唔想用一場波去做太多判斷，畢竟我地上屆個開局都好正。不過今場有幾個細節位可以睇得到野。1）堅尼同賀基治都真係唔穩陣。2）高文無錯仲有貨交，但尾段比真離譜爆到腳軟跌低，替補人選一定要入一個。3）李7 絕對係同杜古希今場的MOM，今屆絕對唔可以無左李7。4）卡法路雲基本上未入波前無表現。5）唐辛今場我會比佢合格但唔到球迷期望嘅水平；反而格雷我會比高分啲。5）阿倫其實做左唔少dirty work, 雖然唔可以話sharp, 不過作用唔細。6）肥賓要讚，場邊比指示清晰，三個換人時間我覺得都合理。唐辛無乜貨就收起；領先要打防就換入米拿；到臨完要花時間就比李7光榮換走。8）綜合去睇返今場波，上半場雖然係失左球膠波，但其實上半場其實打落唔算太差，到下半場就明顯睇到進攻上球員用個波嘅耐性同心思都比往年有進步。左右出波落點好左，同球員個現身猜波，攻轉守個追人補位都好左。呢樣係我個人睇得最樂見嘅地方。
睇怕占士,Gomes , Kean , Delph 都被準備賣走
ngkk821 發表於 2021-8-15 00:23
Kenny都可以頂下。唔怪得賓帥想買Napoli個中堅，真係好有問題，中堅自爆嘅問題一日唔解決，一日唔使爭歐 ...
真心講Kenny 唔係英超水平。有啲野大家真係要認清。好似gordon 後備入黎推果下，一推就比人閘左，但李7今日推個波用個波係明顯係可以過至推。呢啲就係技術水平嘅分別。年青有潛質唔代表一定上到一個高水平。kenny上屆已睇到斬個波過唔到25碼，咁嘅水平真係唔值得出場。
ngkk821 發表於 2021-8-15 00:23
Kenny都可以頂下。唔怪得賓帥想買Napoli個中堅，真係好有問題，中堅自爆嘅問題一日唔解決，一日唔使爭歐 ...
其實愛華師兄已經講左我想講的，kenny質素有限，之前還可以說年輕有空間進步，現時已經唔可以話好年輕，再無突破性的進步，其實可以賣出去了，佢未達到英超水平
又咁講 TD都未賣 Kenny可以keep下 況且佢肯坐後備
題外話，今日睇埋諾域治個Max Aaron 同紐卡素個辛麥斯文，前者如果要30m 我覺得唔太值得，雖然話後生，不過今日睇佢個攻守水平都唔算好高；辛麥斯文頭先對韋斯咸無錯係有個人突破能力，速度都快，不過踢法好個人，鐘意自己爆，60m , 太貴
barker 發表於 2021-8-15 00:29
睇怕占士,Gomes , Kean , Delph 都被準備賣走
占士其實如果每場落大約60分鐘.....會有佢一席位O既.....就算佢周薪如傳聞O既20萬鎊....咁佢免簽返黎....2年人工都係2080萬鎊.....以一個世界級球星黎講.....呢筆錢又唔好覺得使得好冤枉，反而如何使用佢係值得深思。
堅恩呢個就直頭係恃寵生嬌....未走得就刪走晒D 球會相完全係不尊重球會，擺到明係話比球會知你唔放我走我就同你HEA 踢.....但宜家PSG 根本唔會要佢.....睇佢最多只能去國米.......呢件毒瘤....我諗大家都唔好期望收得好多錢返黎....求其40-50m 搵到買家都好了。
高美斯同德夫人工太高始終.....前者只有平均兩字，留黎真係無乜作用；後者就傷患纏身.....不過德夫如果純做個防中....只負責塞位....其實都仲可以做下allan 替補....。
暫時我睇基巴文踢法係一個能守兼攻o既中場中黎.....宜家肥賓開到聲要杜古希開前d 去攻門........今場睇其實有d 成效。我睇肥賓對中場要求都幾清晰....一係你就做個防務.....一係你就要開到上去入波....唔會係模模糊糊。
阿倫, 德夫, 我相信今屆會主責做防務同連系中後場
杜古希, 基巴文, 湯戴, .....會傾向放向前進攻
愛華戰士 發表於 2021-8-16 11:30
占士其實如果每場落大約60分鐘.....會有佢一席位O既.....就算佢周薪如傳聞O既20萬鎊....咁佢免簽返黎.... ...
大家唔好忘記九月頭至中李察利臣要返國家隊報到打世界盃外圍賽, 到時誰代替佢 ？
到時英超都會暫停