12:48
唔係話幫隻鴨講說話，施華揀佢正選唔多唔少都係貪佢係近期入到波的前鋒。我估下場施華見賓納特適應左，分分鐘用李察利臣打正前。同埋冇得唔提就係施治打得好，禾確特球單刀都救到...利申：鴨鴨落英冠啦！

作者: aeroplane602 時間: 2018-9-24 13:50
借鴨出去証明下自己不過dowell 仍然冇運行

作者: Forever_Fan 時間: 2018-9-24 13:57

aeroplane602 發表於 2018-9-24 13:50
借鴨出去証明下自己不過dowell 仍然冇運行

俾我係Dowell都無癮，下季隨時都有離心啦，至少俾個機會證明佢自己嘛

作者: witzz 時間: 2018-9-24 14:38
Dowell真係慘，DCL同TD都有得踢，佢能力好過佢地反而無

作者: nsno 時間: 2018-9-24 14:49

愛華戰士發表於 2018-9-24 10:30
有D 時候，一個決定可以改變球賽。點解人地d 前鋒咁值錢？
拿卡錫迪無錯係錯失左幾個機會，但一個機會把握 ...

佢叫鴨仔因為嗰陣我地話佢係朗奴高文私家鴨

場場都要出佢，死都要出，唔啱位都出，最記得有場出佢打右翼衛

之後嗰幾個領隊都鍾意用佢，所以繼續叫鴨鴨

作者: nsno 時間: 2018-9-24 14:51

witzz 發表於 2018-9-24 14:38
Dowell真係慘，DCL同TD都有得踢，佢能力好過佢地反而無

有能力
但可能打中場逼搶差啲、打翼又冇速度，所以一直冇人肯俾幾會

作者: leonkit 時間: 2018-9-24 15:23
尋日隊長我覺得踢得幾好
後生仔係比較難捉摸

作者: Fuko~ 時間: 2018-9-24 21:35

nsno 發表於 2018-9-24 14:49
佢叫鴨仔因為嗰陣我地話佢係朗奴高文私家鴨
場場都要出佢，死都要出，唔啱位都出，最記得有場出佢打右 ...

睇左佢禁多場波，如果佢作為英人真係有料，應該入左唔少波。
望下史達寧同卡尼呢D就知佢根本未到個個LEVEL...
真係求其賣佢走，出面都執到個差不多。

作者: aeroplane602 時間: 2018-9-24 21:38
TD 技術始終粗底立心做防中比較好

作者: ngkk821 時間: 2018-9-25 13:05
我反而覺得基爺做防中，好似第一季來愛華頓，好sharp。TD反而打box to box，佢間中有長傳直線，好過基爺。

作者: 愛華戰士 時間: 2018-9-26 11:55

nsno 發表於 2018-9-24 14:49
佢叫鴨仔因為嗰陣我地話佢係朗奴高文私家鴨
場場都要出佢，死都要出，唔啱位都出，最記得有場出佢打右 ...

對呢個DCL......其實最簡單評價係.....佢根本無強項。

可能D 領隊覺得佢又可以打下中鋒...又可以打下左右前鋒......所以場場都諗住用佢黎百搭...之但係最能解釋O既係佢無論踢邊個進攻位置....都踢唔到一個亮麗表現出黎。簡單D 講....雞肋

佢唔似占士米拿果D .......大佬人地真係踢閘又守得....踢翼又助攻得......打防中又HOLD 到節奏....甚至踢中堅都係咁爛打。......你可以話占士米拿攻守都唔係最頂級....但全部都係ABOVE AVERAGE.....相反呢隻鴨......同樣係無一範頂級.....但問題係所有技術都係BELOW AVERAGE！

歡迎光臨香港愛華頓迷討論區 (http://hkeverton.com/forumnew/)