Fuko~ 發表於 2017-9-26 21:07:23

反朗奴高文集中區

大家都反左成個幾兩個月,不如係呢度集中發洩下大家的不滿。始終唔同球迷有唔同諗法,有人認為隊波唔理邊個教,最緊要係球隊嬴波。
禁所以就唔多鍾意大家日日都反領隊,睇場波都禁多負能量。希望大家係度發洩完同理性討論完,唔駛禁勞氣。
我都算係比較早D就認為朗奴高文唔掂的球迷,都歸納左幾點佢唔掂的原因:

1. 戰術唔明確,五時花六時變。
呢點係我認為佢目前為止最失敗的地方。球員都係人,佢地踢左十幾廿年,有D仲踢左成30年,佢地對自己的踢法同位置感已經有慣性。
你叫佢地場場都踢唔同位置,場場的工作都唔一樣,美斯去踢都唔會踢得好啦? 更何況我地隊波禁樣俾你大換血,球員之間冇密契去互補之下,呢個缺點就更加明顯。
站係WALSH買賣球員角度睇,你要一個球員識得踢哂禁多個位又要做唔同工作,其實好局限佢買一個球員。
我接受同歡迎你PLAN A、B、C,頂盡去到D。但你睇番RK的排陣係可以去到K...甚至Z。隊波睇落去就會完全冇風格可言。
若果RK以為自己係戰術大師,當正自己打緊機,場場都唔同都冇問題。我會覺得呢種諗法實在太冇人情味...球員唔係AI更加唔係機器。

2. 過於被動的打法
雖然佢戰術唔多明確,班球員亦都鳩下鳩下,但有樣野都唔難睇得出就係佢將防線SET得太後。
若果將以往我地的領隊打法分屬性,馬天尼斯會係主動進攻,莫耶斯係主動防守,而RK就係被動防守。
呢種被動防守,就係想將隊波D人塞係中間,減少空位俾對方起腳,從而令隊波失少D波。
隊波本身班底就唔多夠快,長傳又唔係特別準過人,更何況大家都未夾慣,俾你禁樣守得著,去打反擊,前面根本冇人拎到你個波。
更何況你買番黎D人一D都唔快...都有GE,保拿斯同高文LO,但呢兩個本身就已經長傷,而且好可能上唔番高峰,俾左成個夏天你都好諗下點搞啦。
如果你認為隊波唔需要打快的話,我可以講呢個諗法真係夠你降班。英超最大特色就係體力同快,你夠膽係呢個環境打慢,呢個想法相當之愚昧。
大家都係守ga la。點解老莫仲好睇過你,係因為人地係由中場已經迫搶俾左右,去斬入禁區頂。
而RK係搶到波就搵唔到人傳,傳多兩下等隊友上前,對手已經回好防。
點解上季冇呢個問題? 因為巴克利同埋盧卡古都唔多鍾意回防,加埋呢兩條友單對單同護球能力強咪冇事LO。

3. 率直的行事
呢個唔係完全踩低佢。有D時候呢種處事作風會對某D1516的球員有作用。之但係你作為領隊有D野根本唔應該禁正面去公開回應。
好似之前買施古臣同埋買前鋒,你搞到全世界都知你買人。你叫WALSH佢地點壓價呢??
又好似巴克利同尼亞斯,你公開講唔續約唔用,你點知巴克利唔會回心轉意又點知尼亞斯唔會進步呢?
搞到尼亞斯件事禁尷尬,完全係因為你唔識得凡事留一線,日後好相處。
世事難料,他日你轉去第二間球會,遇到昨日你唔認同的球員做左主力,唔通你又要賣左佢?
做領隊做到佢禁,條路一定唔會好行,球圈其實唔多大GA咋。

PS: 轉會操作問題唔多講,口都臭啦。

去到尾,我想講清楚,幾反RK都好,佢都唔會下場就俾人炒。之但係,佢都唔會教得長,你睇到BILL叔叔上幾場睇波個樣都知咩事。
為防佢最後一年玩野,正常球會都會同最後一年約的領隊解約。事關佢好可能冇第三年...因為佢根本帶唔到我地上更高層次。
呢種被動防守唔單止唔好睇,對著強隊幾乎可以話係必輸完敗...更何況你搞到隊波形象禁差又冇哂HEART。
錢用完又買埋哂同一位置...俾你教埋季尾算俾面你,而且RK衰極都唔會降班,又可以俾我地有更多時間搵下任。

Fuko~ 發表於 2017-10-17 13:38:03

Btw, 雖然barker兄立場搖擺,之但係佢比以前進步左。最初黎個陣,咩轉會傳聞都信,又唔出source。俾人屌得多都識進步,呢點起碼都好過RK。

wahton 發表於 2017-9-27 17:47:22

佢D衰野講到口臭, 長話短說:

成隊波冇隊型, 攻唔得守又唔得, 都唔知佢打咩戰術

管理球隊過於鐵腕, 淨係顧住大換血肅清前朝球員, 對球員冇基本尊重, 你交到成績都由自可, 交唔到仲有邊個球員撐你

買賣球員冇眼光, 倒錢落海, 威廉士, 舒尼達連同保拿斯呢D咁既貨色, 加埋超過50M, 除左痴鳩線我搵唔到第二個形容詞

佢之前評價盧卡古呢句"His potential is greater and higher than Everton as a final destination.", 完全不放自己隊波在眼內, 令人非常反感

barker 發表於 2017-9-27 17:58:42

wahton 發表於 2017-9-27 17:47
佢D衰野講到口臭, 長話短說:

成隊波冇隊型, 攻唔得守又唔得, 都唔知佢打咩戰術


Gueye 係朗奴高文簽番嚟

edwint 發表於 2017-9-27 21:06:24

barker 發表於 2017-9-27 17:58
Gueye 係朗奴高文簽番嚟

BARKER兄你入錯區喎

edwint 發表於 2017-9-27 21:09:27

用甘多錢汁隊中下游球隊番黎,小第我真係五體投地~佩服佩服, 我可以話佢係歷界最差既領隊, 完

evertonfan1986 發表於 2017-9-27 22:38:43

barker 發表於 2017-9-27 17:58
Gueye 係朗奴高文簽番嚟

Gueye 係 Walsh 簽番來, 唔係高文
LOOKMAN 都係

Forever_Fan 發表於 2017-9-27 23:05:38

本帖最後由 Forever_Fan 於 2017-9-27 23:06 編輯

我一直都反朗奴高文架啦,反高文的原因基本上大家都講得7788。

我覺得一間球會對球員要尊重,這是我喜歡愛華頓的原因之一,朗奴高文係反傳統,對球員毫無一份應有的尊重,令我非常反感。

我覺得佢駛錢太多,最慘係買埋d水水地的球員,我地球會唔係乜野有錢球會,就算新班主係英超各個班主來講亦未算頂級富豪,班主也只是免息借錢比球會還債,無話過唔使還架,RK 絕對係洗腳唔抹腳的領隊。

排陣大家都講到口臭,我都唔知佢點做領隊,好多問題個個資深球迷都睇得出,但RK 係唔會理,我唔認為佢心目中個陣適合我地。而且用人唯親,用人唔係睇表現狀態,這只會造成球員的反感。

最後,我心目中理想的領隊要肯用青訓球員,而唔係將所有青訓借走就算。

我同意朗奴高文係近10年愛隊最差的領隊。

Arteta 發表於 2017-9-27 23:26:20

水魚都算,最失敗是踼了十場,明知係水貨仲要派上場,反而更有實力的青訓球員又唔俾機會

nsno 發表於 2017-9-28 00:10:35

師兄講晒小弟想講嘅嘢
我嚟呢道係諗住睇Barker兄的;P

evertonian95 發表於 2017-9-28 10:10:25

Forever_Fan 發表於 2017-9-27 23:05
我一直都反朗奴高文架啦,反高文的原因基本上大家都講得7788。

我覺得一間球會對球員要尊重,這是我喜歡愛 ...

"近10年愛隊最差的領隊"
莫師都教咗十年啦
我心中只有莫師
頁: [1] 2 3 4 5 6 7 8 9 10
查看完整版本: 反朗奴高文集中區