今場無論喺迫搶同猜傳上都完敗
上對利記已見中場出現問題了…
艾倫最後十分鐘，你見佢好似放棄比賽咁…唔郁。
我最後十分鐘都無睇了
第一場波已經睇到冇咗你利察列臣的重要性！伊禾比完全唔夠班！
下下半場換入Gordon賓拿特, Gordon都有帶波, 有攔截 ,有行人, 相反賓拿特好似唔係好見人
馬後炮咁講，呢場最大責任係安76...上場右路冇左高文之後，右路放題已經係一次大警號。
結果比安76佢諗GE更加嚴重...佢對球員GE了解應該比我地更加深...IWOBI同埋GODFREY一睇就知唔可能代替到正選個兩個...所以左邊換施古臣加多攻力我又明白。
禁右邊又有冇適當提杜古希幫幫GODFREY呢?
面對冇左李察利臣呢個入球進攻點，隊波更加唔識攻，加埋今日好多個表現都唔對辦，最正常已經係KEANE...完敗黎形容一D都唔過份。
好又好在11月又有一次國際賽期，好多球員都話11月底可以返黎踢。眼前只係得呢兩場波要捱過...
就當呢場波係交學費，下場真係唔可以再用番JAMES打右翼呢套...打番442，防反迫搶捱過呢兩場仲實際。
本帖最後由 reedlo16 於 2020-10-26 00:16 編輯
442、2個前鋒都要搵人…占士打前鋒浪費左策劃的強項，但又真係諗唔到鴨仔以外，第二個合適做前鋒的人選。或者打4411也可…施格臣打返佢最善長個後上支援攻中位。
我賽前建議打4231，就係知中場唔夠人搶，希望人多搭夠。
下場波，左右閘都應唔同人，左閘究道安帥會俾新仔出，定出德夫呢？真係估唔到佢。右閘，仲照用葛菲便死梗，希望莊祖堅尼出得切，唔得的話, 我情願用戴維斯。打三中堅，米拿同堅尼都唔慣，仲易出事。
呢兩場波艾倫跌WALT好嚴重，要多一個人支援佢，故我仍傾向打二防中，德夫拍佢。
下場若安帥仍堅持出伊禾比…咁我真係唯有相信有啲嘢我地呢啲凡人係睇唔到睇唔透了。
reedlo16 發表於 2020-10-26 00:15
442、2個前鋒都要搵人…占士打前鋒浪費左策劃的強項，但又真係諗唔到鴨仔以外，第二個合適做前鋒的人選。或 ...
打4411都得，收返JAMES入中間做自由人，家下手頭上我地中場防守比邊路好，比人攻中間好過左右放題式斬中...
如果仲偏執一定要用原有戰術打黎緊兩場，我敢講有一分都好彩。
以事論事，李察同高文係左右進攻嘅突破點，今場一下子無晒本來已經唔易踢，加上今場對邊真係針好fit, 波到人到令我地成隊波根本無辦法組織到攻勢，再無埋甸尼更加無眼睇。堅事實係占士唔係神，佢無錯係有創造力，但一定要隊友圍繞住佢去攻，咁弱點就係體能相對英超衝撞速度黎講踢得辛苦啲，回防對佢黎講係難嘅。唔想將輸波責任入晒新仔，明明中堅你要人踢閘，唔係話變就變得，以佢出腳同企位同拎波果下猶豫，我諗都係擺返佢入中間啦。阿倫係跌左watt, 心態上落後時更無火。杜古希照計如果唔係有傷，我認為中場做個塞位未必要換走。伊禾比大家安心可以放棄；另賓納特後備入黎除左果下禁區扣完比隊友外，其餘時間啲比波決定都麻麻地，呢個可以解釋點解佢真係只可以做副選。
用4321, 安76 成名陣式， 施格臣打返史雲斯個入涉輔鋒位，james防守黑洞， 收返入中間較好，三防中有5個可用問題不大， 安帥高估了伊禾比同godfred 能力。 無李察，只有施格臣叫做有d 機會入到禁區射波，一係就用u23 個simms.