回首頁

不認命的愛華頓(27-4-2009, 轉貼)

一篇好好睇的文章 希望同各位愛迷分享

當大部分人舉起紅色的旗幟,我那鮮藍色的旗幟份外顯眼。

「你是車路士(Chelsea)球迷?」非也,我是愛華頓球迷。

「愛華頓?吓?你都好冷門喎。」

當初相識的朋友知悉我是愛華頓球迷,總有類似的對答,我只會答:「不可以嗎?」

你即管喜歡你的曼聯(Manchester United)、利物浦(Liverpool)、阿仙奴(Arsenal)、車路士、甚至紐卡素(Newcastle United)的球迷,我是獨愛愛華頓,奈我如何?正如你支持你的奧運,陳巧文想人關注藏民的權益,沒有衝突的。

為何愛華頓?

95年總決賽,愛華頓是不被看好的一隊,全場愛華頓被對手狂攻,氣都無得抖,但曼聯一個角球攻勢被解圍後,愛華頓球員快速反擊,不及兩秒,五名愛華頓球員已高速殺入(當然有帶埋個波)曼聯的後半場,那時曼聯除守門員外,只有兩名後衛「喊晒口」。

結果愛華頓一擊致命,取得當屆的足總盃,至今這幕快速的反攻仍歷歷在目,印象猶深,始終認為這是穩守突擊的典範。

由此,「我愛華頓」。

踏入英超時代初期,很可惜愛華頓淪為護級份子,由八十年代的班霸,至今成為人們口中的:「乜你咁冷門呀。」

但很幸運,愛華頓找來了莫耶斯(David Moyes)任領隊。

莫耶斯不是甚麼名帥,亦不是一下子令愛華頓起死回身,他有的是耐性及堅毅的精神,最重要是,他能激勵球員的士氣,使球員明白他們不是「臘鴨」,是一支傳統強隊,曾九奪頂級聯賽的一級球隊。

在他領軍下,愛華頓球員信心恢復,球隊沒C朗(C.Ronaldo),沒謝拉特(Gerrard),沒泰利(Terry)這些頂級球星,但整體發揮出色,上下一心。我不太喜愛的球評家黃興桂以「廢話」聞名,但他有一句話的確一矢中的:「愛華頓以呢隊波蔗渣的價錢,但係踢出燒鵝的味道。」愛華頓便是打整體戰。

莫耶斯最近掛在口中的、是要令愛華頓打破英超所謂「Big Four」的壟斷,名宿奇雲基瑾(Keegan)說打破B4很難實現,喂,你連想也不想,的確很難打破的。

看愛華頓,幾年打造,近四屆有三屆可取得歐洲賽事參賽資格,04/05年球季更曾力壓死對頭利物浦成聯賽第四名。這已證明,打破B4並非白日夢。

最難得是,莫耶斯不是一到愛華頓便講這句話,他是逐步改進球隊,到今時今日,有了基礎,他才說這句話,證明他不是空口說白話,較不少政客說的、甚麼我要做好呢份工,更具說服力。

不信?今季被愛華頓球迷選為全年最佳球員的列史葛(Lescott)、於4月份時,便以後衛身份居然攻入六、七個入球,較不少前鋒還要多,莫耶斯當時說:「作為一個頂級後衛,我要求的是一季可以取得雙位數字入球。」嘩!你好貪心喎,咁大口氣?當時不少人這樣說。

結果,聯賽最後一場賽事,列史葛射入本季的第十球。

B4不能打破嗎?愛華頓說不。這種拼勁,不認命的精神,是不少傳統日本漫畫的要素。亦是不少人心中想說、想做的事:「係呀!我偏唔信邪呀!吹咩!」

吹咩!

莫耶斯除了領軍外,球員管理也有一手。單看他近年的買賣,只可以講一句:平、靚、正。

先後成為國家隊新貴的一對中堅:列史葛、積基卡(Jagielka)買回來時,身價都只是500萬鎊及400萬鎊。再說,可謂是愛華頓隊中少有的明星球員、卡希爾(Cahill)和阿迪達(Arteta),身價更平,只是150萬鎊及200萬鎊、甚至今季非常出色的派拿(Pienaar)剛買斷,也是200萬鎊。事後看來,嘩,認真超值。

還有是,錢不多了,唯有靠青訓,近年愛華頓的青訓很成功,早期的米高波爾(Michael Ball)、謝菲斯(Jeffers)、鄧尼(Dunne)、至近年最盛名的朗尼(Rooney),都是愛華頓出品。

很可惜,便是缺錢,這批球員一成名便逼於出售,唉,幸好是近年愛華頓財政實力漸充裕,青訓如希拔(Hibbert)、奧斯文(Osman)、禾克(Vaughan)、安尼捷比(Anichebe)等都可以留隊,其中希拔及奧斯文更已成為隊中的核心成員。且,賣走朗尼,換來一筆錢,愛華頓近年的收購除上述的又平又正的球員,亦有一些以破球會紀錄買入的球員,如AJ安德魯莊臣、耶古堡(Yakubu)分別以860萬鎊及1125萬鎊購入,但他們的入球能力已證明了:買得過。

所以話,如果莫耶斯日後出自傳,我必定捧場,事實一個英超領隊,在有限的資源下,他把一支護級份子,改造成一支有能力挑戰B4的球隊,他的經驗、管理方針,絕對值得各領隊,甚至一般企業高管參考。

今屆愛華頓再打入前五名,取得來屆歐洲足協盃的參賽資格。從今屆的經驗,愛華頓始終是兵源不足,分別要打歐洲賽及本土賽事有時顯得力不從心,個別主力球員「跟到傷」,成為愛華頓下半季尾段成績滑落之主要原因。

希望今季愛華頓能再購入若干實力球員,如中場可盡快買斷文奴爾費•南迪斯(Manuel Fernandes),這名球員尾段愈打愈好,尤其是保護控球能力高,長傳落點盡確,有重拾上季借來時出色表現之勢,實足以代替年紀已大的卡斯利(Carsley)作為防守中場中心。

至於前鋒線,仍需要一位一級前鋒,始終禾漢、安尼捷比仍有待成長,同時自麥法頓(McFadden)離去後,愛華頓始乎欠缺一名技術型,能兼負「俾波」隊友的前鋒。當然,重中之重是,愛華頓你快快和莫耶斯續約,好使他專心準備明年的球季吧。


我同愛華頓的日子(11-8-2008, by Hang)

很高興自己手痕找到這討論區,瀏覽了一會,覺得大家都好珍惜這討論區,故此我亦寫一寫我同愛華頓的日子,大家分享一下。

我細個係因為鋼門Neville Southall 而開始同愛華頓走在一起,相信無人會忘記1995年足總盃,我地愛華頓係俾人完全睇淡下,贏了。夜深仍睡不了,亦跟了愛華頓。

跟著跟著,一跟就跟了十多年,玩CM都係用愛華頓,save/load大法令自己帶愛華頓入歐聯,簽下d愛華頓現實買唔到既人滿足一下。

Walter Simth帶個幾年真的差了很多,我都覺踢得太英式傳統,要改下,太多蘇格蘭人,雖然有不少不俗既球員,但係就好似改唔到英式傳統踢法。無耐David Moess 帶,好明顯見到佢好用心一步步改隊波,賣Ronney係個會個角度係好正確,其實個會真係蝕得好嚴重,玩下CM就知。

近幾年
最多謝Graven搭Carley個踢中場,俾我地04/05derby贏了Liverpool。
最失望Beattie,想踢但係同我地唔夾,對車路士發癲用頭撞人,無情情打少個。
最對辦AJ,我地係要個有創造力而唔獨食既前場。
最同情Pistone,一個好好的左閘但係比人踢得太傷。
最唔明Richard Wright,明明好地地,入左黎就成日手忙腳亂。

我都係覺得我地愛華頓要平穩發展,踢住足協盃先係一個好方向。


我的回憶 (6-3-2008, by evertonfan1986)

回憶一下自己童年睇波成長過程 .

記得細個個時學睇波, 當時好似叫英甲, 只有星期六晚無記播精華, 而足總杯8強才有直播, 自己喜愛藍色而當時見愛記打得十分好, 開始慢慢成為愛記FANS了. 當時就是86年, 令人回味的年份,愛記奪得聯賽冠軍, 而當年亦在電視見證多場經典之戰, 世界杯 巴西VS法國 , 阿根廷VS英格蘭等

而一等, 就是95年, 愛記再奪足總杯, 記得當時4強對熱刺, 無記直播時, 陳百祥買熱刺嬴, 最後愛記嬴了, 而陳百祥就要食香蕉, 哈哈!!

之後愛記亂買人, 而造成財政負擔, 成績下滑, 最後要為護級而戰 . 記得有年就在護級邊綠時, 1月份買入奇雲甘保, 最後才可保護英超位置, 真是十分危險

而莫耶斯成為領隊後, 成績開始好轉, 他買人都是實而不華, 每年用有限金錢買一些好球員回來, 慢慢成為主要球員, 而一些隊內年輕球員出頭, 亦是一個主因, 當時一個例子就是謝菲斯, 年輕前鋒, 之後賣給阿仙奴, 再之後才是RONNEY
在打法上近年慢慢成熟, 有長有短, 組織力強, 三線平圴

最後希望今年可得第四打歐聯.....


心聲 (5-3-2008, by COYB)

不只想過一次, 點解自己會愛上愛華頓呢隊波
究竟中意佢地d mud?

勁? 好早以前應該係.. 不過我自問識睇波以來, 愛華頓都唔勁 (依家算係我見過愛華頓最勁的日子)

有球星? sorry, 我唔好呢咪野.

型? 應該係了. 記得好細個果時, 無線電視果陣係有播英國足總盃的.
亦好記得某一年, 鬼整佢地的宣傳slogan 係咩咩 '紅魔鬼曼聯對藍海鷗愛華頓'

果陣我當然唔識睇波, 更唔知紅魔鬼, 藍海鷗係咩水..
不過, 叫得紅魔鬼都唔方好野喇卦, 我諗.
所以, 懷住幼小心靈的我, 潛意識梗係唔想比隻魔鬼得逞..
多得諗句slogan 的大哥, 決定左我呢世人淨係中意一隊波.

睇番資料, 果一年應該係1985年.

1985 1-0
Winners Manchester United
Runners-up Everton


可想而知, 在電視機前睇波的果位小朋友, 睇住'藍海鷗'打到最後, 竟然加時輸左比隻魔鬼. 心堶惚Y幾咁不服氣..

好喇, 神奇的事發生了, 到左第2年, 又係足總盃決賽, 又係藍海鷗 !
唔記得無線今次又有咩口號了...
(是否 '小鷓鴣對藍海鷗'?? 有無人可以話我知?? )

唔使講, 我緊係支持 '藍海鷗'啦!

1986 3-1
Winners Liverpool
Runners-up Everton


小喇叭, 又輸左!! 呢位小朋友所受的刺激太大了.
'有無搞錯呀!! 連輸兩年???! 真係型爆!!' <- 呢句應該可以代表20年前呢位小朋友內心的不忿同不滿.

就係咁, '藍海鷗'愛華頓就同天生不服輸的我在精神上二合為一. 再不分離.

在其他post 見到大家在愛華頓最低潮時期, 同球隊一齊打護級戰的種種..
真係點滴在心頭. 比如點樣在愛華頓失分後, 喜見其他護級球隊同樣失分而以致'無數', 果陣真係每贏一場波都好似天跌落黎咁.. 好開心.

自己最記得以前無互聯網無sopcast無即時比分, 無有線, 亦無now. 要第一時間知道英超球賽比分, 就要係每個週末晚上聽實收音機的 BBC Five Live 節目, 佢地會有比賽旁述. 當然唔會係場場愛華頓, 但係起碼會報比分. 每當電台揀講播愛華頓比賽, 更加會用錄音帶錄低佢.. 得閒真係會奏f出黎'聽'下入波'片段'!!

我相信呢度每個愛華頓球迷都有佢地一個與拖肥相遇到愛上拖肥的故事.
而以上呢一個, 就係我對 '如何成為一粒拖肥糖' 的故事的憶述了.

"Once Everton has touched you nothing will be the same" Alan Ball
It's so damn true!!


另一種吸引人之處 (5-11-2007, by man kin)

我其實唔係好識睇波,拖肥糖我都鐘意左兩年,初初睇波我純係對藍色波衫既球隊特別有好感. [因為我鐘意藍色 ]所以以前都有鐘意車路士,諗翻都覺得自己低低地,但係睇波時間長鷞鼤y隊認識多左,漸漸真正欣賞愛華頓呢隊波。論悅目它不及阿仙奴,論球星它不及車路士.曼聯,但係愛華頓總給人一種很難應付的感覺,它們無論逆境.順境, 在球場上的球員都會上下一心,即使有一個人失誤, 大家都不會追究,它們只會盡力補救和安慰隊友,所以很少聽到它們有不和的傳言。每次看愛華頓比賽,即使大家覺得實力有差距,它們都會令對手喘不過氣來,令對手吃盡苦頭,嬴固然開心,在球迷心目中即使這樣輸波都只會覺得可惜唔會覺得氣忿。我覺得愛華頓而經是一隊很出色的隊伍,希望以後有更多人支持拖肥糖.


悶蛋足球有罪嗎? (5-2-2007, by 賢仔)

每逢有直播波,大都是播名牌球會的比賽.理由很簡單,本地球迷很多都是名牌球會的忠實擁躉.阿仙奴水銀瀉地的組織踢法,C朗拿度,細哨的精湛腳法,粒粒皆星的車路士和皇馬,神奇隊長謝拉特,怎會不叫人看得如痴如醉呢?不過,也有一些球隊卻會打出沈穩踢法,亳不起眼,其中一隊表表者便是我的愛隊 ─ 愛華頓. 

八十年代後期那短暫光輝後,愛華頓自此在頂級聯賽浮沈十多年,不斷在護級掙扎,但莫耶斯上任後,終於也有起色,漸漸成為一隊中型班球隊.前季更奪得第四名參加歐聯外圍賽,可惜經驗不足出局,失去信心,傷患困擾,導致上季初一度成為榜尾球隊,幸最終排在中游完成球季.雖則這兩季大起大跌,但莫耶斯都是以防守為主,直到今季也沒有改變.特別是對強隊時,四五一陣式根本是不能更改.但愛華頓卻將這個陣式發揮得淋漓盡致,就以今季為例,作客對阿仙奴和利物浦,都能與對方打和.不過卻令對方領隊覺得踢法消極,賓尼迪斯更以小球會來形容愛華頓.

可是,這樣的足球真的不行嗎?一個學生,理科成績表現突出,文科卻慘不忍睹,難道那個學生會選讀文科班嗎?打麻將,某盤局的尾聲,眼看自己連雞糊也吃不到,卻知道對方等著叫筒子,難道會讓筒子給對方去吃糊而害自己輸錢嗎?正如以上例子一樣,有心無力,但卻努力不顧一切不讓對方佔了甜頭,而且死守並不只會出現“久攻不下”,也會出現“久守必失”.怎樣也好,對莫耶斯來說,戰術得到預期效果,那怕全世界都討厭他那一套踢法,得到分數才是重要,因為這兩分,很大可能是愛華頓再次重返歐洲賽之路的精神食糧.作為愛華頓球迷,也希望有朝一日愛隊能夠踢出大球會的漂亮足球,並不是想得到眾人認同,而是要重拾昔日光采.


成強列球隊必經之路 (23-10-2006, by CAHILL~~)

如題.首先我地要擺脫高q大棍的踢法,應該打多d地面進攻,左右側擊
我地要增加幾個有技術的球員~能夠hold到波,控制到比賽節奏的人~
球隊中只要阿迪達做到,但係莫生擺佢係左中場~~浪費~
重有wahton話後衛打得好高章,你覺得吾好,但係我覺得好有強列球隊的味道
重有要擺脫451的打法~強列球隊都係打442,始終442比較平均,攻守平衡
fw得aj同bt比較好d,完全吾足夠,應該買一個有名同有實力的fw
比球隊有個重心
重有一點~就係莫生吾好一領先,就退守,要繼續進攻,太過保守,
你做梗肥豬肉都得,任人食~~


對於各個球員的評價(標題後加) (16-10-2006, by 愛華士)

個人鐘意左愛華頓成二十年,見到今年愛華頓開季成績都算唔錯。但認為今年的愛華頓仍有好多要改善的地方。

後防方面︰左閘其實華倫迪會好過尼史密夫;右閘就寧願用菲臘尼維利,助攻力同經驗始終較強。而希拔本身只係做防守都勉強可以,但係講到助攻就真係無甚作為,特別係佢喜歡擺挼薵i的風格最失敗。中堅相信現在最強應該都係尤保+尼史葛。兩個都年青有活力,未來幾年相信都係最理想o既中堅組合。史杜比斯同華亞始終太老啦,速度完全欠奉。另外比士東其實都唔錯,只係成日傷,始終無乜信心。
後防最好就買多一個中堅啦,要年青、硬淨的。

中場其實就始終要睇領隊想踢四個還是五個中場啦。以宜家的發揮,五個中場係較理想o既。原因係愛華頓中場普遍身栽較輸蝕。如果只踢四個人,好難可以搶到中場。所以其實焗住要踢五個中場。防中用加斯利,係較理想o既方法。個人覺得中間用simon戴維斯+阿迪達做鋪橋搭路係唔錯o既方法。而卡希爾同雲達美迪就可以左右自由發揮+後上射門。AJ擺最前。可惜o既係唔知點解莫耶斯硬係唔會用呢個陣容。因為呢五個中場黎講,其實加斯利搶得,雲達美迪同戴維斯身栽都唔太輸蝕、阿迪達雖然都係矮,不過控球力亦較好、卡希爾又爛打。咁樣感覺上佢地唔會咁容易失波。
本身對奧士文有少少保留,佢無錯有時會有神來之筆,例如有時可以搏到罰球/ 十二碼。但真係射門把握力非常低,加上又真係太矮同單簿。有時見到佢明明推過到人,但係往往就好似腳軟咁錯失左射門機會。
中場最好就係需要引入左、右翼。

前鋒有AJ + 比亞提,其實都足夠。麥法頓踢法又幾靈活。加上幾個年青球員。
龍門候活算幾好啦,不過都嫌佢唔夠集中;另外李察胡禮其實都有一定水準。

感覺上愛華頓中場始終唔夠侵略性,特別好多時缺少左d 二十幾碼的冷箭。
今季球隊入球多左,的確令人興奮。不過可能係季初o既對手始終唔算太強 (但最近四場對手咁弱都只係得三和一負...唉),事實上開始暴露左球隊射門太少o既弱點。

雲達美迪同戴維斯都有一定級數,希望莫耶斯可以多d 用佢地。老實講...贏到利物浦同熱刺....真係令愛華頓o既fans 非常開心 (等左好多年啦真係),但係對住d 中下游球隊如果拎唔晒三分....相信要重溫前季打歐聯o既美夢都會好困難啦!
anyway, 成績唔係太重要,今年愛華頓差唔多場場有波入,整體黎講踢得較以前有進步,已經係值得我地呢d fans 高興!希望大家繼續支持愛華頓!!!


我對愛華頓既感覺 (23-9-2006, by EDDIE)

我一開始睇波既時間,我唔係咁識睇
但係個陣我係做龍門ga,所以好鍾意馬田
但係我係係馬田最後一年我先識睇波(好大可能係安裝左有線)
我個陣睇利物浦同曼聯踢波
講真,我覺得好悶
之後我再睇愛華頓
我好欣賞佢地既決心同埋唔貪功
好記得上年佢地開季連敗之後對車仔個場
嘩!!佢地幾拚命....睇得我好開心
我其實真係由個場開始真真正正叫做鍾意一隊球隊