Fuko~ 發表於 2017-9-6 20:24:19

返左3日工,有D想轉工甚至轉行

本帖最後由 Fuko~ 於 2017-9-6 20:27 編輯

冇咩地方可以發洩俾意見...想搵個地方呻下聽下意見禁。畢竟呢度都好似多D上左年紀的人...
上份工係細公司做左3年,由低職位做番上接近管理層。跟著用左一年時間搵左份而家呢份半公營的公司。
一黎自己可能太耐冇番工,二黎私營機構轉公營,好多野都好唔同。同一份文件申請表,以前做完做錯都唔駛又簽多幾次,而且又多規距要跟。
我份人又唔係d心思細密的人,一聽到做一份文件都要顧三顧四,真係頭都大埋。簡單黎講就係份新工同自己性格同習慣好唔夾。
不過禁,新工勝左5天工作,又唔需要話驚好多OT。
轉呢份新工之前一直都有諗過不如索性轉行,反正教育行政講到尾都未必有好的發展。
之但係又冇咩特殊技能係身,要重新讀過又唔知點入手...
雖然想邊做邊再搵份新工,但好似早D斬纜,人地唔駛禁辛苦好D...

為左呢份工,已經幾晚都係訓得4個鐘,放工返到屋企勁眼訓...但到夠鐘訓又太多野諗,又訓唔到。
如果大家有D咩個人相似經驗,不妨分享下。

拖肥糖 發表於 2017-9-7 22:21:50

既然你唔適應,又講到咁,走!

wahton 發表於 2017-9-8 17:00:44

我覺得你冇做野一段時間, 仲要返一份同自己性格唔夾既工作

起初一定唔慣

但你只返左幾日工, 不妨俾多少少時間自己適應

例如SET個限期俾自己

如果限期內仍然適應唔到, 證明份工真係唔岩自己

到時再諗辭職都唔遲

Fuko~ 發表於 2017-9-10 22:17:58

拖肥糖 發表於 2017-9-7 22:21
既然你唔適應,又講到咁,走!

始終都冇錢係身...就算辛苦極都要做多兩做先走。

Fuko~ 發表於 2017-9-10 22:19:42

wahton 發表於 2017-9-8 17:00
我覺得你冇做野一段時間, 仲要返一份同自己性格唔夾既工作

起初一定唔慣


我死期會定係一個月,呢個月都仲可以隨時唔做就走,過左呢個月就唔得。
其實家下都有睇定有冇第二D公司岩做。我都明白唔應該禁易放棄話唔做,同埋最好都係邊做邊搵。

James_Beatkit 發表於 2017-9-11 10:44:08

Fuko~ 發表於 2017-9-10 22:19
我死期會定係一個月,呢個月都仲可以隨時唔做就走,過左呢個月就唔得。
其實家下都有睇定有冇第二D公司岩 ...

冇錯
邊做邊搵好事
但又唔好真係為左轉工諗住求其搵份做住先
加油

Forever_Fan 發表於 2017-9-11 14:53:11

本帖最後由 Forever_Fan 於 2017-9-11 14:57 編輯

Fuko~ 發表於 2017-9-10 22:19
我死期會定係一個月,呢個月都仲可以隨時唔做就走,過左呢個月就唔得。
其實家下都有睇定有冇第二D公司岩 ...
邊做邊搵啦,我都做得唔開心,依家都係邊做邊搵工。

公司栽員或執笠又唔同,你自己裸辭呢家野幾蝕底,尤其年紀大d的僱員,寫你做咁短時間的工落cv 度就梗係唔會啦,寫左你比乜解釋?唔慣或太忙實比 hr 話你抗壓力低,又話忙就要走咁點敢請你。好,就算唔寫你做呢份短期的工係cv 費事煩,下份工的hr 都實chur 住個空檔來問,點解走丫,點解唔搵到工先走丫,又係一大輪老作解釋,hr 信唔信都要兩睇。同埋一份工你比幾日去適應又真係短d,你咪邊搵邊做當係適應,我覺得一份新工好多時都要2-3個月去適應。

轉行就睇下你年紀,30歲前都可以,又或者你家境好賺錢買花戴的都無問題,轉行好多時要由低做起,人工就梗係低啦,隨時重要同 fresh grad 爭位置,太遲轉行會好蝕底,我有個朋友大學畢業後轉左3次行,然後到40歲同我呻人工低,咁肯定架啦,每次轉工都要由低做起,人工會高過同期的同學真係有少少難度,隨非係專業資格的行業。

wahton 發表於 2017-10-27 23:05:15

樓主而家情況 如何?

Fuko~ 發表於 2017-10-28 18:31:14

wahton 發表於 2017-10-27 23:05
樓主而家情況 如何?

因為個中心張租約去到出年7月左右,又其他同事都算好人。
加上又冇咩錢係身,唯有邊做邊等,睇下可唔可以轉去一個近少少的地方。
對我黎講,工作上D野都仲可以一笑置之...最難頂係班車成日唔準時到。

Forever_Fan 發表於 2017-10-28 20:00:34

Fuko~ 發表於 2017-10-28 18:31
因為個中心張租約去到出年7月左右,又其他同事都算好人。
加上又冇咩錢係身,唯有邊做邊等,睇下可唔可以 ...

師兄已經好過我了,我公司裁員.......
頁: [1] 2
查看完整版本: 返左3日工,有D想轉工甚至轉行