歐洲球迷會盃2017
今次秋季嘅盃賽有七個歐洲球迷會進行單循環嘅比賽。愛華頓新特蘭熱刺紐卡素利物浦多蒙特羅馬
比賽時間為平日晚上如有興趣歡迎各位到場為我地打氣 本帖最後由 James_Beatkit 於 2017-11-1 14:29 編輯
第一場賽事於十月中對多蒙特
賽事總結如下:
多蒙特憑住下半場嘅3個入球，以4比2擊敗愛華頓，順利全取3分。雖然賽前從未交手，但雙方並未有趨向保守，反而大打開放足球。
拖肥喺開賽僅6分鐘便已取得領先嘅優勢。Saiho Tong 接應 Ricky Delaney 嘅直線沿右路快放，佢嘅傳中球由伏兵門前嘅 Kenneth Law 輕鬆射入，拖肥領先一球。
多蒙特喺臨完上半場前扳平。蜜蜂兵團嘅球員喺禁區外被侵犯，何偉軒精準嘅罰球射破拖肥門將嘅十指關。雙方半場握手言和。
多蒙特乘著半場追平嘅氣勢，喺下半場再入三球。李文華喺48分鐘禁區內快射破網協助多蒙特反超前; 杜栢寧喺54分鐘禁區外球不著地嘅施射將比數拉開; 陳家威臨完場前嘅罰球入波更為球隊錦上添花。
縱使 Kenneth Law 喺補時階段追返一球，但拖肥已經係返魂乏術，最終愛華頓只能以2比4見負。 https://i.imgur.com/eYS8cwE.jpg
https://i.imgur.com/OJEnJ0S.jpg
https://i.imgur.com/XRWAxcS.jpg 第二場賽事亦已在上周四於跑馬地球場上演.
香港愛華頓球迷會足球隊球員因官方於周一公布朗奴高文被少後士氣大增
成功反勝對手取得首勝.
賽事總結如下:
賽事早段嘅入球未能為黑貓帶來一場勝仗，站穩陣腳後嘅愛華頓連入三球反勝。
雙方喺偉樂街曾經進行友賽，實力不相伯仲，今場兩隊仍然係勢均力敵。然而，新特蘭係較早入局嘅一隊，攻勢亦較有威脅。比賽去到13分鐘，黑貓嘅 Tom Boast 接應左路嘅傳中，將球控定之後快腳掃入，黑貓取得領先。
呢球失波對拖肥糖黎講猶如當頭棒喝，亦令佢地能夠重整旗鼓，表現亦漸入佳境，直到完半場前7分鐘，佢地嘅努力捽之都得到回報。乘著黑貓右邊後防有漏洞，Ricky Delaney 喺禁區外大刀一揮，皮球直飛龍門左路上角，守門員束手就擒。拖肥成功喺半場前扳平。
下半場開賽拖肥糖氣勢如虹，多次施襲，縱使黑貓守衛前仆後繼，但仍告失守。Ricky Delaney 喺禁區外接應界外球，一挑、一剔、一射，成功射破黑貓門將嘅十指關，拖肥成功反超前。
落後一球嘅黑貓未有放棄，立即揮軍直上，力求追平，當中更有多次頗具威脅嘅埋門。可惜嘅係，佢地不單止未能夠扳平比數，更喺臨完場前因為對方一個反擊再失一球。留意返，拖肥第三球嘅入球者 Alan 僅得16歲，係賽事目前為止最年輕嘅入球球員。最後拖肥亦以3比1贏出，成功打開勝利之門。 https://i.imgur.com/F7R5Wl3.jpg
https://i.imgur.com/Jo5siAk.jpg
https://i.imgur.com/CvdAQ47.jpg 第3場賽事假於本周四跑馬地球場#1上演
開賽時間為晚上8點.
希望香港愛華頓球迷會足球部可以爭取勝仗
為官方愛隊稍後近戰里昂前壯聲勢.
COYB 愛華頓於上周四1-1同熱刺打成平手,各得1分.
Savio 射入代表熱刺的第一球，令拖肥糖未能取得二連勝。雙方均以體力化見稱，因此呢場對賽不乏埋身肉搏。上半場熱刺較為主動，當中以 Edwin Cremers 的中楣罰球較具威脅，拖肥球員亦成功護空門而力保不失。上半場雙方互無記錄。
下半場熱刺加強攻力，雖然拖肥的守衛及門將疲於奔命，但仍能將攻勢一一瓦解。及後拖肥更藉一個反擊獲球證判得十二碼，Kit Wong 一射中鵠，愛華頓領先一比零。
被罰十二碼嘅熱刺隊長 Savio 以入球為球隊作出補償;左路角球開出，熱刺前鋒 Chasten 迎頂，形成拖肥門前混戰，最後 Savio 執漏射入。最後雙方只能握手言和，各得一分。 https://i.imgur.com/dROh6Cl.jpg 第4場迎戰喜鵲賽事已於上周四舉行
上半場紐卡素較快入局,初段更憑禁區外一個靚罰球直接射入領先半場
下半場愛華頓轉陣打433積極反撲,若非對面龍門有如迪基亞般神勇演出連番救出4-5球必入球,拖肥理應追和甚至反勝.
最後雙方再冇增添紀錄,愛華頓1球見負. https://i.imgur.com/WIDRfAR.jpg
https://i.imgur.com/QymIvxh.jpg
https://i.imgur.com/C5vammN.jpg
https://i.imgur.com/ZUZpqd8.jpg
https://i.imgur.com/O1V4gRP.jpg
https://i.imgur.com/KVqiKUt.jpg
頁:
[1]
2