星期日迎戰西咸
休息一星期, 今周開波!誓要打開勝利之門。 終於開齋 球隊上下一心終於拎到第一場勝仗。但其實入完一球就死守，真係好咩?
自己主場又對手唔係真係禁強? 翼鋒位其實仲需要多一個...唔怪得轉會窗臨尾仲想買。中鋒位真係好睇隻鴨出返黎打成點。
俾多半季佢，唔掂就唔好理佢下半季踢成點都唔好諗住再靠佢。 終於等到呢場贏波！ Fuko~ 發表於 2022-9-18 23:26
球隊上下一心終於拎到第一場勝仗。但其實入完一球就死守，真係好咩?
自己主場又對手唔係真係禁強? ...
同意其實係入左波之後反而進攻上踢得相對無咁放（或更加唔識得點去攻），不過換個角度睇班球員壓力都好大，今次主場以逸待勞對住牌面上陣容比我地強嘅韋斯咸，一方面真係等呢場勝仗等左好耐；另一方面既然可以領先，究竟應該繼續壓上攻多球定鐵心打防守，臨場球員都要取捨 Fuko~ 發表於 2022-9-18 23:32
翼鋒位其實仲需要多一個...唔怪得轉會窗臨尾仲想買。中鋒位真係好睇隻鴨出返黎打成點。
俾多半季佢，唔掂就 ...
格雷好搏命，亦好多機會用波，不過有時真係略嫌比波個尺寸同時機真係差啲啲，佢hold 波係較具把握，不過又係嫌上腳太長時間。哥頓今場好靜，基本上比唔到任何威脅，甚至乎佢今場究竟打咩位我都唔太睇得到。麥尼爾都係近期水準，或者講考慮到如果係夾慕比，佢最拿手嘅應該挨邊傳中未必最有效，反而可能佢夾卡法路雲會啱夾啲。等埋唐辛復出，照計輪住踢佢地4個都叫夠用嘅 柏達臣今場進攻上有幾下比波都有啲拖泥帶水，尾段夾硬後面帶上去有幾下都幾危險，因為一失後邊就有空位。當係係好搏命好勤力，防守上雖然唔可以話滴水不漏，不過都收貨；米高倫哥略嫌都係推上去用波唔夠果段，閘位上得去啲比波真係要決斷啲。 安拿拿初段打得麻麻，中後段就好返啲；基耶應該係打6號防中位，負責串連中後場，第一層抄截同現身猜波。佢今場打後好搶眼。伊禾比再一次令我刮目相看，中場中呢個控搶傳角色竟然真係打得咁好。呢三位中場只要再夾多幾場一定會更有火花。反而graner 同杜古希，如何適當輪配會係今季我地可以達到咩高度嘅關鍵。阿倫同湯戴，有限度輪換仍然有價值嘅仲