愛華頓主場對熱刺
愛華頓主場對熱刺有點傷感,從來比賽沒有人發帖,這是第一次,我亦希望是最後一次! 作為一個老球迷, 經歷過榮光的年代,亦感受過黑暗的時代,從來抱着不離不棄的態度
但現在這一刻,感覺完全被世界所遺棄,為何這樣希望球會董事局可以聽到我們球迷的心聲! 2-2 算係咁, 睇下完季排第七有無下季歐洲賽資格, 始终我地仲有一場作客阿士東維拉的補賽未打, 我地只少 spurs 一分 彈地 發表於 2021-4-17 05:02
有點傷感,從來比賽沒有人發帖,這是第一次,我亦希望是最後一次!
之前分數上大把優勢响手……搞到依家咁完全係自己攞嚟。我支持拖肥超過三十年,我唔懷疑安帥嘅能力,不過班友似乎配合唔到佢,唔通班友唔夠班比安帥教!? 噚晚占士同施格臣兩個打得好生,估唔到無了卡雲仔,呢兩名球員走動勤力咗,尤其係禁區邊製造了不少機會。第二球真係好典型的冰島臣式入球…
李察真係好似仲未搵返射門鞋,占士個球俾到佢咁任佢射,都射到軟弱無力;然後京治射波被守門員擋出,個波彈落佢到基本等同空門,佢都可以炒飛機…
但噚晚點衰都衰唔過堅尼同賀基治,一個低級錯誤都死…仲要係接二連三,第一球我睇極都睇唔明賀基治搞咩…SIN腳起返身,又跌?
第二球,堅尼佢咪發了瘟?
就咁無咗兩分… 中堅犯錯失2 分 , 賀基治用波好但高波唔好, 堅尼又會失兩球高波。 4個中堅各有優缺點失太多波, 下季又要揾多個全能型,應該都係賣mina 或holgate 多。難得中場4 個今日 攻防都做到嘢。 richy 今季起碼射失10個open chance. 伊禾比唔用得了, 俾足機會連d 簡單推進都做唔到。整體上呢場應該係主場同下半季最好, 希望追到第7 其實昨晚係踢得唔錯,可惜後面派膠,兩個中堅果兩球真係笑死人,真係唔好再諗踢咩歐洲賽啦 隊波真係未夠深度,打歐洲賽隨時護級。之前果幾位買太多太多超低性價比嘅球員了。 彈地 發表於 2021-4-17 05:10
作為一個老球迷, 經歷過榮光的年代,亦感受過黑暗的時代,從來抱着不離不棄的態度
但現在這一刻,感覺完全被 ...
彈地兄言重喇, 可能呢場波半夜3點先開波, 冇咩球迷睇亦係正常
其實O個時我都未訓, 不過都冇睇, 因為上場波對球隊太失望, 寧願打機算 ;P