官宣了
紐奴帶查奥爾, 占美尼斯過嚟 ？
官宣了，安帥離隊，應該回皇馬執教
又嬲又無奈，雖一好處係時間尚早。估唔到第一個要搵嘅唔係球員而係領隊，人選唔建議搵前愛華頓領隊，唔想再返回頭路。
正賤人！感到被出賣及背叛。 真係諗唔到仲有邊個可以接收
其實仲有好多好領隊，好似阿特蘭大嗰個，不過管理層眼光好窄，黎黎去去都係嗰班人
呢單野真係有點無奈.....唔明點解我地D 領隊咁多人吼.....仲要好多都走後越吃香
莫耶斯當年係教得穩定....跳槽曼聯我明；...之後馬天尼斯......普普通通又可以教比利時國家隊......到冚家富朗奴高文明明係一個大賊...頂你個肺又會有得教巴塞....;P 當然巴塞最終自食惡果！我對於安76 要走我能夠理解....有世界其中一家最富貴球會聘請....財雄勢大....要走好合理。只係我地作為球迷，對佢早輪仲話要比時間佢重建隊波....一個屈尾十就走人O既舉動真係有D 失望.....再諗一層....鬼叫隊波自已唔生性....一個歐霸資格都拎唔到....憑咩留人？
事已發生，再講多都無乜用....至少安帥唔係拖到臨開季至走人....亦無一下子喪買幾條友返黎至劈炮。呢點至少有良心。
綜合黎講....安察洛提過去一季至少比管理層同球迷認清一點係愛華頓隊波部份正選唔夠水平(特別係中場組織力同入球力不足).....後備深度亦唔夠。呢兩個根本問題如果唔對症下藥.....球會再搵咩世界級教練返黎都係徒勞無功。
至於搵邊個代替....我會傾向真係有贏過重要錦標O既領隊，次選先係踢到漂亮足球.....千祈唔好搵果D 空有名氣但無經驗O既所謂名宿
前者如︰干地，賓尼迪斯, - 不過佢地未必會吼我地
紐奴暫時傳得幾行.....佢教狼隊首季無錯係幾好睇.....不過今季明顯跌....無左拉美利斯O係前....成個進攻體系都唔突出...黎到究竟踢唔踢得到漂亮足球真係難講
再傳什麼賀維....唔好啦掛....般尼矛夫都教唔惦.....；再什麼艾拿戴斯更加唔該唔好再掂....呢條友除左去D 護級隊呃半季食之外乜都唔得。
最怕林伯特, 派路呢D 空有名氣但無實質績效O既.....林伯特比車仔摑面已証明完全無料，派路教到祖記可以9連霸變做阿4
至於係咪考慮升鄧肯費格遜.....講真......BIG DUN 一定熱血....有激情....球迷會開心.....至但係空憑熱血究竟可以帶到隊波幾長時間....我就有保留。
首要任務要盡快搵個替代人，之後就立即要決定占士洛迪古斯O既定位問題。
究竟係順水推舟送返占士比皇馬？....定繼續留用.....大膽搏一鋪用佢黎重建？
我傾向係.....送返佢比安帥....如終佢至有使用說明書.....留比下一手....如果唔重用佢....留佢後備對大家都無好處.....用佢....就要犠牲部份 整體防守戰術....未必係好事。....如果要重新搵個PLAY MAKER.....真係轉搏古天奴可能仲好。:dizzy: 總之....今個抖暑球隊有排忙。
愛華戰士 發表於 2021-6-2 10:24
呢單野真係有點無奈.....唔明點解我地D 領隊咁多人吼.....仲要好多都走後越吃香
莫耶斯當年係教得穩定.... ...
安察咁做係咪背叛所有愛隊球迷 ？
barker 發表於 2021-6-2 11:13
安察咁做係咪背叛所有愛隊球迷 ？
一定係
好耐冇上黎
因為今季睇少左好多波
係防守好左D
但76 D波悶到PK
今次咁樣走
比住係第2個冇咩大名個個吊到飛起啦
踏實少少
搵個中型班領隊再比多少少時間佢就算啦
下下一下子覺得洗左錢就包生仔打歐洲賽
搵乜人都冇用
同埋傳緊既肥賓同蕉皮4
後者得啖笑
前者就不了啦
唔明點解會肯接受有狗除又話我地係細會既人做領隊
CLS