24cheung 發表於 2020-9-24 08:56
碧福特又犯低级錯誤
第一球都幾肉酸下...第二球雖則防守球員都有責任，但頂到咁都撲唔番出嚟又係肉酸。
左閘nkounkou真係好正D傳中
睇左精華
失果兩球真係差.....其實呢2場聯賽我每次見後防回返波比碧福特時....佢D 處理都好多時都比唔到信心人。佢肯大大腳都好D ....好多時一比短就好鬼危險。今鋪又出事，失左波剩係識攤大雙手賴隊友.....事實上我覺得堅尼回比佢呢下佢有足夠時間大腳踢....聯賽佢可能會咁處理....今鋪見人地低組別就想上腳玩人，結果又出醜。
失第二球.....根本上係佢自己打個波入網.....明明個波射落佢隻手.....當然甸尼包中堅位唔夠頂係一個問題....但佢由對方斬果個入黎到擋波呢下O既判斷都係錯O既。咁O既表現真係換左佢好過。
精華只係睇到D 入波....所以只能讚下幾個入波球員.....李察利臣終於等到入球....應得O既....伊禾比比球迷讚打得好....都係果句....上屆好多進攻球員要狂協防....自然影響左進攻表現.....今屆如果可以專心返去進攻.....賓納特同伊禾比....仲有施格臣禾確特同KEAN 理應可以打返好D .......至於係咪就係合乎我地球迷期望....就真係要穩定咁打多十場八場波至知。始終38場聯賽....輪換係有必要O既....
後晚作客對住有 zaha 押陣的水晶宮, 我好担心愛隊的防線
肯買龍門未
唔想再睇個腳同個腦唔協調既打正選
如果清到人，龍門 中堅 右閘都要買人
witzz 發表於 2020-9-24 12:51
如果清到人，龍門 中堅 右閘都要買人
前題係清到人，但如果清到應該不至於等到依家都無聲氣，我覺得龍門可以嘗試2號龍姐，買個丹麥龍返來齋坐係乜嘢玩法呢？對住低組別球隊都唔敢試，咁不如唔好買.....
Forever_Fan 發表於 2020-9-24 13:03
前題係清到人，但如果清到應該不至於等到依家都無聲氣，我覺得龍門可以嘗試2號龍姐，買個丹麥龍返來齋坐 ...
呢個丹麥龍又係藥煲，最近又傷左喇
24cheung 發表於 2020-9-24 13:30
呢個丹麥龍又係藥煲，最近又傷左喇
更正，佢剛剛先傷好，今埸做後備，但如果佢真係好安察唔會唔比佢出
Forever_Fan 發表於 2020-9-24 13:03
前題係清到人，但如果清到應該不至於等到依家都無聲氣，我覺得龍門可以嘗試2號龍姐，買個丹麥龍返來齋坐 ...
而家愛隊後備門將係剛續約四年的维珍尼亞